(قرارنا بيدنا) القرار النهائي للطالبات بخصوص العبايه اتفاق واحد وعبايه وحده

[حفيدة عمر]

وعلى فكرة حتى لو ما استجابو لإعتراضنا
احنا ماخسرنا شي ابدا
بالعكس حنكون مبسوطين وقتها لأنو سوينا شي
تفاعلنا قلنا وجهة نظرنا

وممكن البعض يشوف انو شي سخيف نعترض عليه
لو هوا سخيف زي مابنشوف
ماكانو كلفو نفسهم وطلعو عليه قرار
^^

[~..㋡\.alZbrJd]

^^

فيه ناس تحرق دمها ويرتفع ضغطها اخرتها وجهة نظر مهملة و غير مسموعة!!..

انا ممكن اعترض لو ضمنت انه رأيي ووجهة نظري رح تكون مسموعة ومأخوذة في عين الاعتبار

[meky]

المشاركة الأصلية كتبت بواسطة جوجوالامورة meky<<رد للأخت .. عييييييييييييب عيييب عيييب اسلوبك في الكلام ..لعدة اسباب: اولها كل انسان له وجهة نظرهـ وله الحق يلبس اللي يريحه يعني اذا انتي ترتاحين بتنورة انا ماارتاح واللي يبغى يقول وجهة نظره يقولها بإحترام للطرف الآخر محد مجبور يقتنع برأي الثاني فياليت تتكلمي بدون مايكون كلامك كأنه فرض لوجهة نظرك ثانيا ً: احنا بنات وندري عن كل شي يسير بالجامعه مااعتقد كان له داعي تشرحيين بالطريقة هذي وندري انو في شغلات غلط تسير بس مو بالطريقة اللي قلتيها وسمعة بنات الجامعة راحت بسبب كلامك انتي واللي زيك عنها يعني لو احد دخل المنتدى وقرأالكلام اش يقول بالله وترى انتي عايشه في مجتمع واسع وكل شخص له تربيته وتفكيره وقناعته (قولي البويات غلط)واصلا ً البويات نفسهم من داخلهم داريين انو غلط بس مو معناه اني احقر الانسانه غلطها بينها وبين ربها مافي احد يصلح مجتمع بالعربي خلك مرنة وانا عن نفسي ماعجبني القرار ومارح اخلع العباية ومحد يفرض علي وجهة نظرهـ ياما بنات عجبهم القرار وقالو وجهة نظرهم بشفافيه

أسلوبي عيب !!
واللي قاعد يسير مو عيب !!
أسلوبي مافيه شي وصفت الحقيقه كمآ هي
ومآخرجت أبدآ عن حدود الذوق والرأي
بس شكلو الحقيقه تزعل!!!
وع فكره انامآشوهت صورة احد ،كدا حال أغلب بنات الجآمعه ليش ننكر !!
سكوتنا ع البويات هو اللي خلا البنات يتدوهرو قد كدا !!
عرض في الشارع ، ايمو ، مخاواه ...الخ الخ
انا ماشوهت صورة احد ، اللي مآيشتري يجي يتفرج
ليش نخبي !!
مو دا واقع الاغلبيه !!
ليش تقولي شوهتيهم وهمآ مآ فكرو بالسمعه !
واللي وآثق من نفسه مآعليه من غيره

مآأ أدري متي تنضج عقول النآس

[جوجوالامورة]

والله الفايده من الكلام اللي كتبته هي نفسها الفايده اللي كتبتي كلامك عشانها
واتحفني ردك بصراحه (كله من ذوقك)
عموما ً انا اذا ماناسبني اسلوب احد مااتجادل معه

[حفيدة عمر]

المشاركة الأصلية كتبت بواسطة ~..㋡\.alzbrjd ^^ فيه ناس تحرق دمها ويرتفع ضغطها اخرتها وجهة نظر مهملة و غير مسموعة!!.. انا ممكن اعترض لو ضمنت انه رأيي ووجهة نظري رح تكون مسموعة ومأخوذة في عين الاعتبار

ياقلبي جربتي تعترضي على اي شي وماحد سمعك؟؟!!
شوفي انا في شطر الطالبات اشك انو احد حيسمعنا
لأنو الحريم وما ادراك ما الحريم

لكن انا كذا مررة وعن تجررررررربة
براسل المسؤولين وغالباً بتنحل المشكلة لصالحي
الا اشياء بسيطة أكيد وجهة نظري ماكانت صحيحة عشان كذا ما اعتمدوها

وليش تحرقي دمك واعصابك؟؟
انتي قولي وجهة نظرك ووصليها بالطريقة الي تشوفيها صح
ما اشوف فيها اي تعب
بالعكس بعد ماتوصلي وجهة نظرك للطرف الآخر بتحسي براحة
حتى لو ما اقنعتيه
بس بتكوني مرتاحة انو انتي فهمتيه ايش بتقصدي..

