تجميعة لاستفسارات دكاترة و دكتورات Med11 :)

[Abeer Al-jahdali]

المشاركة الأصلية كتبت بواسطة الأمير المدريدي كيف الدوام اول يوم و لازم اجي بالسكرب و اللابكوت ولا عادي باي شي

الدوام اول يومين بيكون تعريفي يعني ماراح تاخذو محاضرات .. عادي مو لازم سكرب ولابكوت هذا على حسب علمي بالبنات فاتوقع الاولاد نفس الشي ^^ .. وان شاء الله واحد من اولاد الدفعة ياكد المعلومه

[انثى مخمليه]

^

up up

[محمد عماد]

رجعت ومعاي اسئلة مهمة

هل التسجيل في الدورة حيكون في اول يوم ولا قبلها ؟؟

وكمان احنا ما درسنا مصطلحات طبية
هذي حتكون مشكلة بالنسبة لنا ... ما حنقدر نفهم الي حتقولوه
ايش الحل ؟؟

[السندوي3]

حيا الله جميع طلبه الطب ......

والله فتره من المنتدى


على العموم اليوم صيفت في ابها ليه فتره طبعا وكان صيفيه جميله وفليتها في كل الالعاب...


المهم والاهم متى التسجيل في الدوه يا جماعه انزل من ابها ولا اكمل صيفيتي

والله ما يرجعني جده والجو السئ غير الدوره هذه بالنسبه امطار وبرد خطير اليوم والله بالسوده ....



طبعا انا وصفت لكم كيف قضيت اسبوع اجازه من بعد التسكين

[Dr.co0l_hamada64]

اول شي اشكركم على الموضوع الراقي و المسااعده الجباره لناا ..

حسستونا انوو احنا اكتر من اخوان و انوو ابواب المحبه و الاخوه مفتوحه على مصراعيها

فجزاكم الله خير ..


عندي استفسار بسيط ..


هل استطيع تغيير البطاقه .. ليكتب فيها التخصص طب و جراحه ؟؟ و اين .. ؟ و هل يمكنني في الصيف ؟؟


مشكوورين

[DR.MOHAMMED ALJUNAID]

المشاركة الأصلية كتبت بواسطة dr.co0l_hamada64 اول شي اشكركم على الموضوع الراقي و المسااعده الجباره لناا .. اهلين حماااده منووور المنتدى حسستونا انوو احنا اكتر من اخوان و انوو ابواب المحبه و الاخوه مفتوحه على مصراعيها فجزاكم الله خير .. عندي استفسار بسيط .. هل استطيع تغيير البطاقه .. ليكتب فيها التخصص طب و جراحه ؟؟ و اين .. ؟ و هل يمكنني في الصيف ؟؟ ايوه تقدر زي السنة الماضيه اول مانقبلت رحت ع عماده القبول والتسجيل اول ماتدخل من الباب تحصل مكتب ف وجهك مكتوب عليه البطاقات الجامعيه سلمو البطاقه القديمه ويعطيك وحده جديده مكتوب فيها التخصص ولو تبغا تغير صورتك جيب صوره معاك مشكوورين

العفو حبيبنا

[Dr.co0l_hamada64]

تسلم جنيد يعطيك العافيه حبيبي ..


ان شاء الله بكره اروح اغيرهاا .. بس تعرف بالزبط وين مبنى العماده لاني ما عمري رحتو :p

[DR.MOHAMMED ALJUNAID]

المشاركة الأصلية كتبت بواسطة dr.co0l_hamada64 تسلم جنيد يعطيك العافيه حبيبي .. ان شاء الله بكره اروح اغيرهاا .. بس تعرف بالزبط وين مبنى العماده لاني ما عمري رحتو :p

الله يعافيك يارب

العماده محل ماكنت تدرس السنه التحضيريه مقابل الساحه الكبيره الي فيها المسجد
وجمبها برضو عماده شؤون الطلاب

[Nimo]

المشاركة الأصلية كتبت بواسطة ريال سعودي رجعت ومعاي اسئلة مهمة هل التسجيل في الدورة حيكون في اول يوم ولا قبلها ؟؟ وكمان احنا ما درسنا مصطلحات طبية هذي حتكون مشكلة بالنسبة لنا ... ما حنقدر نفهم الي حتقولوه ايش الحل ؟؟

طيب من باب مسآعدة الدكتورة الرهيبة شيمآء و بآقي الدكآترة الله يعطيهم العآفية جميعاً
ح أجآوبك على اللي أعرفه

بالنسبة لموضوع المصطلحآت الطبية ..
شوف .. هو درستهآ و لا لأ في البداية لآزم تكون مو فآهم تمآم ايش اللي بيصير حولينك
تسمع ب الأطرش في الزفة
دآ احنآ - ك دفعة - في البداية
طبعا مو الكل في ناس مآ شالله الله يحفظهم فاهمين و مع الدكاترة يتناقشوا من أول يوم !
ما زلت أذكر و الله أول كلآس حضرتوآ .. كآن ساعة هيستولوجي ( أنسجة و خلآيا ) ..
خرجت منو و أنا في حالة صدمة كيف العالم بتجآوب و احنآ مو فاهمين !!!
و استمر الحال أسبوعين
بس في الأخير أهو الحمد لله على كل حال خلصنا تانية و تالتة و داخلين على رابع ان شالله

