بحث وتدريب مع ساميه مقبوول

[KSA_NONY]

المشاركة الأصلية كتبت بواسطة e..~ بنآت انآ بعد مالقيت مشكله اكتب عنها واللي هي الائتمان المصرفي ومشكلات المصارف وحلولها قلت لها قآلت ماينفع ماراح تلاقين لكل مصارف العربيه والغربيه حلول قآلت لانك تدربتي بنك اكتبي عن التحويلات بالبنك . بنآت انا بالبنك مآحد فاضي لي وكل اللي علموني عليه طباعة بطايق الأحوآل هيا بالله كيف اكتب لها وبحثت بالنت مالقيت احد كاتب عن التحويلآآت ,. أقترحو علي موآضيع تخص البنك إذا تعرفون :(

انا قلت لها بكتب عن الائتمان المصرفي قالت لي اوكي مع اني ماتدربت ببنك ولا شي

وسؤال بنات الله يسعدكم كيف اسلم المشروع لازم اجي لجده انا بالخبر وارسلت لها ع الوتساب ماردت علي ...

[E..~]

هيآ ذي بتجنني من جد :|

[E..~]

المشاركة الأصلية كتبت بواسطة taima يابنات في المكتبة المركزية الدور الثالث روحوا على قسم رسائل الماجستير والدكتوراه راح تلاقوا زي المجلدات فوق الطاولات قولي للمشرفة انا قسمي ادارة اعمال دولية هيه حتقولك دوري في المجلد في قسم رقم 600 و قسم تاني نسيت رقمه ايش الفكرة هنا ؟؟ راح تلاقوا مواضيع قريبة من مواضيع بحثكم ممكن تكون لكم مرجع ولاتنسوا انو كل رسالة فيها مراجع ممكن برضوا تستفيدوا منها راح تاخذوا أفكار في حالة مالقيتوا مواضيع بعدين يابنات اللي تقول مالقيت على النت احد كاتب عن موضوعها او مالقيت أي شئ انا قلتلكم روحوا على المكتبة المركزية و خلوا المشرفة توريكم كيف تدورا عن الكتب عن طريق الكمبيوتر مو لازم تكونوا تدوروا عن كتاب معين في شئ في البحث في كمبيوتر المكتبة اسمه الكشاف العام اكتبي مثلا " تصدير" او "استيراد" " مشاكل النقل البحري" " الأحتيال" وراح يفتحلك قائمة كتب و المشرفة راح توريكي كيف تطلعيها واجلسي وقلبي فيها و راح تستفيدي بس في شئ لازم تحطوه في بالكم ... بنات الأنتساب ممنوع يستعيروا كتب !! إلا بتأمين على الكتاب الواحد مائتين ريال وماتقدري تستعيري اكتر من كتابين !! الحل انك بعد ماتستقري وتشوفي اللي راح يفيدك في بحثك عندك حل من 3 1- تجيبي ورقة وقلم وتبداي تنقلي 2- تاخدي الكتب وتطلعي الدور الثالث وتجلسي على كمبيوتر وتفتحي ملف وورد و تكتبي اللي تحتاجيه وبعدين تنقلي الملف على وصلة usb فلاش ميموري 3- تنزلي تحت في الدور الارضي في فرع لمكتبة خوارزم اطبعي اللي تحتاجيه

^

الله يسعدك بإذن الله بروح بس خل استآذتي الحلوه تستقر على موضع أكتب عنه

[TAIMA]

^
بما أنك اتدربتي في بنك ,, ليه ماتكتبي عن القروض ؟؟
حتقوليلي انا مااتدربت على كده !!
مو مشكلة ,,, انتي خذي الموافقة من الدكتورة وبعدين ارجعي على البنك اللي اتدربتي فيه وابدأي استفسري عن المعلومات اللي تحتاجيها
حتى لو اضطريتي تروحي للبنك كذا مرة... كل مااحتجتي معلومة او حبيتي تستفسري عن شئ أرجعيلهم واتوقع يساعدوك
كلنا ما دربونا على الشغل بس انتي استفيدي من المكان اللي تتدربي فيه بإنك تجمعي معلومات عن موضوع بحثك استنادا على معلومات واقعية وعملية

[E..~]

آيوه انا قلت بأتكلم عن القروض وقلت لهآ انا قرأت عن اشياءء بالبنك واورآق فيها عن الائتمان والقروض ومآردت
بس برجع أقولها عن القروض وربك ييسر
الله يسعدك مشكوره

[روووز]

بنات انا كتبت عن التعاملات البنكيه ومنها التمويل والقروض والمشكلات الموجوده وخايف اروح لها وما تقبل البحث وربي مره خايف ورايا اختبارات ولا ذاكرت

[قمر جهينه]

الله يسامحها بس
إيمان روحي المكتبه حتى لو مااخترتي موضوع واقري رسايل الماستر تلاقي موضوع تقولي للأستاذه عنه
بناااات الحين أطبع البحث ولا بس أرسله على الإيميل ولا كييييييف <<إنتي خلصي بعدين إسألي

[E..~]

تخيلو حتى عن القروض رفضت تقول آلقروض اللي بالبنك محليه وانتي مجآلك دولي

قمر شكلي بروح المكتبه وعسى الله الاقي موضوع المشكله الوقت الوووووووووقت

[E..~]

قمر لا أول ارسليه لهآ وبعد ماتقولك خلآص وكل شي تمام اطبعيه

[روووز]

المشاركة الأصلية كتبت بواسطة e..~ تخيلو حتى عن القروض رفضت تقول آلقروض اللي بالبنك محليه وانتي مجآلك دولي قمر شكلي بروح المكتبه وعسى الله الاقي موضوع المشكله الوقت الوووووووووقت

هذي مو فاهمه وش تقول فيه حاجه اسمها بنوك تجاريه تمول المؤسسات الاجنبيه في المملكه جالسه تتفلسف وهي مو عارفه شي اصلا هيا تخصصها موارد بشريه مو ادارة اعمال دوليه

انسانه فاضيه
انا ارسلتلها ولا ردت احنا ناس مو فاضيين ورانا اشغال غيرها وغير البحث