هل تؤيد-تؤيدين العمل في بيئة مختلطة؟

[لولو كاتي]

المشاركة الأصلية كتبت بواسطة شــفــافـــة أهلين خيتو تعليقاً ع الكلام الي بالأخضر مافي شي اسمو ملكة غصباً عنك>> ياختي الله يهديكي انا ماقلت غصبا عنك انا عبرت عن رايي وبس طيب أنا ماأحب حياة الترف>>طيب وانا احبها يعني في النهاية حرية شخصية انتي قلتيلي بالنهاية لكِ الحرية في تجنبه وانا اقولك لكِ الحرية في عدم تجنبه لانه الاولى والطبيعي هو اننا نتجنبه بس ضروري نحترم أماكن العمل الي فيها اختلاط ونحترم الناس الي بتشتغل هناك ونحترم رأي ولي الأمر ولأنو مو فرض واجب ولا ركن من الأركان لك الحرية في تجنبه لاحظي قلت تجنبه لأنه أصلاً موجود

ياخيتو والله انا قوية ملاحظة خخخخخخخ ادري انه موجود
الكلام اللي بالاخضر اعتقد انه هو المغزى من طرحك للموضوع
بس اذا تبي رايي الشخصي اماكن العمل نحترمها وراي ولي الامر نحترمه والي يشتغلوا هناك برضو نحترمهم اذا هم احترموا نفسهم لانه ياقلبي اذا انتي محترمة مو كل البنات محترمات ولو كان عندنا انفتاح مثل باقي الدول ماكان حطينا الموضوع اصلا ولا اتناقشنا فيييييييييييييييه

[شــفــافـــة]

المشاركة الأصلية كتبت بواسطة لولو كاتي ياخيتو والله انا قوية ملاحظة خخخخخخخ ادري انه موجود الكلام اللي بالاخضر اعتقد انه هو المغزى من طرحك للموضوع بس اذا تبي رايي الشخصي اماكن العمل نحترمها وراي ولي الامر نحترمه والي يشتغلوا هناك برضو نحترمهم اذا هم احترموا نفسهم لانه ياقلبي اذا انتي محترمة مو كل البنات محترمات ولو كان عندنا انفتاح مثل باقي الدول ماكان حطينا الموضوع اصلا ولا اتناقشنا فيييييييييييييييه

هلا لولو

تعليقاً ع الكلام الي بالأحمر

قبل مايظهر لك هي تستحق الإحترام ولا لاء
نأخذ بالإعتبار إنها إنسانة خرجت من منزلها لتعمل
وهذا وحده كفيل بأن يجعلنا نحترمها
وإن أثبتت تلك الفتاة بأنها لاتستحق إحترامك
غيري نظرتك لها (مو تحتقري حتى البنات الي يشتغلوا معاها)

لكن يا خيتو اللي أشوفه من خلال ردود بعض الأعضاء
إنهم سباقين بنظرة شك يغلفها نوع من الاستحقار
وفي أحسن الاحوال ينتظرون دليل الإدانة ليثبتوا أنها لاتستحق الإحترام!


ولو كان عندنا انفتاح مثل باقي الدول ماكان حطينا الموضوع اصلا ولا اتناقشنا فيييييييييييييييه


احنا مانبغى انفتاح
الانفتاح يحمل بعداً سلبياً لدى البعض
نحن نريد رقي واحترام للآخرين فقط

أشكرك :)

[soma al7elwa]

شفشف ياقلبي

طوووول ما انتي ماشية بحياتك حتلاقي ناس بتعارضك

في كل شي من يوم ما تفتحي عينك عالدنيا الين ما ربنا ياخد أمانته وفي ناس بتعارض وناس بتأيد

