هل تؤيد-تؤيدين العمل في بيئة مختلطة؟

[شــفــافـــة]

المشاركة الأصلية كتبت بواسطة أبوايلان لا شكر على واجب الشي الأول: الدين لا يضرب بالأوتار أتمنا لو تغيري المثل في الحاله هذي كان مجرد تعبير مجازي مو أكثر الشي الثاني: أنتي تعرفين أن الأختلاط محرم شرعأِ وأنتي تدعين للأختلاط هل تضنين في هذه الحاله أنك بتجيبي شي جديد على الدين وتقولي أن الأختلاط مافيه شي أنتي بالطريقه هذي أفتيتي بما ليس لك به علم.... أو أنك قد تغرضتي لديننا الحنيف وخدشتيه بأفكارك التي تُناقض الشريعه يأختي في الله قولي أن الأختلاط محرم ولاكن بلانا الله فيه ولا تقولي أن الأختلاط مافيه شي مدري مين الي جالس يفتي من بدري خخخخ أخوي كل مافي الأمر اني قلت مُختلف فيه وانا صادقة ماجبتلك فتوى ولاحاجة ولا إنكار على المختلفين أنا راح أتجاوز إتهاماتك ليا لأني أكبر من كذا :) وقولك انه ابتلاء هو بحد ذاته اعتراف إنو موجود وهذا الي أنا أقوله ,, أنا ماقلت ياعالم اختلطوا أنا وضحت وجهة نظري وقلت لكم هوّا أصلاً موجود أما بالنسبه لسؤالك ليش البنات الي يشاركون بالمنتدى أكثر من الشباب ؟ هذا السؤال أضحكني كثيراً وأبكاني كثيرا لأن السؤال هذا بحد ذاته يبيله موضوع في المنتدى شكلك والله اعلم مافهمت المغزى من سؤالي انا قصدت انو أصلاً البنات في المنتدى أكثر من الشباب عشان كذا أكثر المصوتين بنات ,, وبس وبالنسبه للنوايا الي تكلمتي فيها فأنا نيتي سليمه لاكن فيه مثل يقول وأسمحيلي في ذكره( الي في بطنه ريح ما يستريح) ليش نسبة البنات أكثر من الرجال الذين يريدون الأختلاط ؟ هل يريدون أن يغيرو جو في هذا المجال؟ ^ كلامك مو كلامي ,, وتقول نيتك سليمة! اتهامك بأنو كل الي يشتغلو في اماكن مختلطة هم فتيات ليس لهم همّ إلا تغيير جو تتعب وتدرس كم سنة وتلاقي وظيفتها وبعدين تقولوا عنها كذا وتفرغها من علمها وشهاداتها ؟! مايصحش كذا :) وفي نقطة أن المجتمع يريد فرداً منتجاً قادراً على العطاء أنا ما أقلك لا تعملي لاكن أقول في وجهة نضري أن البنت معرضه للخطر بدون محرم حتى ولو كانت ممرضه ملتزمه على كلامك و وجهة نظري إنو لاخطر عليها في الإختلاط لأنو مو لوحدهم في مكان العمل وأنا معاك بأن الزوج يريد من يعاونه على مصاريف البيت لا كن إذا كان هذا الزوج يعرف أنك من الصبح إلى المساء وراضي أنك تداومين مع شلة شباب فلا خير فيه لأن ما عنده غيره على زوجته هذا من وجهة نضري ماتدخل في النوايا بس تدخل في أعراض الناس! وجهة نظر فاسدة مردودة عليك مو من حقك تصف مكان عمل شريف بقولك (تداومين مع شلة شباب) خيييييييير ,, مداومة في مقهى أنا؟ تحصر مكان عمل بقولك (شلة شباب) قصور في التفكير- اسمحلي ماني لوحدي بينهم ,, طبيعي في بنات غيري ومو من حقك تتهم كل زوج زوجته موظفة في مكان عمل اختلاط انو (عديم الغيرة) كل الي نطالب فيه احترام الناس الي تشتغل في أماكن مختلطة مانطالب بالاختلاط ,, لأنو موجود وتجاوزنا هذي المرحلة ومن نا حية أنك ما ترضين أحد يصرف عليك ولو أبوك شي غريب أنا ما أتوقع إذا صرف عليك أبوك أنها إهانه وإذا تتوقعين أنها كذلك في هذه الحاله بيعي كرامتك لتفوزي بمرضات ربك ولا تختلطي بمن هم ليس لك بمحرم وعلى قولك ليس الأشكاليه في الأختلاط !!! أنا قلت ماأرضى أبويا يصرف على أطفالي في حالة كنت مطلقة رداً على افتراضك انو الي ماعندهم مانع يشتغلو في مكان اختلاط هم مطلقات ولعلمك الاستقلالية قمة الكرامة إن كنت تحمل بعض فكر مو بيع للكرامة على قولتك فعلاً ليس الإشكالية في الإختلاط لكن الإشكالية في النظرة القاصرة سؤال يطرح نفسه الأشكاليه في وشو ؟؟ الإشكالية في التفكير العقيم وعدم احترام الآخرين مانقلكم يللا روحوا اشتغلوا في أماكن مختلطة انتو أحرار بس احترموهم احترمووووووهم فيهم الطبيبة وفيهم الممرضة وفيهم العاملة في البنك وفيهم عاملة الرسبشن و ...و... و

