تجمع للجداول و تعديلها||~

[تذكار غموض]

لافي مكتبه لوتبي ....لانو كثير ومافيا اكتب ...^^

[Prestige01]

هدا الجدول الي سويتو

[Abdualaziz Saleh]

زي مين مثلا

[rofi]

السلام عليكم ..

بسالكم / الحين كل ماضفت ماده يقولي خطاء في التسجيل :(

ايش الحل ؟!

[Prestige01]

الفيزيا الطبيه لو بدخلها
كيف ؟
لازم ادرس كم مستوى اول ؟
ولا كدا ادخل على طول ؟

[Optimistic Sona]

المشاركة الأصلية كتبت بواسطة .. الظل .. و عليكم السلام و رحمة الله .. و الله اسوأ سمستر مر عليّ أنا و ليلو .. الله يعين :( جدولك تمام ، اقترح عليك تحذفي اللاب و تحطي ديناميكا .. و للمعلومية أنا اخذتها مع وفاء و كانت عسل و المنهج قليل ما اعرف سناء كيف طريقتها معكم ^^

بالله :(
والله محتارة ما أفكر أحذف اللاب لأنو بعد كذا زحمة لابات وصح هي بساعة بس تآخد وقت :/
سناء صح أسئلتها صعبة ومو مباشرة بس تفهم .. عشان كدا محتارة

المشاركة الأصلية كتبت بواسطة lelou أول شي بسألك سؤال ملقوف شوية:~ ليش ما تبغي تضيفي حديثة؟! إذا ما تبغي تقولي السبب هنا أرسلي لي عالخاص عشان أعرف أتفاهم معاكِ.. و إذا مو حابة ترسليه كمان براحتك.. لكن إنتِ شايفة الخطة,, و عارفة أنه المادة دي مرة مهمة و في مواد كثير متطلبتها.. // فإذا مو حابة تضيفيها أضيفي ديناميكا على الأقل عشان لا تتراكم عليك المواد.. و غيري موعد معمل الكيمياء.. بس أنا حأقول لك عشان قبل لا تضيفي الديناميكا و تدعي علي:~ معادلات تفاضلية لازم تشدي حيلك فيها كويس.. مو صعبة لكن الاستاذة تصحيحها دقيق جدًا و تودي درجات.. بس شرجها حلو و أسئلتها مو مرة صعبة.. و المادة مو مرة سهلة,, بس مو مرة صعبة.. بس حلوة لو شديتي حيلك شوية بإذن الله تنجحي فيها.. + الميكانيكا عليك العوض و منك العوض,, ما راح تفهمي كويس.. + الدكتورة سناء إنتِ عارفة أسلوبها و طريقتها و شرحها و أسئلتها و ما إلى ذلك.. لذلك أنا بقول لك دا الكلام عشان تكوني في الصورة.. *

والله يا حلوة أنا من أول أقول حاخدها بس لما شفت مين ماسكتها مررة لا ما أقدر
حتقوليلي أسئلتها سهلة وكذا بس برضو

المشكلة عارفة انها مهمة بس انا عادي عندي أزود سمستر لأنه خطة القسم ..لا تعلييق :/

شكررًا على اقتراحاتكم .. حرجع أفكر الله يعين :"(

[LeLou]

المشاركة الأصلية كتبت بواسطة rofi السلام عليكم .. بسالكم / الحين كل ماضفت ماده يقولي خطاء في التسجيل :( ايش الحل ؟!

و عليكم السلام..
روحي السبت إن شاء الله للشؤون الأكاديمية يضيفوا لك..
أو,,
إذا تحبي أرسلي لي رقمك الجامعي و الباس وورد و الأرقام المرجعية للشعب و أحاول أضيف لك هي..
بالتوفيق||~

المشاركة الأصلية كتبت بواسطة Prestige01 طيب الله يسعدكم انا طبعا زي ماقلتلكم خلصت سنه تحضيريه اوك يعتي اعتبر بالمستوى الاول ولا الثالث ؟ تاني حاجه ماعرفت من فين تجيبو الخطه ؟ ابا امشي على الخطه تمام كيف ؟ دحين دخلت الموقع واضفت دول المواد زي البنات الي مسوين هنا حطيت فيزيا 2 فيزيا 3 ثقافه 1 امن وسلامه مختبرات معمل فيزيا عامه تفاضل وتكامل 2 بعد ماحطيت الجدول فيزيا 3 في نفس وقت التفاضل والتكامل ونزلت في الجدول مدري كيف !! احذف فيزيا 3 ؟ افيدوني الله يسعدكم مره حايسه مني عارفه شي

تعتبري مستوى ثالث :)

لا تمام كذا..
و حسب صورة الجدول مافي تعارض بين فيزياء 3 و ماث 202..
فيزياء 3 أحد و ثلاثاء من 8 إلى 9:20..
و المعمل يوم الثلاثء من 11 إلى 2..
و الماث سبت و إثنين و أربعاء من 8 إلى 9..
و سيكشن السبت من 1 إلى 2..

