ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

دائماً كل شيء بأوله صعب .. ويصعب على النفس تقبله
وتعاني من فرض هذا الأمر عليهاااا ..
وتحاول ملياً ان تخرج من داخل اسوار هذا الضيق والعنا الذي فرضا عليهااا
الغيـــاب مثلاً .. ولا اقصد بغياب اي احد عن احد ..!
بل غياب الحبيب عن المحب ..
حينما يفرض الحبيب غيابه على المحب بحجة ظروف تمنعه ..
وقتها سيحاول المحب ان يتماشى مع الوضع المفروض عليه ..
فيبدأ بالسيطره على مشاعرهـ عن طريق : الضحك ، اللعب ، ممارسة الهوايات ..الخ
ولكن ...
ستبوء جمييييييييييع محاولاته بالفشل الذريع ..
لانه يحاول يضغط على نفسه المسكينه التي لاتعلم ممن تتلقى الضغوط أمنه هو ؟ أم من حبيبه ؟
وحينما تفشل الطريقه الأولى ..
يبدأ يدرب نفسه على الصبر .. وقوة التحمل .. والاراده ..
ويوم بعد يوم يحاول ان يمسك زمام قلبه .. ويقود نفسه لمحطة الانتظار ..
راجي ظهور قمرهـ وبزوغه ليلة تمامه ..
ومع الايام ... يتكيف ..!
وفجأهـ ..
يظهر قمرهـ ويمر بقربه ، ويلقي عليه التحيه والسلام ..
ويذهب ..!
ماذا سيحدث للمسكين القابع في محطة الانتظار ؟
ماذا سيحل بقلبه الصابر ، مُسَلِم الأمر ؟؟
هل سيعود لتلك المحطه بعد ان رءآه ؟
ام
سيجري لملاقاة حبيبه ؟
او
يحاول ان يتماسك ؟
لانه يعلم ان هذا الظهور ماهو الا للإطمئنان عليه ، ثم العودهـ مرهـ اخرى لمسلسل الغياب ...!

[سكون الورد k.a.u]

..................0039

هذا رقم دولي ، بحثت عن مفتاحه طلع لـ (إيطاليا) ...!
يعني قلت : وش السالفه ؟ وش بلاهم الاوروبيين متصلين علي ؟؟ هههههههههههههه
اذا هم من قوم آيفون .. عز الله ان صوري عندهم واتصلوا يبوني اوقع على احداهن وارسلها لهم ...هع هع
لان مالها تفسير الا كذاااا .. هههههههههههه >> لحد يقول لا !
الرقم ممتحني له 4 ايااااام ، والحين اكتب وهو يتصل وانا مابي ارد ؟؟

:

اتذكر ،، احد الاعضاء لما كنا نتكلم بأحد المواضيع عن آيفون ..
قلت له : ان الصور تنرسل للشركه وكل بياناتك بعد عندهم منها نسخه ، والكـآم ختييييييرهـ جداً
قال لي : مايبي يعجبون فيه البنااات هناك ..! خخخخخ
ارجع ءأكد له الكلام هذا صحيح وكلن يقوله .. وهذا هم يتصلون علي الآن .. هههههههههههههه
>> تأثير المذاكرهـ لااحد يلومهاااا هع هع

[سكون الورد k.a.u]

اشتقت للســـاحه ولنقاشاتنا الحــادهـ ..
ووجهاااات نظرنا المعااااكسه ..
وتوافقنا ، واختلافاتنا ..
ومنازعاتنا ..
الســـاحه حبيبة قلــــــــبي من جــــد ،،، لاني ألقى نفسي هناااااك بقوووهـ ..
ان شاء الله راااااجعين يالساااااحه بعد الاختبارات بحول الله وقوته ..

[سكون الورد k.a.u]

عندما شعر آدم بـ الوحدهـ ..
لم يخلق الله له : عشرة أصدقـاء .. !
بل خلق له إمرأهـ واحـــــــدهـ .. !
:
:
(واحـــده) ياابناء آدم ..
(واحـــده) ياملاعين الجدف ..
(واحـــده) بلاااا ب شكلكم ..
(واحـــده) عمى بعينكم ..

