الاستفسار عن مسار الفسيولوجي او الاجنه بالنسبه لعل

[أدعولي حلمي أكون معيد ه..]

باهلا وسهلا ب ابتسامة دمعة ان شاء الله ايامك ابتسامات من غير دموع

بس نصيحه متادوله بين اغلب طالبات الماستر ان اول ترم مادتين اخاف اقولك سجيليها وتندمي
مادام انك متفرغه خلاص خلي الترم الاول تجربه لكي بمادتين بس وتعرفي علي الوضع وطريقة الدراسه لان لازم تدرسي اول باول انا ترى الدكاتره الى درسوني مواضيع كان اسلوبهم حلو واختباراتهم حلوه بس البقيه الى درسو البنات وكتبو البنات اساميهم انا شفت اسالتهم سهل ممتنع صراحه خليها مادتين فقط
الترم الثاني اما تسجلي 3 مواد مثلي او 4 اذا عندك قدره ومتفرغه
مادة مجهر الكتروني ماتدرس شبكه لا في الصور تبع مباني البنين مو في باب اسود اظن حتي قبل بوابه 13 تدخلي منه وتلفي يمين علي ما افتكر تحصلي مبنى شكله من الخارج كانه قديم يخصصو يوم في الاسبوع اويومين كل الطلاب يخرجو منه مايبقى الا الدكتور فقط وكمان يجو بنات يكملو شغلهم عندهم احياء وتخصصات ثانيه لان استخدامات emمو بس للاحياء
والدكتور خلوق ومحترم وتعاملوه كانه ابوكي
وكذا افضل شفنا الاجهزه وتعلمنا بالشغل صح كان شغل بسيط بس استفدنا احسن من الشبكه بستين مررررررررررررره وهذا كله واحنا بعبايتنا ومتغطيات زين

[أدعولي حلمي أكون معيد ه..]

ربي يوفقنا كلنا لما يحبه ويرضاه

[أدعولي حلمي أكون معيد ه..]

ايو ه بالنسبه للفسيولوجي افضل دكتوره مشرفه هي د سهيله قاري والله اعلم
انا ما اعرفها زين ولا حصل انها درستني والله هذا كلام البنات

[أدعولي حلمي أكون معيد ه..]

انا باقترح ل عمادة الدراسات العليا ان اي طالبه تدخل ماستر وتنقبل لازم يتعملهم دوره تدريبيه تعريفيه عن الماستر ككل
شو رايكم
وكمان لازم اول تنعمل دورتين لغه انجليزيه قبل بديل التوفل وبعده وتكون اجباريه
ياناس ياهو الى رايحين بعثه وببلد اجنبي وغصب راح يتكلمو englishوكمان دخلو اختبار قياس لللغه شو ماكان اسمه ستيب ولا توفل ...........
ومع هذا يعملولهم دوره لمدة ترم او سنه والله اعلم english صراحه احنا في حاجه لمثل هذه الخطوه
تري انا عن نفسي حست حوسه ما يعلم بيها الاربي خصوصا في اللغه
وللاسف هذا حال كثير اشياء ماشيه علي باب الله من دون ترتيب اوتنظيم والواحد موعارف الى له والى عليه يعني حقوقه وواجباته
لا تزعلو مني بس حبيت اعمل (خواطر حلمي اكون معيده الجزء الاول )

[never hide]

بجد بجد يا بنات اللهيسعدكم كلكم انا حبيتكم من قبل ما اشوفكم و نفسي نتقابل بس متى و كيف
بس بشرط اهم شي القهوة و لا تنسو الحلا

يارب تصيري معيده اد الدونيا ....

د . هنادي اول مره اسمع بيها فين مكتبها ...

انا سمعت عن البيبر و البروبوسال من بنات قبلي و هو نفس الكلام اللي قلتي عليه و ياريت البنات كلهم يستفيدو من اللي كتبتيه

ابتسامة دمعة ترى انا بجد كنت افكر بنفس طريقتك اول ترم كانت المشرفة على الدراسات العليا هي د سهيلة و قعدنا معاها نتناقش و قلت لها يادكتوره انا متفرغة و اقدر اضيف اكثر من مادتين لكن هي رفضت و قالت لي يااااااااادوبك يمديكي تلحقي على الاحصاء و المواضيع ....و بصراحة لما شفت المادتين عرفت انو كلامها صح مية ميه

عارفين ان الموضيع الخاصة عن مادتين طبعا كل دكتور له منهج مستقل لوحده و بصراحة الشبترات طويلة طويلة

و حتى الاحصاء يبغاله تفرغ و تركيز و حل تدريبات عشان تفهمي يعني بالكاد الوقت يكفي عشان تعطي المادتين حقها

و يا حبيبتي نامي ملئ الجفنين لسه بدري على الهم

و تحية لكل بنات البيو الحلوات

و ميرسي لكل من شاركت في هذا التجمع الطيب و لو بكلمة

و اكيد طبعا نرحب بكل الحبوبات من جده و من برا جده احنا ف الخدمة ياحلوات ...

[roro85]

ياجمااعه انا جدولي نزل فاضي وما عندي حذف واضافه ياريت المستجدات يقولولي ايش سار معاهم وانتو تدخلو فين سنه 2010 ولا 2011 لانو 2011 مافي طلاب في الشعب حاطين الفعلي صفر انا تعبت مني عارفه ايش اعمل ؟؟؟؟؟

[أدعولي حلمي أكون معيد ه..]

ادخلي 2010
اصلا انا ما فتحت معايا الصفحه بعد ما دخلت الرقم والان ان شاء الله بحاول

[roro85]

كيف الفين وعشره وحاطين كل الدكاتره ترى مررره مااظن وكمان في موضوع مثبت عن طريق التسجيل دوبي قريت انو نكتب الفين واحداش ؟؟؟؟؟؟؟؟؟؟؟؟؟؟؟؟؟؟

ترى مرررره مايسيييير اللي بيعملووه فينا

[أدعولي حلمي أكون معيد ه..]

دخلت
مافي حذف واضافه
اصلا مافي الا تخصص رمزه cs
ايش الحكايه بالضبط ؟؟؟؟؟؟اشبهم مخبصين الدنيا كذا ؟؟؟

[roro85]

بليييز اي احد يسير معاه جديد يبلغنا بالمهزله دي داااائما كدا ناااس تقلل من قيمتنا فعلا العالم طلعت القمر واحنا لسى نضيف ونحذف بنفسناا في الجامعه ...