تساؤلات الدوره~~

[مصره على قراري]

المشاركة الأصلية كتبت بواسطة cute heart لو سمحتي استااذه احرجتيني وعدت الواجب حقي ابي نجمه

تمام يا عسل
رسمتك واضحه جدا وزي
ما توقعت بالضبط
انتي عندك حماس وطموح اهدافك واضحه
لكن تحقيقها مرتبط بحيثيات معينه
يعني اهدافك معتمده على خطوات لازم تسويها قبلها عشان توصلي له
وهذا الي مسويلك مشكله انك طاقه هائله لكن تنتظر التفريغ
زي علبة (الببسي)لما ترجيها ترجيها وهي مقفله وتخليها
الضغط داخلها قوي بس مع الوقت بيهدا الضغط
وانتي هذا الي نخوفك
ان عالبال ما تخلصي الخطوات الي تساعد في تحقيق الهدف
عزيمتك تفتر وتتناقص
لكن هذا الشي حله بسيط
وبأذن الله اساعدك في الوصول لهدفك
بكل قوتك وعزيمتك
تحياتي لكِ

[نــورهـ]

المشاركة الأصلية كتبت بواسطة قلبي أماراتي تصبحين على الف خير وان شاء الله نشوفج على خير بالتوفيج في الصيفي وشدي حيلج

مشكورة قلبي اماراتي
بإذن الله نتقابل اليوم
و بالتوفيق لك
ان شاء الله بشد حيلي

[مصره على قراري]

المشاركة الأصلية كتبت بواسطة طالبة مستجدة الجانب الديني 50 الأجتماعي 85 المهني >>ماني موظفه بس أشتغل فالبيت النفسي60 المادي 70 الصحي 75 الكمال لوجه الله تعالى الله يعطينا الكمال في الدين هذا أهم شي

النسب متقاربه نوعا ما
والاتزان في كل الجوانب ممكن وسهل
لكن الي يحتاج جهد منك واصرار
هو رفع هذه النسب
تابعي معنا اسبوع الدوره
وحاولي تطبقي كل كلامي
وتاخذيه على محمل الجد
وبأذن الله التطور والاتزان حاصل
ورجاءً لا تستهيني بنفسك او تقولي
مارح اتغير او اتغير عشان مين او تعودت على كذا
خذي الامر بحزم وعلى اخر الاسبوع هدفك هو التطوير
اوكي؟؟؟
تحياتي لكِ

[نــورهـ]

السلام عليكم و رحمة الله و بركاته

جزاك الله خير يامصره و يعطيك العافيه على ماقدمتي لنا امس ماقدرت انام كل تفكيري في الدوره اسلوبك رائع و خاصة ان الدورة تفاعليه حماسية

أسعدني و فاجأني وجود الدكتور رشاد فقيها بيننا من جد مااتتخيلي كيف فرحت
الله يجزاه خير ،، اول مره اسمع عن تطوير الذات كان من الاستاذ رشاد قبل كم سنة
يسعدنا يادكتور رشاد و جودك بيننا و مشاركتك لنا
و أن ننهل من نصحك و توجيهك و مما حباك الله به من علم

محتفظة بفيديو لزيادة الحماس عندي و خاصة فترة الاختبارات
(الآلآن أنا الصوت مؤمن و لن أحيد،، قدوة و لن أقاد أنا قوة للخير أنا جندي لله حطم الحدود ارفع مقايسك ...الخ من الكلمات الحماسية الرائعة)
مستعده من الآلآن للدورة اليوم

الواجب بعد شوي ياأستاذه

جزاك الله خير

[مصره على قراري]

المشاركة الأصلية كتبت بواسطة cute heart نسبة الالم كبيره بتكوون ومرره مو راضيه ع القصوور في النسبه الديني مهما سويت احس مقصررره كثيير ومره اتضاايق من هالشي .. ولو بقت الارقام على حالها ماحرتقي ابدن او بكون انسانه سعيده ونسبة السعااده .. بصراحه حعجز على التعبير لو وقفتي جنبي وساعتيني في تنميتها ةتطويرها واتمنى تتعدل وتصيير للاحسن

