لننتصر على الكيمياء

[ShAmoo M.D]

Hi alll mmkn 6alb 9a`3eir??
mmkn ay a7d yersly al link 7a8 al maw83 ely negeib mno al test bank 7a8 chemsitry???!!!!
plzzzzzz mara I need it

thnxxx O ZaKrO KoWaIs
T.C

[SoOoMa1990]

المشاركة الأصلية كتبت بواسطة ShAmoo M.D Hi alll mmkn 6alb 9a`3eir?? mmkn ay a7d yersly al link 7a8 al maw83 ely negeib mno al test bank 7a8 chemsitry???!!!! plzzzzzz mara I need it thnxxx O ZaKrO KoWaIs T.C

اتفضلي..
http://www.skaau.com/vb/showthread.php?t=65485

[joojah]

المشاركة الأصلية كتبت بواسطة υикиσωи <<< اممم روري يعني كدا خلاص مافي مشاكل ...ما اشيكلك ...!.!.! جوجا يعطيكي ألف عافية وبنات يا حلوين عندي أسئلة كل الشباتر في حد عايزها ...!.!. مع اني اظن اظن نزلتها ...بسس فين بالزيط مدري ..!..!.!

يعطيكي العاافيــــــه البناات كفوو ووفوو

المشاركة الأصلية كتبت بواسطة دانة الجنة هذي هيا حل الكمياء انا لخصتها لبنات شعبتي الحلوين.. قبل فترة نزلتها بس ما ادري في اي موضوع .. بس عشان عيونكم هذا هيااا ... في المرفقات .. دعواتكم .. دانة

يعطيكي الف عافيه يااعسل انا ماحليت 14 ريحتيني شايله هم متى ححلوه كوونت

الله يوفقكـ يااربـ دنيا وأخره

المشاركة الأصلية كتبت بواسطة soooma1990 اتفضلي.. test bank للكيمياء _~ من هنا ~_

يعطيكي العاافيه ياقلبي



بناات الحقوني دوبي قومت من النوم سرت ماأصحى على منبه جوال ولا ساااعه !!!!!!!

امي تقولي يمكن من التعب

لوووووووووول

يلا بالتوفيق لنا جميعاً

[SoOoMa1990]

المثال هوا ..
Opn
راح يطلعلنا تلاتة اشكال ..
O p n
الشكل الاول تلاتة روابط بين الp وال n وهناك رابطة وحدة .. وهادا مقبول ..
رابطتين بين الp و n وهناك رابطتين وهادا مقبوول ..
اماا .. ثلاثة روابط بين الo و p ورابطة وحدة بين الp و n وهادا مرفوووض .. لأانوو شخنة الo +1 وشحنة الp +1 فراح يصير تنافر ..
انا هادا اللي اعرفوو .. واللي الدكتور قلنا عليه .. لو فيه سبب تاني للرفض قولولنا هوا .. وشكرا ..

[ShAmoo M.D]

MaRa thnxx
at5ylo b3d ma 6lbt al maw83 le8eto ma76o6<<<< sorry bs knt doby 9a7ya mn alnom metn7a showaya b3d al stat

O SOMA mara thnx teslm
O rabna yewf8na kolna wo kolna ned5ol al 8esm ely neb`3ah
AMIN YAAAAAA RAAB

[υикиσωи]

<< الalkali عناصر اأ
عناصر alkalin earth l....عناصر 2أ


وبالنسبة لسؤالك داكا ليا رجعة ليلووو ان شالله ..
فتحت الكتاب حسيت كل معلوماتي حقت لويش اتبخرت ..
حأبكي ................

ازاكرو ارجع ...

[wow.]

سؤال في شابتر 14 سكشن 5
عن الchanges in temperature
ايش فيه
وسؤال 13-14 ابغى احد يفهمني

[υикиσωи]

المشاركة الأصلية كتبت بواسطة wow. سؤال في شابتر 14 سكشن 5 عن الchanges in temperature ايش فيه وسؤال 13-14 ابغى احد يفهمني

(14-5)
دا الكلام كلووووووو اخدنااااه في الثنوي وبالتفصيل
انصحك ترجعي لكتبنا الثنوي ازا بدك ...
بسس للاسف ما عندي ولا كتاب من الثنوي ...:(
<< الله يوفقك يا ابلة صفااااء ...