المعارضين دول ما بيفيدوكي ولا بيضروكي

انتي أمشي فطريقك ولا تهتمي

تصوري الاتهامات والأراء دي لبنات متعلمات كلها واحنا فعام 2009

تصوري عام 2009

فتحت كلية الطب عام 1975 في جامعة الملك عبدالعزيز

وقبلها كان في بنات بيدرسوا طب برا

يعني تصوري كيف كان غالبية المجتمع بتطالع فيهم؟؟

ايش الاتهامات اللي كانت بتتوجهلهم؟؟

وكيف اتعاملوا مع الموضوع؟؟

اتكلمت مع بنات عاملات في مجالات "الاختلاط" أو انهم بيدرسوا وشغلهم حيكون في أماكن مشتركة

قالوا لي لسه حتسمعي كتيــــــــــــــــــــــــــــــــــــر كلام يشيب الراس

انتي بس طنشي

اتعلمي تسلكي وتصرفي

يعني مشي مشي انو "خلاص طيب دي وجهة نظرك وبانت شكرا جزيلا "

وكملي حياتك عادي

انتي واثقة من نفسك وعارفة انتي مين ومامتك وبابتك واثقين فيكي وحبايبك عارفينك مو مهم رأي الناس ايش

طلعت ولانزلت دي وجهة نظر ما بتودي ولا بتجيب

صدقيني حالتنا أحسن بمليون مرة من الدفعات الأولى للطب والتمريض وكل العاملات بالأقسام الطبية

يعني ازا اللي بتدرس طب وصيدلة وعلوم طبية اللي الوحدة تموت وهي بتدرس ومعروف مافي وحدة تدخل الأقسام دي وهي بتلعب ودي النظرة لها

وفالأخير هي بتدرس وتشتغل عشاننا احنا

دا اللي تعمل في مجال طبي

أما اللي تشتغل فشركة يعمل فيها الجنسين وتخصصها غيرطبي دي أظن عندهم بنت دعارة رسمي

ولا تستغربي ازا جات ناس تطالب يقام عليها حد الزنا

خديها زي ما بعمل أنا

اتدربي كيف حتكون نظرة بعض فئات المجتمع ليكي لما تنزلي لسوق العمل

أنا أهلي قالوا لي ترى في ناس حتلاقيها بتطلع كلام مو كويس ومدري ايش

بس والله مو زي لما شفت بعيني

أنا منجد منجد اتصدمت أول ما شفت ناس كدا بتفكر

ولما اتكلمت مع اللي حواليني قالوا لي انو دايما في كدا وانتي لازم تتعودي وطنشي والخ

سو لاتشيلي ببالك ومو ضروري الناس تقتنع بوجهة نظرك

خلاص جا أحد قالك الاختلاط حرام قولي طيب حرام

قالولك البنات اللي يشتغلوا في اماكن فيها اولاد وبنات صايعين ضايعين ما وراهم رجال يشكمهم قوليلهم طيب

قالوا بنات مو متربيين قولي طيب

قالوا أباء وازواج واخوان ديوثين ولا عندهم غيرة واختهم بتجري ورا الشباب وبتتكلم معاهم قولي طيب

صرفي صرفي بس

صدقيني أسلوب التصريف هو أحسن أسلوب فالحياة

لا تخسري اللي قدامك ولا تنحلي قلبك وانتي تحاولي تقنعيهم بوجهة نظرك

خلاص كل واحد بينام عالجنب اللي يريحه

دايما الجدل في الأمور المشابهة دي عقيم

ودايما في ناس بتفكر تفكير تستغربي انو موجود اصلا

ازا في ناس الى اليوم عندها اسم المرأة عورة

يعني بعد كدا كل شي ممكن

وعمل المرأة وشهادتها مهمة جدا في زمننا دا

محد يضمن بكرة ايش بيصير

والأهل اللي في نظري منجد يخافوا على بنتهم هما اللي بنتهم تكمل دراستها

اعرف واحد ابوه مات وهو صغير ومامتو تعبت وهي تربيهم مع انها من عايلة مرة معروفة ماشاالله واخوانها عندهم خير كتير بالصلاة عالنبي

بس كانت كرامتها أكبر من انها تسألهم كل شوية واشتغلت بنفسها عشان تحفظ كرامتها وكرامة اولادها

