(1)تجاربنا*الأستاذات* المواد*النظام.. (طآلبآت انتظآمـ)..,,

[مني يغار الورد]

خديجة باوزير اورال 1 ايش رايكم فيها؟؟؟
أنا صراحة أخذت مع سهام فطاني اورال 1 مايعجبها اي شي صراحة ودقيقة ع البرزنتيشن(قلوبال وارمينق)<يعني اللي تبغا تاخذ معاها تجهز من الحين وتتدرب وتجهز نفسها لاييييي سؤال تسال ع اي شيء وتحب الافكار الجديدة يعني مو بس تسوي لها بور بوينت لا تجيبي فلاشات وزي كذا
واسألتها سههههههههلة وتقريبا نفس الكتاب بس تجيب لازم سؤال ع البرزنتيشن يعني ليش مهم انك تعرفي عن القلوبال وارمينق (بس توزيعها للدرجات استغفرالله العظيم)واللي بتاخذ معاها وتبغا اقلها ايش الاسئلة ماعندي مانع
باخذ المهمة بدل نور العمري هههههههههههههههههههههههههههه


رايتنق 1
رشا قزاز ..اهم شي تجري وراها دايما مع انها ماكان عندها غير ساعة وحدة وكنسلت كم محاضرة عشان اروح لها في الساعة ذي
اللهم لك الحمد ع كل حال
ريدينق 1
منى البلوي..
طييييييييييييييييييييبة والله وتديك المهم <لانها هيه المسؤولة عن الريدينق صح والا؟؟؟؟
منجد غيابها كثير وتجي للمحاضرة متأخر بس الحمدلله عدينا معاها(يمكن عشان حبيتها)
مع ان الدرجة كانت مشششششششي حالك وبقوة
الفرنسي 1
الله يسعدها مس صالحة خطيييييييييييييرة منجد مايحتاج اتكلم الكل يعرفها
ماكنت ابغا اسرد مآساتي بس عشان مااكون انانية
وطبعا هذا بيكون من منظوري أكثر يمكن
بس
والحياة تجااارب
وقولي لي كمان ع مس عبير فرنش 2 أظن كيييييييييف ؟؟ لانه سمعت مس صالحة ماحتكون موجودة الترم الجاي((الله يستر))
وشكرااااااااااااااااااااااااا جزيلا ع الموضوع الحلو

[nour al3mr]

[quote=مني يغار الورد;1716970]خديجة باوزير اورال 1 ايش رايكم فيها؟؟؟

حيا الله القمرررررررر ..أشرقت الأنوار كلها ..

مس خديجه في الاورال
أخذت عندها صاحبتي على ما أذكر انه كانت تعطيهم كل مره ورقه فيها مجموعه من الفوكابلري يحفظوه ويحطوه في جمله ويوم الاختبار تجيب لهم قطعه وعليها اسئله + تمليهم مجموعه كلمات من الورق وهم يكتبوها وتطلب منهم يحطوها في جمله << كانه والله اعلم يحطوا كل كلمتين في جملة وحده.+ وكانه في بريزنتيشن ..
< بإذن لله اكلمها واسالها وااكد لك منهجها في التدريس بالضبط كيف..
بس اللي اعرفه الاغلب يمدحوا فيها ..
ولا نزكي على الله أحد

باخذ المهمة بدل نور العمري هههههههههههههههههههههههههههه

الله يسعدك أنتِ راعية خير ماشاء الله وماتقصري ربي ينور عمرك..

ماكنت ابغا اسرد مآساتي بس عشان مااكون انانية
وطبعا هذا بيكون من منظوري أكثر يمكن
بس
والحياة تجااارب

يسلملي المتفائل والله زي ماقلتي الحياة تجارب وماتوقف على موقف واحد

وقولي لي كمان ع مس عبير فرنش 2 أظن كيييييييييف ؟؟ لانه سمعت مس صالحة ماحتكون موجودة الترم الجاي((الله يستر))

مس عبير في الفرنش 241
صاحبتي أخذت عندها وتمدح فيها مررره و على ما حكتني عن اسالتهم في الدويات والفاينل والله كنت اشوفها اسهل من أسئلتنا ماشاء الله تبارك الرحمن حتى في التصحيح قالوا لي انها مره متساهله ..
والشرح برضوه ماشاء الله تمام..

