||الطلاب والطالبات المستجدين في قسم اللغات الأوروبية حياكم الله وبياكم ||~

[_Besh]

U : أحد
m : اثنين
t : ثلاثاء
w : أربعاء
r : خميس
وبس :)

[Al-Joharh]

المشاركة الأصلية كتبت بواسطة _besh u : أحد m : اثنين t : ثلاثاء w : أربعاء r : خميس وبس :)

غيروها كانت s. الأحد غيروا الرموز :)

[SOUS..]

اخت white rose السلام عليكم كيفك ان شاء الله طيبه طيب صحبتي ماتبا ينزل معدلها لا انو ماشاء الله عالي 4,50 تبا تحاول قد ماتقدر تحافظ عليه هيا كانت ناويه تمشي علي الخطه حقت اللغة الانخليزيه ادا باذن الله تم قبولها وعدت من الاختبار عشان ماكانت حابه تلخبط وكدا ايش تنصحينها تنزل الترم دا غير مواد التخصص ؟؟؟؟؟
نزلت هيا ثقافة 2 دحين ايش ممكن تنزل كمان لا انو لسه ما اختبرت باقي الاسبوع الجاي زي ماتعرفي وهيا خايفه تقفل عليها الشعب حقت المواد العامه ومايبقالها غير مواد التخصص لا انو الله واعلم متا تطلع نتيجه الاختبار
وان شاء الله اذا تم قبولها فتخصص ايش تنزل؟؟
وكيف تنصحينها تمشي بخطتها تنزل اربعه مواد كل ترم او 5 او كيف !!!!؟؟ ( واسفه كتير الاسئله)
اتمنا تساعدينها ومشكووره سلفا ويعطيك الف عافيه ياارب

[white rose]

_Besh و Al-Joharh

تعاونكم يثلج الصدر الله يوفقكم وييسر لكم كل خير ويرزقكم بكل دعوة ضعفها

المشاركة الأصلية كتبت بواسطة Engy93 مرحبا, أخت white rose الله يسعدك بغيت أسألك اذا في ملخصات أو شي يخص قسم اللغة الفرنسية في منتدى الملخصات لأني نفسي أتعرف على ماهية المواد و مالقيت شي

حياك الله اختي

ومرحبتين منورتنا

ملخصات خاصة بقسم اللغة الفرنسية للامانة ما كان عندنا طالبات يفيدونا عن المواد والكتب تواجدهم جدا نادر

لكن عندنا ملخصات لمادة الفرنسي 1 و2 اللي اخذوها طلاب وطالبات اللغة الانجليزية من قسم الفرنسي :

ملخصات مواد الفرنسي [ Lanf 241 & Lanf 221 ]

الله يوفقك :-)

المشاركة الأصلية كتبت بواسطة SOUS.. اخت white rose السلام عليكم كيفك ان شاء الله طيبه طيب صحبتي ماتبا ينزل معدلها لا انو ماشاء الله عالي 4,50 تبا تحاول قد ماتقدر تحافظ عليه هيا كانت ناويه تمشي علي الخطه حقت اللغة الانخليزيه ادا باذن الله تم قبولها وعدت من الاختبار عشان ماكانت حابه تلخبط وكدا ايش تنصحينها تنزل الترم دا غير مواد التخصص ؟؟؟؟؟ نزلت هيا ثقافة 2 دحين ايش ممكن تنزل كمان لا انو لسه ما اختبرت باقي الاسبوع الجاي زي ماتعرفي وهيا خايفه تقفل عليها الشعب حقت المواد العامه ومايبقالها غير مواد التخصص لا انو الله واعلم متا تطلع نتيجه الاختبار وان شاء الله اذا تم قبولها فتخصص ايش تنزل؟؟ وكيف تنصحينها تمشي بخطتها تنزل اربعه مواد كل ترم او 5 او كيف !!!!؟؟ ( واسفه كتير الاسئله) اتمنا تساعدينها ومشكووره سلفا ويعطيك الف عافيه ياارب