يعني مافي تعارض..

المشاركة الأصلية كتبت بواسطة Prestige01 ^ انا كنت بنقل مكه على اساس فيزيا طبيه بس الحمدلله يقولو حيفتح في جده يعني على بال ماخلص كم مستوى يكون فتح اكيد ان شاءالله فكدا جدولي تمام ؟ وهيا كيف الخطه اصلاً ابا امشي عليها

إذا قصدك خطة الفيزياء الطبية..
أنا شفت الخطة المبدئية نفس مواد الفيزياء العادية زايدة عليها Cell Biology..
بس إنتِ روحي السبت و اتأكدي أحسن..
و لازم تحولي أول شي..

و بالنسبة لخطة الفيزياء العامة..
تلقيها في مجلة كلية العلوم في موضوع مثبت هنا :)

المشاركة الأصلية كتبت بواسطة Prestige01 هدا الجدول الي سويتو

مبروك انتهائك من الحذف و الإضافة..

[prince MoOody]

حبايبي اناا رتبت رغباتي بكلية العلوم كيمياء عامه والى الان مانزل التخصص لياااا
كيف ارتب جدولي ونا لسى موو عارف في اي تخصص في احد متلي ولا مع نفسي


لم يتم اعتماد الفرز الخاص بت.طلاب كلية العلوم -انتظام-فرع رئيسي-ع بعد لاظهار النتائج , يمكنك الدخول فى وقت لاحق

ومشكورين مقدما

[alma7rom]

انا أضفت مادة فيزياء 203 بس الدكتور هو أحمد الشهري
اول مرة اسمع فيه .. اش رايكم بهذا الدكتور ..
اللي يعرف يفيدني .. جزاكم الله خير

[LeLou]

المشاركة الأصلية كتبت بواسطة prestige01 الفيزيا الطبيه لو بدخلها كيف ؟ لازم ادرس كم مستوى اول ؟ ولا كدا ادخل على طول ؟

لا أتوقع تدخليها على طول لأنه الخطة مختلفة من أول مستوى..
+
تحويل التخصصات عند استاذة اعتماد في الشؤون الأكاديمية..

المشاركة الأصلية كتبت بواسطة optimistic sona بالله :( والله محتارة ما أفكر أحذف اللاب لأنو بعد كذا زحمة لابات وصح هي بساعة بس تآخد وقت :/ سناء صح أسئلتها صعبة ومو مباشرة بس تفهم .. عشان كدا محتارة والله يا حلوة أنا من أول أقول حاخدها بس لما شفت مين ماسكتها مررة لا ما أقدر حتقوليلي أسئلتها سهلة وكذا بس برضو المشكلة عارفة انها مهمة بس انا عادي عندي أزود سمستر لأنه خطة القسم ..لا تعلييق :/ شكررًا على اقتراحاتكم .. حرجع أفكر الله يعين :"(

لا تحذفي الاب يا أختي..
غيري موعده,, اختاري شعبة ثانية..
ايوا لا تحذفيه اخلصي منه المعامل شغلها شغل..
//

و الله ما أدري أيش أقول لك..
ترى دا وضع قسمنا حتقعدي تتبهدلي مع الدكاترة :(
و الله لو تشوفي أيش عملوا فينا الترم دا تبكي على حالتنا ..

بس أنا عندي لكِ اقتراح;;
روحي يوم السبت للجامعة..
و أسألي رئيسة القسم,, الدكتورة دي كم ترم حتقعد ماسكة المادة..
إذا حتقعد ماسكتها سنة أو أكثر خذيها و افتكي لأنك ما حتقدري تأجليها أكثر من ترم..

أو,,
روحي إنت و أغلب البنات إللي يبغوا المادة قولي لهم نبغى دكتورة ثانية..
و قولوا لهم مين الدكتورة إللي تبغوها..
و حاولوا فيهم عشان يوافقوا..

أو,,
حاولي تجتمعي بالبنات إللي يبغوا المادة مع دكتورة ثانية الترم الجاي..
و سجلوا أسماءكم و وقعوا و كل شي..
من هنا للترم الجاي بنات المستوى الثالث بيصيروا رابع..
و إن شاء الله تتغير..

بالتوفيق حبيتي..
بس بقول لك حاجة,,
دي المأساة راح تكون معاكِ في كل سيميستر..
لذلك إنتِ مضطرة تجي في وقت و تمشّي و إنتِ مو راضية..
الله يصبرنا على الوضع العويص دا الين نتخرج||~