موفقين لكل ما يحبه الله ويرضاه...ولما فيه خير وصلاح ..

[sara*]

بنات السمستر هذا منزلين 5 شعب للريسيرتش تتوقعو مايسه رجعت ؟؟؟


بصراحه لانشرين ولاسوزان ولاابتسام ولا ايمان كويسين في الريسيرتش يمكن اهونهم ابتسام فكهاني صح !!

[ابغى اتخرج وبسس]

البويييييتري تتوقعوا مين يعطي الشعببة الرابعة اللي عندها فكرة تقولنا ....

[nour al3mr]

السلام عليكم ورحمة الله وبركاته...
الله يجزاك كل خير حنين والله الموضوع رائع ماشاء الله والاخوات الله يعطيهم العافيه ماقصروا ..
وان شاء الله عملكم ما يضيع وربي يجعله ذخر لكم يوم القيامة...

أنا أخرت رأيي بالاستاذات الى صدور النتائج عشان تكون الصورة كامله ..
بسم الله نبدأ << داخلة حرب هههههههههههههه
Oral 2
مع مس سحر نصيف ..
الكلاس من 9_10 S.M.W
الكلاس رائع وممتع معاها جدااااا..
طريقتها:
7 PRESENTATIONS كل واحد من 10 درجات =70 درجة
2 منهم يكونوا خاصيين بالادب < يعني تعرضي قصة او روايه
2 منهم عن SELF-IMPROVEMENT{{تطوير النفس مثال عن لغة الجسد BODY LANGUAGE, HOW TO BE A SUCCESSFUL PERSON)
3 منهم مواضيع حرة انتي تختاري << تبغي تعرضي عن فلم او اي موضوع براحتك المهم عندها ان المواضيع اللي مختاراها تكون هادفه وممتعه للمستمعات )
وطبعا يبقى الاختبار الفاينل عليه 30 درجه جزء منه سماعي تشغل كاسيت نسمعه مرتين ونحاول ناخذ NOTE وبعدها نجاوب ع الاسئله اللي قدامنا بالورقه وكلها اختياري..
والجزء الثاني جابته لنا كله اختاري عن الفوكابلري اللي معانا في الكتاب ...
< ملاحظة: طبعا نظرا لضيق الوقت في هذا الترم بعد الاحداث المتنوعه اللي صارت من تأجيل وأمطار اضطرت انها تلغي عرض وصار الفاينل من 40....
برضوه شيء مهم<< ماشاء الله الاستاذه دقيقه ع الحضور والغياب اللي تغيب قبل ما تقدم العرض حقها تنحرم من العرض وتاخذ صفر ممنوع منعا باتا الغياب الى ما تنادي اسمك وتعرضي << طبعا هي اللي تنادي الاسماء عشوائي يعني اتوقعي في اي لحظه تناديك وتخليك تعرضي ...
مانتبهوا لهذي النقطه..

المادة الثانيه Reading 2
مع مس أبرار المجددي ...
S.M.W من الساعه 10_11
هذي الانسانه قد ما اتكلم عنها ما بأوفيها حقها ماشاء الله تبارك الرحمن الله يبارك لها بعلمها وعملها وينفع بها الامة ..
شرح وذوق واحترام واخلاق ..
الاختبار عبارة عن 3 دوريات كل دوري من 20 والفاينل من 40
طبعا يجيبوا قطعه من برا لكن موضوعها ما يخرج عن اللي في الكتاب حتى نمط الاسئله ..
وسؤال الفوكابلري من كتاب الفوكاب بوكس فيه كلمات وبعدين جمل واحنا نضع الكلمة في الفراغ المناسب..
<< رأيي الشخصي ريدنج 2 مرررره روعه الحمد لله مقارنه بريدنج 1 اللي كتابة More Reading Power