:

:

:

{سعوديه تنصح زوجهااا}

هههههههههههههههههههههه من جد تعرفين تنصحين ياقمر هههههههههههه
نَفسي اعرف انصح مثلهااااا هع ..هع

[سكون الورد k.a.u]

وصلنا 1433 هـ
ولازال الشعب السعودي يتكلم بالمقلوووب ..
الواحد لاتحمس قال لأبوه : يااااخوووي افهمني ... !
ويقول لأخوه : يابوي خلني افهمك السالفه .. !!
ويقول لولده : كفووو يابووي *nerd*

ولكن :: مبـ هنا المشكله ... ؟
المشكله ان الأم تقول لولدهاااا : جيت يمه ؟؟؟
هههههههههههههههههههههههههه

من جد عااااد العائله وينها بالضبط ؟؟ ترى ضيعت !

[سكون الورد k.a.u]

المشاركة الأصلية كتبت بواسطة ..huda hamad هههههههههههههههههههههههه .. لآ تكفين وردة ,, بسم الله عليكِ ,, خليكِ بعيدة عن إسلوبهآ ..

هههههههههههههههه ياقلبي انت ِ ، بس مدري ليه عندي رغبه بذلك ههههههههههههههههه
بس عاد طلبك ع العين ، وغاليه والطلب رخيص ... مارآآح اصير بأسلوبها

[سكون الورد k.a.u]

المذاكرهـ اتعبتني بالحيييييييييل ..
والمشكله عندي اول يوم مادتين ، وراح اوصل جده قبل الاختبار بيومين ان شاء الله ..
والمصيبه ان رحلتي متأخرهـ تالي الليل ... يعني مرررررررهـ مايمديني استقر نفسياً واستعد للإختبارات ..
الله يعيني ويساعدني ..

[سكون الورد k.a.u]

"هنـــــــــــــا جـــــــدة "

نورت سماء جدهـ معلنه وصولي لها في تمام الساعه 2:00 ص ...

والله يحيني ، والساعه المباركه اللي وطيت بها ارض جدهـ ...
وياهلااااا ومسهلااااا فيني ، واسفرت وانورت ، واستهلت وامطرت ...

>> ههههههههههههه ترحب بنفسها ^.^

[سكون الورد k.a.u]

آنسه / طآيرهـ ...
تأخرت البارح وبسبتها تأخرت الرحله ...
المفروض ان الاقلاع يكون في تمام الساعه : 11:30 م ، لكن شاء الله وتأخرت الرحله ولا اقلعت الا متأخر ..
وطبعاً المسافه الزمنيه : من القصيم الى جده تستغرق " 1:25 " دقيقه ..

دائماً كان ابوي يوديني لجدهـ ويستقبلنا اخوي / فيصل ..
لكن هالمرهـ تغير الحال .. لان اخوي فيصل عندهـ دورة ضباط بالشرقيه ..

لذلك انا كنت أسأل ابوي .. : يبه منهو اللي بيستقبلنا في جده وفيصل موبـ هناك (من غير شر) ؟
قال : ماعليتس الامر محلول وبه من يستقبلنا .. !
مااهتميت للموضوع وكان كل همي ان الطآيرهـ تجي ويتم الاعلان استعداداً لصعود الطآيره لاني مااحب الانتظار ابدااااا

وفجأهـ جآت عجوز كبيرهـ بالحيييل (ياقلبي عليها قطعت قلبي) ، ومعها شايبهاااا (وهو اكبر منها وطاعن بالسن)
اجلسوا عندي انا وابوي ..
اقعدت العجوز يَمي وكان قلبها بيوقف من سرعة ضرباته لدرجة انه عملية الشهيق والزفير واضحه على عباتها (ترتفع وتهبط) ..
وجهة لي كلام مافهمته ، وقلت لها : عفواً ياجَده ، مافهمت وش تبين ؟ انت ِ جنوبيه ؟
قالت : ايه ..
قلت : طيب عيدي اللي تبينه بس بكلام عادي علشان افهمه
>> صاااادق عالي مستواهـ ياخي والله كلامكم صعب بالحيل ويبيله "ترجمان" ومَ يفهمه الا اهل الجنوب انفسهم
>> احلى تحيه للجنـــــــــــــوب واهلـــــــــه الطيبين .. والطبيعه الخلابه اللي عندهم " فديتها "
>> اقوول تلاااااايطي وكملي السالفه خخخخخخخخخخ

[سكون الورد k.a.u]