لما اتزوج قبل تقريبا 17 او 18 سنة اتزوج بنت سنة تالتة جامعة

وكانت تبغى تسحب لما اتزوجوا ترم ورفض رفض تام

وحملت على طول ما شاالله وهي كانت مرة تعبانة فحملها وتبغى تسحب

ورفض رفض تام كان هوا بيشتغل فالبيت وهي ترتاح وتزاكر

كان دايما يقولها لاسمح الله صارلي شي ما راح تتبهدلي زي امي

وأعرف عايلة كمان ماشالله عندهم خير كتير

البنت عندهم عشان تتزوج عالأقل عندها بكالريوس وشرط انها تكمل دراستها وتشتغل

ولماتتزوج البنت يشترولها شقة او بيت باسمها

كل وحدة متزوجة في العايلة معاها ماجستير عالأقل وبتشتغل ماشالله تبارك الله

عارفين انو في يوم وليلة ممكن تنقلب الأحوال ومحد دايم للبنت غير شهادتها ونفسها

يعني في ناس كتير بتأيد الفكرة دي وماشية عليها وبتشجعها زي مافي ناس معارضينها

في وحدة كمان من معارفي اتزوجت بعد ما اتخرجت من الثانوي وكانت تدرس فالجامعة

اتخرجت من الثانوي على أيام الوزارة بنسبة 97 ماشالله تبارك الله

وكانت شبه مقبولة في أي مجال طبي بس استصعبت انها تكون متزوجة وتدرس قسم طبي

درست اقتصاد منزلي وبعدها حملت وحولت لادارة واقتصاد انتساب عشان حملت وجابت بنت ماشالله زي القمر

سنتين وشوية من زواجها وانفصلت عن زوجها ودحين فبيت أبوها مع البنت وبتكمل دراستها

كل الأشخاص دول أشخاص أعرفهم شخصيا

مافي شي بيدوم زي الشهادة والوظيفة

محد يضمن بكرة ايش بيصيرلك

لا أب ولا أخ ولا زوج ولا ابن

مو ضروري نعيش طول عمرنا نستنى أحد يصرف علينا

أنا بنت وعايشة فبيت والدي ومبسوطة انو بيصرف عليا لكن مع كدا المكافأة تحس لها طعم تاني غير المصروف

حتى الهدية الي اجيبها لبابتي ولا لمامتي أحس لها طعم تاني

انو دي من فلوسي أنا مو من فلوسهم بجيبلهم هدية

__________________

ملاحظة مهمة

كلامي عن "الاختلاط" كان لشفافة خص نص ولكل البنات اللي بيعملوا أو متوقع انهم يعملوا فمكان يعمل فيه الجنسين

عشان لحد يفهم اني بلمح عليه أو بتكلم عليه مجرد كلام عام في كل أمور الحياة

دي وجهة نظركم ومن حقكم علينا نحترمها

:)

[:. مآء السمآء .:]