عموماً شكراً لك وأتمنى من كل قلبي
الكف عن الاتهامات :)

[لولو كاتي]

المشاركة الأصلية كتبت بواسطة شــفــافـــة أهلين خيتو تعليقاً ع الكلام الي بالأخضر مافي شي اسمو ملكة غصباً عنك>> ياختي الله يهديكي انا ماقلت غصبا عنك انا عبرت عن رايي وبس طيب أنا ماأحب حياة الترف>>طيب وانا احبها يعني في النهاية حرية شخصية انتي قلتيلي بالنهاية لكِ الحرية في تجنبه وانا اقولك لكِ الحرية في عدم تجنبه لانه الاولى والطبيعي هو اننا نتجنبه بس ضروري نحترم أماكن العمل الي فيها اختلاط ونحترم الناس الي بتشتغل هناك ونحترم رأي ولي الأمر ولأنو مو فرض واجب ولا ركن من الأركان لك الحرية في تجنبه لاحظي قلت تجنبه لأنه أصلاً موجود

ياخيتو والله انا قوية ملاحظة خخخخخخخ ادري انه موجود
الكلام اللي بالاخضر اعتقد انه هو المغزى من طرحك للموضوع
بس اذا تبي رايي الشخصي اماكن العمل نحترمها وراي ولي الامر نحترمه والي يشتغلوا هناك برضو نحترمهم اذا هم احترموا نفسهم لانه ياقلبي اذا انتي محترمة مو كل البنات محترمات ولو كان عندنا انفتاح مثل باقي الدول ماكان حطينا الموضوع اصلا ولا اتناقشنا فيييييييييييييييه

[soma al7elwa]

شفشف ياقلبي

طوووول ما انتي ماشية بحياتك حتلاقي ناس بتعارضك

في كل شي من يوم ما تفتحي عينك عالدنيا الين ما ربنا ياخد أمانته وفي ناس بتعارض وناس بتأيد

المعارضين دول ما بيفيدوكي ولا بيضروكي

انتي أمشي فطريقك ولا تهتمي

تصوري الاتهامات والأراء دي لبنات متعلمات كلها واحنا فعام 2009

تصوري عام 2009

فتحت كلية الطب عام 1975 في جامعة الملك عبدالعزيز

وقبلها كان في بنات بيدرسوا طب برا

يعني تصوري كيف كان غالبية المجتمع بتطالع فيهم؟؟

ايش الاتهامات اللي كانت بتتوجهلهم؟؟

وكيف اتعاملوا مع الموضوع؟؟

اتكلمت مع بنات عاملات في مجالات "الاختلاط" أو انهم بيدرسوا وشغلهم حيكون في أماكن مشتركة

قالوا لي لسه حتسمعي كتيــــــــــــــــــــــــــــــــــــر كلام يشيب الراس

انتي بس طنشي

اتعلمي تسلكي وتصرفي

يعني مشي مشي انو "خلاص طيب دي وجهة نظرك وبانت شكرا جزيلا "