لو شاتليز بيقول انو ازا أثرنا ع التفاعل بأي ضفط ( تأثير << ما يقصد بالضغط اللي هوا البرشر ) ...يعني لو غيرنا تركيز او حجم او ضغط او حرارة ... فانو التفاعل حيتغير اتجاهو ويتحلو لحد ما يصل لحالة الاكواليبريم ( حالة الاتزان )

أدانا بعدين حالات الضغط الي قلنا عليها (الضغط stress مو pressure ) ...
1) ازا غيرنا في التركيز ..
ناخد كمثال دي المعادلة ..
3H2 + N2 = 2NH3
طيب بعد ما سرا التفاعل وخلص ووصل للاكواليبريم ...لو زودنا مثلا كمية الأمونيا( بعد الاتزان ) ..فانو التفاعل حيسير في الاتجاه العكسي (تعمل شفت للياسر )..عشان تصل لحالة الاتزان مرا تانية ...
يعني زودنا تركيز الأمونيوم ..فسار تركيزوووو أكتر من تركيز المتفاعلات ..فعشان يرجع التكيز متساوي ... حيتفعلو بالعكس ...<< مني عارفة اشرح ...:(
طيب ع نفس المعادلة ... لو غيرينا تركيز الهيدوجين مثلا ...!.!.!.
حنلاقي المعادلة تعمل شفت بالاتجاه الطردي ...يعني بالتجاه العادي ...( شفت لليمين )

طيب لو ما زودنا ...لو قللنا النيتروجين مسلا ...!.. حيسير تركيز المتفاعلات اقل من النواتج .. فحتتحرك التفاعل من النواتج للمتفاعلات ... في الاتجاه العكسي يعني (شفت تو لفت )

طيب بالنسبة لــkc هنا حيكون ثابت ...لانو لما بنغير في تركيز النوات ..حيتغير تبعا ليها تركيزو في المتفاعلات ..ساواء بنقص او زيادة ..


طيب الحالة التانية
2) ازا غيرنا في الحجم او الضغط ( متعلقين ببعض )
لما نزود الغط فاناا نزودو ع التفاعل ككل ... ما حيقولك زودنا الضغط ع المتفاعلات فقط او النواتج فقط ...!..!..حيزيد او يقل الضغط ع الاتنين سوا
طيب احنا نعرف زي ما اخدنا سابقا ( اظن شابتر 5 ) انو لما نزود الضغط ع طول الحجم حيقل
ولما نقلل الضغط الحجم حيزيد ...
فمثلا لو قلك قللنا الحجم ..ع طول اعرفي انو زودنا الضغط
وازا قالك زودنا الحجم ..يعني ع طول قللنا الضغط ..
ودائما حتتحرك المعادلة ازا زودنا الضغط من الجهة اللي عدد المولات فيها كتير للأقل ...
اما ازا قللناه حيكون العكس ..تتحرك المعادلة من الجهة اللي مولاتها اقل للاكتر ..

بعدين حاططلك شي مني دارية ايش اسمو ... <<بعد ما ازاكر اقولك اسمو ..
المهم رمزو Q...حأقولك ايش حكاية دا الشي في النهاية بعد ما نخلص من كل دي الاشياء ..

ونفس الحكاية بالنسبة للــkc حيكون ثابت ..لانو لما نزود الضغط او نقلوو حنزودو للاتنين ..بالتالي يزيد او ينقص التركيز للاتنين سواااا



تالت حالة ... 3) درجة الحرارة ...
عندنا نوعين من تفاعلات الحارارة ..
أ ) ماص للحرارة AH=+ ونسميه ...endothermic
ب) طارد للحرارة AH= - ونسميه ...exothermic
<< اتزكري الاسمين لانو معانا في الاحياء ...
ناخد دا المسال ع كل واحد فيهم ...
A + heat = B << دا حيكون ماص ..يعني يحتاج حرارة عشان يتم التفاعل ..و حتى الحاراة تكون في المتفاعلات ... والــAH حتكون بالموجب
A = B + heat << دا حلكون طارد ... حيطلع الحرارة اللي تنتج من التفاعل .. عشان كدا حتلاحظي الحارارة في النواتج ... والAH بالسالب
ملاحطة .. دارية حتسألو ايش AH ... هيا كمية الحراراة ..

