برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[control91]

عني انا المكان صراحه مو حلو مبنى قديم وبعيد شويه ،،، والموظفين زحمه مادري هو صغير والا سالفه المكاتب المكشوفه مسويه زحمه ،،، طبعا الاداره الي انا فيه تطلب الكشف بس انا ماكشفت ،، وشسمه سالفه ID الي ما اعطونا اياها وعطلونا وخلونا فاضين طول الوقت ،،، انا من الفضاوه جلست وقتي كله ع الايباد والبي بي ،،، والسوبرفايزر اعطاني اوراق كثير وقال لي تخيلي نفسك جالسه ع الباوربوينت وارسمي شرائح واكتبي فيها طبعا وقبلها اعطاني ورقه interduce yourself وكاتب فيها شويه اسئله وبصراحه انا كلش ما احب اعبر عن نفسي وكذا ،،، ف خليتها ولا سويتها حرام خساره اوراق ع الفاضي ،،، وكل شوي جاي عندي ويقول لي وين وصلتي واقول له ماسويت شي ،،، يجلس يناظر شوي ويقول طيب اذا عندك اي سؤال اسأليني ،، لما صارت الساعه 1 جاني وقال لي يلا عطيني الي سويتيه قلت له ماسويت شي و بسويه ف البيت اذا جلست ع اللاب ،، قال خير ان شاء الله حسيته عصب شوي بس ما لي شغل الغلط منهم ماجهزوا كل الاشياء وخلونا نداوم ع الفاضي ،،، المهم انا اول يوم حضرت بس اشوف المكان والسوبرفايزرماكان موجود وطلعت اما اليوم الثاني طلعت وحده وباقي الاسبوع ماداومته ،،، وان شاء الله من باكر نداوم والله يعينا ،،، بس بشكل عام الوضع غير الي توقعته وغير التنظيم الي توقعته ،،،

جنان اذا انت يعطونك كورسات ف لغه برمجه ف انا يعطوني كوسات ف المايكوسوفت اوفيس ورد وباوبوينت واكسل هههههههه ،،،

[aah07]

المشاركة الأصلية كتبت بواسطة mr.samie هذا الكلام سبق وقلته لكم في الصفحات السابقة اللي يبغى تدريب فعلي ارامكو ما عندها تدريب فعلي اللي سويتيه حاليا بتسويه الاسابيع الجاية لين يخلص التدريب من الساعة 7 الى 4 لا شغل ولا مشغلة اغلب الطلاب المتفوقين اللي يبغون ياخذون تدريب حقيقي ما يتدربون بارامكو وان تدربوا بارامكو تلقينهم يسبونها في التدريب انا شايف ان اللي يمدح تدريب ارامكو شخص متخرج من جامعة مش حالك او بجامعة مش حالك او للحينه بالمستويات الاولى ما درس شي جاي لارامكو يمشي ويستغرب وما يدري لو انه درس دراسه حقيقية ان هذا التدريب تضييع للوقت لا اكثر انا ما ابغى لا مطاعم ولا اماكن سياحية وولا يحزنون ابغى سكن ومكان تدريب محترم اطلع منه يكون لي مستقبل وظيفي وعن نفسي اعتذرت عن التدريب وحاليا ادور على مكان تدريب آخر

اخالفك الرأي والوضع مو بشكل اللي قلته في كل الاقسام
انا بالنسبة حطوني بقسم ادارة المشاريع وصراحة انهيت الاسبوع الاول بفايدة كبيرة من ناحية العلم واللغة ومعرفة بيئة عمل مهندسين الكهرب والحمدلله الان حطولي خطة تدريبية واضحة وهي ان كل اسبوع اركز على شي من الاجهزة والانظمة الكهربية المستخدمة في المشاريع اللي يشتغلون عليها وبرضو زيارت مشاريعهم ورؤيتها على ارض الواقع وفوق هذا طلبوا مني اعمل ريبورت على الشي اللي تعلمته اسبوعيا بالاظافة اللى حظور الاجتماعات اللي تنضمها الشركة مثل اجتماع السيفتي وغيره

اللي ابي اوصله ان الفايدة من التدريب تعتمد على القسم اللي تتدرب فيه وعلى جديتك انت على الاستفادة .