وكملي حياتك عادي

انتي واثقة من نفسك وعارفة انتي مين ومامتك وبابتك واثقين فيكي وحبايبك عارفينك مو مهم رأي الناس ايش

طلعت ولانزلت دي وجهة نظر ما بتودي ولا بتجيب

صدقيني حالتنا أحسن بمليون مرة من الدفعات الأولى للطب والتمريض وكل العاملات بالأقسام الطبية

يعني ازا اللي بتدرس طب وصيدلة وعلوم طبية اللي الوحدة تموت وهي بتدرس ومعروف مافي وحدة تدخل الأقسام دي وهي بتلعب ودي النظرة لها

وفالأخير هي بتدرس وتشتغل عشاننا احنا

دا اللي تعمل في مجال طبي

أما اللي تشتغل فشركة يعمل فيها الجنسين وتخصصها غيرطبي دي أظن عندهم بنت دعارة رسمي

ولا تستغربي ازا جات ناس تطالب يقام عليها حد الزنا

خديها زي ما بعمل أنا

اتدربي كيف حتكون نظرة بعض فئات المجتمع ليكي لما تنزلي لسوق العمل

أنا أهلي قالوا لي ترى في ناس حتلاقيها بتطلع كلام مو كويس ومدري ايش

بس والله مو زي لما شفت بعيني

أنا منجد منجد اتصدمت أول ما شفت ناس كدا بتفكر

ولما اتكلمت مع اللي حواليني قالوا لي انو دايما في كدا وانتي لازم تتعودي وطنشي والخ

سو لاتشيلي ببالك ومو ضروري الناس تقتنع بوجهة نظرك

خلاص جا أحد قالك الاختلاط حرام قولي طيب حرام

قالولك البنات اللي يشتغلوا في اماكن فيها اولاد وبنات صايعين ضايعين ما وراهم رجال يشكمهم قوليلهم طيب

قالوا بنات مو متربيين قولي طيب

قالوا أباء وازواج واخوان ديوثين ولا عندهم غيرة واختهم بتجري ورا الشباب وبتتكلم معاهم قولي طيب

صرفي صرفي بس

صدقيني أسلوب التصريف هو أحسن أسلوب فالحياة

لا تخسري اللي قدامك ولا تنحلي قلبك وانتي تحاولي تقنعيهم بوجهة نظرك

خلاص كل واحد بينام عالجنب اللي يريحه

دايما الجدل في الأمور المشابهة دي عقيم

ودايما في ناس بتفكر تفكير تستغربي انو موجود اصلا

ازا في ناس الى اليوم عندها اسم المرأة عورة

يعني بعد كدا كل شي ممكن

وعمل المرأة وشهادتها مهمة جدا في زمننا دا

محد يضمن بكرة ايش بيصير

والأهل اللي في نظري منجد يخافوا على بنتهم هما اللي بنتهم تكمل دراستها

اعرف واحد ابوه مات وهو صغير ومامتو تعبت وهي تربيهم مع انها من عايلة مرة معروفة ماشاالله واخوانها عندهم خير كتير بالصلاة عالنبي

بس كانت كرامتها أكبر من انها تسألهم كل شوية واشتغلت بنفسها عشان تحفظ كرامتها وكرامة اولادها

