لـ القانونيات ~ كل مايتعلق بمداولاتكن و نقاشكن حول الجداول , الحذف & الإضافة

[ReeM_D]

المشاركة الأصلية كتبت بواسطة صعلكه قاايز ,, بكره عشان اضيف المواريث اروح عند مرشدتي ولا مبنى الجوهره

من مرشدتكي

نصيحه لو تبي تضيفي الماده عند محمد زين انصحك لاء
صراحه ابدااا شرحوو مو مره
سريع جدا في طرح المعلومه مررره تعبنا معاه واذا فهمك مساله وطلبتي يعيد يتضايق ويعيدها من غير نفس
بس الحق ينقال في الاخير اداني درجه فوق المتووقع بس شرح ابدا ابدا مانصحك تلاته ارباع الكلاس يخرجو ماهم فاهمين شي ونجلس نسال وقبل الاختبار نتجمع ونشرح لبعض
ابدا مو معتمدين على شرحو
طولت عليكي بس ماباكي تتعبي زي والله قبل النهائي رحت بحذف الماده خلاص بس مارضيو واتوكلت على الله ودخلت الاختبار والحمدالله
لو فيه غيرو يدي الماده خديها معاه لو فيه هاني كتير يمدحوه

[صعلكه]

المشاركة الأصلية كتبت بواسطة reem_d من مرشدتكي نصيحه لو تبي تضيفي الماده عند محمد زين انصحك لاء صراحه ابدااا شرحوو مو مره سريع جدا في طرح المعلومه مررره تعبنا معاه واذا فهمك مساله وطلبتي يعيد يتضايق ويعيدها من غير نفس بس الحق ينقال في الاخير اداني درجه فوق المتووقع بس شرح ابدا ابدا مانصحك تلاته ارباع الكلاس يخرجو ماهم فاهمين شي ونجلس نسال وقبل الاختبار نتجمع ونشرح لبعض ابدا مو معتمدين على شرحو طولت عليكي بس ماباكي تتعبي زي والله قبل النهائي رحت بحذف الماده خلاص بس مارضيو واتوكلت على الله ودخلت الاختبار والحمدالله لو فيه غيرو يدي الماده خديها معاه لو فيه هاني كتير يمدحوه

انا مخيره بين اتنين يافهم بدون درجه
يادرجه بدون فهم

شاكره لكِ ردكـ

[خطى الجنان]

المشاركة الأصلية كتبت بواسطة صعلكه قاايز ,, بكره عشان اضيف المواريث اروح عند مرشدتي ولا مبنى الجوهره

روحي لمرشدتك

[sosoana121]

المشاركة الأصلية كتبت بواسطة غروكـ و غيروكـ السلام عليكم حاليا شعبه المصادر مقفله وانا اعرف انها شعبه وحده كل ترم فبحكم خبركم .. اكيد انها حتتوسع والا حيسحبو علينا ؟

المشاركة الأصلية كتبت بواسطة shoody4 بنات تتوقعو ح يوسعولنا شعبه مصادر التزام ولا اشوف ماده تانيه احسن ؟

طالبوا بشكل جماعي مشرفة القسم بالتوسعه
ممكن تشوفوا قائمة الشعب للفصل السابق او السنوات الي قبل
وتعرفوا اقصى حد و تطالبوا بمثله ..

المشاركة الأصلية كتبت بواسطة Jarood moon ^ يعطيك أألف عافيه طيب لاهنتــوا اعطوني رايكم في جدولي النهائي > تعبت فيه :'( إثبات حقوق عينيه عقود إداريه إجراءات تنفيذ قانون عمل قانون صحي الله يبدي الترم ويعديه على خير ×_×

اتفق مع سما
بدري ع التنفيذ , مرافعات خيار افضل
اما بالنسبة للقانون الصحي في مثل يقول
الي تعرفوا احسن من الي ما تعرفهوووش p:
و يبقى الخيار لك اولا و اخيرا

المشاركة الأصلية كتبت بواسطة شــ ع ــولهـ عطوني رايكم بجدولي ،، محتارة مرة احكام التزام ملكية تجارية قواعد ونظريات فقهيه حقوق عينية عقود ادارية عقود مدنية انا بالمستوى السادس وخلصت كل الثقافة والحرة والاختباري

ليش شعووولـة ؟
مواد المدني جامعتها في تيرم واحد ! , اشوف انه مو في صالحك هالتجميع

