الأسئلة والاستفسارات عن كلية طب الأسنان ..

[khlil saeed]

عليكم السلام ورحمة الله وبركاته
نظام الكلية نظام اترام
جدول ثابت مثل التحضيري
مافي حذف واضافة عندنا والدكاترة كلهم عال الععال صراحةة


راجع الموضوع هذا يفيدك اكثر
http://www.skaau.com/vb/showthread.php?t=595512


بالتوفيق

[khlil saeed]

عليكم السلام ورحمة الله

صفحة الدكتورة عع موقع الجامعة
http://www.kau.edu.sa/Contacts.aspx?...=AR&Cont=18734

فيها تلفون المكتب والايميل ممكن تفيدك

[احمدوندي]

السلام عليكم

انا طالب مستجد في كلية طب الاسنان ويوم الاحد بيكون اول يوم لي في الكلية .. والى الآن الجدول ما نزل .. فياليت تفيدوني ايش اسوي وفين اروح .. واكون شاكر لكم

[Hatoon hamed]

حتى انا كمان ما نزلي الجدول .. و كمان مافي اي أثر للتخصص حقي .. لمن اروح يوم الاحد حأروح لإدارة القسم حقي و اسألهم عن كل شي .. وانتا كمان روح لهم و شوف ايش يقولو لك ..

[همس جده]

السلام عليكم
حابه استفسر تستقبلو مرضى اسنان في كليه طب الاسنان زي جامعه الملك سعود وادا تستقبلو هل في ايام محدده ومواعيد او عادي ياليت تردو

[Blue Flower]

المشاركة الأصلية كتبت بواسطة مَـزٍآج ..}.. شوفي كلآمي هذا ليـس تحطيم بقدر مآهو تصحيح او وإأقع .. التحوٍيل من الكليآت الي قلتيها مو مستحيل لكن صعـب .. وهذا يعتمد على معدلكـ .. مآ شآء الله معدلات البنآت المقبولات في الأسنان العآم مرهـ عآليـه .. لكن إذا انتِ طموحه وتبي هالشئ رأح توصلي لهـ .. وانا اقولكـ مثآل كنوع من التشجيع عندنا طالب درس ثلاث سنوإأت في المختبرات وهالسنـه حوٍل عندنا إأسنان .. قعد ثلاث سنوات يرفع معدلـه حتى وصل المعدل المطلوب !!! وثلا سنوإت مرهـ مو قليل كأن بآقي له سنـه ويتخرج من المختبرات ،، لكن هذا الطموح الي اتكلم عنـه .. الله يوفقكـ !!

طيب انا في كلية العلوم - قسم كيمياء حيوي ،، لو قدرت ارفع معدلي في سنتين ل 4،5 حقدر احول لطب الأسنان أو الطب ؟؟

[zahra.s]

السلام عليكم انا ان شاء الله ححول عندكم من جامعة الملك خالد ، بس عندي استفسار دحين اذا حولت عندكم ان شاء الله اش حيكون نظامي؟ لانو انا حاليا مستوى خامس ، اتمنى افادتي

[أطيب العيال ^_^]

السلام عليكم و رحمة الله و بركاته



سعدت بالإنضمام إليكم


أنا طالب في السنة التحضيرية للكليات الصحية
و أبغى أحدد مساري من الآن عشان أحط غاية أمامي أعمل من أجل تحقيقها


أنا الآن أجمع معلومات عن طب الأسنان
فيا ليت تفيدوني و الله يجزاكم خير

سألت قبل و قالي واحد تراها ضغط هائل و إذا منت مستعد لهالضغط دور لك تخصص آخر !
بصراحة حسسني إني لازم أروح للبنشري أركب تيربو عشان أدخل طب أسنان ؟ و هالناس الي دخلوه و تخرجوا كيف تخرجوا ؟
بصراحة توقعت إنه إنسان بائس و يبي ينقل بؤسه في داخلي
و يقول بعد إنك إذا ما جا المريض الي تعالجه يمكن ما تتخرج بدري
وش رايكم بكلامه ؟

أبغى أعرف كم المعدل المطلوب لطب الأسنان
و كيف يحددون المعدل ؟ يعني يجمعون الدرجتين في الترمين و يقسمونهن على 2 أو كيف بالضبط ؟

و غير كذا هل تخصص طب الأسنان يرتكز على الكيمياء ؟
لأني أكره الكيمياء
طيب الصيدلة ترتكز على الكيمياء ؟

و أتمنى تكلموني عن طبيعة دراسة طب الأسنان


و أتمنى الي دخلوا هالتخصص يقولون معدلاتهم في الترمين ^_^

و هل دراسته فيها ضغط دائم زي الطب العام ؟


أتمنى الإجابات موثوقة لأني على كلامكم أبي أقيس أشياء كثيرة

و اعتبروني أخوكم الصغير

و تذكروا حديث حبيبنا عليه الصلاة و السلام : (( لا يؤمن أحدكم حتى يحب لأخيه ما يحب لنفسه ))


أحتريكم

[أطيب العيال ^_^]

يا جماعة وينكم ؟

[khlil saeed]

أبغى أعرف كم المعدل المطلوب لطب الأسنان و كيف يحددون المعدل ؟ يعني يجمعون الدرجتين في الترمين و يقسمونهن على 2 أو كيف بالضبط ؟

المعدل يختلف من سنة لسنة وبإمكانك ترجع لجداول التسكين للدفعات اللي فآتت وتقآرن
شروط القبول على ما اذكر انها تكون جايب معدل 85 وفوق للمواد ( كيمياء فيزياء احياء الانجليزي ) >> اضن ماني متاكد من المواد والله

و غير كذا هل تخصص طب الأسنان يرتكز على الكيمياء ؟ لأني أكره الكيمياء طيب الصيدلة ترتكز على الكيمياء ؟

الكيمياء ندرسها اول سنة فالكلية فقط وبعد كذآ عندنا ف 3 و5 مادة الصيدلة بس مختلفة تمامآ عن الكيميآء اللي فبالكك

و أتمنى تكلموني عن طبيعة دراسة طب الأسنان و أتمنى الي دخلوا هالتخصص يقولون معدلاتهم في الترمين ^_^ و هل دراسته فيها ضغط دائم زي الطب العام ؟

طبيعة الدراسة سهلة ولذيذة للي ينضمهآ
تقريبآ زي نظام المدارس اغلب المواد على ترمين فيها اختبار نصفي ونهآئي طبعآ يتخللها كثيرآ من الكويزآت
المعدل لكل مجتهد نصيب فيه ناس فوق وناس تحت انت ومستوآك
وبالنسبة للضغط اتوقع لو رتبت نفسك ماراح يكون فيه ضغط ولو مارتبت نفسك برضو ماراح يكون هذآك الضغط الحقيقي يعني ابو كرف شويتين وقت الاختبارات
اتوقع ان الدراسة فالكلية تفرق عن التحضيري في كثرة المواد + الاختبارات والا نفس النظام ونفس الفكرة
اما البشري ف اعتقد لا مو زيهم خصوصآ انهم نظآم موديولآت مو نظآم اترام

برضو ممكن يفيدك الرآبط هذآ تآخذ نبدة عن المواد والدرجات والساعات والنظام لكل سنة وكل مادة
http://www.skaau.com/vb/showthread.php?t=418364

وهنآ كمآن
http://www.skaau.com/vb/showthread.php?t=420613

وبالتوفيق ان شاء الله ونشوفك معآنآ السنة الجية