لما اتزوج قبل تقريبا 17 او 18 سنة اتزوج بنت سنة تالتة جامعة

وكانت تبغى تسحب لما اتزوجوا ترم ورفض رفض تام

وحملت على طول ما شاالله وهي كانت مرة تعبانة فحملها وتبغى تسحب

ورفض رفض تام كان هوا بيشتغل فالبيت وهي ترتاح وتزاكر

كان دايما يقولها لاسمح الله صارلي شي ما راح تتبهدلي زي امي

وأعرف عايلة كمان ماشالله عندهم خير كتير

البنت عندهم عشان تتزوج عالأقل عندها بكالريوس وشرط انها تكمل دراستها وتشتغل

ولماتتزوج البنت يشترولها شقة او بيت باسمها

كل وحدة متزوجة في العايلة معاها ماجستير عالأقل وبتشتغل ماشالله تبارك الله

عارفين انو في يوم وليلة ممكن تنقلب الأحوال ومحد دايم للبنت غير شهادتها ونفسها

يعني في ناس كتير بتأيد الفكرة دي وماشية عليها وبتشجعها زي مافي ناس معارضينها

في وحدة كمان من معارفي اتزوجت بعد ما اتخرجت من الثانوي وكانت تدرس فالجامعة

اتخرجت من الثانوي على أيام الوزارة بنسبة 97 ماشالله تبارك الله

وكانت شبه مقبولة في أي مجال طبي بس استصعبت انها تكون متزوجة وتدرس قسم طبي

درست اقتصاد منزلي وبعدها حملت وحولت لادارة واقتصاد انتساب عشان حملت وجابت بنت ماشالله زي القمر

سنتين وشوية من زواجها وانفصلت عن زوجها ودحين فبيت أبوها مع البنت وبتكمل دراستها

كل الأشخاص دول أشخاص أعرفهم شخصيا

مافي شي بيدوم زي الشهادة والوظيفة

محد يضمن بكرة ايش بيصيرلك

لا أب ولا أخ ولا زوج ولا ابن

مو ضروري نعيش طول عمرنا نستنى أحد يصرف علينا

أنا بنت وعايشة فبيت والدي ومبسوطة انو بيصرف عليا لكن مع كدا المكافأة تحس لها طعم تاني غير المصروف

حتى الهدية الي اجيبها لبابتي ولا لمامتي أحس لها طعم تاني

انو دي من فلوسي أنا مو من فلوسهم بجيبلهم هدية

__________________

ملاحظة مهمة

كلامي عن "الاختلاط" كان لشفافة خص نص ولكل البنات اللي بيعملوا أو متوقع انهم يعملوا فمكان يعمل فيه الجنسين

عشان لحد يفهم اني بلمح عليه أو بتكلم عليه مجرد كلام عام في كل أمور الحياة

دي وجهة نظركم ومن حقكم علينا نحترمها

:)

[شــفــافـــة]

^

ربي يحفظك ويسعدك ياسوما ^_^

أنا الآراء المخالفة في المنتدى مااعتبرها صدمة
لأنو انصدمت واقعياً لما اشتغلت قبل كذا
أهلي موافقين ومبسوطين فيني ,, بس تخيلي تجي ناس مالهم يد في الموضوع
وتعترض!
أحرجوا نفسهم على قلة فايدة ^_^

[hanadiateiah]

wallah i read and read and some comments make me feel sick !! but i really cann't be as brave as u guys to start arguing with them ....best of luck

[Da_JokEr]

الاختيارات كثيرة مرة ليش كده؟؟؟ وفيه اكتر من اجابة؟؟ فايش الحل؟؟؟

اخوكم في الله,,الحائر والضائع

نشوووفكم تاني

[.,.نيــــــــــــــــــــران.,.]

سوما الحلوة

الاخت شفافة جزاها الله خير في وضع الموضوع وتشوف الاراء مافيها شي ،،

وبعدين أكيد مليوون في المية في ناس مؤيدة وناس معارضة يعني ماجبتي شي جديد ،، الناس مانخلقت بفكر واحد

وحلوة حكاية التصريف ذي عجبتني ماادري ليش من بداية الموضوع ماشالله عليك تناقشين وتاخذين وتعطين !!

انا ممكن يكون لي رأي وأشوف رأي غيري واقتنع واخذ فيه
وممكن غيري يقتنع برأيي
ولو كل الناس بتسوي زيك وتسمع صوت نفسها بس كان الكل ضاع وللا همه الا نفسه وبس

تحياتي للجميع

[ماجد عبد الله]

سؤال لك اللقب(شفافه)انتي سبق وعملتي في مكان مختلط
وكم كانت مدة تجربتك وهل استمرت
واذا كانت لم تستمر ماهي الاسباب؟
اتمني ماتكون اسألتي شخصيه...
او اي اخت بالمنتدي تقدر تفيدنا بتجربتها

[أبوايلان]

المشاركة الأصلية كتبت بواسطة شــفــافـــة عموماً شكراً لك وأتمنى من كل قلبي الكف عن الاتهامات :)

