(2)تجآرب الطآلبآت مع موآد الــEnglishالترم 2لعـآم 2010 with colors

[مالقيت اللي ابي]

المشاركة الأصلية كتبت بواسطة am emad صحباتي اخدوا معاها وكانوا مرتاحين معاها تعطي سلايدات و يذاكروا منها و اسألتها ايسيز مو موضوعي زي منال ولو رجع فيه الزمن كان اخدته مع د ماثر لانو مع د منال لازم تحفظين كل شئ لانو ممكن تجيب منها فراغات و الماده زي ما تعرفي مرررررررررره دش انتي استخيري و الله يكتب لك الخير ان شاء الله

الله يسعدك يارب

مشكووووووورة

[نيموو]

بنات كيف أ. ليلى هاشم في براكتكم 2 ؟؟؟

[sara-mwm]

بنات انا ابغى اظيف براكتكوم 1 بس الشعبه قفلت ومافيه الا شعبه وحده
اش الحل؟؟؟

[sara*]

رشا ماحبيتها يمكن هي تشرح وتفهم بس اهم شي انا عندي الاخلاق
اللي تقل ادبها لو بنظره هذي اساسا تنسد نفسي احضر لها اي محاضره
بس فيه كثير بنات يحبوها

ناريمااان في البراكتيكم كويسه انا احبها هذي الانسانه بس تنرفزني مرات لما تعصب كثير
يعني مرات انتي تكوني رايحه الجامعه اصلا ومعصبه ولا عندك مشكله وتجي ناريمان بصراخها وتهزيئها تزيد الطيب بله
بس عادي ممكن اخذ معاها مره ثانيه لانها طيييييييييييييييبه جدا وتخاف الله وهذا اهم شي بصراحه يعني ماتظلم
غير كذا البراكتيكم كل الاستاذات منهجهم واحد ماتفرق يناخذ مع مين اهم شي تاخذي الوقت اللي يناسبك لان يبغاله كرف مايبغاله شعبع متاخره هذا من وجهة نظري

الريسيرش غريبه كلكم ماجبتو طاري ايمان بو ترعه بصراحه الانسانه هذي ذوووووووووووق ذووووووق ذوووق
وانا شفتها تكون جامده ومو متساهله مع البنات اللي اصلا مايحضرون واللي مستهترين
اهم شي عندها تلتزمي بالوقت اذا قالت في اليوم الفلاني تسوو كذا خلاص لازم تلتزمو
انا مره انسبطت في كورس معاها وراضيه جدددددن عن درجتي في البحث اصلا اتوقع انا اخذت اعلى درجه فيه
لان كثيييييييييييييير رسبو

[العلم نور والجهل ظلام]

موضوع حلووووووووووووووووووووووووووup

[nooni]

بنات كيف البويتري مع مس سهام؟؟ بالتفصيل الممل

[am emad]

البويتري مع مس سهام مرررره حلو اسلوبها واحد في كل المواد الي تدرسها اختبارين دوريه من 30 و النهائي من 40
اختباراتها عباره عن 3 او 4 اسئله مقاليه بس لازم تجاوبي بطريقه معينه هي تشرحها لك يعني لازم تبدأي باسم الكاتب و اسم القصيده و اشياء تانيه هيه تشرحها لكم و لازم تركزي معاها لمن تتكلم عن الاختبار و لو مافهمتي طريقة الاجابه روحي اسأليها لانو لو عرفتي الطريقه خلاص تظمني الدرجه بازن الله

في النهائي جابت نص الاختبار اختيارات و نصه ايسيز و كان مرررره سهل

ايش كمان
مررره فله في المحاضرات وما تخوف ابدا ولازم تكتبي كل شئ معاها و فيه اوراق منتشره بين البنات شرح لكل القصايد زي شرحها بالزبط دوريلها و ان شاء الله تلاقيها

يعني لا تخافوا منها صح منهجها طويل بس و الله انها عسل الله يعطيها الصحه و العافيه

دعواتكم بنات ان الله يسهل اموري و يحقق الي فبالي

[nooni]

أم عماد الله يسعدك ويحقق لك إلي تتمنيه يارب
يسلموو

[lady tulip]

السلام عليكم و رحمة الله و بركاته
انا هذا الترم اول سنة اتخصص فيها انجليزي
و حطيت الجدول و ماكان متوفر لي شعب اوقاتها مناسبة و ماعندي اي فكرة عن الاستاذات عدا اسمائهن
بس ابغى اعرف طريقة اسلوبهم في التدريس؟
و طريقة اسئلة اختباراتهم؟حتى اعرف كيف امشي اموري.
الاستماع و المحادثة1 نسرين الحربي
القراءة 1 ليلى هاشم
الكتابة 1 سحر نصيف
الفرنسي 1 سمية خلف
مباديء الادارة العامة سناء باناجه
و بالنسبة للثقافة 2 ماطلعتلي اسم الاستاذة فالرجاء تنصحوني بالتفصيل الممل
و شكرا

[nooni]

المشاركة الأصلية كتبت بواسطة lady tulip السلام عليكم و رحمة الله و بركاته انا هذا الترم اول سنة اتخصص فيها انجليزي و حطيت الجدول و ماكان متوفر لي شعب اوقاتها مناسبة و ماعندي اي فكرة عن الاستاذات عدا اسمائهن بس ابغى اعرف طريقة اسلوبهم في التدريس؟ و طريقة اسئلة اختباراتهم؟حتى اعرف كيف امشي اموري. الاستماع و المحادثة1 نسرين الحربي القراءة 1 ليلى هاشم الكتابة 1 سحر نصيف الفرنسي 1 سمية خلف مباديء الادارة العامة سناء باناجه و بالنسبة للثقافة 2 ماطلعتلي اسم الاستاذة فالرجاء تنصحوني بالتفصيل الممل و شكرا

سناء عسل تذاكري من المذكره بس وأسئلته حلوه كلاسها مره ممتع
الباقين مين فيه خيارات تانيه بالشعب