(للمستجدات) .. كل ما تريدي معرفته عن السكن الداخلي للطالبات فرع السليمانيه

[صانعة المستحيل]

المشاركة الأصلية كتبت بواسطة h7nen صانعة المستحيل حابه اتعرف عليك انا نفسك ابغى طب بس في اخنلاف بسيط اللي هوا انو انا تحضيري خطه ب في مجال اتعرف عليك

لبى قلبك خيتووو
أتشرف بمعرفتك
إذا حابة ترسليلي ايميلك عالخاص مافي مانع

[MeeNo92]

من ناحية جو الدراسة

فما حتلاقي مكان في البلد فيلو جو دراسي اكتر من السكن

لا جد , خصوصا انكم دحين تحضيري, وزي ما قلت نص بنات السكن تحضيري

فحتمشي تلاقي اللي تذاكر واللي تحفظ

وتسوو قروبات للمذاكرة للي تحب تذاكر جماعي

وأنا الحمدلله حطوني في دور نصو بنات طب

فحمسووني وقالولي كيف اذاكر ومن فين ومررررة رفعو معنوياتي كل شوية والثانية

وكنت دايما انا متخوفة واقللهم لا وما حقدر ادخل طب وما حنقبل<< متشائمة مرة

بس كانو يسكتوني ويقولولي الا داخلة وروحي ذاكري ..والحمدلله انقبلت.. والله ايام ما تتنسي, من جد اشكرهم من اعمق اعماااق قلبي

فمن ناحية جو الدراسة, صدقيني حتذااكري غصبا عنك لما تشوفي همة وإصراار بعض البنات, حتتحمسي أولا وثانيا, حيصير في زي التنافس, نفس تجيبي درجاات عالية عشان تضمني اللي تبغي تدخليه


سوري ادري اتكلمت كثير

بس اتحمس في الكلام دايما انا

بالتوفيق ليكم كلكم

[h7nen]

ياحبيبتي انا برضو ابي طب
ادعي لي بس اذا ممكن انتي اي مبنى واي دور
وكيف لقيت السكن بصراحه

[MeeNo92]

ههههههه انا كنت في مبنى 5

عمارة c

الدور الثاني

بس انو خلاص في بنت اخدت غرفتي, من أول السنة كانت تبغاها, فوأنا طالعة قلتلها خلاص تقدم طلب تحويل وتجي غرفتي

بس عموما صدقيني في أي مبنى تنحطي في راح تلاقي بنات طب

وراح تشوفيهم كل يوم باللابكوت والسكربز وراح تتحمسي زياادة.. تشوفيهم راجعين من الدوام والا رايحين الصباح والا في بريكاتهم.. مرة شي يحمس الصراحة


السكن لو ما تعرفي أحد في حيكون شوية يخوف.. خصوصا اول يوم يوم تجيبي اغرااضك وكذة.. مرة تعبني انا

بس بعد كذة اتعرفت على بنات والحمدلله كان حلو

ما راح اكون زي البنات اللي يقولولك لاا السكن مرررررة سيء وكريه

لأنو صراحة ما لقيتو كريه ابدا

بالعكس في ناس مرة طيبيين وجو دراسي ممتااز

مشكلتي الوحيدة إنو أنا متعودة على الطلعة.. ما احب انحبس.. وما عندي أهل ابدا في جدة, فكنت ما اطلع بالشهوور

الين ما سار بابا مسكين كل اسبوعين يجي بس عشان يخرجني اغير جو

بس الصراحة حلو السكن.. إن شاء الله تنبسطي في

إذا عندك أي اسئلة او أي حاجة لا تتردي حبيبتي

ويااااا رب يااااااااا رب تنقبلي طب.. حاسة فيكي كنت بالزبط زيك

[صانعة المستحيل]

المشاركة الأصلية كتبت بواسطة meeno92 ههههههه انا كنت في مبنى 5 عمارة c الدور الثاني بس انو خلاص في بنت اخدت غرفتي, من أول السنة كانت تبغاها, فوأنا طالعة قلتلها خلاص تقدم طلب تحويل وتجي غرفتي بس عموما صدقيني في أي مبنى تنحطي في راح تلاقي بنات طب وراح تشوفيهم كل يوم باللابكوت والسكربز وراح تتحمسي زياادة.. تشوفيهم راجعين من الدوام والا رايحين الصباح والا في بريكاتهم.. مرة شي يحمس الصراحة السكن لو ما تعرفي أحد في حيكون شوية يخوف.. خصوصا اول يوم يوم تجيبي اغرااضك وكذة.. مرة تعبني انا بس بعد كذة اتعرفت على بنات والحمدلله كان حلو ما راح اكون زي البنات اللي يقولولك لاا السكن مرررررة سيء وكريه لأنو صراحة ما لقيتو كريه ابدا بالعكس في ناس مرة طيبيين وجو دراسي ممتااز مشكلتي الوحيدة إنو أنا متعودة على الطلعة.. ما احب انحبس.. وما عندي أهل ابدا في جدة, فكنت ما اطلع بالشهوور الين ما سار بابا مسكين كل اسبوعين يجي بس عشان يخرجني اغير جو بس الصراحة حلو السكن.. إن شاء الله تنبسطي في إذا عندك أي اسئلة او أي حاجة لا تتردي حبيبتي ويااااا رب يااااااااا رب تنقبلي طب.. حاسة فيكي كنت بالزبط زيك