وبس : )

[حفيدة عمر]

اللهم صلي على سيدي محمد وعلى آل سيدي محمد أفضل الصلاة والتسليم

يابنات ترا احنا هنا مو اعداء بنتقاتل
احنا طالبات مصلحتنا وحدة
المفروض اننا بنتناقش
ياريت نعرف ايش يعني نقااااااااش
^^

[~..㋡\.alZbrJd]

طبعا اكيد ما يقل من ذوقك يا ام الذوق

انا كتبت كلامي لمجرد اني ابدي رأيي الشخصي في مكـان عام..سواء كان صح او خطا..

وهل انا لا سمح الله قلت شي غلط تبغي تعترضي اعترضي بوجه الجهات المسؤولة عن هذا القرار لان الكلام والفلحنة في المنتديات ما منه فايدة..

[حفيدة عمر]

المشاركة الأصلية كتبت بواسطة راغب علامة حفيدة عمر سؤال حيرني ولم أستطع كبح قلمي عن كتابته... بخصوص اسمك .. من عمر ؟؟؟ أهو بن الخطاب..؟؟ أم عمر المختار..؟؟

ابن الخطاب رضي الله عنه وأرضاه وجمعنا به في مجلس الرسول عليه وعلى آله أفضل الصلاة والتسليم
^^

المشاركة الأصلية كتبت بواسطة ~..㋡\.alzbrjd طبعا اكيد ما يقل من ذوقك يا ام الذوق انا كتبت كلامي لمجرد اني ابدي رأيي الشخصي في مكـان عام..سواء كان صح او خطا.. وهل انا لا سمح الله قلت شي غلط تبغي تعترضي اعترضي بوجه الجهات المسؤولة عن هذا القرار لان الكلام والفلحنة في المنتديات ما منه فايدة..

سوري اختي انتي بتقصديني بالكلام دا؟؟!!
احس في كلامك سخرية والله أعلم

هل قلت شي زعلك في ردودي عليكي؟؟
راجعت ردودي كلها عليكي ماشفت اني قليت من ذوقي معاكي

عالعموم اذا كنتي فهمتي من كلامي اني بغلط عليكي لاسمح الله
فأعتذر

وعلى فكرة اذا كنتي بتقصديني انا كمان
بحب اقولك اني مو انا الي اتفلحن في المنتديات
ماكتبت كلامي كلو الي فات
الا بعد ماسويت الي اقدر عليه

واحنا هنا مابنتفلحن احنا هنا بنشجع البنات يكون لهم وجهة نظر

عموماً بعتذر من أي أحد فهم اني غلط عليه او شي
وانسحب من النقاش
وسلام قولاً من رب رحيم^^

[جوجوالامورة]

المشاركة الأصلية كتبت بواسطة meky أسلوبي عيب !! واللي قاعد يسير مو عيب !! أسلوبي مافيه شي وصفت الحقيقه كمآ هي ومآخرجت أبدآ عن حدود الذوق والرأي بس شكلو الحقيقه تزعل!!! وع فكره انامآشوهت صورة احد ،كدا حال أغلب بنات الجآمعه ليش ننكر !! سكوتنا ع البويات هو اللي خلا البنات يتدوهرو قد كدا !! عرض في الشارع ، ايمو ، مخاواه ...الخ الخ انا ماشوهت صورة احد ، اللي مآيشتري يجي يتفرج ليش نخبي !! مو دا واقع الاغلبيه !! ليش تقولي شوهتيهم وهمآ مآ فكرو بالسمعه ! واللي وآثق من نفسه مآعليه من غيره مآأ أدري متي تنضج عقول النآس

ههههههههههههههههههههههههههههههههههههههه حلللللللللللوة اللي واثق من نفسه وش قصدك
قصدك واحد من اثنيين:
1 اما قصدك اني مو واثقه من نفسيوطبعا ً اللي مايعرفك مايثمنك
2اوقصدك انتي واثقه من نفسك وماعليك من احد طز سمعتهم يسير فيها اللي يسير
ولاتقولي "هما ماخافو على سمعتهم" يمكن في لحظة غفلة مافي احد مايغلط وانتي تدرين اغلب هذي الشغلات تكون نفسيه يعني من جد المفروض ندعي بالهداية ونقول الحمدلله
ترى انا مااعترضت على كلامك ادري ان الكلام صح بس مو كل شي ينقال
انا بس كنت ابغى اقولك شي واحد اذا ماعجبك شي قولي الله يهديهم وبس دام مالك سلطه عليهم
عاد بناتك بعدين اقتليهم لو سارو كذا<<الله يحفظهم
ملاحظة: توقعتك تكلمتي وقتها بعصبيه وندمتي عالوصف اللي قلتيه لو ترجعي تفتحي وتشوفي ردك يكون افضل لكن اتضح انه هذا قمة نضوج عقلك على قولك واذا النضج العقلي بذا التفكير ماابغى انضج كذا ابرك

[~..㋡\.alZbrJd]

ابــدا يا قلبي ما قصدتك.. قصدت وحدة ثانية
وفي النهاية اختلاف الرأي لا يفسد ود القضية..