قروب خاص للمنطقه الشرقيه خطه (ب) انتساب للـطـلاب فقط ..

[فيصل اللهو]

أهلن أهلن اخوووي ناصر .. انا معك معك بس كنت اشرب لي قبل شوي "قهوه تركية" وأسف ع التأخير في الرد حبيت أقولك اني سنة أول تحضيري أنتساب وخطتي (ب) وجدولي مثل ما قلت مثل جداول بعض .. ok بس اللي ودي يصير >> الملخصااات يا نااس الملخصات يامعوااااااد أنا طافني شهر وما أدري عن هوا دار هالجامعة وفجأة قالوا لي ألحق عمرك وأمش معهم قبل لا ترسب بالترم الأول عشان كذا ما ودي أخسر ساعة وحده من غير أي فايده تذكر .. ومشكورين على التواصل الدائم .. فديتكم أنا بعد قليبي ولله ..

جيفو ..

[ناصر الشيحي]

هلا اخوي فيصل او جيفو ههههههه طيب انت حصلت على الكتب والا لا الملخصات مثل ماقلت مااكتملت لحد الان اذا ماحصلت على الكتب شوووف المكتبات عندكم بالدمام والا اطلبها من الخوارزمي تلفونهم 026817090 تحويله 111 كلمهم وخذ رقم الحساب حقهم والمعلومات حقتك مثل اسمك واي خطة اي سنة رقم جوالك اقرب مكتبdhl لك بالمنطقة تسجلها على صورة الايداع ببنك الاهلي او اي بنك يبون وخلال اربع وعشرون ساعة وصلتني انا بعد ماسويت الايداع وارسلته على الفاكس حقهم طبعاً لاتنسى تاخذ رقم الفاكس حقهم والكتب تكلف 325ريال فقط لاتزيد ابد. وذاكر منها وانصحك تحط مدرس للانجليزي والاحصاء والمواد الباقية مهارات الاتصال والبحث والتفكير حسب ماذكرو لي زملائي الي سبقوني بالجامعة ذاكرها قرائة وحفظ. والملخصات اذا نزلت راح ابلغكم ان شاء الله. موفقين خيوووووووووو

[صقر الشمال]

كلام ســـــــــــــــــــــــــــــــــــــــــــــــــ ـــــــــــليم اللي تشوفونه انا معكم و,,,,, بس خلونا نجهز كذا ملخص وتمارين ونشااء الله نبدا مافي مشكله بس خلونا نتلم مع بعض لسي مو عارفين بعض - بس حلوه الفكره -- بتوفيق للجميع

[فيصل اللهو]

أنا معكم يا أحلى قروووب ... أنا أول من بيعرف عن نفسي وياليت الكل يذكرني << اللي بينساني بضربه هع هع المهم أنا فيصل اللهو من مدينة الخبر الجنوبية وهذي أول سنة لي من بعد دبلوم سنتين في مدينة الجبيل بتخصص "كهرباء صناعية " << أدري مال أمها علاقة بالأدارة بس الحظ والنصيب << أي نصيب الرجال شكله بيخطب ههههه مثل ما قلت لكم قبل شوي هذي أول سنة لي وأنتساب .. وإلى اللحظه هذي الكتب ما وصلت لي مع أني طالبها أمس من الخوارزم عن طريق لتلفون بس إذا ما وصلتني بكرة بتصل عليهم مرة ثاانية وبشيك ... وشريت اليوم ملخص مادة الأحصاء <<< وهذي نصيحيتي للكل .. في مكتبة بالدمام في حي 91 على الشارع التجاري أسمها "مكتبة الأصمعي" وانا شخصيا تفاهمت مع المصري اللي هناك وعلى حسب كلامه يقووول هذي أول سنة يشتركون الجامعة مع مكتبتهم وأن شاء الله بتكوون بداية خير لهم ولنا بعد .. وأي شي تبونه أنا حااضر ,,, ما عدا السلف ههههههههه أمزح يا أحلى قرووب وتقبلوا تواجدي معكم ,,,

جيفو ..

[mmxx]

سلام عليكم و رحمة الله و بركاته

الاخ فيصل او اي احد الى الان ماا اشترا الكتب أو الملخصات

الكتب و الملخصات موجودة بمكتبة الهندسة بالدمام بحي الفيصلية

و هذا رقمهم : 8117246 و أنا اشتريتهم قبل يومين...

تقبلو تحياتي،،
أخوكم،،

[احمد المنتسب]

مساء الخير على الجميع (قروب الشرقيه)
بالنسبه لحل تمارين الاحصاء انا نزلته لكم في المنتدى قسم قروب الشرقيه

حاااااااااااضرين دعواتكم

[صقر الشمال]

مراحب اخوي احمد حياك ويعطيك العافيه علي الملخص ,,, تشكر عليه وربي يوفقك الجـــــــــــــــــــــميع

[الحسني]

ربي يوفق الجميع الى مايحبه ويرضاه
الذي اشتراء الكتب من الدمام
كم قيمتها ربي يسعدكم

[eng.awahab]

المشاركة الأصلية كتبت بواسطة الحسني ربي يوفق الجميع الى مايحبه ويرضاه الذي اشتراء الكتب من الدمام كم قيمتها ربي يسعدكم

السعر 184 ريال من مكتبة الهندسة

[فيصل اللهو]

والله ظلم يا جماااعة .... انا طلبتها من الخوارزم وقالوا سعرها 325 ريال .. لاحظتوا فرق السعر كم .. والله لو أدري من أول كاان ما طلبتها منهم .. <<< بس أتوقع المكتبة اللي في الدمام توزع كتب نسخ مش كتب مجلدة ...!! والله أعلم ...

جيفو ...