هههههههههههههههه يعني تبين تطلعيني أنا الغلطان أنتي طلبتي في الموضوع رأيي وعشان كذا من حقك علي أعطيك رأيي لا أقل ولا أكثر أو أنك زعلتي عشاني جبتها على الصميم ؟

[:. مآء السمآء .:]

المشاركة الأصلية كتبت بواسطة soma al7elwa شفشف ياقلبي طوووول ما انتي ماشية بحياتك حتلاقي ناس بتعارضك في كل شي من يوم ما تفتحي عينك عالدنيا الين ما ربنا ياخد أمانته وفي ناس بتعارض وناس بتأيد المعارضين دول ما بيفيدوكي ولا بيضروكي انتي أمشي فطريقك ولا تهتمي تصوري الاتهامات والأراء دي لبنات متعلمات كلها واحنا فعام 2009 تصوري عام 2009 فتحت كلية الطب عام 1975 في جامعة الملك عبدالعزيز وقبلها كان في بنات بيدرسوا طب برا يعني تصوري كيف كان غالبية المجتمع بتطالع فيهم؟؟ ايش الاتهامات اللي كانت بتتوجهلهم؟؟ وكيف اتعاملوا مع الموضوع؟؟ اتكلمت مع بنات عاملات في مجالات "الاختلاط" أو انهم بيدرسوا وشغلهم حيكون في أماكن مشتركة قالوا لي لسه حتسمعي كتيــــــــــــــــــــــــــــــــــــر كلام يشيب الراس انتي بس طنشي اتعلمي تسلكي وتصرفي يعني مشي مشي انو "خلاص طيب دي وجهة نظرك وبانت شكرا جزيلا " وكملي حياتك عادي انتي واثقة من نفسك وعارفة انتي مين ومامتك وبابتك واثقين فيكي وحبايبك عارفينك مو مهم رأي الناس ايش طلعت ولانزلت دي وجهة نظر ما بتودي ولا بتجيب صدقيني حالتنا أحسن بمليون مرة من الدفعات الأولى للطب والتمريض وكل العاملات بالأقسام الطبية يعني ازا اللي بتدرس طب وصيدلة وعلوم طبية اللي الوحدة تموت وهي بتدرس ومعروف مافي وحدة تدخل الأقسام دي وهي بتلعب ودي النظرة لها وفالأخير هي بتدرس وتشتغل عشاننا احنا دا اللي تعمل في مجال طبي أما اللي تشتغل فشركة يعمل فيها الجنسين وتخصصها غيرطبي دي أظن عندهم بنت دعارة رسمي ولا تستغربي ازا جات ناس تطالب يقام عليها حد الزنا خديها زي ما بعمل أنا اتدربي كيف حتكون نظرة بعض فئات المجتمع ليكي لما تنزلي لسوق العمل أنا أهلي قالوا لي ترى في ناس حتلاقيها بتطلع كلام مو كويس ومدري ايش بس والله مو زي لما شفت بعيني أنا منجد منجد اتصدمت أول ما شفت ناس كدا بتفكر ولما اتكلمت مع اللي حواليني قالوا لي انو دايما في كدا وانتي لازم تتعودي وطنشي والخ سو لاتشيلي ببالك ومو ضروري الناس تقتنع بوجهة نظرك خلاص جا أحد قالك الاختلاط حرام قولي طيب حرام قالولك البنات اللي يشتغلوا في اماكن فيها اولاد وبنات صايعين ضايعين ما وراهم رجال يشكمهم قوليلهم طيب قالوا بنات مو متربيين قولي طيب قالوا أباء وازواج واخوان ديوثين ولا عندهم غيرة واختهم بتجري ورا الشباب وبتتكلم معاهم قولي طيب صرفي صرفي بس صدقيني أسلوب التصريف هو أحسن أسلوب فالحياة لا تخسري اللي قدامك ولا تنحلي قلبك وانتي تحاولي تقنعيهم بوجهة نظرك خلاص كل واحد بينام عالجنب اللي يريحه دايما الجدل في الأمور المشابهة دي عقيم ودايما في ناس بتفكر تفكير تستغربي انو موجود اصلا ازا في ناس الى اليوم عندها اسم المرأة عورة يعني بعد كدا كل شي ممكن وعمل المرأة