المادة الثالثة Writing 2
مع مس حنان جبر
S.M.W من الساعه 11_12
برضوه الاستاذه هذي قمة ربي يحفظها ويرعاها والله ماشفت منها الا كل خير ربي يجزاها من اوسع ابواب رزقه وفضله وعلمه...
المادة برضوه 3 دوريات من 20 درجة كل دوي والفاينل من40
الدوري الاول كان عن EXPOSITORY ESSAY
جانا عن الدراسة في الخارج studying abroad
الدوري الثاني نوع المقال Analytical Report
جانا عن مرض الجدري smallpox
الدوري الثالث عن Argumentative Essay
جانا عن موضوعين واحنا نختار واحد ...
الاول رايك عن لبس العباية في الجامعه هل انت موافقه او لا ..
والموضوع الثاني عن رأيك بخصوص تدريس اللغه الانجليزيه من اول مرحله دراسيه عوضا عن المستوى السابع..
والفاينل جابوا ثلاث مواضيع:عن النوادي الرياضيه ..ضرب الاطفال كنوع من التربيه..و مؤسسه ناجحه..
طبعا نختار موضوع واحنا نختار نوع المقال ونكتب ....

نجي للمادة French 241 ..
مع مس صالحة القحطاني ..
S.M.W 8_9
المادة رائعه والاستاذه اروع واعتقد انهاغنيه عن التعريف مس صالحه الله يبارك لها في حياتها ويرزقها كل خير ..
والله اني حبيت افرنسي وزعلانه ع فراقه <<ههههههههههههههههه
الماده تعتمد ع احفظ لان كميه الفوكابلري فيه كثيره
الاختبارات دوريين كل دوري من 25
اسئلته متنوعه من كل شيء يخطر ع لبال ..
و 10 درجات نشاط طلبت مننا نعمل لها اي عمل يتعلق بالدروس اللي درسناها <<احنا سوينا مجسم لمنزل واشياء متنوعه..
والفاينل يدخل الكتاب كامل من 40 درجه وبرضوه الاسئلة متنوعه من تصريف افعال و فراغات وتعداد لاسماء اشياء معينه ...

واخر مادة ثقافه اسلامية 401 من 12 الى 1 S.M.W
مع الاستاذه القديره حنان الوجيه ...
مرره روعه شرحها ماشاء الله والماده حلوة << بس اشوي قالبه ع تاريخ..
طبعا الاستاذه حريصه ع الحضور والغياب مررره..

هذي تجربتي هذا الترم سردتها لكم واتمنى من المولى العلي القدير ان يتجاوز عني ويغفر لي وأن لا يجعل لنا ممن نظلم خلقه او نقصر في حقهم..
بالتوفيق للجميع..

سامحيني حنين
والله اتلخبطت ونسيت احط كل الكلام باللون الاحمر يادوب مداني اغير لون اسم المادة..
حقك عليا المره الجايه ان شاء الله التزم باللون ..

[sara*]

بنات
توقعاتكم ايش لشعب الريسيرتش والبويتري لانهم زادو عددها ؟؟

[nour al3mr]

حنووونه الله يسعدك لا تحذفي تعبت وانا اكتب حقك عليا المرات الجايه ان شاء الله نلتزم بالالوان...
والله عارفه تعبك وجهدك الله يكتبه في ميزان حسناتك..
وعنجد والله اسهل في البحث عن المعلومة...
بس لانه صار في كذا موضوع يخصك اللي حق الجداول والمواد الحرة وهذا ضربت فيوزي...
سامحيني...

[حنين الود]

المشاركة الأصلية كتبت بواسطة nour al3mr حنووونه الله يسعدك لا تحذفي تعبت وانا اكتب حقك عليا المرات الجايه ان شاء الله نلتزم بالالوان... والله عارفه تعبك وجهدك الله يكتبه في ميزان حسناتك.. وعنجد والله اسهل في البحث عن المعلومة... بس لانه صار في كذا موضوع يخصك اللي حق الجداول والمواد الحرة وهذا ضربت فيوزي... سامحيني...

