اذا كنتي ترم تخرج اتفضلي هنا - انتساب

[@سويت روز@]

الله يستر انا مرااا ماابغى في التدريب بالذات مع استاذ):

[جيانا]

بنآت انآ حسسوي القروب في الوآتس اللي حآبه ترسل رقمها خآص " طبعا القروب للي حيتخرجو هالترم ..

ي عسل انا تخرج وحاايسه الله يعين بس

كيف ارسلك رقمي وهو ممنوع في الرسايل

قولى لى الطريقه وارسله لك

[جيانا]

صبااايا

ابغي معاي بنات للبحث نعمله سوا

مع الدكتوره مجده الكشكي

[هدوء أحمد]

بنات اللي بتعمل قروب ع الواتس
ترسلي بالله لانو مشاركاتي قليلة ومقدر ارسل رسائل خاصة

[@سويت روز@]

المشاركة الأصلية كتبت بواسطة جيانا ي عسل انا تخرج وحاايسه الله يعين بس كيف ارسلك رقمي وهو ممنوع في الرسايل قولى لى الطريقه وارسله لك

عادي مو ممنوع وفي بنات ارسلو لي ارقامهم ..

[w h i s p e r]

بناااااااااااااااااااات اللي مع الاستاز خالد سمعتو ايش قال !!

مافي لا اختبار ولا مقاييس ولا ترجمه !!

[سديم الشوق]

كيف اقدر اتواصل مع الدكتور خالد

بنات انا معاه بالتدريب ولا اعرف وش اسوي المواضيع كثيره ولاندري ايش الجديد والقديم :(

[ام الفاتح]

المشاركة الأصلية كتبت بواسطة w h i s p e r بناااااااااااااااااااات اللي مع الاستاز خالد سمعتو ايش قال !! مافي لا اختبار ولا مقاييس ولا ترجمه !!

يعني اليوم نزله محاضره؟؟؟؟؟؟!!!!!
طيب لييييش ماطلعت لي بالسنترا؟!!!!


بلييييز اكتبي لنا ايش قال بالتفصيل
وكيف حيوقع للطالبات خارج جدة؟

وايش المطلوب في التدريب
كل شيء قاله اشرحيه لنا

[سديم١]

إي والله اشرحوا لنا وش قال الدكتور خالد ووش المطلوب بالضبط ):

[w h i s p e r]

ايوا نزلت المحاضره ..

قال انسو كل شي قديم و اي موضوع هنا مكتوب وتراه شديد جدا يحب البنت الفهلويه اللي تفهم بسرعه هههههههههههههههههههه..

الشاهد البنات كترو الاسئله الله يهديهم وفالاخير قال (مافي لا اختبار نهائي + ولا مقاييس + ولا ترجمه للتقرير اظن )

وقال في ورقتين حقت التقرير في نهاية الكتاب هيا المطلوبه فقط من الكتاب وازا ماتبي تشتري الكتاب انتي حره وممكن تصوريها من صحبتك ..

وقال انو الـ 100 درجه تتوزع كالتالي : 40 حقت التدريب + 60 هوا يعطيكي هيا حسب قوة التقرير اللي كتبتيه..

الاوراق تتوقع من سكرتاريه البنات وبعد مانخلص التقرير لو حابين نسلمو بدري نقدر نسلمو لأي استازه او من نفس السكرتاريه وهما يوصلها له..

وكمان قال انو من الافضل نروح لاماكن فيها حالات نعاينها ونكتب عنها كلام علمي وكلام يملي العين عشان يقدر يعطيكي درجه عاليه ويقيمك ..

والبنات اللي خارج جده قال خلو اي احد يتولى دا الموضوع وماشرح كتير عن دي النقطه بصراحه

دا اللي سمعتو وماكملت باقي المحاضره لاني اضطريت اخرج ..