أي استفسار عن إدراة وتنظيم موارد بشريه هنا على طووووول بدون تردد :)

[حبي لذاتي قمة أولوياتي ~]

المشاركة الأصلية كتبت بواسطة عبق الورد~ ابغى افضل دكاتره لماده تخطيط وتنميه الموارد البشريه و اداره موارد بشريه...وشكرا لكي

اللي اعرفه بصراحة في قسم الطالبات

ريم مشاط مع موارد بشرية وتخطيط ولو مافيه ريم خليك مع حياة صوفي في كل المادتين

بالنسبة لقسم الطلاب ما أعرف مين أفضل دكتور لأني ماجربت شخصياً


عفواً لقلبك

[حبي لذاتي قمة أولوياتي ~]

المشاركة الأصلية كتبت بواسطة بنوووته حبي لذاااتي ابغا رايك صراااحه مراا محتاره وخايفه اجازف انا باقي ع تخرجي 21 ساعه اقدر اخذها السمستر لجاي باذن الله المشكله في المواد احسها صعبه باقي 5 تخصص و2 حره التخصص بحوث عمليات اداره مشاريع صغيره اداره اعمال انجلش اداره موارد انجلش بحث وتدريب ايش رايك بالمواد ومين افضل الاساتذه فيها كمان رشحي لي مادتين حره وايش رايك اضغط ع نفسي واتخرج او ااجل التخرج للسمستر الي بعده

هلا ومرحبا
ولايهمك معاك لاخر لحظة
طيب حلو
بحوث عمليات << امل تركستاني
اداره مشاريع صغيره >> فيه بثينة بس انصحك لا خليك مع خديجة ضباب لانها مسكت المادة الترم اللي فات
اداره اعمال انجلش << مع أستاذة غير غادة لو فيه وحدة اسمها نادية اتوقع
اداره موارد انجلش<< مع استاذة غير غادة لو فيه
بحث وتدريب << مع فايزة دمنهوري لو انتي موارد بشرية زينا وهذا واضح من موادك أنك موارد بشرية
مادتين حرة :
صحة نفسية مع خديجة مشهور من كلية إقتصاد منزلي
نظام التعليم في المملكة مع نجاة أو سهام مرزوقي من كلية إقتصاد منزلي
إدارة مدرسية مع سهام مرزوقي من كلية إقتصاد منزلي
شوفي الأفضل تخليها على 5 مواد والترم اللي بعده مادتين قولي لي ليه !!

لان 5 مواد بالتركيز عليها يرفع المعدل وتكون 3 مواد تخصص ومادتين حرة يكون افضل
والترم اللي بعده مادتين تكون تخصص بكذا معدلك يرتفع ومايكون فيه ضغط أبداً
ومنها على راحتك تسوي كل واجباتك وبحوثك
بالتوفيق واي سؤال في خدمتك
الترم الجاي :
بحوث عمليات
مادة حرة
مادة حرة
اداره اعمال انجلش
اداره مشاريع صغيره

الترم اللي بعدة :
بحث وتدريب
موارد بشرية بالانقلش
دعواتك بكل خير فضلاً لا أمراً

[حبي لذاتي قمة أولوياتي ~]

المشاركة الأصلية كتبت بواسطة no0on انا انتساب مستواي القادم هو السادس ياليت تفيديني ابغى معدلي يوصل 4 اش اسهل المواد من هذي.. واقدر اخذهم كلهم مع بعض يعني سهلين لمن يكونو بجدولي ولا احذف منهم؟؟ ادارة العمليات221 نظم معلومات351 ادارة اعمال بالانجليزي103 النوع الاجتماعي304 ادارة الاعمال الدوليه473 وياليت مع اسماء استاذات بس يعطونك حقك بدون زياده او نقصان حتى لو كانت مش ولا بد اهم شي تعطي الحق.. اللـــــــــــه يسعدك ويرزقك جنة الرضوان يارب..

