•·.·°¯`·.·• أســنــانــيــات •·.·°¯`·.·•

[Dr~NanoOok]

المشاركة الأصلية كتبت بواسطة hadeel a مرره وحشتني دي البوابه كنت كل يوم أدخل منها .. و ماشاء الله الصوره مرره حلوه أنا مره جربت أصور البوابه بس ما طلعت الصوره واضحه و ما عد رجعت صورتها .. ربنا يسعدك dr~nanoook.. و يارب تكون دي السنه حلوه على كل الاسنانين و الاسنانيات و ربنا يوفقنا و يساعدنا و ييسرلنا..

الصورة من تصوير صحبتي ماشالله عليها
حبيت الزاوية و الألوان فيها .. صورتها وهي واقفة في زحمة السيارات وقت الدخول "^^
<< كم مره حاولت أصوّرها وما تضبط
ودايما أجي الجامعة بدري وما الحق على الزحمة والسيارة تكون واقفة بالمكان دا


آمين يارب العالمين
عندية احساس انها حتكون من أروع السنين على الجميع باذن الله
^____^

[~RAN~]

المشاركة الأصلية كتبت بواسطة dr~nanoook كيف هو حماسكم.. شعوركم.. و استعدادكم للجامعة ؟؟

والله احس اني متحمسه وخايفه بنفس الوقت

بس ان شاء الله تكون سنة خير على الجميع يارب ~

وبالنسبه للأستعدادات والله لسه ماشريت السكراب والاب كوت

بس ان شاء الله اروح اليوم الليل اشتريه
و متحمسه أكثر شئ للسكراااب



وماشاءالله عليها صحبتك
الصوره مرررررررررره حلووه وعجبتني كثير الزاويه والاضاءه خطيره ماشاءالله

[amiwa]

المشاركة الأصلية كتبت بواسطة dr~nanoook كيف هو حماسكم.. شعوركم.. و استعدادكم للجامعة ؟؟

ماشاءالله زي ما قالو البنات الصورة حقت البوابة مرة تجنن
اما بالنسبة للحماس.. والله مررررررررررررة متحمسة بقوووووووووة وماني عارفة اوصف شعوري احس الايام والساعات تبغا تقهرني بتمشي على اقللللل من مهلها
الله يصبرني
والاستعداد الحمدلله كلووو جاهز من زمان انتو بس قولو يلا
بس النوم لسة مادري حالته حاله مافي أمل يتزبط دحين

[❦D̳̿r̅ .яỗỡṃᾰɳ͋š՜✿]

المشاركة الأصلية كتبت بواسطة Dr~NanoOok كيف هو حماسكم.. شعوركم.. و استعدادكم للجامعة ؟؟

فيني حماس لدرجة ان ودي ادرس كل التخصصات الي بالجامعه

وفيني قوة علم لدرجة ان ودي اجمع كل دكاترة الجامعه واعطيهم محاضرات

وفيني حب للطب لدرجة ان ودي البس لآب كوت + سكرب واروح اشتغل من الحين في المستشفى

وفيني >>> اقول لآ يكثر
هههههههههههههههههههههههه

وربي اول مره اتحمس كدا الله يديم الحماس دآ
ويجيب نتيجة ان شاء الله يارب

[Dr~NanoOok]

حلوو الحماس ^^
ونشوفكم على خير باذن الله اول يوم

الله يوفق الجميع ويعطينا على قد نيتنا آمين

[~RAN~]

^
ياسلام اخيرا الموضوع رجع لحماسه من جديد


ماشاءالله د.نانوك كلامك ابدااع

ترااا مرره احب الكلام الي زي كذا
فاذا عندك زياده حطي هنا
طبعا اذا كنتي فاضيه وتقدري

[Dr~NanoOok]

اش معنى هذا الصيف اغلب السواقين يا شاردين او مسافرين "^^
وانواع المعاناة بدونهم :p

من جد من اطول الاجازات.. 3 شهور الا 5 ايام
وللاسف من اقلها انجازًا بالنسبالي

مررره كان نفسي اتدرب بمستشفى خلال الصيف
لكن ربي ما قدّر وهي خيره

من كتر بنات خامس يقولولنا انه خامس ضغط وتعب واتهنوووا بالاجازة ولاحقين على الشغل
ما اتحمست اني اقدم تدريب صيفي
غير انه سواقنا مسافر فما يمديني

لكن طلعت واحدة من صحباتي اسنان في كلية تانيه حتتدرب في مستشفى الحرس وحمستني اروح معاها وهي حتاخدني بسيارتها
ولما قدمت متأخر للاسف قالوا انهم اكتفوا بالعدد ودي السنة 26 متدرب جاهم ويعتبر عدد مره كبير

ودايمًا بنهاية الاجازة تطلعلنا اشياء ومشاغل وحاجات مو متوقعة "^^
الحمدلله وربي يسهل

------

ران ياعسل
ولا يهمك حشارككم "فضفضاتي" هنا ^_^


------

رووش
هذا موضوع يوميات وكل شي بالحياة
تقدري تكتبي فيه اللي تبغيه
حتى اننا كل شوية بنتكلم في شي ونغير مجرى الموضوع تمااما :)

[almr7r7]

هذا موضوع يوميات وكل شي بالحياة

برب قريتي العزيزة ...........باك جدة والنت وكل شي بالحياة

[almr7r7]

ما شاء الله تبارك الله

الجميع ينظر لبداية السنة بنظرة تفائلية وهذا جميل جدا للبداية

والأهم من ذلك عقد العزيمة والأصرار من أول يوم الى نهاية السنة

بالنسبة لصورة البوابة على عدد المرات اللي دخلت منها كأني أول مره أشوفها خخخخخخخخخ

مدري العتب على النظر ولا ماني ملاحظ جمال البوابة

عموما أتمنى الموضوع ما يكبر ونفتح موضوع تعليقات على الصورة


وبالتوفيق للجميع في الدراسة وسنة موفقة

[Glamor Mada]

انا الحمدلله مستعد نفسيا وإن شاء الله اكون مختلف هذي السنه وارفع المعدل شويا .. ولو انه صعب بس إن شاء الله اقدر