لا انا ماقصد ياحياتي بس خلاص كلنا عرفنا مايحتاج بعد كدا نغلط ياطيوبات ..
بالنسبه للريسيرتش ايمان باسلامه اختباراتها البنات بيقولوا انها سهله وبناتها مرتاحين حبتين بس بنات بيقولوا مابتعطيكي على قد تعبك ..
مس نسرين البنات كانوا متلخبطين معاها حبتين عشان اول مره بتعطي الكورس وكمان كان عندها ظرف صحي .. فتلخبطت احوالهم ..
د. ابتسام تعطيكي حقك لا أقل ولا أكتر بس تشتغلي معاها كويييييس وتتعبي على نفسك وتشدي حيلك وتعطي الماده اكتر من حقها إختباراتها من الورق وتحديد من الكتاب .. البربوزال بتدقق فيه مره وكمان بتعملي كارتز من أول ماتشرح طريقتها إعمليها مالك شغل طلبتها أو لا عشان ماتتعبي في النهايه .. وكمان الفاينل عندها قبل الإختبارات ..أهم حاجه عندها الوقت ..والمواعيد مهم عندها الحضور والغياب .. خليها تعرف إسمك إتدربي على الكتابه كوييييييس ابدائي من دحين تختاري لنفسك مسرحيه أو قصه او روايه للبحث عشان ماتتعبي بعدين والله يوفقك مع أي وحده فيها خير لك تاخدي معاها ..

[nour al3mr]

طيب يا حلوين المره اللي فاتت كتبت لكم عن الاستاذات اللي درسوني في ثاني مستوى انقلش..
نجي لاول مستوى:.
Oral 1
مع مس سهام فطاني ...
الكتاب اللي كان مقرر علينا Mosaic بس حاليا اللي اعرفه زادوا المنهج الجديد Collage Oral3< اعتقد ان اسمه كذه
الاستاذه طيوبه ودمها خفيف كلاسها يعتبر هرج اكثر شيء عن مواضيع مختلفه وفي اخر المحاضره تفتح الكتاب وتعطي الاكسبريشن اللي فيه ..
ماكانت تجبر وحده انا تتكلم كانت تبغى الكلاس كله يهرج معاها ويشاركها..
نظامها في المنهج :.
اختبار دوري واحد من 30
وبريزنتيشن من 30
وفاينيل من 40
انا اللي لاحظته ان الدوري والفاينل تجيب نفس اسئله العام يعني اللي تقرر تاخذ معاها تسأل عن الاسئله اللي جات في الاعوام اللي فاتت وتجهز نفسها للبريزنتيشن من بدري هو عادة موضوعها عن الاحتباس الحراري global warming
..............................

Writing 1
مع مس سحر نصيف
الاستاذه هذي تجنن ماشاء الله الكلاس معاها ممتع مرررره انا شخصيا احب كلاساتها ..
هي دقيقه جدا بالتصحيح وهذا يمكن مأخذ اغلب البنات عليها ..
................................
Reading 1
مع مس إيمان بوترعه
برضوه المس ماشاء الله اخلاق وتحسيها حريصه على الطالبه وتعطي من قلبها ..
انا ماخذي الصراحه في هذا الكورس على الكتاب اللي كان مقرر علينا More Reading Power
الحمد لله انهم غيروه ...
صحيح المس برضوه دقيقه مره بالتصحيح واغلب الدرجات كانت تضيع على اشياء بسيطه بالذات في الجرامر لانه مع العجله في الحل نخبص الدنيا ..
فان شاء الله الكتب الجديده افضل .
................................
ثقافه اسلامية 301
مع الاستاذه ابتسام كامل او كمال < مو متذكره مزبوط
ماشاء الله تبارك الرحمن قمة ذي البني ادمه الله يبارك لها في علمها وعملها ...

...............................
فرنسي 211
مع مس صالحه..
سبق ذكرها..
بالتوفيق للجميع ..

[nour al3mr]

طيب يا حبايب لا هنتم حابه استشيركم ونصيحتكم بإفضل استاذات لهذي المواد...
مقدمة في الادب..

مقدمة في اللغويات..
ترجمة..
حابه اسالكم لو تتكرموا وتعطوني نبذه موجزة عن منهج كل مادة وعن طريقه الاختبارات والتكاليف واذا في شيء يقدر الواحد يحضر له من الحين..
ربي يعطيكم العافيه ...