(للمستجدات) .. كل ما تريدي معرفته عن السكن الداخلي للطالبات فرع السليمانيه

[د.كلي اشراقة وطموح]

المشاركة الأصلية كتبت بواسطة meeno92 ههههههه انا كنت في مبنى 5 عمارة c الدور الثاني بس انو خلاص في بنت اخدت غرفتي, من أول السنة كانت تبغاها, فوأنا طالعة قلتلها خلاص تقدم طلب تحويل وتجي غرفتي بس عموما صدقيني في أي مبنى تنحطي في راح تلاقي بنات طب وراح تشوفيهم كل يوم باللابكوت والسكربز وراح تتحمسي زياادة.. تشوفيهم راجعين من الدوام والا رايحين الصباح والا في بريكاتهم.. مرة شي يحمس الصراحة السكن لو ما تعرفي أحد في حيكون شوية يخوف.. خصوصا اول يوم يوم تجيبي اغرااضك وكذة.. مرة تعبني انا بس بعد كذة اتعرفت على بنات والحمدلله كان حلو ما راح اكون زي البنات اللي يقولولك لاا السكن مرررررة سيء وكريه لأنو صراحة ما لقيتو كريه ابدا بالعكس في ناس مرة طيبيين وجو دراسي ممتااز مشكلتي الوحيدة إنو أنا متعودة على الطلعة.. ما احب انحبس.. وما عندي أهل ابدا في جدة, فكنت ما اطلع بالشهوور الين ما سار بابا مسكين كل اسبوعين يجي بس عشان يخرجني اغير جو بس الصراحة حلو السكن.. إن شاء الله تنبسطي في إذا عندك أي اسئلة او أي حاجة لا تتردي حبيبتي ويااااا رب يااااااااا رب تنقبلي طب.. حاسة فيكي كنت بالزبط زيك

د.مينو توي اعرفك اهم شي والله حفتقدك يابنت وعلى فكره غرفتك كانت في بالي هع هع
اتهني بالسكن الخارجي الله ييسرلك ويوفقك في كل امورك

[د.كلي اشراقة وطموح]

المشاركة الأصلية كتبت بواسطة جنون أطفال من فين أطبعها ؟؟ ^_^

تطبعي الورقه من الموقع مكتوب الكشف الطبي ولاتكشفي عند خاص لأنك عتطري تعيدي الكشف تاني

[جنون أطفال]

المشاركة الأصلية كتبت بواسطة د.كلي اشراقة وطموح تطبعي الورقه من الموقع مكتوب الكشف الطبي ولاتكشفي عند خاص لأنك عتطري تعيدي الكشف تاني

أهأاا مشكووورة قلبوو

كويس إنك قلتيلي لأنو كان فبالي أسوي فخاص ,,

[MeeNo92]

المشاركة الأصلية كتبت بواسطة صانعة المستحيل لبى قلببك خيتووو حبييت كلامك فيه تفااائل مرررة أنا كمان قدمت عالسكن فإذا مافي ازعاج أتعرف عليك

أهم حاجة تظلي متفائلة خصوصا في دي السنة

والله انا طلعت من السكن دحين, بس اكييد ما عندي أي مانع نتعرف حبيبتي

المشاركة الأصلية كتبت بواسطة h7nen حبيبتي اطبعي ورقة الكشف الطبي وروحي للاداره الطبيه اسالو الامن يدلوكم عليها من هناك تسوي الكشف الطبي دكتوره منووووووووو في حجات كثير ابي اسال عنها بالنسبه للغرفه اول ماجيتي كانت نظيفه ولا لا طيب اشياء مرا مهم لازم تكون معاي بليز اللبس كيف فري ولا يقعدولي على كل حاجه يعني بناطيل وكذا مسبحهم هذا مفتوح ولا بس منظر فتشوا اغرضك لما جيتي ولا بس على طول دخلوك امممممم في حاجه بعد راح اسال عنها بالنسبه للجامعه مكان دراسة التحضيري للبنات في مبنى واحد او عدة مباني مقفوله بسور ولا اتمرمط اروح واجي مشي بين الشوارع عشان اوصل للمبنى محاضرتي اتكلم عن حالتي انو طالبة سكن وبس اتمنى فهمتي السؤال الاخير انتظر ردك

