جميع مايخص بعثة الملك عبدالله الابتعاث الخارجي

[bullet4myvalentine]

المشاركة الأصلية كتبت بواسطة mada_al7ob يعتيكي الف عافية اختي bullet4myvalentine بس ممكن سؤال انا متخرجة من كلية التربية قسم علم حيوان ولمن جيت اعبي الاستمارة مافي فخيارات الجامعة الا جامعة البنات اللي فيها كلية التربية؟؟؟ يعني تلعلي اسم الجامعة : جامعة البنات ... الكلية: كلية التربية والمفروض جامعة الملك عبدالعزيز ..فرع كلية التربية فياريت تتمنوووووني بكرة موعدي ... ارجو الرد كمانا شي تاني تخصصي علم الحيوان ... ولمن اخترت كلية التربية مافي الا تنوع احيائي ايش القصة؟؟؟ ياربي تلع عندي خطا فاسم الجامعة واسم التخصص... ودخلت على تعديل الطلب ماينفع يااااارب اني خايفة مايقبلوني عشان دا الخطا ايش اسوي؟؟ افيدوني

ويعطيكي الف عافيه يارب العالمين
لا تخافي ان شاء الله يسير لك الخير
سمعت من كتيرين وقت التدقيق والنساء اللي في التدقيق مره طيبين وراح يساعدونك في تعديل بياناتك الشخصيه او الاتصال او تغيير التخصص او البلد
ان شاء الله يسير خير و كل مره خفتي اقرئي سوره الفلق 3 مرات و صلي على النبي وازكري ربنا
والله يوفقك في الخير ويبعدك من كل شر

[bullet4myvalentine]

المشاركة الأصلية كتبت بواسطة مكتوم777 الله لايهينكم اخواني أبسأل عن المكافأة للطلاب الماجستير في البرنامج والف شكرررررررر

والله معليه يا أخويا ماعندي معلومه بالنسبه للمكافئات بس اللي اعرف تختلف على حسب الدوله اللي بتبتعث فيها
ان شاء الله ازا سار عندي معلومه راح انزلها هنا اسرع مايمكن
والعفو لك

[ابوتة]

ياعالم انا مكتئبه:(
ارسلولي الابتعاث رساله على ابها
وانا بالرياض
والمفروض اروح اليوم الساعه 10
بس مرررررررررررره بعيد
اروح على موعد الرياض
ولا بيكشتوني :(

[mada_al7ob]

المشاركة الأصلية كتبت بواسطة bullet4myvalentine ويعطيكي الف عافيه يارب العالمين لا تخافي ان شاء الله يسير لك الخير سمعت من كتيرين وقت التدقيق والنساء اللي في التدقيق مره طيبين وراح يساعدونك في تعديل بياناتك الشخصيه او الاتصال او تغيير التخصص او البلد ان شاء الله يسير خير و كل مره خفتي اقرئي سوره الفلق 3 مرات و صلي على النبي وازكري ربنا والله يوفقك في الخير ويبعدك من كل شر

ياااقلبي تسلميلي مرررة تمنتيني
بس معليش انا حعدلها فنفس الوقت ويخلص الموضوع وللا حيتول؟؟؟
معليش ياقلبو تعبتك معايا
مررررة شكرا

[bullet4myvalentine]

