هل تؤيد-تؤيدين العمل في بيئة مختلطة؟

[روووني]

انا اعرف وحده شخصيا كانت تبغا تقنيه طبيه وبعض الناس وقفو في وجهها وقالولها حراااااااام واختلاااااااااط وانتي بنت

عيله محترمه ومعروفه في البلد لاتفشيلهم وتسيري تشتغلي شغل الفلبينيين والشغالات عيب عليكي ادخلي قسم محترم

مافي اختلاط اقلها طب مو تقنيه وشغل الفلبينيين والكلام داه اللي لايودي ولايجيب

بس طنشتهم وكملت دراستها عادي واول ماخلصت دراستها بابتهاصارتلو نكسه في العمل ومع الاسهم والحكاوي دي

الله لا يبلانا المهم البنت دورت الين لقت وظيفه في مستشفى طبعا ودحين هي تشارك مع ابوها في مصاريف البيت

وتحمدربها انها دخلت داه القسم ومااحوجت بابتها ومامتها يتسلفو من الناس وهي تشتغل بحجابها ونقابها كمان

وكل الدكاتره واللي يشتغلو معاها يحترموها تماما وساعات يعطوها اجازات ايام الاعياد من دون الكل وداه كلو لانها فرضت احترامها فالكل احترمها

العمل مره حاجه مهمه وكبيره الواحد مايعرف بكره ايش يسير الدنيا دي مالها امان

[لولو كاتي]

والله ياناس المسألة مسألة تعميم وتخصيص

المجتمع له نظرة معينة لهذه الفئة وانتم عارفين هذه النظرة ولكن
اذا شافوا وحدة من هذه الفئة محترمة اكيد ماراح يقدروا يتكلموا عليها لانها فارضة احترامها
شي طبيعي مو بس في السعودية في كل مكان وكل زمان وفي كل موضوع لابد من وجود معارضين
وبما انه البنت عندها فكرة مسبقاً عن نظرة المجتمع في هذا الموضوع واختارت هي بنفسها وقررت تضحي
خلاص الافضل انه التضحية هادي تكتمل بانها تطنش وماتتحسس
مو من المنطق انها تجي بعدين تحاول تقنع الكل بانه كللللللل هذه الفئة محترمين ومحترمات
مانقدر نعمم انه كلهم كويسين ولا نقدر نعمم انه كلهم بطالين
كل وحدة تتكلم عن نفسها ومو من حقها تدافع عن ناس ماتعرفهم اذا انا ملاك وجاية اشتغل وبس مو كلهم زيي بعضهم جايين لاغراض تانية وهاداالشي موجووووود
يعني لو انا اشتغل ممرضة والله بصراحة مااقدر اقولكم انه الممرضات كلللللللهم طيبات ومؤدبات لمجرد انه انا ممرضة.. ليس من الضروري انه اذا احد اتكلم عليهم ازعل!
ليش ازعل وادافع عنهم كلهم وانا عارفة نفسي مؤدبة ومحتشمة وعارفة انه فعلا يوجد فاسدين في كل المجالات
الخير يخص والشر يعم في كلللللللل شي
مثلا عندكم العلمي والادبي
ليش المجتمع في نظره انه العلمي شطار ويقولوا ماشاااااااالله انتي علمي؟ ماشاء الله>>مع انها تكون كسلانة وهم مايدروا
في نظرهم هم الشطار وانه الادبي فاشلين وكسالا؟؟
لو كانوا فاشلين ماكان درسوا اصلا كان قعدوا في البيت لو انهم فعلا كسالا
يعني قمة الظلم انهم يقولوا عن الادبي فاشلين وكسالى بعد كلللللللللل السنين الي درسوها والهدف والطموح الي رسموها
ياما شفت علمي كسالا ونسبهم طايحة وبعضهم مادخلوا جامعة اصلا وياما شفت ادبي ناجحين وعندهم لغات ودارسين دراسات عليا وشخصيات مهمة جدا
ليش محد جا دافع عن دا الموضوع؟
ليش سكتنا ومادافعنا؟ مع انه بالفعل تخلف شديد وظلم في هذا الموضوع
لكن ايش نقول
في النهاية الخير يخص والشريعم>>الادبي عمره ماكان شر بس كان مجرد مثال على التعميم والتخصص وتوضيح الغباء في عقول بعض الناس ونفس الشي العمل في بيئة مختلطة
انا واثقة من نفسي واني اذا اتخرجت بغصبهم يقولوا ماشاااااااء الله عليها ( فلانة)ممتازة >>ماقالوها لمن قلتلهم انا ادبي لكن حايقولوها لمن اصير اخصائية نفسية ان شاء الله:)