يعني تقريباً إلى نهآية منتصف السمستر الأول تحس انك بديت تلقط المصطلحات و تبدأ
ترتب السفيكس و البريفكس و كدا ..
ف ان شالله مآفي مشآكل ..
و أساساً في الكورس حق أساسيات الطب حيكون في كم أسبوع منه مادة ترمنولوجي
اللي هي عبآرة عن مصطلحآت الطب ..
اذا على خبر سنة درآستي و مآ غيروا الخطة 3 أسابيع و يختبروكم فيها بعد مآ تخلصوآ الكتاب
و هو نفس الكتآب اللي ذكره أحد الدكآترة هنا ..

المشاركة الأصلية كتبت بواسطة dr.co0l_hamada64 اول شي اشكركم على الموضوع الراقي و المسااعده الجباره لناا .. حسستونا انوو احنا اكتر من اخوان و انوو ابواب المحبه و الاخوه مفتوحه على مصراعيها فجزاكم الله خير .. عندي استفسار بسيط .. هل استطيع تغيير البطاقه .. ليكتب فيها التخصص طب و جراحه ؟؟ و اين .. ؟ و هل يمكنني في الصيف ؟؟ مشكوورين

بس حبيت أعلق على كلآمك بعد اذنك

طلآب الطب و مو بس ل إني منهم .. دآ الشي الكل راح يتأكد منه ..
من جد دفعة وحدة .. يد وحدة .. كلهم يخدموآ و يسآعدوآ سوءاً دفعتهم و لآ الدفع الجديدة ..
أخوان و زملآء مهنة و دآ وآجبنآ :)

و لكل دفعة الطب الجديدة .. Med 11
مدري تصدقوني و لا لأ ..
بس حقيقي الطب .. أروع حــــــــاجــــــــة فــــــــي الـــحيــــــــآة
أهم شي لآ تسلموآ روسكم ل بلبلة النآس الحاقدة ..
و اللي الطب صعب !
الطب يضيع عمرك !
الطب 24 ساعة الكتاب في وجهك !
كله كلام و ترآ نحنآ حيآتنآ طبيعية و نعيش زينآ زي العالم و الناس
و العالم الحقودة دي مآ قالت كدا الا و هي عآرفة انتو مين و حتصيروآ ايش بعد كم سنة ان شالله
لآ تشيلوآ هم .. كله حيمشي و يعدي .. و من هنآ لِ نهآية السنة ..
حتلآقوآ نفسكم ان شالله بِ تسآعدوآ الدفعة الجديدة ..
و السنة عدت بدون مآ تحسوآ فيهآ ..
استمتعوآ أقصى استمتآع بِ دي السنة .. من جد أروع سنة ح تمر عليكم ..
الله معآكم و موفقين ان شالله دكآترة المستقبل ..

[Dr.co0l_hamada64]

المشاركة الأصلية كتبت بواسطة nimo و لكل دفعة الطب الجديدة .. Med 11 مدري تصدقوني و لا لأ .. بس حقيقي الطب .. أروع حــــــــاجــــــــة فــــــــي الـــحيــــــــآة أهم شي لآ تسلموآ روسكم ل بلبلة النآس الحاقدة .. و اللي الطب صعب ! الطب يضيع عمرك ! الطب 24 ساعة الكتاب في وجهك ! كله كلام و ترآ نحنآ حيآتنآ طبيعية و نعيش زينآ زي العالم و الناس و العالم الحقودة دي مآ قالت كدا الا و هي عآرفة انتو مين و حتصيروآ ايش بعد كم سنة ان شالله لآ تشيلوآ هم .. كله حيمشي و يعدي .. و من هنآ لِ نهآية السنة .. حتلآقوآ نفسكم ان شالله بِ تسآعدوآ الدفعة الجديدة .. و السنة عدت بدون مآ تحسوآ فيهآ .. استمتعوآ أقصى استمتآع بِ دي السنة .. من جد أروع سنة ح تمر عليكم .. الله معآكم و موفقين ان شالله دكآترة المستقبل ..

صراحه .. اعيد و اكرر و اقول انو اشعرتمونا اننا عنصر مهم .. و لنا قيمه كبيره

و انتم ما شاء الله تبذلون كل جهدكم و توفرون لنا التسهيلات و الاجابات على اكف الراحه ..

فلم يكفي ان تدلونا على الطريق الصحيح لمشوار طويل ..

بل انكم قطعتم انفسكم من راحتكم و اجازتكم لتعدوا دوره نحن المستفيدون منها اولا و اخيراً ..



فذلك نشكركم على امل رد الجميل ،، و نامل ان نكون معكم اخوه متعاونين معاً لهدف سمي ،،،


ردك ادخلني في مشاعر جميله و حماسيه شيقه لما هو آت ،،