مكان اختبارات المناطق-الرياض-قاعة رشوش-الثمامة-دوار العويضة-الكروكي بالداخل

[تركي امل]

حسبي الله ونعم الوكيل عليهم

الإدارة أجنبية وعادي السعودي عندهم زي الأجنبي للأسف يقلعونه مثل ما يبون ..

ترا بعد الاختبار فيه دبابات مسوين عروض العالمية على كيف كيفك حسبي الله عليهم

[مــنــTـســب]

حسب معلوماتي إن الثمامة للمخيمات والتطعيس

ماعلاقة طالب جاي يختبر بهذا الجو من التطعيس والفله

لابد أن يوفر للطالب الجو المناسب لاداء إختباراته بكل اريحيه

أنا اطق 700 ك عشان اختبر كل ترم لكن يوم اجي اختبر القى الحد الادنى على الاقل من الأجواء شبه المناسبة للمذاكرة

لكن الثمامة ( وربي جدة اصرف لكم يأأهل الرياض ) على الاقل تغيرون جو وتزورون البيك (:

الله يعينكم ويفككم من هالعالمية

[jommani]

السلام عليكم

العيار اللى ما يصيب يدوش .. اكيد انه احتجاجنا علي مكان الاختبار وصل للجامعة والمعهد .

قبل شوي جاتني رسالة نصية من المعهد " عزيزي الطالب نرحب بك في منتجع رشوش لتأدية اختبارات الفصل الحالي علماً بانه تم تهيئة المنتجع بالخدمات اللازمة كاملة مع تأمين حراسات امنية داخل وخارج المنتجع ولوحت ارشادية للطريق المؤدي له . كروكي الموقع ........ متمنين لك التوفيق والنجاح "
والرابط للموقع هو نفس الرابط اللى في رسالتهم الاولي اللى فيها مقر الاختبار.

[فهد العنزان]

تم توفير حراسات الله يستر ع السيارات الله يستر من الدرباويه ههههههههههههههههههههههه

[غالي1]

السلام عليكم ورحمة الله وبركاته

أولاً .اخواني اتمنى لكم التوفيق وأسأل الله أن يعينكم
وثانياً وهو الأهم انتم عارفين يا اخوان اليومين هاذي اجواء مدينة الرياض والمكان بصراحه يخوف من كل ناحية اقل شئ لو يكون فيه مطر وتأخرت على الاختبار او ماقدرت تحضر مين اللي بينفعك؟

ما أظن احد بيقدر او بيعذر

لا تتركون حقكم في المطالبه بمكان مجهز لأداء الاختبار وحتى لو ماصار هالفصل يصير في الفصول القادمه

تمنياتي لكم بالتوفيق

[المجبور]

اللي عنده اختبارين بنفس اليوم مثلي

صعبه يختبر ويرجع للبيت وبعدين يرجع ثانيه !!

الوعد بخيمة السوداني اللي يأجر دبابات ! استاجر منه الخيمه بالساعه واقعد اراجع لين يجي اختباري الثاني !!!!!

[مستنسب]

هذي آخرتها يا لصوص ؟؟!!!

قصر افراح ؟؟!! .. وبالثمامة بعد ؟؟!!

اخس عليكم ياللي ما تخافون الله ..

نفسي اعرف بس .. وش جاب قصر افراح في هالمكان ومن هاللي بيعرس فيه ؟؟!!!!

مهازل وحسبي الله ونعم الوكيل

[المجبور]

اول اختبار يوم السبت الساعه 7 صباحاً
بإذن الله ماراح اسكت وماله داعي اتكلم لحالي ، ابي كل الموجودين معي يتكلمون

وصحيح بنشوف دكاتره من جده نفسياتهم سيئه كالعاده لكن ماعلي منهم اصلاً ماقد راقب

علينا دكتور بالجامعه إلا نفسيته سيئه وشايف نفسه إلا ماندر ،، لكن المشكلة نتفاهم مع من وقتها !

[بدر11]

انا معكم قلباً وقالباً في أي شيء
وللأسف اختباري الاول يوم الاثنين الصباح ومع هذا لن اسكت عن الخونة اللصوص الفاسدين
والله لن تمر هكذا على الفاسد الحرامي الذي اقترح المكان والمجرم المسؤول الذي وافق عليه
اقسم بالله هذا الفاسد لو مدعوم من خالد التويجري ما يتجرأ يضع الاختبارات في هذا المكان!!

[بدر11]

يا شباب ارجوووكم ارسلوا برقيات للديوان الملكي وديوان ولي العهد وامارة الرياض
الفاسدين مسؤولي الجامعة لا تراسلونهم ، لو فيهم خير ما وافقوا على هذا المكان
الفساد في جدة أزكم الأنوف ، ويريدون نقله للرياض عن طريق هذه الجامعة الفاشلة لكن هيهات