[شــفــافـــة]

المشاركة الأصلية كتبت بواسطة لولو كاتي والله ياناس المسألة مسألة تعميم وتخصيص المجتمع له نظرة معينة لهذه الفئة وانتم عارفين هذه النظرة ولكن اذا شافوا وحدة من هذه الفئة محترمة اكيد ماراح يقدروا يتكلموا عليها لانها فارضة احترامها شي طبيعي مو بس في السعودية في كل مكان وكل زمان وفي كل موضوع لابد من وجود معارضين وبما انه البنت عندها فكرة مسبقاً عن نظرة المجتمع في هذا الموضوع واختارت هي بنفسها وقررت تضحي خلاص الافضل انه التضحية هادي تكتمل بانها تطنش وماتتحسس مو من المنطق انها تجي بعدين تحاول تقنع الكل بانه كللللللل هذه الفئة محترمين ومحترمات مانقدر نعمم انه كلهم كويسين ولا نقدر نعمم انه كلهم بطالين كل وحدة تتكلم عن نفسها ومو من حقها تدافع عن ناس ماتعرفهم اذا انا ملاك وجاية اشتغل وبس مو كلهم زيي بعضهم جايين لاغراض تانية وهاداالشي موجووووود يعني لو انا اشتغل ممرضة والله بصراحة مااقدر اقولكم انه الممرضات كلللللللهم طيبات ومؤدبات لمجرد انه انا ممرضة.. ليس من الضروري انه اذا احد اتكلم عليهم ازعل! ليش ازعل وادافع عنهم كلهم وانا عارفة نفسي مؤدبة ومحتشمة وعارفة انه فعلا يوجد فاسدين في كل المجالات الخير يخص والشر يعم في كلللللللل شي

حكاية نظرة المجتمع ماهي مسلمات لازم نؤمن فيها
أعتبرها واقع سيء لازم يتغير

صحيح كل موضوع له معارضين
لكن فرق بين الي يعارض باحترامو والي يشكك في النوايا
ويكيل الاتهامات

أنا مادافعت عن أشخاص
أنا أدافع عن الفكرة نفسها وأعلم أن الفاسدين في كل مكان

أختي
كانت فطرة البشر الإسلام فهي العموم

الصلاح في البشرية عام
والشر فيها شذوذ

أختلف معك في كون الخير يخص والشر يعم :)

[never hide]

المشاركة الأصلية كتبت بواسطة لولو كاتي والله ياناس المسألة مسألة تعميم وتخصيص المجتمع له نظرة معينة لهذه الفئة وانتم عارفين هذه النظرة ولكن اذا شافوا وحدة من هذه الفئة محترمة اكيد ماراح يقدروا يتكلموا عليها لانها فارضة احترامها شي طبيعي مو بس في السعودية في كل مكان وكل زمان وفي كل موضوع لابد من وجود معارضين وبما انه البنت عندها فكرة مسبقاً عن نظرة المجتمع في هذا الموضوع واختارت هي بنفسها وقررت تضحي خلاص الافضل انه التضحية هادي تكتمل بانها تطنش وماتتحسس مو من المنطق انها تجي بعدين تحاول تقنع الكل بانه كللللللل هذه الفئة محترمين ومحترمات مانقدر نعمم انه كلهم كويسين ولا نقدر نعمم انه كلهم بطالين كل وحدة تتكلم عن نفسها ومو من حقها تدافع عن ناس ماتعرفهم اذا انا ملاك وجاية اشتغل وبس مو كلهم زيي بعضهم جايين لاغراض تانية وهاداالشي موجووووود يعني لو انا اشتغل ممرضة والله بصراحة مااقدر اقولكم انه الممرضات كلللللللهم طيبات ومؤدبات لمجرد انه انا ممرضة.. ليس من الضروري انه اذا احد اتكلم عليهم ازعل! ليش ازعل وادافع عنهم كلهم وانا عارفة نفسي مؤدبة ومحتشمة وعارفة انه فعلا يوجد فاسدين في كل المجالات الخير يخص والشر يعم في كلللللللل شي