المشاركة الأصلية كتبت بواسطة soma al7elwa شفشف ياقلبي طوووول ما انتي ماشية بحياتك حتلاقي ناس بتعارضك في كل شي من يوم ما تفتحي عينك عالدنيا الين ما ربنا ياخد أمانته وفي ناس بتعارض وناس بتأيد المعارضين دول ما بيفيدوكي ولا بيضروكي انتي أمشي فطريقك ولا تهتمي تصوري الاتهامات والأراء دي لبنات متعلمات كلها واحنا فعام 2009 تصوري عام 2009 فتحت كلية الطب عام 1975 في جامعة الملك عبدالعزيز وقبلها كان في بنات بيدرسوا طب برا يعني تصوري كيف كان غالبية المجتمع بتطالع فيهم؟؟ ايش الاتهامات اللي كانت بتتوجهلهم؟؟ وكيف اتعاملوا مع الموضوع؟؟ اتكلمت مع بنات عاملات في مجالات "الاختلاط" أو انهم بيدرسوا وشغلهم حيكون في أماكن مشتركة قالوا لي لسه حتسمعي كتيــــــــــــــــــــــــــــــــــــر كلام يشيب الراس انتي بس طنشي اتعلمي تسلكي وتصرفي يعني مشي مشي انو "خلاص طيب دي وجهة نظرك وبانت شكرا جزيلا " وكملي حياتك عادي انتي واثقة من نفسك وعارفة انتي مين ومامتك وبابتك واثقين فيكي وحبايبك عارفينك مو مهم رأي الناس ايش طلعت ولانزلت دي وجهة نظر ما بتودي ولا بتجيب صدقيني حالتنا أحسن بمليون مرة من الدفعات الأولى للطب والتمريض وكل العاملات بالأقسام الطبية يعني ازا اللي بتدرس طب وصيدلة وعلوم طبية اللي الوحدة تموت وهي بتدرس ومعروف مافي وحدة تدخل الأقسام دي وهي بتلعب ودي النظرة لها وفالأخير هي بتدرس وتشتغل عشاننا احنا دا اللي تعمل في مجال طبي أما اللي تشتغل فشركة يعمل فيها الجنسين وتخصصها غيرطبي دي أظن عندهم بنت دعارة رسمي ولا تستغربي ازا جات ناس تطالب يقام عليها حد الزنا خديها زي ما بعمل أنا اتدربي كيف حتكون نظرة بعض فئات المجتمع ليكي لما تنزلي لسوق العمل أنا أهلي قالوا لي ترى في ناس حتلاقيها بتطلع كلام مو كويس ومدري ايش بس والله مو زي لما شفت بعيني أنا منجد منجد اتصدمت أول ما شفت ناس كدا بتفكر ولما اتكلمت مع اللي حواليني قالوا لي انو دايما في كدا وانتي لازم تتعودي وطنشي والخ سو لاتشيلي ببالك ومو ضروري الناس تقتنع بوجهة نظرك خلاص جا أحد قالك الاختلاط حرام قولي طيب حرام قالولك البنات اللي يشتغلوا في اماكن فيها اولاد وبنات صايعين ضايعين ما وراهم رجال يشكمهم قوليلهم طيب قالوا بنات مو متربيين قولي طيب قالوا أباء وازواج واخوان ديوثين ولا عندهم غيرة واختهم بتجري ورا الشباب وبتتكلم معاهم قولي طيب صرفي صرفي بس صدقيني أسلوب التصريف هو أحسن أسلوب فالحياة لا تخسري اللي قدامك ولا تنحلي قلبك وانتي تحاولي تقنعيهم بوجهة نظرك خلاص كل واحد بينام عالجنب اللي يريحه دايما الجدل في الأمور المشابهة دي عقيم ودايما في ناس بتفكر تفكير تستغربي انو موجود اصلا ازا في ناس الى اليوم عندها اسم المرأة عورة يعني بعد كدا كل شي ممكن وعمل المرأة وشهادتها مهمة جدا في زمننا دا محد يضمن بكرة ايش بيصير والأهل اللي في نظري منجد يخافوا على بنتهم هما اللي بنتهم تكمل دراستها اعرف واحد ابوه مات وهو صغير ومامتو تعبت وهي تربيهم مع انها من عايلة مرة معروفة ماشاالله واخوانها عندهم خير كتير بالصلاة عالنبي بس كانت كرامتها أكبر من انها تسألهم كل شوية واشتغلت بنفسها عشان تحفظ كرامتها وكرامة اولادها لما اتزوج قبل تقريبا 17 او 18 سنة اتزوج بنت سنة تالتة جامعة وكانت تبغى تسحب لما اتزوجوا ترم ورفض رفض تام وحملت على طول ما شاالله وهي كانت مرة تعبانة فحملها وتبغى تسحب ورفض رفض تام كان هوا بيشتغل فالبيت وهي ترتاح وتزاكر كان دايما يقولها لاسمح الله صارلي شي ما راح تتبهدلي زي امي وأعرف عايلة كمان ماشالله عندهم خير كتير البنت عندهم عشان تتزوج عالأقل عندها بكالريوس وشرط انها تكمل دراستها وتشتغل ولماتتزوج البنت يشترولها شقة او بيت باسمها كل وحدة متزوجة في العايلة معاها ماجستير عالأقل وبتشتغل ماشالله تبارك الله عارفين انو في يوم وليلة ممكن تنقلب الأحوال ومحد دايم للبنت غير شهادتها ونفسها يعني في ناس كتير بتأيد الفكرة دي وماشية عليها وبتشجعها زي مافي ناس معارضينها في وحدة كمان من معارفي اتزوجت بعد ما اتخرجت من الثانوي وكانت تدرس فالجامعة اتخرجت من الثانوي على أيام الوزارة بنسبة 97 ماشالله تبارك الله وكانت شبه مقبولة في أي مجال طبي بس استصعبت انها تكون متزوجة وتدرس قسم طبي درست اقتصاد منزلي وبعدها حملت وحولت لادارة واقتصاد انتساب عشان حملت وجابت بنت ماشالله زي القمر سنتين وشوية من زواجها وانفصلت عن زوجها ودحين فبيت أبوها مع البنت وبتكمل دراستها كل الأشخاص دول أشخاص أعرفهم شخصيا مافي شي بيدوم زي الشهادة والوظيفة محد يضمن بكرة ايش بيصيرلك لا أب ولا أخ ولا زوج ولا ابن مو ضروري نعيش طول عمرنا نستنى أحد يصرف علينا أنا بنت وعايشة فبيت والدي ومبسوطة انو بيصرف عليا لكن مع كدا المكافأة تحس لها طعم تاني غير المصروف حتى الهدية الي اجيبها لبابتي ولا لمامتي أحس لها طعم تاني انو دي من فلوسي أنا مو من فلوسهم بجيبلهم هدية __________________ ملاحظة مهمة كلامي عن "الاختلاط" كان لشفافة خص نص ولكل البنات اللي بيعملوا أو متوقع انهم يعملوا فمكان يعمل فيه الجنسين عشان لحد يفهم اني بلمح عليه أو بتكلم عليه مجرد كلام عام في كل أمور الحياة دي وجهة نظركم ومن حقكم علينا نحترمها :)

