(1)تجاربنا*الأستاذات* المواد*النظام.. (طآلبآت انتظآمـ)..,,

[Reem-]

السلام عليكم ..
يعطيكم العافيه يابنات ..
أبغى استفسر عن الدراما
اللي اخذو مع مس شادن كيف درجاتكم .. ومع مس ابتسام ؟
.. والريسيرش مين أفضل استاذه ؟
بنات مس نسرين الحربي كيف درجاتكم

[حنين الود]

المشاركة الأصلية كتبت بواسطة reem- السلام عليكم .. يعطيكم العافيه يابنات .. أبغى استفسر عن الدراما اللي اخذو مع مس شادن كيف درجاتكم .. ومع مس ابتسام ؟ .. والريسيرش مين أفضل استاذه ؟ بنات مس نسرين الحربي كيف درجاتكم

الريسيرتش مع ابتسام لو انتي بتشتغلي بذمه اختباراتها من خمسه اوراق تجيبها وتحددلك في الكتاب تعداد بسييييييط ويجي الاختبار منها البربوزال تعطيكي فرصه تصححيه تطلب منك كارتز تكتبي فيها الاقتباسات وبسسس




يـــاليـــت يابنات تبدأو كل وحده تكتب خبرتها في 3 أو 4 مواد وبعدين تبدأ تستفسر عن المواد لأنو الموضوع بدأ بطريقه مو حلوه الكل بيسأل و2 أو 3 هما الي بيردوا .. فعشان تتوقف المهزله ياليت كل وحده قبل ماتستفسر تعطي البنات كم معلومه مفيده بعدين تستفسر وبكدا نكون بعيدين عن الأنانيه .. وتجبر كل بنت انها تكون معطائه مقابل المعلومات الي تبغاها .. ولاتنسوا كله بأجره ..

[بسوم]

حنين بالله لا تنصحي البنات ياخذو مع إبتسام ..

وربي إني تعبت وربي إني إشتغلت وربي إني عملت بحث ..وشغل يدي .. ونتاج عقلي وقالت مو شغلك ..

وبالنهايه رسبت .. مع إني وأقسم بالله كان شغلي وتعبت ..

معليش لا تنصحيهم ياخذون معها ..

خذوو مع إيمااان باسلااااااااامة نصيحه لوجه الله .. وإسألوا غرور بعد وزينه إذا تبغون تعرفون هالآدمية بجد ..
وإسألوا Brilliant shores
مسكينه هي بعد شالت المادة ..وخذتها الترم هذا مع إيمان باسلامه ومشيت معاها ..

أنا غامرت وخذيت معها مع إنهم نصحوني قلت خليني أجرب وياااليتني ما جربت ..
معليش بس إبتسام مي أمينه معانا ..

[Brilliant Shores]

حنين الود ،،، بصـــــــرااحة لو انها انسانة بيرفكت ماكان لقيتي الكم الهائل من البنات اللي بيرسبو عندها

انا رجعت نزلتها الترم هذا مع ايمان باسلامة نص الكلاااس لا حظته كان من اللي حملو المادة مع ابتسام

وبعدين المفرووض انها تراعي البنات مو ترسبهم لأنه هذي ماهي معاملة انها ترسبهم وعلى فكرة درجاتي كانت في

كانت في الاختبارات حلوة ما نقصت كثير واتوقعت انه على الاقل تنجحني مو تطيحني في المادة يا جمـاااعة وين ا

احنا أغلبية البناااااات بيشتكو منها وما سمعت احد يمدحهاغيرك ولا تحاولي تقنعيني بشي ثاااني ،،،،

وغير كذا تقولي لي ما اشتغلنا طوول الترم واحنا بس مشغولين بهالبحث وطلباااتها اللي ما تخلص

وفي النهاية إف الله >> ما ودي اكملها وخليها على ربنا >> الحمدلله على كل حاال

واختلاف الرأي لا يفسد للود قضية وهذا رأيي ورأي الاغلبية

[Brilliant Shores]