طيب ناخد معادلة الماص ...A + heat = B .. ونشوف ايش حيسير لو زودنا او نقصنا ..
ازا زودنا الحرارة ... حيتجرك التفاعل من اليمين للياسر ... طبعا حتقل الa و b يزيد ..
<< عشان كدا قيمة الــkc حتتغير ...لانو kc = [alnwateg \ almotfa3elat] ..بالتالي اختلف تركيزاتهم ..فاحتلف ثابت الاتزان ... << وهنا حيزيد طبعا ... لانو الناوتج هو اللي يزيد
وطبعا العكس في حالة نقصنا الحرارة ... حيمشي بالعكس من اليسار لليمين ..


طيب بالنسبة لما يكون طارد للحرارة ..A = B + heat
ازا زودنا الحرارة ... فانو حعمل التفاعل شفت تو ليفت ... بالتالي يقل b ويزيد a ؟؟؟
والــkc تبعا لانو الــنواتج قلت (b) فحيقل هوا التاني كمانا ...
اما ازا قللنا الحراراة حيكون العكس


رباع حالة واخر وحدة
4) المواد الحافزة ..
دور المادة الحافزة حيكون في بداية التفاعل ..لانو هو حيويد من سرعة التفاعل ... بسس ما حيغير من تركيزاتها ... سو الــkc حتككون ثابتة ...
أعيد وأكررر دور الماداة الحافزة قبل الــequalibium ... يعني لو جبتي المادة الحافزة بعد ما سار التفاعل وخلص ..ما حيكون ليلو اي دور او اي تأثير ...
نكرر المرة العشرين .. دور المادة الحافزة بسس عشان يقلل الوقت حق التفاعل ..يعني يقلل الـrate of reaction ..
وطبعا طبعا ما حيسير في شفت للمعادلة ...

نلخصهم ...
في حالة تغير التركيز والضغط والحرارة ..
حيكون في shift للمعادلة .. << وانتي حتعرفلي شفت لاي جهة لكل واحد فيهم
بسس الــkc حيكون ثابت
في حالة تغير التمبرتشر ...
حيكون في shift للمعادلة ... والــkc حيتغير
في حالة المادة الحافزة ..
ما حيكون في shift .. والــkc ثابت



طيب في شي قلتلك حأقولو في النهاية ..اللي هواااا الــQ...<<اللي كنا نقولو في الثنوي ( رائز التفاعل ) <<< اكيد اتزكرتيه دحينا ...مو ..؟!
دا الشي عشان نحدد بيلو التفاعل واصل فين بالزبط ...
طريقتو انو يديكي قيم التركيزات ويقولك اكتشفي هوا في التفاعل ...!
Q= [alnwateg]\ (almotfa3elat
فازا كانت قيمتو Q > k فمناها انو قيمة النواتج أكبر ...سووو التفاعل حيروح باتجاه النواتج ... يعني شفت تو لفت ..
اما ازا كانت قيمة الــQ=K ... معناتووو انو النواتج والمتفاعلات تركيزهم واحد ..يعني احناااا هنا في حالة الاكواليبريم ...
اما ازا كانت قيمة الــQ < K ... فمعناااو قيمة المتفاعلات اكتر من النواتج ...يعني أكيد حيروح التفاعل لجهة النواتج ...يعني شفت تو رايت ..

بالتوفيق يا قلبي ...
اي سؤال انا راجعة بعد ما أبدأ مزاكرة ....


ازا في غلط في اي شي قلتو نبهوني لانو كتبتو مرة وحدة ..وما راجعت كلامي

[دانة الجنة]

بنات شابتر 8

صفحة 320 مثال 8.1
صفحة 321 representing free
صفحة 322 الشحنة الفعلية للنواة سالت دكتورتنا ما جاوبتني شيء مفيد عنها

ممكن احد يساعدني هذي االحاجة اللي فوق ما افهمتها .

أرجوكم << خخخخ متأثره بافلام كرتون ..

السلايدات مهمة احنا ما تشرح لنا منها

[υикиσωи]

المشاركة الأصلية كتبت بواسطة دانة الجنة بنات شابتر 8 صفحة 320 مثال 8.1 صفحة 321 representing free صفحة 322 الشحنة الفعلية للنواة سالت دكتورتنا ما جاوبتني شيء مفيد عنها ممكن احد يساعدني هذي االحاجة اللي فوق ما افهمتها . أرجوكم << خخخخ متأثره بافلام كرتون .. السلايدات مهمة احنا ما تشرح لنا منها

كل الصفحات اللي ذكرتيها شرحناها باختصار في الصفحات السابقة
تقريبا 3 و 4 ..

اما لمثال لا ...ليا رجعة ليلو ان شالله تاني ..ازا محد جاوب قبلي ..