فتح التقديم على الدبلوم التربوي في جامعة الملك عبد العزيز+ تجمع للمتقدمين

[غيم تايه]

المشاركة الأصلية كتبت بواسطة ام معاذذ هو نطبق من اول السنه لو قبلنا

المشاركة الأصلية كتبت بواسطة #روووح# التطبيق ف الفصل الدراسي الثاني

هذا الحاصل فيما مضى الفصل الثاني ..

المشاركة الأصلية كتبت بواسطة #روووح# عندي استفسار بخصوص الأسابيع الدراسيه لو اعطونا الأسابيع الدراسيه للأعوام الماضيه.. و هل هي نفس الاسابيع الدراسيه للمدارس؟ ؟؟ شايله هم القبول ف الايفاد الداخلي ولو ما انقبلت وراح اقدم اسنثنائي حابه اعرف الفترات عشان اضبط وضعي اخلي طلب الاستثنائي شهرين ف1 شهرين ف2... عشان ما يروح عليا راتب السنه بالكامل... استفساري الثاني لو احد عنده خبرة الان لو انقبلت في التربوي وبرضه قدمت فالماستر وانقبلت.. ما راح يعطوني اجازة للماستر لأني اكون اخذت قبلها اجازة للدبلوم...لانه من شروطهم انه بعد ما تاخذي اجازة لازم تقضي نفس مدة الاجازة في وظيفتك... صح كلامي والا ممكن انه اخذ اجازة للماستر لو انقبلت ؟؟؟؟

* الدراسة وفقا للجامعة ونفس فتراتها سواء في مواعيد الاختبارات .. وطبعا الجامعة تقريبا موافقه لفترة التعليم العام إلا انه فيها اسبوع حذف واضافة ومثل ذلك .
* الدبلوم التربوي ما فيه لا حذف ولا اضافة لكن فيه رسوب واللي يرسب يدرس في الصيفي، وهذا اللي حصل مع زملائنا .
*ان شاء الله يترتب وضعك ، سواء ايفاد او اجازة استثنائية.
* إذا انقبلتي في التربوي خلي في بالك إذا فتح الماستر في شهر صفر 1438هـ لا يحق لك التقديم عليه لأنك مسجلة في الجامعة وبعد ما تتخرجي بيكون التقديم في سنة 1439هـ وإذا تم القبول
تكون الدراسة عام 1440هـ اتمنى وضحت الصورة .
* الاجازات الاستثنائية تحددها المادة عشرون من لائحة الاجازات، وتم ارفاقها.

موفقه يارب""

المشاركة الأصلية كتبت بواسطة ورد الورود حاله الطلب - الطلب الان فى حيازة موظف العمادة لتدقيقه - يارب ياكريم يكتب لي ولكم القبول يااااارب

الله يوفقك ويبشرك بما يسر خاطرك.. وإذا تم القبول مستقبلا واحتجتي اي شيء بحوث او عروض ولا يهمك ..

بالتوفيق""

[ورد الورود]

المشاركة الأصلية كتبت بواسطة غيم تايه الله يوفقك ويبشرك بما يسر خاطرك.. وإذا تم القبول مستقبلا واحتجتي اي شيء بحوث او عروض ولا يهمك .. بالتوفيق""

الله يسمع منك الله يسعدك ماتقصر الله يوفقك

🌸

[#روووح#]

ممتاز.. الله يعطيك العافية ويجزاك خير.. وبالنسبه لسؤالي عن انه لازم يقضي الموظف نفس الفترة في وظيفته... كنت فاهمتها خطاء.. المقصود فيها انه مثلا لو انا ادرس ماستر وخلصته ما اروح على طول اصير محاضرة او اترك وظيفتي واروح لوظيفة ثانية... لازم ابقى في وظيفتي نفس المدة اللي أخذت فيها اجازة...


كل الشكر لتعاونك وعطائك.. وبالتوفيق للجميع. .

