تحليل كمي 2 >> دروس للي يبغوا يفهموا أكثر

salatwah · 24-06-2010, 12:48 AM

بنات الترم اللي فات سمعت ان البنات يقولوا انو استاذة سوزان وزعت عليهم ورقة تدريبات وكان الامتحان زيها بالظبط...احد معاه تمارين هالترم او الترم اللي راح؟؟

لون حياتك · 24-06-2010, 01:40 AM

حبيبي ما وزعت علينا شي

انا حضرت معاها الدورة كاملة

نوـونهـ · 24-06-2010, 12:45 PM

الله يجزاك الجناان وييسر أمورك جمميع

ماقصرتي خيتي وموضوعك مرجع لي ان شاءالله

الله يسدد خطاك

سم افعى · 24-06-2010, 02:27 PM

دنو كيفك ياعسل الله يوفقك ان شاءالله حبيبتي في شي من فاهمتو الاصح نسيتو دحين في البرمجه الخطيه منطقة الحلول الممكنه كيف اجيبها ؟؟؟؟؟ خايفه منها ابغا اضمنها قبل لا ادخل الاختبار لانها مليوم بالميه جايه فياريت تفيديني وسؤال تاني كيف افرق في الرياضه الماليه ازا جمله ولا فائده

لون حياتك · 24-06-2010, 07:18 PM

[size="4"]يسلموو نونه وانتي كمان

سم افعى ولكمووو يا قمر وحشتينا

شوفي هنا حل لسؤال البرمجة الخطية

صـ 210 ــ مثال 1/5
الحل :
الخطوة الأولى : تحديد المتغيرات س , ص > سلعة 1 , سلعة 2
الخطوة الثانية : تحديد دالة الهدف ( هوا طالب في المسألة عدد الوحدات الواجب انتاجها من نوعي السلع حتى يحقق المصنع أكبر ربح ممكن ؟ ) يعني يبغى اعلى ربح نكتب ^ ر = ربح الوحدة الأولى × س + ربح الوحدة الثانية في ص
( الارباح تبع الوحدة الأولى والتانية موجودة في المسألة ) يعني صار ^ ر = 120 س + 100 ص
الخطوة الثالثة : نعمل القيود الي هيا ساعات التشطيب لحال للسلعتين وساعات التجميع لحال للسلعتين ( برضو موجودة في المسألة)
6س + 6ص < 300 >> الاشارة اكبر من او يساوي لانو طلب أعلى ربح وال300 هيا مجموع ساعات التجميع (في المسألة)
8س +4ص < 320 >> الاشارة أكبر من او يساوي لانو طلب أعلى ربح و 320 هيا مجموع ساعات التشطيب ( في المسألة )
الخطوة الرابعة : القيود اللا سالبة وهيا في كل المسائل نكتب بس ( س , ص > 0 ) اصغر من او يساوي
الخطوة الخامسة : تحويل القيود إلى معادلات :
حنعوض ب (0) مرا عن س ومرا عن ص في المعادلتين
6س + 6ص <300 >> إما س =0 و ص = 300 ÷ 6 ( 6 هيا معامل ص ) = 50 أو ص = 0 وس = 300÷ 6 ( 6 هيا معامل س ) = 50
بعدين نقول س = 0 , ص = 50 يعني النقطة ( 0 , 50 ) ونحددها في الشبكة التربيعية ( يعني الي محورين س و ص تبع الرسم )
و س = 50 , ص = 0 يعني النقطة ( 50 , 0 ) ونحددها في الشبكة التربيعية
ونوصل بينهم
بعدين نحل المعادة الثانية بنفس الطريقة
8 س + 4 ص < 320 >> س = 0 ص = 320 ÷ 4 = 80 ,, ص = 0 و س = 320 ÷ 8 = 40
ونحدد النقاط ( 0 , 80 ) , ( 40 ,0 ) بنفس الطريقة على الشبكة ونوصل بين دي النقطتين
طيب باقي كمان نقطتين من فين نجيبهم ؟
نجيب المعادلة الاولى والمعادلة الثانية ونحلهم ونطلع قيمة س و ص >> من هنا نجيب ال 20 والـ 30 وراح اشرح كيف
1 - 6 س + 6 ص = 300
2- 8 س + 4 ص = 320 راح احلها بطريقة الحذف ^_^
اول شي تسهلوا على نفسكم وتقسموا المعادلة رقم (2) على 4 >> ليش على 4 ؟ عشان لازم نخلي س الي في معادلة (1) = س الي في معادلة (2) ولو ما قسمنا راح نضطر نضرب في أعداد كبيرة ونحوس معاها ^_^
يعني حيصير عندنا بعد ما نقسم معادلة رقم 2 على 4 كلها
1- 6س + 6ص = 300
2- 2 س + ص = 80 >>>> لاحظوا هنا قسمنا كل المعادلة على 4 مو بس رقم واحد

طيب دحين نبغى نطرح المعادلتين من بعض زي ما درسنا في الابواب الي فاتت
شي مرا سهل نخلي س الي فوق = س الي تحت بشرط انو وحدا فيهم بالسالب
2 ايش لازم نعمل فيها عشان = 6 ؟ نضربها في 3 أكيد
خلاص نضرب المعادلة ال 2 كلها في (-3) عشان نبغا كل المعادلة بالسالب
ونقول
6س + 6ص = 300
-
-6س – 3 ص= -240 >>> 6 س تروح مع -6س و 6 -3 اشارة الاكبر ونطرح و 300 – 240 = 60
______________
3 ص = 60 خلاص نقسم عادي ص = 60 ÷ 3 = 20
نعوض في المعادلة الأولى عن ص ب قيمتها
6 س + 6 ( 20) = 300 >> 6 س + 120 = 300 >> ننقل العدد للطرف التاني بالسالب 6 س = 180
س = 180 ÷ 6 >> (6 = معامل س )
س = 30 >>> النقطة = ( 30 , 20 ) الي هما س و ص
بعد كذا الخطوة الأخيرة : نعوض عن النقاط الي عندنا في معادلة الهدف >> الي هوا الربح في دي المعادلة طلعناه في تاني خطوة وكان (^ ر = 120س + 100 ص )
بالضبط زي الي في الكتاب صــ 213 ــ وناخذ أعلى قيمة لانو طالب أعلى ربح
وطلع عندنا الحل 30 و 20 حتكون القيمة عندهم = 120 × 30 + 100 × 20 = 5600 وهي أعلى قيمة

يارب تكونوا فهمتوا وما أكون شوشتكم أكثر اصلي ما بعرف اشرح كثير ^_^

أي سؤال انا حاضرة
[/size]

غرومه · 25-06-2010, 07:22 PM

السلام عليكم ياحلوين

كيفكم وشو أخباركم مع التحليل < بكرة الأختبار تهئ معد بقى شي

يسلمو لوني على الشرح الحلو

بس حبيت أسألك إذا إنتي منزلة شرح للباب الثامن حق النهايات العظمى والصغرى ولا لاء وأو تقدري تشرحي لي هوة

لأني مرة عجزت أفهمة

وجزاكم الله كل خير ياحلوين