هلا أختي

وعليكم السلام ورحمة الله وبركاته

بخير الله يجعلك باحسن واتم حال

ما شاء الله تبارك الرحمن ربي يحميها ويوفقها

اذا صحبتك لغتها الانجليزية بيرفكت كتابة وتحدثاً يصير تنزل مواد التخصص الثلاث

لكن اذا لغتها لك عليها ويبغالها شغل بسيط تنزل مادتين من التخصص قراءة 1 واستماع وتحدث 1 واذا اللغة ضعيفة يصير تاخذ هالترم كلو مواد عامة وترفع معدلها وتطور من لغتها

لان بالتخصص ما تتعلمين لغة يعاملوك على انك متعلمة اللغة ويعطوك استراتيجات وقواعد تمشي عليها لذلك الاغلب معدلهم ينزل لان الاختبارات من برى الكتب يعني لازم تكون عندك حصيلة لغوية وكلمات من برى المنهج عشان تقدرين تحافظين على معدلك

الافضل انها تنزل مواد عامة 4 مواد تعتبر كافية لها واذا عدت بالاختبار ان شاء الله وقتها تنزل مواد التخصص من عندهم اما اذا لا قدر الله ما عدت بالاختبار يصير تتخصص باي قسم وتدرس المواد العامة وتشتغل على لغتها وترجع الترم الثاني تقدم على الاختبار وتحول على القسم

الخطة للامانة الاغلب ما يلتزمون فيها عشان المعدل والمواد تكون دسمة واذا ما فهمتيها راح تاثر سلباً على معدلك لا قدر الله لذلك نتأنى فيها وما نستعجل والاغلب بس بيزيدو ترم واحد وممكن تزيدي بس صيفي واحد اذا مو حابة انها تزيد ترم دراسي

والاغلب ينزل خمس مواد بالكثير بالترم الواحد بس فيها شغل على الطالبة وزي ما قلت لك يعتمد على مستواك باللغة كثير وممكن تنزلي 4 حسب قدرتك ولغتك

والعفو الله ينور بصيرتكم ويفتحها بوجهكم :-)

[Engy93]

المشاركة الأصلية كتبت بواسطة white rose حياك الله اختي ومرحبتين منورتنا ملخصات خاصة بقسم اللغة الفرنسية للامانة ما كان عندنا طالبات يفيدونا عن المواد والكتب تواجدهم جدا نادر لكن عندنا ملخصات لمادة الفرنسي 1 و2 اللي اخذوها طلاب وطالبات اللغة الانجليزية من قسم الفرنسي : ملخصات مواد الفرنسي [ lanf 241 & lanf 221 ] الله يوفقك :-)

يعطيك العافية ياعسلة , ما قصرتي.. وإن شاء الله يكون أول ملخص لقسم اللغة الفرنسية على ايدي

[white rose]

المشاركة الأصلية كتبت بواسطة SOUS.. اوكي مرررررررررررا شكرا اختwhite rose خلاص هيانزلت ثقافه 2 والتحرير الكتابي مقفله كل الشعب والفكر الفلسفي مافي غير شعبه وحده ومقفله والشباب والقيم المواطنه مافي ماتحددت فصول ماحصلت غير مقدمة في العلوم الطبيعيه ومع دكتور كمان مودكتوره بتشوف بتحاول تروح الفيصيله و تنزل من عند الشؤون التحرير الكتابي وادا ان شاءالله تم قبولها بتخصص حتنزل قراءة 1 والاستماع والتحدث 1 حتنزل مادتين تخصص عشان تجرب القسم وتشوف كيف والكتابه 1 تخلي الترم التاني لو ارتاحت لتخصص ان شاء الله وكملت وتحذف التحرير الكتابي لا انو عربي وهيا مو شاطره بالعربي فتخاف ينزل معدلها لا انو العربي هو الي نزل معدلها بسنه التحضريه كانت جايبه فيه c وبتخلي الترم التاني داعوواتك اخت white rose انو تعدي من الاختبار ويتم قبولها بتخصص