لبى قلببك خيتووو
حبييت كلامك فيه تفااائل مرررة
أنا كمان قدمت عالسكن فإذا مافي ازعاج أتعرف عليك

[د.كلي اشراقة وطموح]

المشاركة الأصلية كتبت بواسطة meeno92 ههههههه انا كنت في مبنى 5 عمارة c الدور الثاني بس انو خلاص في بنت اخدت غرفتي, من أول السنة كانت تبغاها, فوأنا طالعة قلتلها خلاص تقدم طلب تحويل وتجي غرفتي بس عموما صدقيني في أي مبنى تنحطي في راح تلاقي بنات طب وراح تشوفيهم كل يوم باللابكوت والسكربز وراح تتحمسي زياادة.. تشوفيهم راجعين من الدوام والا رايحين الصباح والا في بريكاتهم.. مرة شي يحمس الصراحة السكن لو ما تعرفي أحد في حيكون شوية يخوف.. خصوصا اول يوم يوم تجيبي اغرااضك وكذة.. مرة تعبني انا بس بعد كذة اتعرفت على بنات والحمدلله كان حلو ما راح اكون زي البنات اللي يقولولك لاا السكن مرررررة سيء وكريه لأنو صراحة ما لقيتو كريه ابدا بالعكس في ناس مرة طيبيين وجو دراسي ممتااز مشكلتي الوحيدة إنو أنا متعودة على الطلعة.. ما احب انحبس.. وما عندي أهل ابدا في جدة, فكنت ما اطلع بالشهوور الين ما سار بابا مسكين كل اسبوعين يجي بس عشان يخرجني اغير جو بس الصراحة حلو السكن.. إن شاء الله تنبسطي في إذا عندك أي اسئلة او أي حاجة لا تتردي حبيبتي ويااااا رب يااااااااا رب تنقبلي طب.. حاسة فيكي كنت بالزبط زيك

د.مينو توي اعرفك اهم شي والله حفتقدك يابنت وعلى فكره غرفتك كانت في بالي هع هع
اتهني بالسكن الخارجي الله ييسرلك ويوفقك في كل امورك

[MeeNo92]

المشاركة الأصلية كتبت بواسطة د.كلي اشراقة وطموح د.مينو توي اعرفك اهم شي والله حفتقدك يابنت وعلى فكره غرفتك كانت في بالي هع هع اتهني بالسكن الخارجي الله ييسرلك ويوفقك في كل امورك

يؤ يؤ

مين انتي يا بنت

أكيد حفتقدك إنتي كمان ههههههههههه بس خليني أعرف مين انتي عشان اعبر زي الناس

[د.كلي اشراقة وطموح]

المشاركة الأصلية كتبت بواسطة meeno92 يؤ يؤ مين انتي يا بنت أكيد حفتقدك إنتي كمان ههههههههههه بس خليني أعرف مين انتي عشان اعبر زي الناس

وحده من الشله بعدين اقلك خخخ
بعدين لا تحبيبي البنات في السكن الخارجي بعدين يسير سكنا فاضي

[جنون أطفال]

أنا حقدم عالسكن ,,
وأبغى أعرف الكشف الطبي كيف أسويه يعني أروح المستشفى و أقولهم أبغى كشف طبي ولا أروح الجامعة يدوني ورقة للكشف ولا كيف ؟؟ وعادي لو كان من مستشفى خاص ولا لازو حكومي ..

وإيشش الأشياء إللي طلبوها منكم بالظبط ؟؟


إيوا وكمان فالسكن لو أبغى غرفة لوحدي إش المباني إللي غرفها لوحده ؟؟

[Fatema Alshareef]

المشاركة الأصلية كتبت بواسطة جنون أطفال إيوا وكمان فالسكن لو أبغى غرفة لوحدي إش المباني إللي غرفها لوحده ؟؟

المبنى السابع والمبنى الثامن ,, دا كان قبل ,, بس دحين ما اتوقع لانهم سووا اخلاء للمبنى الثامن

وصار خاص لبنات الانتساب ,, واتوقع الوضع بالمباني الباقيه مزحوم ,,

ولاتطلبيهم غرفه لوحدك كدا مباشرة تقوليلهم لانهم على طول حيقولولك مافي ,, بس انتي خليها

مع الايام لين توصلي لمرادك ,, واول الايام حاولي يكون عندك صبر اكثر ,,