رد ممتاز
ياريت تحتفظي فيه وتقريه كل يوم
قبل الدوره وتحطي في بالك
انوا مستحيل تخلص الدوره وانتي ما حققت
على الاقل70% من الاتزان المطلوب في كل الجوانب
تحياتي لكِ

[نــورهـ]

يسعد مساك مصرة على قراري

التطبيق الاول:-


التطبيق الثاني:-



التعريف بنفسي:
(د.نـــورهـ)
أعشق (دراستي و الكتب) لدرجة أهملت جوانب في حياتي منها مواهبي و اشياء اخرى
لدي اهداف كبيرة و مخططة لها تمام بإذن الله و قدرته تتحقق و عاملة خطة اسأل الله أن يكرمنا بتحقيق مانتمنى
انسانة هادئة احب اتعلم كل شيء في الحياة و أسال كثير و خاصة منهم أكبر مني سنا و لديهم علم و معرفة أشعر اني أمام كنز و أحب استفيد منهم

هل هذا التعريف كافي ام أكتب أكثر او تحددي لي اذا في شيء معين تبغيني أعرف فيه عن نفسي؟؟؟

الله يووفقك و يسعدك و ينور دربك

[مصره على قراري]

المشاركة الأصلية كتبت بواسطة طالبة مستجدة تدرون وش نفسي أغير عندي مشكلة ظيمه نفسي أتخلص منها هيا الرهاب الأجتماعي مع أن الكل يقول أني أجتماعيه و ماأجلس في مجتمع ألا و الكل يحاول يتقرب مني لأني أسوي جو كوميدي في الجلسه يعني نكتيه لكن ماأدري وش هذا الأحساس الغريب يعني لو أحد من ضمن الجالسين قلي كلمه جرحتني ممكن أبكي و لاأعرف أرد أتلعثم يعني سرعة الرد بحكمة ماهو عندي أتلكلك وماأعرف أرد و أرجع البيت و أنقهر أني مارديت و ريحت نفس لكن بأذن الله أقدر أغير الشي هذا بمساعدتكم

مشكله معرفوه وخصوصا عند البنات
والسبب راجع لأسلوب التربيه
طول عمرنا نسمع من اهلنا
كلمة عيب ولا تردي على الي اكبر منك
ولا تخلين الناس تتكلم عنك
والبسي كويس عشان الناس
وتكلمي كويس عشان الناس
ومن هذا الكلام
حتى لو ما قالوه بشكل مباشر
افعالهم كانت تقوله
ولما البنت تكبر وتتزوج
وتنحط بمجتمع مستقل وهي تصير مستقله
اقصد رايها يمثلها هي
كلامها يمثلها هي
مو قبل ما تكبر اي شي كانت تقوله
كانوا يقولون بنت فلان وفلانه قالت
لما نوصل لمرحلة الاستقلال وراينا
يعبر عننا احنا
نصير خايفين نقوله
ولو قلنا ما نقدر نصر عليه
وراي اي احد فينا يهزنا
ويخلينا ما نقدر ننام وطول الوقت نفكر
فلانه ليه قالت كذا؟؟
وياريتني دافعت عن نفسي؟؟
وياريتني وضحت قصدي؟؟
اللحين الكل فهمني غلط؟؟
وايش رح يقولون عني؟؟
ومن هالكلام الي يخلينا نذكر كلمه بسيط
ممكن طلعت من غير قصد او كانت مزحه
او حتى لو كانت هجوم مباشر
اسلوبنا هذا يخلينا نتذكرها كل ما شفنا الشخص مره ثانيه
والغريب انوا حتى لو تكرر الموقف نواجه نفس المشكله وما نقدر نرد
هذي الحال ما تسمى رهاب اجتماعي لان الرهاب اعراضه غير
هذي الحاله بالتعبير البسيط
تسمى (برمجه خاطئه من الاهل)
وحلها بسيط وعملي وان شاء الله نحل هالمشكله مع بعض
تحياتي لكِ

[مصره على قراري]

المشاركة الأصلية كتبت بواسطة قلبي أماراتي تفضلي استاذه .. بس سموحه تميت اشرح ونسيت ارسم وقعدت ادور على ها مال الهندسه الي يحطون فيه مرسام ويسوون تفحيط بس ماحصلت الله يصبرك على الرسمه ..