العفو اختي الله يحييك

تمام بالنسبة للثقافة وتقدر تنزل كمان مواد حرة هيا مسموح لها بمادتين تقريباً من الاقسام اللي ينصح فيها بكلية الفيصلية

والمقدمة غريبة عندهم زي السليمانية مبنى خاص لنقل المحاضرات بين شطر الطلاب والطالبات خليها تتاكد من هالموضوع من المشرفة رغد محمد او انين ❤ α̲и̲єєи̲ عشان لا تكون سجلت بمكان خاطئ لانهم يدرسون بالفيصلية كمان

وربي ييسر لها الاختبار وتعديه بدرجة عالية ان شاء الله وتنقبل وكويس انها تخفف من المواد عشان تقدر تركز زين

الله يوفقكم جميع ويفتحها بوجهكم خواتي :-)

المشاركة الأصلية كتبت بواسطة Engy93 يعطيك العافية ياعسلة , ما قصرتي.. وإن شاء الله يكون أول ملخص لقسم اللغة الفرنسية على ايدي

الله يعافيك اختي

وبإذن الله تكونو نور ومنبر عطاء الله يسعدك وتنهضو بالفرنسيات يا اجمل اوروبيات

انتي والاخوات بيش والجوهرة مراسلاتنا بقسم الفرنسي الله يبارك فيكم :-)

[SOUS..]

اوكي مرررررررررررا شكرا اختwhite rose خلاص هيانزلت ثقافه 2 والتحرير الكتابي مقفله كل الشعب والفكر الفلسفي مافي غير شعبه وحده ومقفله والشباب والقيم المواطنه مافي ماتحددت فصول ماحصلت غير مقدمة في العلوم الطبيعيه ومع دكتور كمان مودكتوره بتشوف بتحاول تروح الفيصيله و تنزل من عند الشؤون التحرير الكتابي وادا ان شاءالله تم قبولها بتخصص حتنزل قراءة 1 والاستماع والتحدث 1 حتنزل مادتين تخصص عشان تجرب القسم وتشوف كيف والكتابه 1 تخلي الترم التاني لو ارتاحت لتخصص ان شاء الله وكملت وتحذف التحرير الكتابي لا انو عربي وهيا مو شاطره بالعربي فتخاف ينزل معدلها لا انو العربي هو الي نزل معدلها بسنه التحضريه كانت جايبه فيه c وبتخلي الترم التاني داعوواتك اخت white rose انو تعدي من الاختبار ويتم قبولها بتخصص

[Mr-Anas11]

السلام عليكم
انا طالب انتظام
خلصت السنه التحضيريه اداري وانساني
بمعدل 4.46 والحمد لله
..
واخترت كليه الاداب قسم اللغه الانجليزيه
..
بس الى الان مو عارف متى انزل المواد وارتب الجدول ؟
وكم مادة بالترم تنصحوني انزل ؟
وسمعت انه في اختار انجليزي قبل ما ادخل التخصص بس مادري هل صحيح ومتى موعده وكيف
وهل هو للقبول بالقسم فقط او له فائده اخرى ؟ ..ماعندي اي معلومه عنه !!
..
احتاج مساعدتكم ياليت توضحون لي وش الوضع الحين

[SOUS..]

لا اخت white rose سجلت صح بس امكن المشكله من عندهم حتا شوفي صورة الجدول اميين يارب الله يسمع منك

[Ms hanan]

السلام عليكم
لو سمحتوا انا جديدهه ع القسم وصراحه مو عارف ايش اسوي
وايش قصة المواد العامه وكيف انزلها
انا اختباري الثلوث دا وخايفه
قرات انو فيه مواد عامه ومو عارفه ايش قصتها كيف انزلها
كمان انا لغتي كويسه بس مو بيرفكت
ايش لازم اسوي
انا افكر انزل الخطه الدراسيه كامله
ب أيش تنصحوني
الله يسعدكم