تجمع طالبات التاريخ جميع المستويات

["lala"]

.....................................

السلام عليكم ورحمة الله وبركاته ..
كيفكم بنات ان شاء الله تمام ..

وكيف حوسة الجداول معاكم ؟

الله يسهل عليكم جداولكم ياكريم قولوا آمييين ..

ممكن اطلب طلب انا ابغى اضيف مادة سيرة نبوية وخلفاء راشدين ومادة تاريخ الحضارة الإسلامية ..

ابغى اذا ممكن بس اعرف مين الاستاذات اللي يدرسوها هذا الترم لأنه انا دراسات ماتطلع معي شعب المادة ..

رمز السيرة hist 221 ..

ورمز تاريخ الحضارة hist 426 ..

اعتذر اذا كلفت عليكم .. والله يوفقكم وييسر عليكم كل عسير و تصير جداولكم احسن مما تبغوا يارب :) ..

.........................................

[&(*_*)&]

كان ودي افيدك بس اسامي الاستاذات ماتطلع عندي

["lala"]

&(*_*)&

جزاك الله خير .. انك حاولت تساعديني كأنك خدمتيني ..

الله يسعدك وييسر عليك كل عسير :)

[احتاجك يارب]

السلام عليكم - مساء الخير صبايا
الله يسعدك ابغى احد يفيدني اضفت مادة الايوبيين والممالييك وصراحة مني عارفة عن المادة اي شي ولا اعرف احد قد اخذها ياليت الي اخذتها تفيدني كيف المادة صعبة ودسمة ولا خفيفة ولا اش وضعها الله يوفقكم ردو علي انا هالترم ظروفي مرااا صعبة وتعبانه وما ابغا مواد صعبة تنزلي معدلي ومعليش طولت عليكم واستنى ردودكم .....

[الكلام المقصور]

بالعكس ايوبين ومماليك ماده حلوه وخفيفه ماتعبر صعبه

[الكلام المقصور]

بالنسبه للي تسال عن اسماء الاستاذات مانزلو قسما الاسماء الى هاللحظه

[الهنوف المعبدي]

احتاجك يارب الماده خفيفة وحلوه مثل ماقالت الكلام المقصور تنقسم قسمين أيوبين ومماليك كل عصر لحاله مرا تنحفظ بسرعه لان احداثها ماهي كثيرة و الحروب اللي فيها جدا معروفه والكتاب رائع يفصل لك الاحداث ويقسمها وواضح جدا فيها عن القدس شئ نعرفه وعودة الصلبيين للقدس وشخصيات جدا رائعه مرا الماده حلوه ..مافيه خوف ان شاء الله

[الهنوف المعبدي]

المشاركة الأصلية كتبت بواسطة "lala" ..................................... السلام عليكم ورحمة الله وبركاته .. كيفكم بنات ان شاء الله تمام .. وكيف حوسة الجداول معاكم ؟ الله يسهل عليكم جداولكم ياكريم قولوا آمييين .. ممكن اطلب طلب انا ابغى اضيف مادة سيرة نبوية وخلفاء راشدين ومادة تاريخ الحضارة الإسلامية .. ابغى اذا ممكن بس اعرف مين الاستاذات اللي يدرسوها هذا الترم لأنه انا دراسات ماتطلع معي شعب المادة .. رمز السيرة hist 221 .. ورمز تاريخ الحضارة hist 426 .. اعتذر اذا كلفت عليكم .. والله يوفقكم وييسر عليكم كل عسير و تصير جداولكم احسن مما تبغوا يارب :) .. .........................................

رديتت عليك في قسم الدارسات :)

تاريخ الحضارة الإسلامية :: تتكلم عن العماره والزحارف والشرطة والجيوش الاسلامية والمدن المشهوره في الاسلام شئ اسهل من السهل نفسه الكتاب رائع ممفصل يشرح لك ويقسم لها ثلاث استاذات 1 _بسامه ماانصحك تاخذين معها .
2_فاطمه ؟؟؟ ؟ مااعرف لقبها وماقد اخذت معها ماده فمااقدر اقيمها لك ..
3_أ_بلقيس تاريخ الحضارة ماده صراحه حلوه وسهله كتابها ممفصل وغير معقد واخذيها مع الاستاذة بلقيس صراحه جدا منظمه ومستحيل تظلم ولو في درجه وتحرص ع ان البنت تفهم واسئلتها حلوه وتعطيك عروض وواجب واحد كلها عليها 20 درجه ولو اعجبها عرضك تعطيك زياده واذا كتبتي معها اضمن لك تجبين 99 بس لاتتاخرين عن المحاضرة وتحرم من الماده لو تجاوز غيابك المسموح ..
السيرة النبوية :: اخذتها مع أ_خديجة الغامدي ..ماحبيت الماده المقرر كتاب وش كبره وملزمة اتحدا تتدخل الشنطة من كبرها ...معلومات كثيررررررررررر مرا وكلها اسامي واحداث مشربكه نجحت فيها بالعافية وصاحباتي رسبو فيها ..شوفي لك مادة ثانية افضل لك من السيرة ..اخذي اسس جغرافيا
لو تبغين تعرفين عنها بتفصيل شوي ردودي السابقه ..اي شئ ثاني قولي لي ولايهمك اختي
( 16 )

["lala"]

..........................

أختي هنوف جزاك الله خير والله لايحرمك الاجر ..

واعتذر اذا اتعبتك ..

الله يشرح صدرك وييسر عليك كل عسير ...

................................

[احتاجك يارب]

الكلام المقصور - الهنوف المعبدي
الله يسعدكم ويريحكم ويشرح صدوركم وييسر اموركم وتبلغوا اعلى المناصب ي رب
من جد هم وانزاح الله يزيح عنكم كل حزن ....