المشاركة الأصلية كتبت بواسطة خطى الجنان بنات شوفوا جدولي وانصحوني اداري جنائي عام مصادر التزام ثقافه3 احوال 1 افكر اني احذف الثقافه واحط بدالها مبادئ الاداره مع منى محمد محمد بادكوك مو مبادئ الاداره العامه لانهم غير عن بعض

لا تحذفي الثقافة , ساعاتك قليله
و جدولكِ يتحمل دراسة مواد اكثر
مباديء الإداره كثير ما يفضلوها

المشاركة الأصلية كتبت بواسطة صعلكه قاايز ,, بكره عشان اضيف المواريث اروح عند مرشدتي ولا مبنى الجوهره

خذي ورقة اضافه من اي استاذة قانون
باسم المادة و رقمها و الشعبة
و اسمك و رقمك الجامعي وتوقيعك و توقيع المرشدة واذا تأخرت عادي اي استاذة قانون توقع
بعدين اعطيها لأي استاذه يكون عندها الحذف والاضافه ( من استاذاتنا في المبنى 6)
جرت العادة ع ان الي يجروا الحذف والإضافة في كل فصل :
د.أمل شلبي , د. سوزان
التيرم الي فات بالاضافه لهم كانت د.صباح , أ. غفران

---

كل التوفيق لكم

[ReeM_D]

بنات مين اخدت موارد طبيعيه ياريت تقلي كيف الماده من ناحيه السهوله والصعوبه انا اضفتها في الشعبه اللي مع دكتوور

[][..sMaA..][]

المشاركة الأصلية كتبت بواسطة reem_d بنات مين اخدت موارد طبيعيه ياريت تقلي كيف الماده من ناحيه السهوله والصعوبه انا اضفتها في الشعبه اللي مع دكتوور

قانون الموارد الطبيعية مادة مالها منهج .. منهجها يحطو الدكتور
انا اخذتها مع د. هشام الدهيش .. يمكن كل المنهج 20 صفحة .. تميل الى الجغرافيا .. تحفظيها وتدخلي الاختبار وخلاص .. ممم شخصيا ماعجبني التصحيح .. لكن يعطي درجات كويسة عموما

د. الداحول .. زاد للبنات في المنهج شويا وسار قانوني اكتر .. لكن برضو انبسسطو البنات من الدرجات

[توليب *_^]

سلام عليكم
حابه أخذ رايكم بمبادئ قانون(اختياري ) مع دينا اسماعيل كيف هذي الأستاذة

[][..sMaA..][]

المشاركة الأصلية كتبت بواسطة توليب *_^ سلام عليكم حابه أخذ رايكم بمبادئ قانون(اختياري ) مع دينا اسماعيل كيف هذي الأستاذة

المادة اصلا مو سهلة .. دسمة على انها تكون اختياري
والاستاذة ما انصحك بيها ( دينا ابو زيد ) تكاليف كتيير ودرجات مو حلووة

[sosoana121]

المشاركة الأصلية كتبت بواسطة توليب *_^ سلام عليكم حابه أخذ رايكم بمبادئ قانون(اختياري ) مع دينا اسماعيل كيف هذي الأستاذة

المـــادة يبغالها تركيز بالأساس مواضيعها في المجمل جديده عليكِ كطالبة ادارة
اما عن أ. دينا ,
تكاليفها أفكارها جميله و مفيده ولكنها جديده كليا ع ما تعودنا عليه دائما
تستطيعي زيارة صفحة الأستاذه بموقع الجامعه و الإطلاع عن كثب ع كل ما يتعلق بمباديء القانون
دينا اسماعيل محمد ابوزيد

مفردات & تكاليف& اختبارات
ايضا نتائج الاختبارات لا زالت موجودة فقد يهمك الإطلاع على
كيف كان تحصيل الطالبات في مادة المباديء

كل التوفيق لكِ

[shoody4]

المشاركة الأصلية كتبت بواسطة توليب *_^ سلام عليكم حابه أخذ رايكم بمبادئ قانون(اختياري ) مع دينا اسماعيل كيف هذي الأستاذة

انا اخدت مبادئ عند أ. دينا ابو زيد
بالعكس كويسه الاستاذه صح طلبت تكاليف بس اعطتنا عليها درجات كويسه
حتى بنات كتير كانو متوقعين درجات واطيه بس انصدمو بالعكس وانا منهم
كانت حلوه الدرجات في النهايه ومتأكدين انها زادت من عندها غير حق التكاليف
انا اخدت 80 وكنت متوقعه درجه اقل بكتير
لو قدرت اخد ماده معاها اكيد ح اخد

والراي رايك :)