منقوله للأمانه
قوانين وأنظمة :-
كثرة في الاونه الاخيره تعرض بعض الشباب المبتعثن للمشاكل والمواقف التي تعرضهم للمسائلة القانونية وذلك لجهلهم في القوانين والأنظمة المتبعة في البلد ولقلت خبرتهم في التعامل في المواقف الصعبه .
قمت بالبحث عن عدة مواضيع في المنتدى وفي النت ومكن كثرة اطلاعي على برنامج اوبرا (هههههههههههه)
وفي مثل حرص ولا تخون
راح اقلكم افكاري واقتراحاتي المتواضعه حتى تتجنب 80 % من المشاكل ونرجع نقول الي قدرك راح يسير وراح نقول قدر الله ومافي احد راح يمنع انه يحصلك خير او شر الا برحمة الله ورعايته لنا .
. 1-احرص على قراءة القران باستمرار وياريت تخلي معاك قران صغير في جيبك او شنطة اليد .
2. احرص على قراءة المعوذات والمحصنات كل صباح ومساء ولاتنسون تحصنون اولادكم كمان فباذن الله لن يصيبكم مكروه برحمته عز وجل .
3. احرص على اختيار الصحبه الطيبه ولاتصحاحب كل من هب ودب حتى لو كان من ابناء بلدك او من الاجانب .
4. لاتثق في احد .
5. احرص عندما تتعرف على شخص جديد ان لاتدعوه الى منزلك من اول لقاء الا بعد ان تتعرف عليه تمام حتى لو كان من اهل بلدك .
6. احرص على عدم تكوين صداقات مع من هم اقل من السن القانوني يعني اقل من 18 سنه .
7. احرص على عدم تكوين علاقات عاطفيه او جنسيه مع من هم اقل من 18 سنه وهذا يعتبر عندهم تحرش جنسي عقوبته قد تصل لسنوات عده .
8. اغلب الفتيات لديهم يبانون اكبر من سنهم يعني ممكن عمرها 15 ويكون شكلها 27 فلاتغتر بالظاهر ونفس الشي للشباب عندهم .
9. احرص على عدم اخذ سيجارة تدخين من أي شخص تعرفه ولاماتعرفه .
10.احرص على عدم تقديم سيجارة دخان الى من هم اقل من 18 سنه لانه يعتبر تحريض .
11.احرص على عدم شرب أو اكل شي يقدم لك غير معلب . وهذا مرره مهم للبنات يعني بالعربي لاتاخذي شي من حد .
12.احرص على عدم شرب المسكرات والبيره حقتهم غير الي عندنا فلابد من قراءة المعلومات الي على العبوة .
13.احرص على عدم الذهاب للمراقص والنوادي والبارات الليليه .
14.احرص على قيادة السيارة ولاسمح الله قد تم شرب بعض المسكرات . ( وان شاء الله شبابنا واعي ماراح يسوي كذا )
15.اذا ذهبت لاحد النوادي الليليه فحرص على عدم الذهاب لوحدك .
16. اذا اردت ان تذهب مكان معين لابد من اخبار احد اصدقائك عن المكان وعن الزمان ومتى موعد الرجوع . من باب الحرص
17.احرص على محادثة اهلك في بلدك باستمرار .
18.احرص على عدم الخروج من المنزل بعد الساعه 8 مساء . الا وقت الضروره .
19. اذا خرجت بالليل فخرج بالسيارة يفضل ان تاخذ احد معك .
20.يفضل عدم ركوب الباصات والمترو بالليل وهذا للبنات اكثر .
21.يفضل عدم السير في المنتزهات والشوارع ليلا وسيرا على الاقدام .
22.يفضل تخزين ارقام الطوارئ مثل (911 ) وكذا الخاص ببلدك ومنطقتك في جوالك وجوالات اهلك واطفالك كمان .
23.يفضل ان لاتقبل الدعوات المنزليه وخلي لقائاتك خارج المنزل في الغالب .
24.بالنسبه للبنات لاتروحون بيوتهم وحفلاتهم تراها مختلطه وكلها عربده وكل شي مباح عندهم في الحفلات . ( يعني بالعربي مو زي حفلاتنا وناسه ورقص على موضي الشمراني وقهوه وشاهي ههههههههه)
25.احرص على عدم التحدث مع الاغراب في الانترنت عن حياتك الشخصيه .
26.احرص على عدم التحدث مع من هم اقل من السن القانوني وعرض وتناول موضوعات مخلة بالاداب وصور جنسيه فهو يعتبر من انواع التحرش الجنسي .
27.احرص على عدم اعطاء ارقام هواتفك او منزلك او بطاقة الصراف لشخص من الانترنت .
28.احرص على عدم قبول دعوة تعارف من احد الاشخاص في النت ولو كانت في مكان عام ( حرص ولا تخون ) لربما كان مجرم او حق مخدرات ولا أي شي ثاني .......؟؟؟؟؟؟؟؟؟؟؟؟؟
29.عند التسوق احرص على عدم حمل مبلغ مالي كبير . واحرص على التوقيع على فاتورة الشراء بنفس توقيعك ولاتتلاعب بها . واحرص على الذهاب في اوقات النهار ومع احد الاشخاص . ولاتتفشخر وانت تشتري وتعبي السله .
30.احرص على عدم التحدث في الهاتف الجوال كثيرا لربما تتعرض للسرقه .
31.احرص على عمل نسخ من اوراقك الرسميه ووضعها في اكثر من مكان في المنزل واحرص على حمل نسخه معك .
32.عدم حمل الجواز واوراقك الرسميه الاصليه معك في تنقلاتك .
33.احرص عن التبليغ عن اوراقك وهويتك اذا فقدت سريعا لدى قسم الشرطه .
34.احرص على الغاء بطاقة الصراف فورا عند فقدانها .
35.احرص على عدم السير في الازقه والشوارع المظلمه حتى لو كانت تقصر الطرق فاتبع الشارع الاطول وذو الاناره .
36.بالنسبه للفتيات يفضل حمل صاعق او رذاذ (يفضل الاستعلام عنه في منطقتك وعن شرعية حمله )
37.عدم ركوب الدراجه الهوائيه او الدباب او السيكل او السياره بدون رخصه .
38.الحرص في السواقه يعني ترى انتبه منت بالسعوديه ومطباتها وقطع الاشارات يعني لو دقيت سياره دقه بسيطه توقع ان يتم استدعائط ثاني يوم المحكمه وتكفلك عشرات الاف الدولارات بسبب دقه صغيروووووووووووونه (ههههههه)
39.اذا كنت متزوج من اجنبيه او ارتبطت بها عاطفيا فلربما قد تؤدي بك هذه العلاقه للسجن ( بحكم الاغتصاب او الاكراه على العلاقه الجنسيه )
40.احرص من الامراض الجنسيه ( ايدز وغيره .....................من سلسلة الامراض الجنسيه .
41.احرص من نقل الدم .
42.احرص على عدم استخدام عقاقير الا بعد الاستعلام عنها حتى لو كانت بوصفه طبيه فبعض الادويه تسبب ادمان العقاقير .
43.عدم التلفظ بتهديدات وتوعدات لانهم يصدقون الكلام ويعتبر هذا تهديد وليس عاطفه صادره عن موقف غضب .
44.لاتتظاهر بالغنى وبانك من الاثرياء وان تحت بيتكم كنز وبئر بترول فقد تقلب الايه عليك ويتم السطو عليك وسلبك البترول الي عندك (هههههههه) .
45.الحرص عند الذهاب للصراف الالي ان تذهب في وضح النهار وفي نتصف الاسبوع ويفضل ان تذهب بسيارتك او مع احد الاصدقاء .
46.يفضل ان تقوم بتعبئة بنزين سيارتك في النهار ايضا .
47.اذا تعرضت لمضايقات دينيه او عنصريه فافضل تصرف ان لاتزيد من حدة الموقف وان تتنازل وتترك المكان وان لاتتواجه معهم واذا وحدث ان تواجهة معهم فيفضل ان تتصل على الشرطه سريعا .
48.يفضل ان تعين محامي للطوارئ
49.يفضل عدم سب الدوله او الحكام ولو على سبيل المزاح .
50.يفضل عدم سب دينهم او التهكم بهم .
51.يفضل عدم ضرب اطفالك او تهزيئهم اوشتمهم امام الاخرين فقد يعرضك لمشاكل وقضايا .
وهذا الي يحضرني الان وإن شاء الله نروح ندرس ونرجع سالمين يارب