هذا الرأي المتوازن

و إن كنت لسه اقول ان النماذج المشرفة من النساء العاملات في مجالات مختلطة قليل جدا

و مازلت لا أويد الاختلاط في العمل الا للضرورة القصوى كالطب و التمريض

اما سكرتيرة و مندوبة مبيعات <<< لا تعليق صراحة

ليس من جرب كمن يطلق حكما جزافا ....

و بصراحة بصراحة خذوها نصيحة و أنأو بأنفسكم عن مواطن الشبهات .

اذا انتي جاية تشتغلي و جاده ... فغيرك كثيرات مخربين سمعة العمل و هاتك يا كلام و حفلات ترقية و مدري ايش و ما يعملو حساب ان اللي قدامهم رجل غريب

في المقابل في شريحة متحجبات و محترمات انفسهم و يعملو حدود بينهم و بين الغرباء


العمل في مكان مختلط يحتاج الى مبادئ صحيحة مقتبسة من القرآن و السنة أولها : ( و لايخضعن بالقول فيطمع الذي في قلبه مرض ).

لو انتي قلبك سليم فأكيد مو الكل راح تقابلي اشكال و الوان من الناس نساء و رجالا

فيه رجال محترمين جدا و يحترمو التي تفرض احترامها فقط أما الباقيات ( فالصورة تتحدث ) و لن اعلق عليها لأن شكل البنت المتبرجة و هيئتها أبلغ من ألف كلمة ...

خصوصا في مجتمعنا الشرقي ( السعودي بالأخص ) ...

و في المقابل فيه ناس مرضى قلوب يتعرضو لكل كائن اسمه ( انثى ) و لا تفرق معاهم المحجبة و الغير محجبة ( ليش ) لأنهم يعتقدو ان المحترمة ( تستحي ) و ما تقدر ترد عليهم لأنها ( تخاف على سمعتها ) و يجبرك البعض منهم الى ان تنهريهم بقوة و حزم أو تشتكيهم فهذا هو الحل الوحيد معهم ...

أما اذا كان رب العمل هذا سلوكه فهي الطامة الكبرى ... و على الدنيا السلام ...

أتحدث معكم من واقع عاصرته وتأملو في قوله تعالى : ( و من يتق الله يجعل له مخرجا )

و السلام ختام

[:. مآء السمآء .:]

^
^

يا أمي بكيفهم لا يغيروا نظرتهم ولا يقتنعوا ولا احد حيجبرهم يشغلوا بناتهم ولا زوجاتهم في مكان مُختلط

انا همّي يفهموا شي واحد بس .. ان البنت رايحة تشتغل مو تغير جو وَ يقدّر انو في مكان عمل في مول كُل ماشاف بنت راح يجري وراها

كل وحدة تتكلم عن نفسها ومو من حقها تدافع عن ناس ماتعرفهم اذا انا ملاك وجاية اشتغل وبس مو كلهم زيي بعضهم جايين لاغراض تانية وهاداالشي موجووووود يعني لو انا اشتغل ممرضة والله بصراحة مااقدر اقولكم انه الممرضات كلللللللهم طيبات ومؤدبات لمجرد انه انا ممرضة.. ليس من الضروري انه اذا احد اتكلم عليهم ازعل!