هلا وغلا فيك ومرحبا

نورتي متصفحي

ادارة العمليات221>> خديجة ضباب
النوع الاجتماعي304 >> ريم مشاط
نظم معلومات351 >> مع ريم مشاط وبس
ادارة الاعمال الدوليه473>> فيه مع خديجة ضباب البنات يقولوا اسهل انا أخذتها مع هند دمنهوري
وجبت 85 بس النهائي لعبت فيه والله
كم باقي لك مواد حرة او اختياري حشان أقدر أحدد لك المواد والتخصص والأختيار
آمين آمين آمين يارب
شكراً لدعواتك ياقمر
ربي يوفقك يارب

[حبي لذاتي قمة أولوياتي ~]

المشاركة الأصلية كتبت بواسطة شوكو بالنسبه لموارد بشريه انجليزي كيف مع الاستاذذه غاده نعمة الله بس انا ابغاها مع الدكتور نايل المومني يقولوا مررره كويس

انا أخذتها معها حشان الوقت والتعامل مع الدكتور شيء حساس للغاية فقلت أحسن دكتورة مهما تكون الدرجة

صح مدحوا الدكتور وقالوا لي خذي معاه بس ربي كتب وقدر

موفقة يا الغلا

[حبي لذاتي قمة أولوياتي ~]

المشاركة الأصلية كتبت بواسطة spero حبيبتي هادي الخطة الجديدة .. http://business-administration.kau.e...ة-الجديدة.aspx بالنسبة لاحصاء اعمال .. البنات اللي اخدو دا الترم قالولي الاستازات هما تغريد السعيد الهام محمد نرمين فهمي .. يمدحوها شوي سلوي موسى سناء مرزوقي .. مرة مايمدحوها بالنسبة للمحاسبة .. انا لما اخدت محاسبة 1 اتورطت مع نهال .. الله يسامحها :( كان في هيام شرف الدين وسحر جبروني ( اكتشفت انهم كويسن ) وامال عوض ماعرفها صراحة ومبادئ ادارة تقدري تديني كزا اسم اخاف ما الاقي سمر واتورط .. ايش رايك خديجة ضباب .. سحر .. عنود السبعان .... انا ماعرف مين اللي حيدرس المادة بس افضل يكون عندي كم اسم مبادئ اقتصاد جزئي اخدتو مع عفاف عايد زي مانصحتيني في اللي هيا مادة انجليزي متقدم 2 ضروري اخدها عشان ابا اخلص منها وهيا سهلة ماتحتاج فـ خليها فالجدول صراحة انا اهم شي عندي الاستازة شرحها كويس .. وتساعد في التصحيح .. عشان لا اخد مقلب زي مع نهال الجندي نسيت اقلك حبيبتي انا العربي خلاص خلصتو .. والثقافة خلصت المستوى التاني شكرا حبيبي :$

شكراً لإضافة الخطة
إحصاء الأعمال والله كل الأستاذات ما اعرفهم وأستحالة اتكلم من غير تجربتي بس اكيد فيه بنات جربوا وراح
يفيدوك اكثر
نرمين كويسة من صحباتي اللي اخذوا معها تشرح بذمة وضمير

محاسبة 1 مررررررررررررررره ماينفع مع نهال أبداً الكل يبعد عنها
مبادئ إدارة حق قسم إدارة اعمال فيه سمر عناني وفيه منى بادكوك بس ما أنصحك فيها أبداً زهما يصير
سمر وبس
اما سحر وعنود وخديجة تقصدي ماسكين مادة مبادئ إدارة ؟؟ أديني رمز المادة لن فيه مبادئ إدارة عامة وفيه مبادئ إدارة لقسم إدارة أعمال

رائعة عفاف عايد الله يحميها
أنقلش خذيه مع استاذة بادية تعطي درجااااااااااااااات كثير اختي أخذت معها

أنتي شنو نفسك تاخذي ؟؟ مواد حفظ او فهم او اخيتاري او حرة !!
العفو ياقمر

[جرووح الحب]

المشاركة الأصلية كتبت بواسطة حبي لذاتي قمة أولوياتي ~ اولاً حياك بموضوعي المتواضع اخذتيها يعني خلاص درستيها كلها << هذا اللي فهمته من كلامك مواد حرة وأختياري لو أنتي أنتظام أفضل تأخذي من خارج الكلية نصحية من اخت لاخت لو أنتساب الأختياري من المواد المتاحة لك في الخطة الدراسية من ضمن القائمة والحرة من نفس الكلية من قسم آخر زي قسم إدارة عامة وإدارة اعمال إدارة عامة ( إدارة محلية مع العنود السبعان ) راااائعة وممتازة وماتظلم احد فيه تجارة الكترونية مع عواطف امين وبس اسئلتها سهلة بس ماجربت المادة وكلهم يمدحون فيها وبقارن بين خطتنا وخطتكم واشوف افضل المواد عندنا تعرفي الأقسام تتشابه كثير العفوووووووووو