قلبي يا عسوله
الاتزان بالنسبه لك يحتاج جهد بسيط ونصل
إليه بأذن الله
ورفع نسب الجوانب مقدور عليها
احتاج كل عزيمتك معي
وابغى انهي الاسبوع لهذه الدوره
وانا وانتي واصلين للإتزان واقصى نسب ممكنه
للجوانب السنه
اوكي؟؟؟
اوعدي نفسك وعد صادق
و اوعديني وعد بنفس الصدق
انك مصره على التغير
وقولي
انا مصره على التغير خلال هذا الاسبوع
ورح اوصل لأفضل النتائج
تحياتي لكِ

[(( محمد ))]

دكتوره / مصره

انا كعادتي من سنين , أعتذر عن الواجب :)

سامحيني

رديت عشان اشكرك وأقول لك الله يعطيك ألف ألف ألف عافيه

فعلاً انتي انسانه رائعه

الله يحفظك

وان شاء الله اكون معاكم اليوم

[مصره على قراري]

المشاركة الأصلية كتبت بواسطة cute heart ان شالله استاذتي نعدلها سوا .. وكلي امل بك فيني شي يضايقني .. الخجل والتردد من السوال يعني مثلاً : لو شفت شي عجبني مع وحده وابغى اسال من فيين ..؟!! اتردد كثير بالسوال وساعات كثيره مااسئل .. برضو استااذه تشرح اتررد ساعات اسئل لان مابغى اتفشل وانحرج

برضوا هذي مشكله شائعه
وسببها اسلوب التربيه التقليدي
الي يعتبر سؤال البنت عن اي شيء حتى لو كان بسيط
جراءه مفرطه
والزعزه النفسه كمان تلعب دور كبير
اقصد عدم ايمان الشخص بما يملك من قدرات
هذا الاحساس في حد ذاته يبعث
على عدم الثقه
يعني انا مثلا
اساتذتي في الجامعه يسموني (قلق)او (ام أسئله)
لاني اتسائل عن كل صغيره وكبيره
مو لاني مو فاهمه او كسلانه لا الحمد الله
استيعابي سريع
بس انا أسئل من باب
لو غيرت هذا وحطيت هذا مكانه كيف ممكن تطلع النتيجه
لو طبقة القانون الفلاني علي المسئله هذي الناتج رح يكون واحد
وعلى هذا الحال
لدرجة اني اسبب احراج للإستاذه ببعض الاسئله
لانها مو عارفه تجاوب عليها
هذا الشي اكتسبته من شعور واحد
من لما كنت طفله وانا كل الي حولي يعاملني على اساس
اني عبقريه <<قدراتي جيده لكن مو عبقريه
اهلي يستخدمون هذا الوصف بستمرار لحد ما تعايشت معه
ولو في يوم مافهمت شي اخجل من نفسي
وتلاقيني اسبوع بعد السالفه كله اقراء عن هذا الشي عشان استوعبه وافهمه اكثر
وعشان ما يتكرر هالاحراج <<الي بيني وبين نفسي على الاقل
الحل بسيط غلاي
ثقي بنفسك وبقدراتك وعاملي نفسك على انك مختلفه
وانتي فعلا مختلفه وكل المقايس تقول كذا
كل واحد منا خلق لغايه بغض النظر عن الغايه العظمى(عبادة الله)
بس فعلا كل واحد خلق عشان يسوي شي ولا زم تحسي هالكلام وتمارسيه
شوفي طموحك واسعي له وحطي في بالك ان العمر قصير ويوم واحد تأخير يضيع عليك الحلم بالكامل
ورح يتغير الوضع بأذن الله...