تجميعة لاستفسارات دكاترة و دكتورات Med11 :)

haay · 13-07-2011, 03:30 PM

المشاركة الأصلية كتبت بواسطة د.مشبب

السلام عليكم حبايبي ...
حبيت أسأل الأخوان و الأخوات " المحترفين " ( يعني الي قد كرفوا في كلية الطب )
أمثال د.عبدالرحمن المالكي و د.شيماء ولا يهونون بقيت الدكاترة .
بصراحة تامة >> الله يستر !
إذا بدينا الدراسة بإذن الله تعالى وداومنا في الكلية , اليوم الي داومنا فيه وأخذنا فيه
محاضرات .. هل أقدر أرجع للبيت وأريح ساعة أو ساعتين ثم أذاكر جميع المحاضرات
الي أخذتها في يومي هذاك مذاكرة " شاملة وكافية ووافية " ولا لازم يكون هناك بعض المحاضرات أو بعض الأشياء الي ما بقدر أذاكرها بحكم ضيق الوقت أو خلاص لازم أنام لأن وراي بكره دوام .. فهمتوا علي ولا لا ..
طبعا أبغاكم الله لا يهينكم تجاوبوني بصفة عامة و بغض النظر عن الإمكانات و الفوارق و القدرات من شخص لآخر .

سؤال آخر ؟ المحاضرات العمية أو الأشياء العملية ,, كيف أقدر أذاكرها أو أرجعها

أو بصيغة أخرى كيف أتعامل معها ..

ولو أحد يتكرم ويعلمنا كيف نذاكر بصفة عامة سواء نظري أو عملي فيكون قد عمل معروف كبير جدا .. على الأقل بالنسبة لي ..

وشكراً ...

+1
يب يب يااليت تجااوبنا

د.مشبب · 13-07-2011, 03:45 PM

سؤال آخر ؟
ايش رآيكم في قواميس أطلس الطبية ؟!

Beeshoob · 13-07-2011, 05:21 PM

طيب معليش حاجه تانيه ياجماعه

هوا انا عشان طب موازي ويكتبو لي في البطاقه عمادة خدمة المجتمع << زي المساكين تحسو خدمة المجتمع لوحدها كف قوي اكتر شي هههههه هع << امزح لحد يبكي

المهم عن رغي الكتير

كنت ابى اسال دحين انا باذن الواحد الاحد مش ناويه استمر كدا بدون مكافئه وبدا الحقل حق المجتمع للخمس سنين الجايه وفكرة بابا يديني مصروف مش حلوه يعني وما اقدر اطلب من هارديز يعني مو كفايه انو في مكه مافي ههههه

<< معليش رجعت ارغي تاني

كيف اعرف انو انا طلعت من التلاته الاوئل على الموازي زيي ؟
وكم عدد الموازي اصلا ياليت رقم دقيق ؟
وفي امل احول من الترم الاول ولا ؟
سؤال بايخ كمان
وهل يعاملونا بعنصريه ولا عادي طبيعي زي الخلق ؟

يعني يلبسونا لون معين نقعد لحالنا في الركن هههههه << مع نفسي صح

د.مشبب · 13-07-2011, 05:38 PM

^^^

آآآآآآآآآآه ... تكفين لا تقلبين في المواجع

د.مشبب · 13-07-2011, 07:00 PM

كمان سؤال الله يسعد قلوبكم ..

هل يوجد دكاترة أو أساتذة خصوصيين لمواد كلية الطب ,, زي ما كان موجود
وبكثرة و بعدد لا نهائي ومن مختلف الجنسيات و .. >> " بس ياحبيبي زودتها "
أيام ما كنا تحضيري ..

وشكراً ..

faisal idrees · 13-07-2011, 07:06 PM

يعطيكم العافيه ..... سالت كم سوال ومحد جاوبني

عالعموم الرسائل وصلت بس مكتوب فيها انو التسجيل في الموقع طيب كيف طريقة الدفع
وكمان الموقع مقفل !! فكيف حنسجل ؟؟؟

anas-bs · 13-07-2011, 07:21 PM

قصدهم في مبنى 2 التسجيل رح يكون هناك
لو عندك اي سؤال اتصل على الرقم الموجود في الرسالة

MAS-663 · 13-07-2011, 08:05 PM

لو سكحتم كم الرقم الموجود ف الرساله
ومشكورين

anas-bs · 13-07-2011, 08:34 PM

والله كان نفسي اعطيك الرقم
بس عندي ذكريات " حلوة " مع مشرفيبن دا المنتدى
مسحولي كم اكاونت
مشي الحال
على العموم تراه رقمي لو عندك اي سؤال اكتبو

MAS-663 · 13-07-2011, 08:45 PM

^^^
الحمدلله انه رقمك وخلاص ماقصر معي احد الطلاب واعطاني اياهـ...

بس سؤالي هو انا من طلاب رابغ هل هناك فائدهـ لحضوري او بالاصح هل سيكون هناك ممثلين لنا في هذه الدوره...
وعساك على القوهـ

تجميعة لاستفسارات دكاترة و دكتورات Med11 :)

منتدى كلية الطب