[th620]

أنا عن نفسي تخصصي علوم بحرية.. وتدربت مرتين في ارامكو مرة في راس تنورة ومرة في جدة ..وربي اني انكرفت شغل بشكل لا يطاق.. وكانت تجربة جنان بصراحه وتعلمت شغل عمري ماراح اتعلمه في الجامعة استفادة مو طبيعية..كله شغل بحر واشراف على مناطق بحرية ومن كثر التعب والعرق كنت اخذ معاي 2 تيشرتات العمل

[control91]

المشاركة الأصلية كتبت بواسطة th620 أنا عن نفسي تخصصي علوم بحرية.. وتدربت مرتين في ارامكو مرة في راس تنورة ومرة في جدة ..وربي اني انكرفت شغل بشكل لا يطاق.. وكانت تجربة جنان بصراحه وتعلمت شغل عمري ماراح اتعلمه في الجامعة استفادة مو طبيعية..كله شغل بحر واشراف على مناطق بحرية ومن كثر التعب والعرق كنت اخذ معاي 2 تيشرتات العمل

فعلا هو يختلف من تخصص لاخر ،،، التخصصات الاداريه شويه التدريب فيها ممل ،، لان ماراح يعطونهم صلاحيات في عمل اي شي ،،،

[حلم ماضي]

هو فعلا
حسب ادارة التدريب
اتصلت لهم وقالوا لي راح نرسل مسجات للانتظار
يارب خير ويكون لنا نصيب
الاخ خالد السويد مارجع ؟

[zozh]

المشاركة الأصلية كتبت بواسطة حلم ماضي هو فعلا حسب ادارة التدريب اتصلت لهم وقالوا لي راح نرسل مسجات للانتظار يارب خير ويكون لنا نصيب الاخ خالد السويد مارجع ؟

يارب الله يكتب لك ويكتب لنا القبول

انا مثل حالتك وابوي راح ارامكوا لسبوع الي طاف وصار هواش
لنه مافي اسباب لرفض وسأل عن المدير قالوا المدير مشغول تعال السبت الا هو اليوم بس بكره ان شاء الله بي روح ونشوف وش يقولوا عن السبب الي يخليهم للحين مايردوا علينا

حلم ماضي من زمان وانا اتابع كلامك الله من جد انت تعبتي بس تبين تحصلين قبول ولا في جواب من احد مع انه ماشاء الله نسبتك مره حلوه
مانقول الا الله مستعان وان شاء الله يجينا شي كويس هل سبوع

[~ جـنـان ~]

بالفعل التخصصات الادارية ملل لان ماراح يعطوك صلاحية تمسك شغل حقيفي

بالنسبة لتخصص الحاسب انا عرف تقريبا 10 بنات وهذا وضعهم ,, فضااااوة وملل

وعندنا رغبة كبيرة انا نستفيد وكل شوي ناطين بحلق المشرف عشان يسلمنا شغل لكن محد مدينا وجه

[control91]

انا طبعا للحين ما ارسلوا user ID وجالسه طول اليوم فاضيه من جد ملل حتى من زود الملل ودي انام ،،،، واليوم واحد طبع لي 13 ورقه وقل لي اقرئيها طبعا كلها تعليمات عن برنامج التدريب وتطفش بشكل حتى السطر اقراه الف مره لان ف كل وحه تغفي عيني هههههههه

[حلم ماضي]

يارب الله يكتب لنا القبول جميعا ياختي
كلمت الاخ تركي من جديد العصر وقال لي اذا وصلك مسج يعني مقبوله واذا ماوصلك يعني غير ذلك
الله يكتب لنا الخير يارب

[mr.samie]

انتوا احتمال تخصصاتكم تحتاجها الشركة بشكل كبير علشان كذا يهتمون فيكم
اما غيره من التخصصات ومنها تخصصي مافيه اهتمام ابدا
يحطوك بمكتب ما عندك سالفة


لكن اتوقع انكم تبالغون بالاستفادة ما اعتقد ان هالكبر استفادة بتستفيدها من تدريب خدمة للمجتمع
بنشوف لما تنهون التدريب وش تقولون

لكن رجاءا كونوا منصفين لأن في ناس بيجون بعدكم السنة الجاية فمحتاجين تجربة حقيقية تعكس مدى استفادة
ماهو تعرق وجايب معك فانيلتين واللي يقول مطاعم ومدري ايش الناس تقدم للتدريب تبغى تستفيد