ملتقى طلاب إدارة الأعمال (المجاني)

[المستبدة]

المشاركة الأصلية كتبت بواسطة م.عمر الفاضي يعمل قاضي خخ انا اذا كنت فاضي راح اخذ 21 ساعه في الترم لانه المواد تافهه (مقارنة بهندسة الحاسب) لكن بحكم العمل واني بداوم من مكة 12 ساعه (4مواد)

اول شي الله يعينكم وييسرلكم ياااااارب
تاني شي صح المواد التكميلي سهلة بالنسبة لبعض التخصصات بس ياريت نقدر أكتر من 12 ساعة بس يامهندس ماتقدر تاخد اكتر من 12 ساعة حتى لو كنت فاااااضي لأنو الحد الاقصى 12 ساعة

[كلام كليم]

جزاك الله خير يا المستبدة والله ييسر أمور الجميع

اختي المستبدة ابو عمر يمزح والا من جدك فيه احد يقدر يسجل 21 ساعة حتى طلاب البكالوريوس مايقدرون الا الخريجين

بعدين يابو عمر فك نفسك وخذ تفرغ وبعدها فكر في الـ 21 ساعة يافالح

[م.عمر]

انا كنت اخذ 23 ساعه في الترم في جامعة ام القرى
والشباب كانوا ياخذوا 18 و 19 (اللي منتظمين على الخطة) بس بسبب اني كنت محول من قسم لقسم وبحاول الحقهم كنت اخذ مادة اضافية زيادة عليهم
على العموم دحين هل مازال في امكانية للانسحاب من مادة؟
انا افكر انسحب من مادة مالية شركات بصراحه الدكتور مايستاهل اكمل معاه واخذ عنده 70 او أسوأ
لانه المادة متطلبة يعني المفروض تاخذ a او a+ والشباب كلهم بيشتكوا منه
ياراجل ناس مااعرفهم يجوا يسالوني انت مين عندك دكاترة اقلهم فلان وفلان يقولوا من جدك تضيف المادة عند الدكتور هذا حق المالية
اقلهم بس للاسف ماكنت اعرف اي احد
بحاول انقل لمجموعه ثانية واذا ماقدرت بيستخير اني احذف المادة ولو اني عمري ماانسحبت من شي بس فرق لما تكون المادة صعبه ويبغالها جهد لكن الدكتور يحاول يساعدك ولما تدرس عند دكتور كل همه انه ماتاخذ درجة عالية والمهم ماتنجح الا ب60 او 70

[كلام كليم]

غريبة جامعة ام القرى اللي تعطي طلابها اكثر من 18 ساعة

اغلب الجامعات السعودية اذا لم يكن في خطتها الدراسية اعلى من 18 ساعة فإن اعلى حد يدرسه الطلاب في الظروف العادية 18 ساعة وأعلى حد يدرسه الخريج 24 ساعة

بالنسبة للإنسحاب انا ما انصحك انك تنسحب من المادة الا اذا كنت تقدر تغير الشعبة .. صحيح ان حلو ان الإنسان يطمح في الحصول على الـ a+ لكن يا أخي انت حاليا تدرس تكميلي يعني سواء اخذت a+ أو c كلها واحد لأن معدلك بيتصفر اذا درست مواد الماستر .. يعني بالعربي أهم شي إنك ما تاخذ تحت الـ 70

هذي وجهة نظري بالتوفيق لك وللجميع

[م.عمر]

دحين المواد هذه مو داخله في المعدل؟
متاكد ؟!!!!
ياعمي وانا عيوني صارت حمراء من قلة النوم على الفاضي!
اذا على ال70 ان شاء الله نجيبها
طيب انك نبهتني رجعت سالت كم واحد وقالوا مو داخل في المعدل اهم شي يكون فوق ال70 ويكون المعدل اجمالي 3.75 من 5
ياعمي حقلبها خراب انا كنت احضر يوميا ابغى كل درجة عشان اجيب ال90 احسبها داخله في المعدل والله
لكن اذا كده نص المحاضرات ماراح احضرها
خخخخخخخ
تشجع على الفساد ياعثمان

[المستبدة]

يووووووووه يامهندس ماتدري يتصفرررررررر المعدل بعد التكميلي
شوف اللائحة تبع الدراسات العليا مكتوب فيها كل شي

[كلام كليم]

م . عمر

هذا الشي مايعني انك تسحب على الدعوى وتبيعها .. شد حيلك ياخوي لأنك لازم تجيب اقل شي معدل 3.75

يعني متوسط درجاتك لازم تكون b تقريبا عشان تحصل على المعدل المطلوب

[المستبدة]

المشاركة الأصلية كتبت بواسطة م.عمر يالمستبدة نزلت مكافأتك أمس؟ فين العشاء؟

خلاص ولايهمك اش رأيك الربووع

[كلام كليم]

ماشاء الله

يعطونكم مكافأت ؟

كم المكافأة يا أختي المستبدة ؟

[المستبدة]

المكافأة زي طلاب البكالوريوس 900