[حنونتك]

بنات صحيح انه التربوي فيه مقابلة شخصية ؟
يعني بعد القبول ان شاءالله يرسلو انه فيه مقابلة شخصية ؟
او لا ؟؟

[غيم تايه]

المشاركة الأصلية كتبت بواسطة حنونتك بنات صحيح انه التربوي فيه مقابلة شخصية ؟ يعني بعد القبول ان شاءالله يرسلو انه فيه مقابلة شخصية ؟ او لا ؟؟

بالرغم ان سؤالك موجه للبنات لكن افيدك بان هذا الشيء موجود في جامعة الملك فيصل معدل ومقابلة شخصية
جامعة عبدالعزيز ما فيها هذا الشيء موضحين اليتهم :

http://graduatestudies.kau.edu.sa/co...=AR&cid=206224

اختبار القدرات العامة والمعدل .. وايامنا ايضا ما كان فيه مقابلة شخصية فأي احد بيفيدك انه فيه مقابلة يكون رجماً بالغيب ..

أي مجرد توقع .. بالتوفيق"""

[حنونتك]

غيم تايه اعتذر مانتبهت انه رجال

يعطيك العافية على جهودك جد ساعدتني كثير ربي يسعدك

[الجازززي]

تم تدقيق طلبك وهو مستوفي للشروط وعليك انتظار نتيجة الفرز المبدئي

^^جاتني هذي الرساله ؟!

[ورد الورود]

المشاركة الأصلية كتبت بواسطة الجازززي تم تدقيق طلبك وهو مستوفي للشروط وعليك انتظار نتيجة الفرز المبدئي ^^جاتني هذي الرساله ؟!

ماشاء الله جاتك بمسج ع الجوال او في الايميل
او في نفس الموقع ياعسل
موفقه

[متقدمة للدبلوم التربوي]

السلام علكيم ورحمة الله وبركاته ، وأسعد الله أوقاتكم بكل خير
لقد قمت بطلب التسجيل في الدبلوم التربوي ، وعند الوصول لصفحة الرغبات لم تظهر لي الرغبات بالرغم من اكتمال البيانات ، الا انني أعتقد بأن درجة اختبار القياس والتي لم أستطع تحديدها لكونها ثابتة لا تتغير ، وعند متابعة الطلب وجدت أن طلبي مقبول وما في معناه تحت الفرز أو المراجعة ، ولكني لم أستطع اكمال الطلب ، فهل الأمر طبيعي بحيث أنهم سوف يخبروني بعد تأكدهم من درجة القباس أو أن هناك ملاحظات لا أعلمها وبرجاء التكرم بايضاحها لمن يعلم ، وتقبلوا تحياتي وتقديري

[غيم تايه]

المشاركة الأصلية كتبت بواسطة متقدمة للدبلوم التربوي السلام علكيم ورحمة الله وبركاته ، وأسعد الله أوقاتكم بكل خير لقد قمت بطلب التسجيل في الدبلوم التربوي ، وعند الوصول لصفحة الرغبات لم تظهر لي الرغبات بالرغم من اكتمال البيانات ، الا انني أعتقد بأن درجة اختبار القياس والتي لم أستطع تحديدها لكونها ثابتة لا تتغير ، وعند متابعة الطلب وجدت أن طلبي مقبول وما في معناه تحت الفرز أو المراجعة ، ولكني لم أستطع اكمال الطلب ، فهل الأمر طبيعي بحيث أنهم سوف يخبروني بعد تأكدهم من درجة القباس أو أن هناك ملاحظات لا أعلمها وبرجاء التكرم بايضاحها لمن يعلم ، وتقبلوا تحياتي وتقديري

وعليكم السلام ورحمة الله وبركاته..

صفحة الرغبات تظهر فيها دبلوم تربوي .. هل قمتٍ بإرفاق الوثائق؟ واجريتي عملية تأكيد الطلب؟ وهل وصلتك رسالة بأنه تم قبول طلبك على الايميل او الجوال؟
إذا جميع الاسئلة نعم فالوضع سليم وإذا فيه نقص فالوضع مريب كل اللي عليك ترسلي لهم استفسار موجود في الموقع .. او اي احد يدخل يشوف طلبك مكتمل ولا لا ..

ودرجة القياس المطلوبة ( 65 ) إذا اقل من ذلك فمعناها الوضع عندك غير سليم .. وياليت تخبرينا باللي صار معك ..

موفقه بإذن الله""