أربع مراحل للحصول على مقاعد دراسية بجامعة الملك عبدالعزيز

[بحر الحرية]

المشاركة الأصلية كتبت بواسطة meeno smart الموقع مايفتح معاياااااااا :(

يكون عليه ضغط دحين..
أو معلق من نفس السيرفر حق الجامعة..

استني لين الصباح وانشااا الله تتحل المشكلة..

موفقة؛؛

[قلب ينبض لله]

انا غلطت في النسبة وتم تاكيد الطلب
ولم استطيع التعديل
ماهو الحل
الرجو الرد انا بجد تعبانه

[بحر الحرية]

المشاركة الأصلية كتبت بواسطة قلب ينبض لله انا غلطت في النسبة وتم تاكيد الطلب ولم استطيع التعديل ماهو الحل الرجو الرد انا بجد تعبانه

أهلين خيتوو..

والله ما ادري إيش أقلك..

بس بكرة الصباح اتصلي ع العمادة وانشاا الله راح يفيدوكي..
وزي دي الأشياء المفروض تنتبهي كتييير قبل ما تعمليها..

ع العموم انشاا الله ما تكون مشكلة وتقدري تعدليها ويقبلوا طلبك..

رقم عمادة القبول والتسجيل 6952222 .. اتصلي ف الصباح

بالتوفيق؛؛

[NaNa!]

السسلام عليكم ولو سمحتوا عندي سؤال احترت فين احطه بس ياليت الاقي جواب

طيب احنا خريجين هذي السنه نعتبر خريجين 1430 او 1431 ؟؟

لانه تاريخ الحصول علي الثانوية العامة في بيانات تاكيد الطلب طالع لي : تاريخ الحصول علي الثانوية العامة

1430

ياترى كلكم كذا ولا بس انا ؟؟

[بحر الحرية]

المشاركة الأصلية كتبت بواسطة nana! السسلام عليكم ولو سمحتوا عندي سؤال احترت فين احطه بس ياليت الاقي جواب طيب احنا خريجين هذي السنه نعتبر خريجين 1430 او 1431 ؟؟ لانه تاريخ الحصول علي الثانوية العامة في بيانات تاكيد الطلب طالع لي : تاريخ الحصول علي الثانوية العامة 1430 ياترى كلكم كذا ولا بس انا ؟؟

عادي خيتوو..
1430هـ هي سنة تخرجكم..

يعني كلكم مكتوب عندكم كداا.. وماعندك أي مشكلة فيهاا..


الله يحققلك اللي تبغيه ويوفقك؛؛

[كل هالدنيا تناقض]

حبايبي انا قدمت ع الجامعه وأكدت الطلب وكلو بس مكتوب تاريخ الحصول على شهادة الثانويه 1430
وانا متخرخه هالسنه 1431 ولما اخترت سنه التخرج حطيت 1430-1431
شسالفه بليييييز طمنوني تكفون جالسه ع اعصابي
انتظركم لاهنتوو

[كل هالدنيا تناقض]

بحر الحريه انا نفس مشكلتك وماني عارفه صح ولالا
الله يستر مايقبلونا ع اساس من خريجات العام

[بحر الحرية]

المشاركة الأصلية كتبت بواسطة كل هالدنيا تناقض بحر الحريه انا نفس مشكلتك وماني عارفه صح ولالا الله يستر مايقبلونا ع اساس من خريجات العام

اهلين أختي..

ترى قد جاوبت على سؤالك قبل كداا..
1430هـ تطلع عند كل اللي اخدوا شهاداتهم ف السنة دي..

ومافيها أي مشكلة، وإنشاا الله تكوني وحدة من المقبولات السنة دي ياارب؛؛

[••Cute Girl]

بحر الحررريه..

الله يخليييك ويوفقك ويسعدك ويعطييك كل اللي تبغى بس جااوبني ع هالسسؤااال..


انا لم سويت تأكيد للطلب..طلع لي كل البياانات..

بس ماطلع لي درجتي الموزونه..

ومكتوب تحت تم تأكييد طلبك راجع هالصفحه من تاريخ 8/8الى 11/8

ابغى احد يجاااوبني هل طلبي ملغي لان مو موجوده النسبه الموزونه ولا ايش..؟؟


<وربي النفسسسسسسسسسيه ززززفت

[بحر الحرية]

المشاركة الأصلية كتبت بواسطة ••cute girl بحر الحررريه.. الله يخليييك ويوفقك ويسعدك ويعطييك كل اللي تبغى بس جااوبني ع هالسسؤااال.. انا لم سويت تأكيد للطلب..طلع لي كل البياانات.. بس ماطلع لي درجتي الموزونه.. ومكتوب تحت تم تأكييد طلبك راجع هالصفحه من تاريخ 8/8الى 11/8 ابغى احد يجاااوبني هل طلبي ملغي لان مو موجوده النسبه الموزونه ولا ايش..؟؟ <وربي النفسسسسسسسسسيه ززززفت

أهلين أختي..
ما يحتاج تقلقي ولا شي روحي وانبسطي دحين لين تطلع النتايج انشاا الله خلال دي اليومين..
أصلا لو مادخلتي نسبتك ما كان تأكد الطلب معاكي وكان طلعتلك رسالة إنوو الطلب ناقص..

تاني شي النسبة الموزونة ما تظهر معاكي، اللي يطلع بس نسبة الثانوية العامة، لكن النسبة الموزونة انتي ادا تبغي تحسبيها مع نفسك تحسبيها بس..

إداا التخصص علمي:
50% من الثانوية العامة
30% من القدرات
20% تحصيلي

إداا التخصص أدبي:
60% من الثانوية العامة
40% من القدرات.

ربي يوفقك ويكون بعونك إنشاا الله، ويسهل عليكي القبول وتكوني وحدة من الطالبات معانا ف الترم الجاي يااارب..