وشهادتها مهمة جدا في زمننا دا محد يضمن بكرة ايش بيصير والأهل اللي في نظري منجد يخافوا على بنتهم هما اللي بنتهم تكمل دراستها اعرف واحد ابوه مات وهو صغير ومامتو تعبت وهي تربيهم مع انها من عايلة مرة معروفة ماشاالله واخوانها عندهم خير كتير بالصلاة عالنبي بس كانت كرامتها أكبر من انها تسألهم كل شوية واشتغلت بنفسها عشان تحفظ كرامتها وكرامة اولادها لما اتزوج قبل تقريبا 17 او 18 سنة اتزوج بنت سنة تالتة جامعة وكانت تبغى تسحب لما اتزوجوا ترم ورفض رفض تام وحملت على طول ما شاالله وهي كانت مرة تعبانة فحملها وتبغى تسحب ورفض رفض تام كان هوا بيشتغل فالبيت وهي ترتاح وتزاكر كان دايما يقولها لاسمح الله صارلي شي ما راح تتبهدلي زي امي وأعرف عايلة كمان ماشالله عندهم خير كتير البنت عندهم عشان تتزوج عالأقل عندها بكالريوس وشرط انها تكمل دراستها وتشتغل ولماتتزوج البنت يشترولها شقة او بيت باسمها كل وحدة متزوجة في العايلة معاها ماجستير عالأقل وبتشتغل ماشالله تبارك الله عارفين انو في يوم وليلة ممكن تنقلب الأحوال ومحد دايم للبنت غير شهادتها ونفسها يعني في ناس كتير بتأيد الفكرة دي وماشية عليها وبتشجعها زي مافي ناس معارضينها في وحدة كمان من معارفي اتزوجت بعد ما اتخرجت من الثانوي وكانت تدرس فالجامعة اتخرجت من الثانوي على أيام الوزارة بنسبة 97 ماشالله تبارك الله وكانت شبه مقبولة في أي مجال طبي بس استصعبت انها تكون متزوجة وتدرس قسم طبي درست اقتصاد منزلي وبعدها حملت وحولت لادارة واقتصاد انتساب عشان حملت وجابت بنت ماشالله زي القمر سنتين وشوية من زواجها وانفصلت عن زوجها ودحين فبيت أبوها مع البنت وبتكمل دراستها كل الأشخاص دول أشخاص أعرفهم شخصيا مافي شي بيدوم زي الشهادة والوظيفة محد يضمن بكرة ايش بيصيرلك لا أب ولا أخ ولا زوج ولا ابن مو ضروري نعيش طول عمرنا نستنى أحد يصرف علينا أنا بنت وعايشة فبيت والدي ومبسوطة انو بيصرف عليا لكن مع كدا المكافأة تحس لها طعم تاني غير المصروف حتى الهدية الي اجيبها لبابتي ولا لمامتي أحس لها طعم تاني انو دي من فلوسي أنا مو من فلوسهم بجيبلهم هدية __________________ ملاحظة مهمة كلامي عن "الاختلاط" كان لشفافة خص نص ولكل البنات اللي بيعملوا أو متوقع انهم يعملوا فمكان يعمل فيه الجنسين عشان لحد يفهم اني بلمح عليه أو بتكلم عليه مجرد كلام عام في كل أمور الحياة دي وجهة نظركم ومن حقكم علينا نحترمها :)

سوما

فعلاً مادام الوحده واثقة من نفسها و أهلها راضيين باللي تسويه ( طووووز ) في العالم كله

اتدربي كيف حتكون نظرة بعض فئات المجتمع ليكي لما تنزلي لسوق العمل أنا أهلي قالوا لي ترى في ناس حتلاقيها بتطلع كلام مو كويس ومدري ايش بس والله مو زي لما شفت بعيني

و هذا بس في البداية بس بعد اسبوع اسبوعين لما يشوفوا ان انت جايه تشتغلي مو لأشياء ثانيه في بالهم حيسيبوك في حالك ..،


وَ العمل قبل كل شيء تحقيق ذات و الانسان يحس ان هو قاعد يقدم شي لبلده و أهله مو مجرد مكسب مادي ..،


\