عادت الجَده كلامها ، وقالت : قلبي يوجعني من النَفس وانا مااحب السير وطلعت مع الدرج ،
علشان كذا احس اني ابي اموت (بسم الله عليها ، والله حبيتها)
قلت : طيب لاتسندي ظهرك للكرسي واجلسي زي كذا .. وجَلَست انا الجلسه اللي قلتها لها علشان تطبقها مثلي ..
وفعلاً سوتها وقلت لها حطي يدك الثنتين على خصرك واسحبي نَفس من خَشمك وازفريه من فمك
وبشويش ، بشويش ، بشويش ..
وخليتها تنفخ على ابهامها علشان يستعيد القلب ضرباته بإعتدال وتـَوَسط ..
والحمد لله زان نَفَسها وارتاحت ..
قامت امسكت يدي ودعت لي ...
وقالت : ولدي عسكري البارح دفناه بالقصيم وراجعين للجنوب ..
وقامت تبكي ...
وتبكي ... بحررررررقة (الله يرحم ولدها رحمه واسعه ويغفر له ويوَسع مدخله
حسيت انها تعبانه بالحيل ولازم تتكلم عن الموقف علشان ترتاح نفسياً
>> بداااا التخصص يتدخل
قلت لها : وشلون مات ؟
قالت : كان جالس في بيته وزوجته وبنته معه ..
وقال لزوجته : روحي سوي لي شاي بحليب
راحت زوجته تسويله ، ولما رجعت لقته كاتب الديون اللي عليه بورقه ، وروحه اصعدت للي خلقهااااااااااااااااااا
رحمة الله عليه كل مااطلعت الشمس وغابت
زوجته من الصدمه مااعرفت وش تسوي .. اجلست قدامه وحركته وتناديه وتهزه ولا يتحرك ولا يصد ولا يرد
البنت وعمرها : 12 سنه .. اتصلت على جدها وقالت له : ابوي مايتكلم ولا يتحرك مدري وش فيه ؟
اناديه مايرد علي ؟ وهو كان يرد علي بس الحين لا ؟ ياجَدي ابوي ليش نايم بس مايقوم ؟
تقول الجَده : لما قالت البنت كذا قلت لزوجي : اطلب امها وكلمها ، وفعلاً الام (الزوجه) قالت : فلان مات
الجَده والجَد انزلت عليهم السكينه وربط الله على قلوبهم قبل يسمعون الخبر وتقول مردفه :
قلت : حسبي الله ونعم الوكيل ، انا لله وانا إليه راجعون
قال الشايب (الجَد) : ربي اجرني في مصيبتي واخلفني خيراً منهااااا

تقطع قلبي عليهم ، واتعبني بكاءها ، والله انها تشهم شهيم وانها تتلاقط انفاسها ملاقط ، والشايب لما سمعها تعد لي القصه قام يبكي ، ويمسح دموعه بشماغه ، والله يالربع ان دموعه تنزل على لحيته بسرعه هائله من شدة الحزن والأسى

قلت لابوي : يبه طلبتك يبه .. تكفى لاتردني ..
قال : خير ان شاء الله وش تبين ..
قلت : يبه انت شايف الشايب تراه اكبر من جدتي .. ترااا ولده ماااات وابي اخليهم يتكلمون واريحهم نفسياً
هو وزوجته لايموتون من الحسره يايبه ، تكفى يبه لاترفض ..
قال : طيب مايخالف
المهم تكلمت انا مع الجَده ورفعت صوتي نسبياً علشان يسمع الجَد هو يمها جالس مع الجال الثاني ..
وجلست اتكلم واذكرهم بالدين وانه امر الله نافذ ، ولا راد لقضاءه .. وانه وانه ..
وعلمتهم بأجر المحتسبين والمُسَلمين لأمر الله .. وقلت كلام يعلم الله عزوجل ماادور من وراه الا تصبير هذولي المصابين ..
أسأل الله لهم الصبر والسكينه والسلوان
والحمد لله عَرفت شلون املك زمام قلوبهم واتكلم وأسألهم ويجاوبوني ، إلين هَدَت أنفسهم ، واستقرت ، وارتاحوا

الطريف بالموضوع ..
ابوي (الله يطول بعمره ويغفر له هو وامي وآباءكم وأمهاتكم والمسلمين) ، أثناء كلامي مع الجَد والجَده ..
كل ماجا احد يبي يجلس بمحيط جلستنا وانه ممكن يسمع صوتي ، يقوله : ممكن تشوف لك مكان غير هالمكان تجلس به ؟
هههههههههه وكأنه مطاره ههههههههههههههههههههه
>> ابوي غيوووور واخواني بالحيييييييييل ، ولولا انه حزن عليهم ولولا اني قلت لابوي احاديث وآيات تحننه وتخليه يوافق انه يخليني اسَمع الشايب كلامي ، عز الله ماوافق ..

.. يتبع