سوما

فعلاً مادام الوحده واثقة من نفسها و أهلها راضيين باللي تسويه ( طووووز ) في العالم كله

اتدربي كيف حتكون نظرة بعض فئات المجتمع ليكي لما تنزلي لسوق العمل أنا أهلي قالوا لي ترى في ناس حتلاقيها بتطلع كلام مو كويس ومدري ايش بس والله مو زي لما شفت بعيني

و هذا بس في البداية بس بعد اسبوع اسبوعين لما يشوفوا ان انت جايه تشتغلي مو لأشياء ثانيه في بالهم حيسيبوك في حالك ..،


وَ العمل قبل كل شيء تحقيق ذات و الانسان يحس ان هو قاعد يقدم شي لبلده و أهله مو مجرد مكسب مادي ..،


\

[شــفــافـــة]

^

ربي يحفظك ويسعدك ياسوما ^_^

أنا الآراء المخالفة في المنتدى مااعتبرها صدمة
لأنو انصدمت واقعياً لما اشتغلت قبل كذا
أهلي موافقين ومبسوطين فيني ,, بس تخيلي تجي ناس مالهم يد في الموضوع
وتعترض!
أحرجوا نفسهم على قلة فايدة ^_^

[hanadiateiah]

wallah i read and read and some comments make me feel sick !! but i really cann't be as brave as u guys to start arguing with them ....best of luck

[Da_JokEr]

الاختيارات كثيرة مرة ليش كده؟؟؟ وفيه اكتر من اجابة؟؟ فايش الحل؟؟؟

اخوكم في الله,,الحائر والضائع

نشوووفكم تاني

[.,.نيــــــــــــــــــــران.,.]

سوما الحلوة

الاخت شفافة جزاها الله خير في وضع الموضوع وتشوف الاراء مافيها شي ،،

وبعدين أكيد مليوون في المية في ناس مؤيدة وناس معارضة يعني ماجبتي شي جديد ،، الناس مانخلقت بفكر واحد

وحلوة حكاية التصريف ذي عجبتني ماادري ليش من بداية الموضوع ماشالله عليك تناقشين وتاخذين وتعطين !!

