خلونا نداكر سواااا < خطهـ أ >

[لحن الحياهـ]

ماحد جااوبني
=(

[RerO*]

ياووويلي يعني لازم نذاكر اسسئلة الهوم وورك اللي بالسليبوز !!

انا بس ذاكرت الامثله والتمارين !! : (

[لحن الحياهـ]

اممم
بليز ابغا احد يشرحلي 1.3 و 1.4 باختصار
احسو لخبطني

[M!ss 5o05a]

المشاركة الأصلية كتبت بواسطة لحن الحياهـ اممم بليز ابغا احد يشرحلي 1.3 و 1.4 باختصار احسو لخبطني

1.3 شرحتوا في الصفحات اللي ورا بس بدون امثله ولا رسم

شوفي الجزئيه اللي ما فهمتيها واعدلك شرحها بالتفصيل..

1.4 ان شاء الله بس اخلص حل تمارينه واشرحلك هوا..

:)

[لحن الحياهـ]

انا حليت الهووم وورك بالاون لاين
وطلع معايا
58.3%
33.3%
80%
50%
62.5%

كييف كويس ولا لا؟؟
وايش نستفيد منو ^.^
بليز جااوبووني

[M!ss 5o05a]

المشاركة الأصلية كتبت بواسطة لحن الحياهـ انا حليت الهووم وورك بالاون لاين وطلع معايا 58.3% 33.3% 80% 50% 62.5% كييف كويس ولا لا؟؟ وايش نستفيد منو ^.^ بليز جااوبووني

go on.. ياقمر

عقبال الميه..

تستفيدي منه انك لو نقصتي في الاختبار يدوكي درجات زيادة

بس ماحتكون اكتر من5 درجات..

ان شاء الله ماتحتاجيها تجيبي 100 % بالراحة

[M!ss 5o05a]

1.4

بسم الله الرحمن الرحيم

اول شئ بكتب ترجمة الكلمات اللي في دي الجزئيه عشان موكل شويه احط بين اقواس

Linear function الداله الخطيه
Function power الداله الاسيه المرفوعه لقوى الاس
Function polynomial دالة كثيرة الحدود
Function constant الداله الثابته
Function rational الداله الكسريه
Function odd الداله الفرديه
Function even الداله الزوجيه
Origin نقطة الاصل
Curve منحنى

أول شئ يبدأ بتعريف انواع الدوال ..>>الداله الخطيه على الصوره f(x)=mx+b
وطبعاًmوb اي عددين ثابته ..وقلك ازا كانت الـb =0 بتصير المعادله
f(x)=mx ..وبكدا ازا جيتي ترسميها لازم تمر على نقطة الاصل..

اما ازا كان m=0 هنا راح تصير المعادلة ...f(x)=b وبكدا ما راح تقولي انها خطيه بتصير داله ثابته..
وادا جيتي ترسميها بتصير موازيه للمحور x ...

تاني شئ نجي للداله الاسيه ..على الصوره f(x)=x^a (طبعا دا الرمز^ معناه اس)
والـa اللي هيا الاس لها حالات ياإما تكون عدد صحيح موجب وراح يكون مجال الدالهR كلها..
وشوفي الرسمات اللي في الكتاب صفحة29 الرسمه رقم1.36 لاحظي انه كل ماكبرت قيمة الاس يبدأ المنحنى يتلصق زياده على المحور x ..ولازم كمان يمر بنقطة الاصل...

الحالة التانيه لو كانت الـa =-1 اوa=-2 ونحنا نعرف ان الاس لو كان سالب بيغير الداله يعني لو كان
f(x)=x^-1 راح يصير الـx في المقام... f(x)=1\x ...
وبكدا بيصير مجالها R-(0)i والمدى نفس الشئ..
اما x^-2 مجالها R-(0)i والمدى من صفر الى مالانهايه الموجبه ..
وشوفي رسماتها بصفحة 29 رقم 1.37 ونلاحظي ان الرسمه ماتمر لنقطة الاصل لان الصفر لاينتمي لمجالها ..

تالت حاله ازا كانت a=1\2 يعني اسها بنص او تلت او ..
هنا راح يتغير شكل الدالة على شكل جذر شوفي الرسمات صفحة 30 ومكتوب تحتها المجال والمدى لكل وحده..

.................

وهذا طبعاً بدون امثله ..

برييييييييك :)

[M!ss 5o05a]

بقيلنا دوال كثيرات الحدود .... Polynomials
على الصوره >>>>شوفي الكتاب ص 30 ...اليوم انا زوله..
المهم الـa تسمى المعاملات coefficients...
ومن الـ n نقدر نحدد درجة الداله
ومجاااال دوال كثيرات الحدود دائماً R
وفي ملاحظه : انو دوال كثيرات حدود مايكون الـx جوت جذر ابداً ولا اسه بساالب ولا كسر

وتكون من الدرجه التانيه ونسمها quadratic ..والتالته نسميهاcubic...وكمان من اي درجه بس ماادري ليش مش زاكرها..
ودحيييييين اخر نوع من انواع الدوال اللي بندرسها ..

الداله الكسريه..
وفي حاجه اسمها ارتكل فنكشن ماادري اش معناها بالضبط بس هيا اللي تكون دالتين مقسومه على بعضهم زي الداله الكسريه تقريباً..

نرجع للداله الكسريه طبعاً مجالها R ناقص اصفار المقام ..
وفي كم تمرين عليها ..

نجي للداله متى تكون تزايديه ومتى تكون تناقصيه ..

دا يجيكي رسمه وانتي تحددي عليها..او داله وانتي ترسمي الرسمه ومن الرسمه بتعرفي..

اول شي تمسكي المنحنى من اليسار لليمين وتشوفي في اي فتره تتزايد وفي اي فتره تتناقص شوفي المثال في صفحه33 اللي فيه جدول...

واخر شئ الداله الزوجيه والفرديه وتناضر symmatry كل وحده ..
تكون زوجيه ..ادا كان f(-x)=f(x)i يعني تاخدي المعادله وتعوضي عن كل اكس بسالب اكس ..
وادا طلعت تساوي الداله الاصليه يعني زوجيه ومتناظره حول محور y ...

وتكون فرديه ادا كانf(-x)=-f(x)i يعني تاخدي المعادله مره تعوضي عن كل اكس بسالب اكس ومره تسبقي المعادله كلها بسالب ادا طلعوا يساو بعض يعني فرديه تتناظر حول نقطة الاصل..

واحيانا ماتكون لازوجيه ولافرديه ..

ويمكن من الرسم تعرفي ..ادا كانت متناظره حول ايش فهي ايش ..

وبكدااااااا خلصنا 1.4 المختصر .........

[M!ss 5o05a]

.
.
.:)

[لحن الحياهـ]

تسلمي يا قمر ^^
ويارب يسهل علينا الاختبار
واتمنااالكم التوفيق ^.^