تجمع طالبات المستوى الخامس انتساب--استفســـارات فقط

[ام حمدان]

^
يعطيك العافيه ياعسل
تقريبا هذي فكره القصه بأختصار شديد

لكن انتبهوا يابنات الاستاذه شددت على انه مهم نقرأ نصوص القصص والمسرحيه بالكامل لانه تقول راح تجينا اسئله تتعلق بمعلومات مهمه يااما عن الشخصيات او الاحداث نفسها او عن المكان ذكرت في النصوص وماحد يعرف يجاوبها الا الي قرأ النصوص كويس يعني لا حد يعتمد على فهم القصه بشكل عام ومايروح يقرا النصوص لانه بتضيع عليكم كذا درجات مرره كثير الله لايقدر

بالتوفيق

[ميمي النرجسيه]

لو سمحتوا ابغى اي شي عن مقدمة لغويات
بصراحة ماني عارفة كيف اذاكرها ساعدوني الله يعطيكم العافية

[ام حمدان]

^
اقرأي الموضوع هذا من اول لاخره

راح تلقي سلايدات تبع مس الاء تساعدك في ترتيب افكارك بعد ماتقري وتفهمي من الكتاب وكمان كاتبين ايش الشابترات الي داخله معنا في الامتحان
وايضا حاطين كذا رابط يساعدك في معرفة نطق الصوتيات
وكمان في رابط تقدري تحملي منه ملفات صوتيه لكامل المنهج بصوت استاذ مصري يقرا المنهج ويشرح بالعربي
تمسكي كل شابتر وتشغلي التسجيل وتتبعي معاه في الكتاب وبعد ماتفهمي تروحي تراجعي مره ثانيه وتبداي تحفظي الاشياء الي اتنحفظ زي التعريفات
وتحلي اسئلة الكتاب وراح تلاقي اجوبتها خلف الكتاب من ص 228 على مااعتقد وكمان كل التعريفات موجودد ورى اخر الكتاب تروحي تحفظي منها التعريفات تبع الشابترات الي جاخله معانا فقط

http://www.skaau.com/vb/showthread.php?t=268604

اقري الرابط وراح تستفيدي

بالتوفيق

[little Angel]

يابنات مافى شئ محذوف فى الرايتنق2 والهاندز أوت كيف تتذاكر ؟؟
وطريقة الأمتحان بليز؟؟
الله يقويكم..

[ام حمدان]

المطلوب في رايتنق2
شابتر3 و5 الي هي persuasive essay+argumentive esaay----مشروحه في الكتاب والهانداوت
اما summrizing--paraphrasing--quoting--documentation
ذاكريهم من الهاند اوت لانها مشروحه فيه بطريقة افضل من الكتاب وعندك امثله كثيره على كل طريقة

الامتحان يجي بنفس الطريقة تبع النموذج الي في الدليل الارشادي زوري الموضوع المثبت هذا

http://www.skaau.com/vb/showthread.php?t=296596


الهاند اوت لو مو عندك شوفيه في المرفقات
يعني هي مرتبه فيها الدروس افضل من الكتاب عايم على بعضه


بالتوفيق

[MOFY]

سؤال عالطيار فديتكم ,,

الفصل السابع في اللغويات .. المورفولووجي ,,

اش حكاية صفحه68
هذي حيجي منها سؤال لا قدر الله تتوقعوا ؟؟
انا احس انو معلومه ثقافيه لا اكثر ولا اقل << يعني مو من ضمن الزبده
طبعا قيسوا عليها في بقية المنهج << اش رايكم بنات !!

[ام حمدان]

كتبت رد طويل وانقطع الاتصال وعصبت مررررررره

عموما انا مثلك نفسي اعرف اذا ممكن يجينا اللغات الغريبه ذي او لا؟
خاصه وانه الامور الي مثل كذا ماانشرحت لنا كنا ساعات نىخذ 3 شابترات في محاضره وحده يعني ابدا ما نلحق نخوض في التفاصيل بصراحه انا مو فاكره اشياء كثير من المحاضرات بس من الكتاب رجعت افهم نفسي لانه اسلوبه واضح الحمدلله

عموما لو كان بيجينا شي منها اتوقع راح يكون بنفس طريقة اسئله الكتاب الي عليها

وهي حسب مافهمت من شرح الكتاب ماتنحفظ
لكن الي ممكن تحفظيه هي الاضافات الي حصلت للكلمات في كل لغة شارحها
اما الترجمه فراح يكتبوها لكي اكيد مدام مكتوبه في اسئلة التمارين معناته حتى لو جات في الامتحان راح يكتبوا ترجمتها لكن يطلبوا منك فقط تحولي الكلمه يااما من مفرد لجمع او من اسم لصفه
بعطيكي مثال عشان تفهمي وتقيسي عليه ---من الكتاب طبعا مو من راسي
مثلا لو جابت كلمه من اللغة
Ganda---صفحه68
شوفي الكلمات لمن تكون مفرد كاتبلك اضافه قبلها omu
والجمع كاتبلك قبلهم aba
يعني هذي قاعده عندهم في اللغه تبعهم اي مفرد لازم ينكتب قبله هذي الاضافه عشان يميزوا انه مفرد
واي جمع لازم يكتب قبله هالاضافه عشان يميزوا انه جمع
وقياساً على ذلك
لو جابت اي كلمه سواء زي الي في الامثله او وحده غير راح تطتب ترجمتها اكيد
وراح تعطيكي الكلمه مفرده وتطلب تديها الجمع لها او العكس
او تحوليها من اسم لصفه او العكس

شوفي عندك سؤال رقم 5 ص70
اقريه وراح تفهمي كيف الصياغه الي ممكن تجي وتفهمي قصدي
الاجابات طبعا كلها ورى في الكتاب من ص 228 تبدا صفحات الاجابات

اتمنى البنات يفيدونا اكثر عن الشي ذا فعلا بيجي ولا لا
الماده ذي طلعت الشيب في راسي مع اني حابتها بس كارهه الحفظ الي فيها مرره كثير

[little Angel]

موفي...كيفك؟؟؟
وحشتيني أنتي وكل القروب..
الله يسعدك ياأم حمدان..

[سلاف]

صباح الخير

نصيحه يابنات اللغويات لاتطير منكم تقدروا تاخذو درجات مرتفعه فيها اذا ركزتم في مذاكرتها
خاصه ان اسئلتها تجيك منوعه وواضحه مافيها غموض
اخذتها قبل سنه مع الاء واسلوبها حلو واخذت درجه مرتفعه
الترم اللي فات صحباتي خذوها مع مس ليلى وبرضوا اخذوا درجات مرتفعه

بالنسبه للمورفولوجي ماعتقد بجيكم الا الاساسيات فيه
هذى اللغات اخذناها بشكل موسع في الماده نفسها وترى مره سهله


فالكم التوفيق

[إلهام]

مـــــآ أعتقد أبدأ يجيكــ في فصل المورفولوجي الصفحآت الأخيرهـ من عند other language
احنآ مآ انشرحت نهآئيآ ..

مثآل على طريقة الأسئلة في هذآ الفصل والفصل الـ 5 ..> هذي االفصلين تعتبر من أسهل فصول الكتابــ
Mock Test for Chapter 5 & 6.docx

موفقين يآآآربـــ....