فعلا على قوولك ربنا يعوض علينا إن شاء الله وماراح نلومك لأنه كل من له وجهة نظرهـ


وبالتوفــــييق جميعــــا،،،

[Amoona]

احسن استاذة بالمودرن... مييييييييييييييييييييين؟؟؟

[يسوم طالبة عنجليزي]

المشاركة الأصلية كتبت بواسطة amoona احسن استاذة بالمودرن... مييييييييييييييييييييين؟؟؟

>>> د.ليلي زيان الشرقي

[دلوعة SaRaB]

phonetics & morphology نزلتها السمستر دا مع مس/ منى البلوي, phonetics من الساعة 2-3 s.m.w اول الشي المادة مو ذيك الصعوبة بالعكس قليلة وسهلة المهم مس منى اخلاق وذوق وهدوء بس المشكله انها مضيعة لاخر درجة اول شي قالت بعطيكم بونس والكل عاد طار من الفرحة شوي الاستاذة ضاعت وضيعتنا معاها محنا عارفين وشلون حسبت الدرجات الاختبار الاول حسبته من 30 وهو المفروض من 20 بس عشرة بونس والاختبار الثاني من 25 20 اساس وخمسة بونس والثالث من 30 وزي الاول حسبته المهم في النهاية بتطلع من ستين هي بتقسمها بتجمعها بتطرحها ماتعرفي ايش بتسوي بالضبط فيها يوم جينا سالناها وشلون بتحسبيها ضيعتنا بجد وبالعكس حسينا انه نقصنا اكثر من انه زدنا. الشي الثاني المفروض علينا اربع شابترات اول وثاني شابتر درسناه من كتاب اسمه فونتكس وثالث شابتر درسناه من كتاب ثاني طلبته مننا وبعد ماخلصت شرح الباب وقبل الدوري الثاني بيومين بس الغت الشابتر اللي شرحته وقالت سيبوكم من ذا الكتاب وارجعوا للكتاب الاول وشرحتلنا منه الشابتر الثالث بيوم واحد بس وكان بعده بيومين الاختبار يعني ضيعنا وقتنا بس ع الكتاب الثاني ومااستفدنا وبالتاكيد الكل جاب العيد بالاختبار لانه اصلا مافهمنا شيالاختبارات كلها اختياري مو سهلة مره ولا صعبة مره بس قليلة تحس درجاتك تضيع لو غلطتي بسوال واحد.. المورفولجي نفس الحكاية واللخبطه..
المهم الاستاذه ابدا مااتكلم باخلاقها وذوقها بالعكس كل ماشافتني تسلم او تبتسم لي ع الاقل بس هي شرحها يضيعك ع الاخر بتفهمي بالبداية وبتضيع بعدين..
الحين انا خارجه ولي عوده واكملكم تجاربي (دراما مع شادن)

[Jasmine Al-Qahtani]