لا تتردي اسألي زي ما تببغي.. كنت نفس حالتك حاسة فيكي والله

انا عن نفسي الغرفة كانت نظيفة الحمدلله.. بس اعرف بنات كثير صراحة ما كانت مرة كويسة

والبنات اللي غرفهم في الدور الأرضي ممكن مممكن احتماال تدخل حشرات ><"

بس انا الحمدلله كنت مو الدوور الثاني فما جاني ولا شي ابدا.



بالنسبة للبس لا طبعا خدي رااحتك, بنطلونات عادي اكيد.

بس مو مرة مرة تاخدي راحتك يعني p:

ما تلبسي قصير وعرياان ومن دا الكلام لا ما ينفع

حتلاقي بنات لابسين زي كذة , بس يعني مو مرة حلو

وتلاقيهم حتى لما يجو يدخلو الإشراف لازم يلبسو عباية والا حاجة, لأنو اللبس اللي زي كذة ممنوع

بس البنطلونات والجينز كلو عادي مسموح


ههههههههههههههههه لا المسبح فيلو اوقات ينفتح فيها, مو بس منظر لا تخافي p:

بس يبغالك تروحي للكابتن تتأكدي منها متى أوقات يكون فيها مفتوح

ولازم ترى مايوه اسلامي, ما ينفع أي بنطلون وبلوزة , ما حترضالك تسبحي الا بالمايو.

من ناحية التفتيش واللهي فتشووو كلللللل اغراضي وأنا داخلة

كان معايا 3 شنط كبيرة واكياس وحوسة , وكلها فتشوها

بس بعدين لما تطلعي مثلا ويك اند وترجعي تدخلي, على حسب مزاجهم. احيانا يفتشو احيانا لا

بس وقت الدخوول اللي بداية السنة او الترم يفتشو من قلللب

(بعد فترة حتعرفي كيف طريقة التهريب وتتعلمي من البنات )


الجاامعة فيها جزء كبييير اسمو شطر الطالبات. مباني كثيييرة مرة , وللأسف التحضيري دايما يمرمطونا

كل محاضرة في مبنى

اول يوم يومين اسبوع حتحسي نفسك ضااايعة, بس بعد كذة خلاص حتعرفي كل حاجة فين مكانها إن شاء الله

اظن لو رحتي اليوم الإرشادي حيعطوكي خريطة للجامعة, احنا عطونا السنة اللي فاتت

أول يوم رحنا كان كل مكان تمشي في تلاقي بنات ماسكين الخريطة هذي وحايسييين كلنا ضايعين

لا تخافي باصات السكن توصلك لوحدة من بوابات شطر الطالبات, يعني حوستك كلها حتكوون وسط الجاامعة.. عشان تكوني مستعدة خلي معاكي نظارة شمسية وإذا جلدك حسااس واقي شمس كمان

حتمشو كثيييير في السنة هذي.

بليز إذا عندك أي اسئلة كمان لا تتردددي

[MeeNo92]

المشاركة الأصلية كتبت بواسطة د.كلي اشراقة وطموح د.مينو توي اعرفك اهم شي والله حفتقدك يابنت وعلى فكره غرفتك كانت في بالي هع هع اتهني بالسكن الخارجي الله ييسرلك ويوفقك في كل امورك

يؤ يؤ

مين انتي يا بنت

أكيد حفتقدك إنتي كمان ههههههههههه بس خليني أعرف مين انتي عشان اعبر زي الناس

[جنون أطفال]

مينوو أبا أسألك ليه طلعتي من السكن .. وأخذتي سكن خارجي ,,

بصرااحة .. لأنو أنا ما أبغى السكن الداخلي وأبغى الخارجي بس ماما وبابا يقولو لأ ..

