(تجمع طالبـــــــات المستوى{5-6}--لنقل اخبار الدورة التاهيلية )

[رؤى م.]

هيّ قالت بالنص
" أنا ما اعطيتكم أي نبذه عن الكتّاب عشان لا تلخبطو بينهم وبين الرواه "
الي هم Author وَ Narrator

[غاية مرادي]

السلام عليكم
يالله يابنات الادب مع مس نجوى نبدأ نحلل القصائد زي ماعلمتنا في المحاضره الاخيره
وكل وحده تمسك قصيده وتنزلها
انا ان شاء الله بأبدأ مع the ruined maid اسهل شي
وخلال يومين ان شاء الله انزلها
نتعاون عشان نخلص القصائد كلها ونذاكرها بسرعه
مين معايا ترفع يدها وتكتب اسم القصيده اللي بتحللها

[cute*soso]

انا بحلل ذا كاسك احس انها مررا مهمة

غاية ~ كني سمعتها في المحاضرة قالت احفظو متى ولد الكاتب ومتى مات ؟؟ ولا يتهيأ لي؟؟؟؟؟؟؟

[غاية مرادي]

ما اظن ياشيخه انا فهمت عكسك كانها قالت لا تحفظوها عشان ماتلخبطكم مع نفس الروايه

ياليت اي وحده حظرت المحاظره الاخيره تاكد لنا

[ام حمدان]

^
بنات الادب
انا مجربه قبلكم مس نجوى عمرها مااهتمت بالخلفية للكاتب بس احيانا تقولنا شي عنه لكن تقول ماانتوا مطالبين بها في الاختبار فطنشوها وانتوا تذاكروا

وعلى فكره ترى اسئلة مس نجوى كانت 4 نماذج مختلفه يعني كل القصص والقصايد المسرحيه جابت عنهم اسئله فلا تفكروها ركزت على شي معناته بس هو الي بيجي
هي الي تركز عليه تجيبه صح لكن مو معنى ذلك ان الباقي مابيجي
زي مثلا قصه ريل ثينق ماكانت تتطرق لها كثير بس تتكلم عن الثيم اكثر شي
لكن في الاختبار جابت اسئله عليها انا مثلا في نموذجي جاني سؤال عن القصه ذي من اي point of view القصه رويت وماذا تعلمنا عن الرواي
وطبعا القصد نقول نوع الراوي وهو فيها فيرست بيرسون وهو الفنان في القصه الخ
وفي بنات جاهم سؤال عن السييتنق في القصه ذي
المهم انها تسئلكم عن امور واضحه جدا ومن العناصر الاساسيه

لا تخافوا جابت اسئله واضحه جدا تسئلك يااما عن معلومه مره مهمه وواضحه في النص او عن اي شي من العناصر سواء الراوي او الايروني او السيتنق او احد الشخصيات او معلومه معينه وتقولك ايش علاقتها بالثيم او عنوان نص معين ايش معناته
والقصايد جابت في كل نموذج قصيدتين وقالت اختاروا وحده و حللوها
طبعا تحللوها على شكل براقراف تكتبوا في شرح للعناصر السته زي ماعلمتكم في محاضراتها
وجابت سؤال خيارات تجيب ابيات من القصايد وتحط خط تحت كلمات معينه وتقولك اختاري المحسن البديعي الي فيها حوالي 8 فقرات من كل القصايد
الي تبغى تعرف اسلوب اسئلتها المقاليه بالضبط تقرا الدليل الارشادي

شدوا حيلكم وركزوا وفالكم الامتياز يارب

[الدمعه الحائره]

white rose بشكرك من قلبي يا عسل ويارب يوفقك وان شاء الله كل درجاتك a+

[ترنيم]

السلام عليكم

بنات ابغى مساعدتكم انا مع سهام فطاني في مادة الادب وقالت انو في كتاب تاني حق التعريفات ممكن الي تكون اشرت معاها التعريفات على الاقل تكتب المصطلحات ..

وعندي استفسار تاني على مادة الابلايد شايفه في مناقشه على الكتاب انا اخدتو من خوارزم ومني عارفه هل هوا الجديد الي بتتكلمو عليه ولا القديم ياريت تفيدوني ؟

تالت شي مادة المورفولجي يوم السبت اخر اسبوع وزعت علينا نشاط الي لاحظتو انو السوال حق اللغات اول سوال مو موجود في الكتاب فمو عارفه هل الاختبار النهائي حتجبلنا زي كدا حاجات ماهي في الكتاب؟؟؟

[رؤى م.]

المشاركة الأصلية كتبت بواسطة ترنيم السلام عليكم وعندي استفسار تاني على مادة الابلايد شايفه في مناقشه على الكتاب انا اخدتو من خوارزم ومني عارفه هل هوا الجديد الي بتتكلمو عليه ولا القديم ياريت تفيدوني ؟

وعليكم السلام ورحمة الله
لا نفسه الي من خوارزم عزيزتي

[MOFY]

تالت شي مادة المورفولجي يوم السبت اخر اسبوع وزعت علينا نشاط الي لاحظتو انو السوال حق اللغات اول سوال مو موجود في الكتاب فمو عارفه هل الاختبار النهائي حتجبلنا زي كدا حاجات ماهي في الكتاب؟؟؟

الله يسعدكم ياليت تسوو لها سكان وتحطوها هنا عشان الكل يستفيد

[white rose]

موفي
بالنسبه للورق اللي وزعته علينا سبق وصورته ونزلته لكم في المحاضره السابعه بس ما ادري كان واضح لكم او لا
ترنيم
بالنسبه للمورفولوجي واللغات الاجنبيه فايوه راح تجينا لغات من بره الكتاب بس راح نتعامل معاها زي ما تعاملنا مع اللغات اللي في الكتاب والمس قالت انو نفهم اللغات اللي في الكتاب مو نحفظها لانها بتجيب شي زيها لكن مو نفسها وبالنسبه للاختبار كل شي راح يجينا من الكتاب ما عدا اللغات الاجنبيه من بره الكتاب بس مشابهه للكتاب وهيا قالت راح تجيبها ان شاء الله سهله فلا تقلقي بس اتدربي على اللغات عشان تعرفي تستخرجي المطلوب ويسهل عليكي التحليل هيا بس جابتها عشان تدربنا وتساعدنا على انو نفهم كيف تجي في الاختبار وموفقين يا عسولين