السلآم عليكم ورحمة الله وبركاته

Fiction	أ.ايمان حمزة	المنهج ثلاث روايات وهي Wuthering Heights & Scarlet Letter & Puddin' Head Wilson	اختباراتها اثنين كل واحد 20 درجة الاختبار الاول 10 صح وخطأ وثلاثة اسئلة ايساي تختاري منها اثنين وكل واحد عليه 5 واختبارها الثاني اربعة اسئلة ايساي تختاري منها اثنين وكل واحد عليه 10 وكمان فيه 2 برزنتيشنز تسويها على روايتين من اللي بندرسها واخر الترم في بحث عليه 10 درجات وبرزنتيشن عالبحث عليه 5 درجات طبعا تنحسبن درجته مع الاثنين اللي قبل	الاستاذة رائعة وتحسينها تحب المادة وهذا اهم شي يخليها تشرح من قلب والكلاس ممتع جدً اذا انك قرأتي في البيت وجيتي الكلاس محضّرة لانو في الكلاس حيكون برزنتيشنز بالدور عالبنات كل وحده تمسك شابتر وبعد ما تسوي البرزنتيشن تناقشها الاستاذة وتعرفي الاشياء المهمة وتسجليها ركزي مع كلام الاستاذة وافهميه لا تكوني مجرد الة كاتبة بحكيكم من تجربة .. الحضور مرة مهم معاها مع انها ما بتحضّر بس مررة تعرف ماشاء الله من حضر ومن لا وكمان اصلا لو فاتتك المحاضرة اعرفي انو كلام الاستاذة مهم جدا وماراح تلاقيه بسهولة بالمواقع وحتشتتي نفسك تذاكري من المواقع اشياء هي ما ركزت عليها .. فانتبهو للحضوور واصلن الكلاس ممتع حاولو تتقبلو المادة وتاخدوها reading 4 pleasure اكثر من انها محاضرة تعليمية .. البرزنتيشنز البنات كانو بيغيبو ويضيعو فرصة 5 علامات تجيبك بسبب خوفهم او لامبالاتهم .. الاستاذة تساعد وتحاول انها تعطينا هالكم درجة عبر البرزنتيشن فليه نضيعها من يدينا
Semantics	د. منال التاودي	المنهج كتاب سيمانتكس نفس اللي تدرسه د. افنان فطاني	اختباراتها 3 من 20 وترا تكرر اسئلة الاترام الماضية يعني حاولو تعرفو وش جابت للي قبلكم انا ما كنت ادري الا قبل الاختبار اشياء بسيطة فتمنيت اني اعرف احد من قبل	لازم تحضري عشان تأشري وتعرفي وش ركزت عليه وهي انسانه خلوقه وما تتدخل بالبنات اهم شي الحضور
Sociolinguistics	د. عزيزة العيسى	المنهج كتا مصور خاص فيها وسلايدات تشرح منها	اختباراتها ثلاثة اثنين من 15 وواحد من 20 وفيه بحث عليه 10 واظن البرزنتيشن عليه 3 درجات من الـ10	دكتورة رااقية جدا والتعامل معاها ولا اروع .. شرحها حلو ونقاشها بالكلاس كمان حلو والاهم انها تشرح من السلايدات فانتي من الحين اطبعي السلايدات واحضري الكلاس وهي معاك واشري عليها شرح الاستاذة بكذا ماراح تحتاجي الكتاب وللاسف ما اكتشفت هالطريقة الا متأخر وبالنسبة للاسئلة فهي كررت لنا اسئلة الترم اللي راح تجيب صفحه صح وخطأ وصفحة سؤالين ايساي او ثلاثة وتختاري منها وحاولو تاخذو من موضوع السوسيو هنا في المنتدى اسئلة الايساي اللي جاتنا وبالنسبة للبحث فهو تختاري ظاهر لغوية وتناقشيها تصدقو انو توني اعرف انو الكتابة بالاحرف الانجليزية كلام عربي زي كذا a3ref هو ظاهرة بدأتها وحده اردنية وسمتها "عربيزي" المهم انو وقت برزنتيشنز البنات على بحوثهم حيكون وقت ممتع تشوفو فيه الظواهر اللي راقبوها عن اللغه
French	أ. عبير العامري	منهجها كتاب الفرنسي اللي فيه عصفورة>>اهم شي ;)	اختباراتها اثنين من 25 واختبار اورال عليه 5 وريدنج عليه 5	الكلاس حلو هي اسلوبها وترتيبها في المادة ما يعقدها ابدا لان الفرنسي لي اترام أأجله والحمدلله طبيت فيها وكانت روعه تقسم السبوره وتكتب النيو فوكابلري يعني عرفت وش الاشياء اللي تتذاكر في الفرنسي وايضا القرمر مرة سهل معاها شرحها سلس مو معقد وتكثر تمارين عالقرمر في السبوره ..وتكثر اسئلة الاختبارين الدوريين عشان تتوزع العلامات على ارباع وانصاص والنهائي جابت اشياء سهلة .. الله يسعدها

[! YuZu !]

مرحبًا جميعًا ~!
سأضعُ تجربتي لهذا الفصل الدراسي، ومن أراد أن يسأل شيئًا فأنا على أتم الاستعداد للإجابة ~!