وقد تمت اضافت الاخت متفائله في موضوعها (نصائح الى ابناء الوطن الغالي )

http://www.mbt3th.us/vb/showthread.php?t=49349



وموضوع الاخ خرخير بعنوان ( تعليمات يجب مراعاتها لتجنب المشاكل القانونيه في بريطانيا )

http://www.mbt3th.us/vb/showthread.php?t=69600

وموضوع الاخ rayan _2008 بعنوان ( ثمانيه نصائح ذهبيه للقادم لكندا )

http://www.mbt3th.us/vb/showthread.php?p=683993#post683993

والله يوفق الجميع في الخير

[bullet4myvalentine]

المشاركة الأصلية كتبت بواسطة ابوتة ياعالم انا مكتئبه:( ارسلولي الابتعاث رساله على ابها وانا بالرياض والمفروض اروح اليوم الساعه 10 بس مرررررررررررره بعيد اروح على موعد الرياض ولا بيكشتوني :(

لا تكتئبي
لانو هما عاملين قائمه اسماء في المقابله وتحطي صح على اسمك زي كده اعتقد
انتي روحي حاولي تروحي الصباح مو المساء وقولي عدرك ان شاء الله اللي يدققوا مايقولوا حاجه
ان شاء الله يسير خير

[bullet4myvalentine]

المشاركة الأصلية كتبت بواسطة mada_al7ob ياااقلبي تسلميلي مرررة تمنتيني بس معليش انا حعدلها فنفس الوقت ويخلص الموضوع وللا حيتول؟؟؟ معليش ياقلبو تعبتك معايا مررررة شكرا

الله يسلمك
عايدي ماراح يطول تعدلي عندهم بس تقعدي ساعه وخلاص ازا قولتي مافي تعديل بيانات كلو شي معاكي تمام تخلصي في نص ساعه بس
لا تعبك راحه
العفو لك
والله يوفقك في الخير

[ابوتة]

الله يعطيك ألف عافيه يا bullet
دعواااتكم :(

[mada_al7ob]

سؤال لو سمحتو

اقرار ولي الامر يوقع عليه بابا وللا كيف؟؟؟

[bullet4myvalentine]

المشاركة الأصلية كتبت بواسطة ابوتة الله يعطيك ألف عافيه يا bullet دعواااتكم :(

ويعطيك العافيه يارب
معليه حسبتك بنت مو ولد سامحني
لا تخاف ولا تكتئب ان شاء الله يسير خير اللي يدققوا طيبين وماراح يعملوا لف دوران اهم شي قدمت
والله يوفقك في الخير