وفأي سكن خارجي حتسكني ..

[MeeNo92]

المشاركة الأصلية كتبت بواسطة جنون أطفال مينوو أبا أسألك ليه طلعتي من السكن .. وأخذتي سكن خارجي ,, بصرااحة .. لأنو أنا ما أبغى السكن الداخلي وأبغى الخارجي بس ماما وبابا يقولو لأ .. وفأي سكن خارجي حتسكني ..

اممم صراحة أنا طلعت لأني ماني متعودة على الحبسة .. وما عندي أهل في جدة , فكان ممكن يمر شهر شهرين ماا اطلع من السكن.. من الجامعة للـ "بيت" , ومن البيت للجامعة.

أنا طبيعتي لازم شوية ترفيه عن النفس عشان اقدر اذاكر.. كنت لما اكمل شهر او زيادة تجيني حالة كآبة

وكمان عندي صااحبات ماهم في السكن, وكانو يتجمعو مع بعض يطلعو او يذااكرو, وكنت مرررة انقهر

وكمان في أشيااء مرة حلوة تصير في جدة, مؤتمرات وإجتماعات وغير كذة , وكانوا برضو كل صاحباتي يروحولها وأنا ما اقدر.

فأنا كنت ماسكة نفسي سنة وحدة, بس تحضيري, قلت لنفسي ادرسها في السكن عشان يكون وقتي كلو للدرااسة وأنقبل في اللي ابغاه, لأنو جو السكن جو دراااسة مرة.

وكمان دحين في الطب في مشاريع كثيرة وإجتماعات وغيرو, ومرة حابة احضرها, فلازم اطلع سكن خارجي

آخر حاجة في نقطة في سكن الجامعة, دايما حاسة إنك لازم تخبي حاجة.. انا عن نفسي كان معايا بي بي وآيفون وخايفة الأمن يلاقيهم, ودايما عندهم قوانين غريبة يحطوها احيانا السكن, حتتعرفي عليها لما تروحي p:

ما ابغاكي تحسي من كلامي إني مرررررة كنت متضايقة من السكن وإنو لا يطااق

لا ابدا

بس أنا الراحة النفسية عندي اهم حاجة, وصراحة ما ارتااح الين ما اكون مسؤولة عن نفسي تماما, وماني مراقبة..

بس صدقيني ماني ندماانة ابدا على السنة اللي قضيتها في السكن.. وربي تتعلمي اشياااء مستحيل تعرفيها لو إنك ما دخلتيه

والتحضيري إلى الآن أحلى سنة قضيتها في حيااتي.. ولو ما كنت في السكن كانت نص التجربة راحت عليا

السكن تجربة جدا رائعة, يعني من جد لو قدرتي على السكن, إعرفي إنك تقدري على أي حاجة

[MeeNo92]

بالنسبة لأي سكن رحت, أنا لقيتلي واحد جنب الجامعة

اسمو البتول

جديد ومبناه حلو مرة

[د.كلي اشراقة وطموح]

المشاركة الأصلية كتبت بواسطة meeno92 يؤ يؤ مين انتي يا بنت أكيد حفتقدك إنتي كمان ههههههههههه بس خليني أعرف مين انتي عشان اعبر زي الناس

وحده من الشله بعدين اقلك خخخ
بعدين لا تحبيبي البنات في السكن الخارجي بعدين يسير سكنا فاضي

[جنون أطفال]

طيب ممكن تقوليلي كيف سكن البتول من ناحية الأمان والدخلة والطلعة كيف يعني ..

لأنو ماما وبابا عندهم فكرة إنو سكن الجامعة أفضل ,,

و ماما وبابا يقولولي فسكن الجامعة حتلاقي بنات تعرفيهم وهما ما يبغوني أكون وحدي ..

فإذا ماما و بابا رضيو ممكن أتعرف عليكي و نكون صحبات ..