ارامكو السعودية تعلن عن برنامج التدريب الصيفي للمرحلة الجامعية

[samya]

خساره ليش لازم اخلص60 ساعه
يلا مو مشكله ان شاء الله السنه الجايه

[th620]

المشاركة الأصلية كتبت بواسطة المهاتما تسونامي ماينفع لنا يابنات الانتساب :(

لا والله للأسف بس طلاب وطالبات الانتظام والدراسات العليا

[th620]

المشاركة الأصلية كتبت بواسطة rona حمااااس الله يوفقك إلى مايحب ويرضى

آمين..ويوفقك ياارب

[th620]

المشاركة الأصلية كتبت بواسطة بربوره يااخوي رقم الاستعلامات تبع فرع جدة يقولي غير صالح للاستخدام لما اتصل ليــــــــــــــــــــــــــــــــــــــــــــــــ ـــــــــــــــــــــــش؟

هلا أختي بربوره

عادي لو ما نفع حق جدة دقي على الظهران او الرياض أو ينبع

بس لازم تدقي أوقات الدوام من الساعة 7 صباحا الى 3 عصرا

يفضل تدقي بدري على الساعة 9

[بربوره]

تسلم اخوي
يعطيك الف عافيه

[*عبدالرحمن المالكي*]

يا شباب سنة تحضيرية يمديهم يقدموا على التدريب
افيدونا جزاكم الله خير

[th620]

المشاركة الأصلية كتبت بواسطة *عبدالرحمن المالكي* يا شباب سنة تحضيرية يمديهم يقدموا على التدريب افيدونا جزاكم الله خير

هلا أخوي عبدالرحمن المالكي

من شروط التقديم لازم تكون مخلص 60 ساعة دراسية

يعني أنه للاسف أخوي ما تقدر تقدم

اي استفسار أخر أنا حاضر

[~soso~]

هلا اخوي اليوم طبعت كشف الدرجات بس قريت من ضمن الشرط طالبين كمان تعريف اني طالبه بكالوريس من الكليه ؟
من وين اطلب هالشئ ؟ وش اقول للمسؤؤله
وسؤال ثاني ماقريت من ضمن شروطهم انهم طالبين معدل مين, عادي لو معدل 3 وعليها ؟

[th620]

المشاركة الأصلية كتبت بواسطة ~soso~ هلا اخوي اليوم طبعت كشف الدرجات بس قريت من ضمن الشرط طالبين كمان تعريف اني طالبه بكالوريس من الكليه ؟ من وين اطلب هالشئ ؟ وش اقول للمسؤؤله وسؤال ثاني ماقريت من ضمن شروطهم انهم طالبين معدل مين, عادي لو معدل 3 وعليها ؟

هلا أختي سوسو

كشف الدرجات لازم يكون الاصلي تطبيعه من العمادة بعشرة ريال.. الي من الاودس غير مقبول

تعريف انك طالبة بكالوريس هذي مقصود فيها الافادة الي تطبيعها من الاودس وتختميها لو ما كان مختومه

ما يشترط معدل معين.. اذا كان فيه احتياج احتمال يأخذونكم كلكم واذا الاحتياج قليل يأخذوا بالافضلية.. أنتي قدمي ومو خسرانه شيء

أنا الصيف الماضي معدلي كان منخفض والحمدلله قبلوني كلها توفيق وادعي ربك

أي استفسار آخر أنا حاضر

[شنتال]

اخوي th 620 بما انك انقبلت الترم الي فات ممكن تقلنا عن تجربتك عشان نستفيد يعني حسيت انك استفدت كثير ؟
وانا بصراحه محتاره اخذ ترم صيفي ولا اتدرب فيليت لو توضح فائدة التدريب والجوانب الايجابيه والسلبيه
وكمان هل كان التدريب اختلاط ولا في قسم خاص للبنات؟
وهل في تدريب للمتخرجين ولا بس لطلاب الجامعه وطلاب الثانوي؟