انا ممكن يكون لي رأي وأشوف رأي غيري واقتنع واخذ فيه
وممكن غيري يقتنع برأيي
ولو كل الناس بتسوي زيك وتسمع صوت نفسها بس كان الكل ضاع وللا همه الا نفسه وبس

تحياتي للجميع

[ماجد عبد الله]

سؤال لك اللقب(شفافه)انتي سبق وعملتي في مكان مختلط
وكم كانت مدة تجربتك وهل استمرت
واذا كانت لم تستمر ماهي الاسباب؟
اتمني ماتكون اسألتي شخصيه...
او اي اخت بالمنتدي تقدر تفيدنا بتجربتها

[soma al7elwa]

المشاركة الأصلية كتبت بواسطة .,.نيــــــــــــــــــــران.,. سوما الحلوة الاخت شفافة جزاها الله خير في وضع الموضوع وتشوف الاراء مافيها شي ،، وبعدين أكيد مليوون في المية في ناس مؤيدة وناس معارضة يعني ماجبتي شي جديد ،، الناس مانخلقت بفكر واحد وحلوة حكاية التصريف ذي عجبتني ماادري ليش من بداية الموضوع ماشالله عليك تناقشين وتاخذين وتعطين !! انا ممكن يكون لي رأي وأشوف رأي غيري واقتنع واخذ فيه وممكن غيري يقتنع برأيي ولو كل الناس بتسوي زيك وتسمع صوت نفسها بس كان الكل ضاع وللا همه الا نفسه وبس تحياتي للجميع

حبيبتي نيران

أنا كنت بكلم شفشف لأنها يا حرام بتحاول قد ماتقدر تناقش وتحاول تغير وجهة نظرهم

أنا حاسة فيها لأني كنت زيها ولا أزال

لكن اكتشفت انو في فئة معينة من الأشخاص ما ينفع معاهم النقاش

بكل بساطة إحنا فمجتمع ماعندو احترام لثقافة الانسان المغايرة لثقافتنا إلا من رحم ربي

ودا السبب الأكبر اللي يخلي مجتمعنا يحارب بكل قوته كل ماهو جديد وفالأخير يستسلم ويرضى بيه

والأمثلة أكتر بكتير من أن تحصى

من أغرب ما سمعت ان القهوة كانت حرام أول ما وصلت للعرب

وكان اللي يشربها أو يبيعها يسجن ويجلد!!

لما قريت الموضوع حق القهوة وكان من مهندسنا الغالي "دافور" دا طلعت مني ضحكة من القلب

نفس الضحكة اللي راح يطلقها ابني وبنتي وحفيدي وحفيدتي على زمننا

من الأمثلة الواضحة هنا على عدم احترام ثقافة الغير بما اننا نتكلم عن الاختلاط إنو يتحججوا بعدم احترام المرأة الغير محجبة فمكان اختلاط بينما المرأة المحجبة هي اللتي يجب علينا احترامها

وكأن جميع المحجبات هم البنات المؤدبات المحترمات والغير محجبات هن بنات الدعارة والداعيات إلى الفسق والفجور -طبعا الرجل كالعاده مايعيبه شيء ويجب على المجتمع احترامه فكل الحالات-

ألا يوجد فتاة محجبة وأخلاقها وافعالها تترفع السافلات عن فعلها وفتيات غير محجبات أشرف من ألف محجبة؟؟؟

هل كل فتاة تخلت عن حجابها هي فتاة تخلت عن شرفها وأخلاقها ولا تستحق منا أن نحترمها؟؟

أخطأت في أمر ديني وهو واجب عليها هذا لا نختلف عليه

لكن هل هذا معناه ان نقلل من احترامها؟؟

المصرية والسورية واللبنانية والعراقية والفلسطينية والتونسية والجزائية والباكستانية والهندية وأغلب بلدان العالم العربي والإسلامي

