::فتح تقديم رغبات التسكين ::

[haso_on]

المشاركة الأصلية كتبت بواسطة oxo بالنسبة للي يبدأ من لفل 1 او 2 او غيره هو سلاح ذو حدين عند اختبار تحديد المستوى اذا مستواك حلو بالانجليزي وعندك ثقة تجيبي فوق 95 الافضل تأخذينها احسن من ان تروحي دايركت اللفل اللي بعده ميزة اختبار تحديد المستوى والانتقال الى لفل متقدم فقط انك توفري وقت ومجهودك للمواد الثانية اما اذا اذا بديتي من اللفل الاول ميزتها انها تدخل بالنسبة اذا الدرجة حلوة وترفعك كثير في حال درجاتك بالفيزياء والمواد الثانية نازلة ----------------------------------- طالبة بدت من اللفل 4 ودرجاتها eli 4 90 phys 60 نسبتها بتصير 72 ---------------------- طالبة بدت من اللفل الاول ودرجاتها eli1 90 eli2 90 eli3 90 eli 4 90 phys 60 نسبتها بتصير 80 فدرجات الانجليزي تساعدك في حال درجاتك منخفضة بالمواد الثانية

اخوي وين الاحياء والكيمياء وكمان ليفل 1 ما يدخل

وكمان ابغاا احد يأكد لي طريقه حساب النسبه الخاصه الله يوفقكم

[haso_on]

المشاركة الأصلية كتبت بواسطة dr.rero ايوا تدخل فيها كل اللفلات ماعدا لفل1 لالاماتقسمها على عددها دي الطريقة طلعت خطأ احسبها زي ماتحسب النسبة العامة اضرب كل درجة في عدد ساعاتها واقسمها على مجموع الساعات

الله يعطيك الف عافيه اختي


بس متأكده من الطريقه !!!!! لأنها اعطتني امل زياده

[تميرا]

احد يفيدني اذا يعرف ماذا افعل

قرات من احد الردود الي راسب لن يدخل الطب , طيب انا مو راسبة لكن حظي الرائع جدا خلاني لظروف صحية اغيب باخر اختبار كيمياء و لمن جبت العذر الطبي قالو لي اتاخرتي وخلاص رسبتي خذي ترم صفي , طبعا قعدت اضحك زي المجنونة بصوت عالي بالممر من هول الصدمة الله لا يبلاكم, المهم حاخذ صيفي امري لله لكن بالنسبة للتخصص حيعتبروني راسبة ولا يعتبروني زي البنات الي غابوا بعذر طبي لاني مثلهم بالظبط ؟؟, ولا ايش اعمل اروح اكلم كلية الطب واقولهم ترى انا مو راسبة لكن حصل كزا كزا , ولا اكلم مين , طبعا عمادة شؤون الطالبات حفظوا شكلي خلاص طفشتهم ايام الصدمة كل شوية رايحة جاية عليهم , ومو متاكدين ايش اعمل

[حيــــــاة]

سؤال آخر ..
*ـ*
من العام وقبل العام اعرف انه الي يكونوا تحضيري في الفروع ( شرفية & سلامه )
لهم الحق بعد التحضيري يتخصصوا في اي كلية واي فرع دام معدلاتهم تسمح ..
لمن الصدمه هذا الشيئ الي دوبي لقيته في الموقع *ـ*

!!
*ـ*

ولا هو انا فاهمه غلط ؟ كل التخصصات والاقسام متاحة ،، بس صادف انهم حاطين الفيصلية قدام الشرفية !! وعلى بالي انه لطالبات الشرفيه فيصليه فقط !

[قروشـ]

يا اخوان انا من طلاب الفرع الرئيسي , وتخصص الطب والهندسة في رابغ ليست ظاهرة لي , شكلها بس لطلاب رابغ ؟

[Hussam Aljehani]

المشاركة الأصلية كتبت بواسطة haso_on اخوي وين الاحياء والكيمياء وكمان ليفل 1 ما يدخل وكمان ابغاا احد يأكد لي طريقه حساب النسبه الخاصه الله يوفقكم

كان مجرد مثال فقط

[Hussam Aljehani]

المشاركة الأصلية كتبت بواسطة حيــــــاة سؤال آخر .. *ـ* من العام وقبل العام اعرف انه الي يكونوا تحضيري في الفروع ( شرفية & سلامه ) لهم الحق بعد التحضيري يتخصصوا في اي كلية واي فرع دام معدلاتهم تسمح .. لمن الصدمه هذا الشيئ الي دوبي لقيته في الموقع *ـ* !! *ـ* ولا هو انا فاهمه غلط ؟ كل التخصصات والاقسام متاحة ،، بس صادف انهم حاطين الفيصلية قدام الشرفية !! وعلى بالي انه لطالبات الشرفيه فيصليه فقط !

غير صحيح

يحق لطالبة الشرفية مايحق للفرع السلمانية

[Hussam Aljehani]

المشاركة الأصلية كتبت بواسطة قروشـ يا اخوان انا من طلاب الفرع الرئيسي , وتخصص الطب والهندسة في رابغ ليست ظاهرة لي , شكلها بس لطلاب رابغ ؟

طلاب رابغ يتسكنوا بكليات رابغ

والاخرين بكليات الفرع الرئسي

[سعدون07]

الغوث .. أغاثكم الله !!
الآن أنا جايب في الانجليزي كل المستويات فوق 90 ، ويوم جيت للمستوى الرابع البغيض جبت 74 !!
فهل يمديني أدرسه من جديد ؟ لأن الهندسة ما تقبل أبو 74 :(

[Bashaier.y]

متى أستطيع التحويل بين الكليات الصحيه ؟
في الترم الأول أم بعد نهايه السنه ؟