مراسلكم من سنترا للمستوى الثالث ..

[البدر_15]

المشاركة الأصلية كتبت بواسطة أبو فاتن الله يخارجنا من هالمادة ( المحاسبة ) على خير .. قربت أصير فيها معيد وأنا ماعديتها

والله يا ابو فاتن اتمنى لك هالسنة تعدي ..

لكن المفروض تعطينا طريقة الاختبار والاسئلة اللي جتك قبل كذا ..

[أبو فاتن]

المشاركة الأصلية كتبت بواسطة البدر_15 والله يا ابو فاتن اتمنى لك هالسنة تعدي .. لكن المفروض تعطينا طريقة الاختبار والاسئلة اللي جتك قبل كذا ..

مرحبا أخوي البدر ومشكور على جهدك المبارك ياغالي وإن شاء الله ربي يسمع منك ونعدي جيعاً من هالمادة المقرفة هي ودكتورها

والله كان ودي أخدمكم باللي طلبته بس مثل ماأنت عارف مايسمحون لنا ناخذ نماذج الأسئلة بعد الإختبار ولا يحق لنا حتى نصورها بالجوال ولكن مثل ماتفضلت إنها عبارة عن

جزء بسيط إختياري والباقي قيود وترحيل وترصيد وقوائم مالية ( وركزوا على المخزون وربعة .. مع إنهم قالوا هذا محذزف لكن جانا بالإختبار ) وفيه سؤال كل مرة يجي وبنفس

الصيغة مع إختلاف الأرقام وسهل جدآ وهو

(المعادلة المحاسبية والتعويض عنها بأرقام والمطلوب إظهار الرقم المجهول ) بس المشكلة مو في الأسئلة لانه هذا هو المقرر المشكلة تكمن في كيفية الأسئلة وصياغتها وآساليبها
الملتوية ( على بال حضرة جناب الدكتور إنه مسوي إختبار التوفل الله لايوفقة ) مثل اللي حصل بالترم اللي فات لدرجة إن القاعة صار فيها إحتجاج وإنزعاج بإصوات مرتفعة

من جميع الطلاب وبعض القاعات طلابها كانوا بيشتبكون مع الدكتور بالأيدي والسبب هو ( قلة أدب الدكتور المصري وردوده اللي تدل على أخلاقة وتربيته ) اللي بعدها الدكتور

مادخل على أي قاعة بعد هالموقف لأني أنا من الناس اللي لو شفته بذيك اللحظة كان ممكن أخسر مستقبلي الدراسي كلة بسبب واحد مايسوى لكن الحمدلله إنه مادخل علينا


عمومآ ركزوا في المادة بشتى أنواع التركيز المتوفرة لنا نحن بني البشر لأن تفكير الدكتور وحقده اللي أظهره علينا كسعوديين ( للعلم لست بمن يؤيدون ويحرضرون على

التفرقة العنصرية أبدآ لأنه هو من صرح بها ) بوضع الأسئلة يدل على إن تفكيره تفكير شيطاني مو آدمي بالنهاية خلوا إتكالكم على الله قبل كل شي علمآ بأن المادة والله حلوة

وسهلة وأنا وأتعامل فيها في أغلب حياتي بحكم إني تاجر بس والله كرهنا فيها الدكتور ( الحاقد )


المعذرة على الإطالة بس والله من القهر

[Llll5Liiio]

بيض الله وجهك
وحرمك الله انت ومن تحب على النار

[البدر_15]

التحليل الكمي هذا اليوم ..

[معاتب]

سلمت يداك يالبدر ولا عدمنااك يالغالي

[hemo335]

اخوي ابدر شكرا لمجهودك الرائع
سؤالي
مفردات المحاسبة قائمة الدخل محذوف فياليت تفيدنا الدكتور حرص عليها والا لا وشكرا

[البدر_15]

الثقافة الاسلامية اخر محاضرة :

مرفق الملخص اللي سبق وعدنا فيه وكذلك اسئلة قمنا بحلها مع الدكتور ..

ونصحنا الف مرة المذاكرة من الكتاب افضل ولازم الكتاب ..

[البدر_15]

اخر محاضرة للاقتصاد الجزئي ..

[الــر ا ا يــق]

بيض الله وجهك ...

عندي استفسار عن مبادئ الإدارة

الكتاب من المؤلف عشان أتأكد الكتاب اللي عندي إسمه : الإدارة العامه ؟؟؟

[البدر_15]

المشاركة الأصلية كتبت بواسطة الــر ا ا يــق بيض الله وجهك ... عندي استفسار عن مبادئ الإدارة الكتاب من المؤلف عشان أتأكد الكتاب اللي عندي إسمه : الإدارة العامه ؟؟؟

رديت عليك على الخاص اخوي العزيز ..

وللتأكد اكثر ارفقت لك مفردات المادة .. تحتوي كامل المعلومات