لا يختلف معاملة المرأة غير المحجبة عن معاملة المرأة المحجبة

الاثنتين من حقهم أن يعاملوا باحترام وأن لا يتعرض لهم أحد في عرف المجتمع المدني

بغض النظر عن أهل الريف والقرى

حتى لما تجي بلدنا ونراها في أي مكان سواء مستشفى أو شركة أو سوق بتلاقينا نعاملها عادي

لكن لما تجي السعودية وتتخلى عن حجابها أصبحت ممتهنة ومذلة ومهانة ولا تستحق الاحترام ولا التقدير وننسى كل شي عنها وعن أخلاقها وعن مسيرتها العلمية لمجرد انها نزعت حجابها

حتى لو تلاحظي بس نسافر برا

تلاقينا نشوف البنات ماشيين بدون حجاب وساعات بدون هدوم مابنقول شي

لكن لو شفنا سعودية بدون حجاب هنا الطامة الكبرى!

يا سبحان الله!

خلينا نكون واقعيين المسألة مسألة عادات وتقاليد أكبر عندنا من إنها مسألة دين وعبادة

احنا مجتمع يقدس العادات والتقاليد أكتر من أي شي تاني

يعني فالمستشفى تشوف الدكتورة المصرية تتكلم مع الدكتور ولابسة سكرب أو لاب كوت قصير وجينز وفاتحة شعرها ومتعطرة وحاطة ميك أب ونجي نعاملها عادي

لكن لو جات بنت سعودية لابسة لاب كوت وجينز وطرحة ملونة وحاطة ميك اب لو خفيف صارت بنت ماتستاهل الاحترام!

حجابها هو أمر بينها وبين ربها وأسلوب تعاملها مه زملائها وزميلاتها في العمل دا يعتمد على بيئتها وثقافتها

لازم نتعلم نحترم ثقافات الناس بغض النظر هي عاجبتنا أو لا طالما مابتسي إلينا أو تضرنا

نجلس نزعل لما نشوف إمرأة محجبة مسلمة تضطهد ويقلل احترامها في الخارج وإحنا بنعمل نفس الشي هنا

كيف نبغى المجتمعات تحترم ثقافتنا إذا كنا إحنا ما بنحترم ثقافة غيرنا؟

ازا كنا ما نقدر نتقبل ثقافة الآخر نطالب العالم يحترم ثقافتنا ليش؟؟

كل إنسان له الحرية في تصرفاته وأفعاله طالما ما بيؤذينا كأفراد ومن حقه علينا أننا نحترمه ونحسن معاملته

ازا مفكرين انو لما نقلل من احترامها ونسيء معاملتها للبنت غير المحجبة ترى ما تفرق معاها نظرتكم لها أو انو نشوه سمعتها أو ما نتزوج منهم دا الشي مو فارق معاها بالمررررا

لأننا بكل بساطة احنا ما بنمثل بيئتها وثقافتها اللي يهمها رأيهم

اللي تنقهرهي البنت اللي من نفس الثقافة والبيئة وتلاقي الناس كدا فكرتهم

مع إني ما اعتقد لها داعي انها تحرق اعصابها وهي تعرف انها مابتعمل شي غلط

وزي ما قالت ماء السماء طالما مامتها وبابتها راضيين "طووووووووووووووووووز" لو العالم كلو رافض
ونظرته سيئة

لازم وضروري جدا نتعلم نحترم الثقافات والبيئات الأخرى حتى لو دي الثقافة بتعمل اشياء احنا شايفين انو غلط

احنا علينا نكلمها ونصحح لها بعدها الفرد له الحرية ياخد النصيحة أو يتركها

اسلوب الإجبار والقوة ماعاد يفيد اليوم

(وجهة نظر)

___________

عشان لحد يقول انو انا بناقض نفسي

أنا إلى عهد قريب كان عندي نزعة إلى عدم احترام العقليات المتمسكة بالعادات والتقاليد والتي تخالف رأيي

مو كلها لكن بعضها

ومع كدا اتعلمت درس احترام ثقافات الآخرين

وأتمنى اني اقدر اطبقه في كل مجالات حياتي

:)