1 .. النقد الأدبي ~!
أ/ سهام فطاني!
اختبارين دوريين، كلٌ من 30 درجة ~!
المنهج عبارة عن ثمانية نقّاد - حذفت أحدهم في النهائي لأنه لم يكن هناك وقتٌ لدراسته -!
هناكَ كتابٌ ضخم، به كتاب كل ناقد من هؤلاء النقاد، وهناكَ أيضًا ملزمة صغيرة بها شرح الأستاذة، التي تعرضها على الطالبات أثناء المحاضرات على هيئة شرائح!
سمعتُ كثيرًا عن هذه المادة قبل أن آخذها، بأن الأستاذة لا تصحح الأوراق، وأنها تعتمد على من تعرف ومن لا تعرف!
وهذا ليس بصحيحٍ بتاتًا!
الأستاذة شرحها رائعٌ للغاية، صحيحٌ أنها تدخل - أحيانًا - أمورًا غير متوقعة في الشرح، لكن هذا يجعل المحاضرة أكثر متعة! تقوم بداية بشرح الشرائح الخاصة بالنقاد، ثم تقوم بعدها بقراءة الكتاب الخاص به لتحدد أهم النقاط فيه، وهكذا دواليك!
الأسئلة معها كانت مقالية، ونوعًا ما مكررة، لكنها لم تكرر أسئلة شعبة لشعبة أخرى ولم تكرر أسئلة الفصل الماضي!
اكتشفتُ شيئًا معها، إنها لا تحبُ أن ترى الإجابات معتمدة فقط على الشرائح التي صنعتها لتسهل علينا، تريد أن ترى دليلًا واضحًا أن الطالبة قد قرأت الكتاب وقد فهمت المراد من السؤال، ويا حبذا لو تدعّم كلامها بأمثلة، فبهذا ستحصل على درجة جيدة للغاية!
لا تهتم بتاتًا بالحضور والغياب، رغم أنها بالتأكيد تعرف من يحضر ومن يتغيب، لكني أنصح من واقع تجربة بالحضور المستمر، فوالله ستستفيدون الكثير الكثير، لأن المادة دسمة ومفرداتها صعبة، فلو حضرتم سيسهل الأمر عليكم ~!

~*~*~*~*~*~*~*~*~*~*~

2 .. التدريب العملي 1 ~!
أ/ إيمان حمزة!
اختبار نصفي من 20 درجة، واختبار نهائي من 20 درجة أيضًا، 20 درجة على المقابلة الشحصية، و10 درجات على الـ CV ، و 10 درجات على الـ Cover letter ، و 20 درجة على عرضين تقدمهما الطالبة ~!
هناكَ كتابٌ للمادة، تقوم الأستاذة أولًا بتقسيمه بين الطالبات، كلٌ يشرح جزئية ما، ويعتبر هذا العرض الأول للطالبة التي تنال عليه 10 درجات، وما أن ننتهي حتى نبدأ كتابة المقابلة الشخصية، تقوم بإعطائنا التعليمات في محاضرة، وفي المحاضرة التالية نكتبُ الـ Draft ، وفي المحاضرة التي تليها تعطينا أوراق الـ Draft لنقوم بتصحيحها في ورقة أخرى ونسلمها إياها، وهذه تعتبر الورقة النهائية، وذاتُ الأمر مع الـ CV والـ Cover Letter !
الاختبارات موحدة بين جميع الشعب، والأسئلة معظمها عددي!
العرض الثاني يكون بين ثلاث خيارات " شرح درس، تقرير عن كتاب، إعلان عن منتج "، ويوزع تبعًا للأرقام التسلسلية للطالبات، ويمكن التبديل بين كل طالبة وأخرى إن وافقا!
أهم شيء في العروض لديها أن لا تعتمد الطالبة على القراءة من أي ورق، وأن تكون مبدعة في طريقة تفكيرها وعرضها لما تعرضه!
كانت المادة جيدة معها للغاية، أنصحكم أن تأخذوا معها!

سأعود مجددًا لبقية المواد ~!