الله يديك العافيه
بس عشاني على تخرج ومره تهمني مين هما الاستاذات واهم شي كيف هم بالدرجات
الله يسعدك دليني

[حبي لذاتي قمة أولوياتي ~]

المشاركة الأصلية كتبت بواسطة جرووح الحب الله يديك العافيه بس عشاني على تخرج ومره تهمني مين هما الاستاذات واهم شي كيف هم بالدرجات الله يسعدك دليني

ويعطيك العافية يارب

طبعاً طبعاً الأمر يهمني كمان

عنود تعطي كمان بونس للبنات في نهاية الترم للطالبات الجادات واللي شادين حيلهم بصراحة

وعواطف أسئلتها سهلة وتعاملها راقي وما أحد جاب أقل من 80 في بحث علمي سنة أولى << لسى مفتكرة كويس

الموقع معلق بشكل غير عادي مع ان السرعة عندي عالية

بإذن الله في أقرب وقت أرد عليك لاتخافي حاطة نفسي في مكانك يا الغلا

راح ادلك وشكراً لدعوتك اللي تشرح الصدر وتريح الخاطر

[ريــــــــــــــــــــري]

جيت وعندي أزمه

ابغى لها حل..

بحث وتدريب..؟

ومادتين اختيااري..

ويارب يسسلملي قلبك الطيب ياحبي..}..

[spero]

المشاركة الأصلية كتبت بواسطة حبي لذاتي قمة أولوياتي ~ شكراً لإضافة الخطة إحصاء الأعمال والله كل الأستاذات ما اعرفهم وأستحالة اتكلم من غير تجربتي بس اكيد فيه بنات جربوا وراح يفيدوك اكثر نرمين كويسة من صحباتي اللي اخذوا معها تشرح بذمة وضمير محاسبة 1 مررررررررررررررره ماينفع مع نهال أبداً الكل يبعد عنها مبادئ إدارة حق قسم إدارة اعمال فيه سمر عناني وفيه منى بادكوك بس ما أنصحك فيها أبداً زهما يصير سمر وبس اما سحر وعنود وخديجة تقصدي ماسكين مادة مبادئ إدارة ؟؟ أديني رمز المادة لن فيه مبادئ إدارة عامة وفيه مبادئ إدارة لقسم إدارة أعمال رائعة عفاف عايد الله يحميها أنقلش خذيه مع استاذة بادية تعطي درجااااااااااااااات كثير اختي أخذت معها أنتي شنو نفسك تاخذي ؟؟ مواد حفظ او فهم او اخيتاري او حرة !! العفو ياقمر

حبيبتي رمز مبادئ الادارة bus220

انا نفسي اخد مواد التخصص قد ما اقدر ( بدون ضغط ) واخلي قد ما اقدر المواد الحرة والعامة
السهلة بعدين عشان ارتاح نفسيا

انا حاطة فـ بالي

دا الترم لازم اخد المواد دي في الخطة لازم اخدها دا الترم
اللي هيا

انجلش 2
مبادئ محاسبة 2 ( عشان ما انسى 1 )
مبادئ ادارة
احصاء اعمال او اقتصاد كلي
ممكن ثقافة 3 مادة سهلة وحلوة ترفع معنوياتي

ماتوقع حينزلو مواد تانية لانو خطة جديدة فحيمشو حبة حبة

[no0on]

المشاركة الأصلية كتبت بواسطة حبي لذاتي قمة أولوياتي ~ هلا وغلا فيك ومرحبا نورتي متصفحي ادارة العمليات221>> خديجة ضباب النوع الاجتماعي304 >> ريم مشاط نظم معلومات351 >> مع ريم مشاط وبس ادارة الاعمال الدوليه473>> فيه مع خديجة ضباب البنات يقولوا اسهل انا أخذتها مع هند دمنهوري وجبت 85 بس النهائي لعبت فيه والله كم باقي لك مواد حرة او اختياري حشان أقدر أحدد لك المواد والتخصص والأختيار آمين آمين آمين يارب شكراً لدعواتك ياقمر ربي يوفقك يارب

شكـــــــــرا جدا جزاك الله خير
المواد الحرة والاختياري ما أخذت منهم شي ابدا..
الله يسعدك نفسي معدلي يوصل 4 .. شكرا ياعسل الله لايحرمنا منك .