][ تجمع للجداول و تعديلها و الحذف و الإضافة ][

[Asrar M]

السلام عليكم

ياريت تساعدوني صديقتي بالفيزياء الطبية وماهي عارفة شي من ناحية المواد و الخطة مانزلت عندها بالاودس ؟

ياريت تكتبولي اسماء المواد اللي بالخطة والدكاترة الكويسيين ، وكيف تبحث بالشعب ؟

[LeLou]

المشاركة الأصلية كتبت بواسطة Asrar M السلام عليكم ياريت تساعدوني صديقتي بالفيزياء الطبية وماهي عارفة شي من ناحية المواد و الخطة مانزلت عندها بالاودس ؟ ياريت تكتبولي اسماء المواد اللي بالخطة والدكاترة الكويسيين ، وكيف تبحث بالشعب ؟

و عليكم السلام..

بالنسبة للخطة و المواد تلقيها في مجلة كلية العلوم هنا:/
~|| مــجـلـة كــــلـيـة العلوم (العدد الثاني) ||~

أما طريقة الحذف و الإضافة و البحث تلقيها هنا:/
خطوات الحذف والإضافة ‏

بالتوفيق||~

[ab0od]

^^^
نفس السؤال لكن في الكيمياء

[كوبالـت_Co]

المشاركة الأصلية كتبت بواسطة ab0od ^^^ نفس السؤال لكن في الكيمياء

ايش المشكلة عندك ؟؟

[ابتسامة التحدي~]

السلام عليكم
كيف حالكم جميعا
أنا الحمد لله تخصصت كيمياء وسويت جدولي زي كذا
chem200
chem202
chem231
chem281
math202
phys200
isls101
, ايش رايكم؟ يحتاج أغير شيء؟

[Meme599]

المشاركة الأصلية كتبت بواسطة ابتسامة التحدي~ السلام عليكم كيف حالكم جميعا أنا الحمد لله تخصصت كيمياء وسويت جدولي زي كذا chem200 chem202 chem231 chem281 math202 phys200 isls101 , ايش رايكم؟ يحتاج أغير شيء؟

اللي عرفتو انو chem202 و chem231 دسمه شويا وتحتاج مذاكره

من رأيي تشيلي الماث ﻻتتهوري و 6مواد كفايا !!
واذا تبي ماده زياده خدي عربي .

الباقيه اللي اخدتيها قالولي هنا انها سهله ماعدا المادتين دي وكمان 4 ساعات ﻻزم تشدي حيلك !

[ابتسامة التحدي~]

المشاركة الأصلية كتبت بواسطة meme599 اللي عرفتو انو chem202 و chem231 دسمه شويا وتحتاج مذاكره من رأيي تشيلي الماث ﻻتتهوري و 6مواد كفايا !! واذا تبي ماده زياده خدي عربي . الباقيه اللي اخدتيها قالولي هنا انها سهله ماعدا المادتين دي وكمان 4 ساعات ﻻزم تشدي حيلك !

تسلمين أختي
وأنا ان شاء الله بشد حيلي :)
و بالتوفيق للجميع

[picasso]

سلام ..

المشاركة الأصلية كتبت بواسطة ابتسامة التحدي~ السلام عليكم كيف حالكم جميعا أنا الحمد لله تخصصت كيمياء وسويت جدولي زي كذا chem200 chem202 chem231 chem281 math202 phys200 isls101 , ايش رايكم؟ يحتاج أغير شيء؟

اول شي امن وسلامة وحده تكفي
ثاني شي وين العربي ؟!
ثالث شي اذا كيم 202 و 231 فيها معامل ! احذفي 281 ؟!
معملين يكفي بترم واحد ..
رابع شي هل هم عند دكاترة كويسين ؟!

المشاركة الأصلية كتبت بواسطة Meme599 اللي عرفتو انو chem202 و chem231 دسمه شويا وتحتاج مذاكره من رأيي تشيلي الماث ﻻتتهوري و 6مواد كفايا !! واذا تبي ماده زياده خدي عربي . الباقيه اللي اخدتيها قالولي هنا انها سهله ماعدا المادتين دي وكمان 4 ساعات ﻻزم تشدي حيلك !

^
صح عليك

المشاركة الأصلية كتبت بواسطة رآمـــآ صباااحكم خير و عافية ابغى اضيف ثقافة اسلامية و مافي غير شعبتين اللي تناسب وقتي بس المشكلة انه مكتوب جنبها غير متاح للتسجيل !! اش اعمل لازم اضيفها :(

مو مشكلة المواد العامة يساعدوك بإضافتها بالكلية ان شاء الله

المشاركة الأصلية كتبت بواسطة ابتسامة التحدي~ وأنا ان شاء الله بشد حيلي :)

الكل يقول بالبداية بشد حيلي وان شاء الله a+ واخر شي 60 ~ الاغلبية طبعا
اهم شي الجدول يكون مرتب وفيه مواد سهله وعند ناس كويسين
ونشبه انفسنا كاننا في مرثون جري
المشي الخفيف ثم السريع ثم الهرولة ثم الجري
وبالتوفيق

[ابتسامة التحدي~]

جزاك الله خيرا اخي بيكاسو

و الجدول تحت التعديل

[رآمـــآ]

صباااحكم خير و عافية

ابغى اضيف ثقافة اسلامية و مافي غير شعبتين اللي تناسب وقتي بس المشكلة انه مكتوب جنبها غير متاح للتسجيل !!

اش اعمل لازم اضيفها :(