طيب في مُعلمات قليلات أدب يصير أقول كل مجتمع المُعلمات قليلات أدب ؟؟ ولا يصير أسمع احد يقول ذا الكلام قدامي و أسكت ولا أدافع و أنا اعرف ناس منهم مثال للاخلاق و الأدب ؟؟

عموماً في كل مكان و كل بيئة في الصالح و الفاسد ..،

[لولو كاتي]

المشاركة الأصلية كتبت بواسطة :. مآء السمآء .: ^ ^ طيب في مُعلمات قليلات أدب يصير أقول كل مجتمع المُعلمات قليلات أدب ؟؟ يختي مايصيييير انا بقول لاتعمموا ولا يصير أسمع احد يقول ذا الكلام قدامي و أسكت ولا أدافع و أنا اعرف ناس منهم مثال للاخلاق و الأدب ؟؟ عموماً في كل مكان و كل بيئة في الصالح و الفاسد ..،>>وانا ايش قاعدة اقول من الصبح

يابنتي ركزي شكله عندك صعوبة في التمييز ركزي على الكلام الي بالاحمر انا قلت (مو من حقها تدافع عن ناس ماتعرفهم)
هادا الكلام كله ومافهمتي مقصد كلامي؟ بتكلم عن اللي شغلهم اختلاط ترا
ساعة وانا اعيد واقول مانقدر نعمم انه كلهم كويسين ولا كلهم بطالين فماادري ايش مناسبة اقتباسك وتعليقك......
انا بقووووووووول لاتدافعوا عن ناس مو كويسين ايش دخل المدرسات؟

[:. مآء السمآء .:]

كل وحدة تتكلم عن نفسها ومو من حقها تدافع عن ناس ماتعرفهم

هذا مو كلامك ؟؟

انا بقووووووووول لاتدافعوا عن ناس مو كويسين ايش دخل المدرسات؟

نفس اللي دخل الممرضات ..، انا جالسه أضربلك مثال عشان تفهمي انو لو كان في مجتمع ما شخص سيء مايصير نعمم و نقول عن كل المجموعة سيئة ..فهمتي ؟؟

انت تبغي الممرضة المحترمة تسكت و ماتدافع لما تسمع احد يقول انو هذه الفئة سيئة لانو فعلا معاها ممرضات سيئات و مو من حقها تدافع عن نفسها و تغير نظره الناس و تثبت ان هذا المكان زيه زي غيره في الصالح و الفاسد ..،
على كذا الطالبة الجامعية المؤدبة المحترمة تسكت لما يجي شخص شايف 20 بنت من الجامعه خارجين مع شباب ويقول البنت اللي تروح الجامعة قليلة أدب و رايحة تغير جو ؟؟ ولا يجي شخص ثاني و يرفض دخول بنته للجامعه عشان سمع عن كم بنت فيها انها سيئة ..، ؟؟ نسكت عن ذا الكلام و نقول صح فيه بنات قليلات أدب خليهم يعمموا هذه النظره علينا كلنا مالنا حق ندافع ..، و لا ندافع و نحاول نغير هذه النظره و نقنع الناس ان الجامعه فيها بنات مؤدبات ؟؟ مو عشان نجبر الناس تدخل بناتها الجامعه لا عشان نظرة الناس تكون لنا احنا صح ؟

هذا طبعا مثال عشان تفهمي و أتمنى تكوني فهمتي ..،



\

[لولو كاتي]

المشاركة الأصلية كتبت بواسطة :. مآء السمآء .: ( ومو من حقها تدافع عن ناس ماتعرفهم)هذا مو كلامك ؟؟ ايييييييييييوة كلامي يعني ليش ماتستوعبي الكلمتين اللي بالخط الاحمر العريييييييض كبرتها ابغاكي تشوفي وتستوعبي ____________________ عشان تفهمي انو لو كان في مجتمع ما شخص سيء مايصير نعمم و نقول عن كل المجموعة سيئة ..فهمتي ؟؟ اااااااااااااااااااااااااه يانااااااس اشد شعري؟ لا مافهمت منغولية انا ماافهم ابغى افهم شي واحد بس ايش الفرق بين الكلمتين الي بالاخضر والكلام الي انا قلته؟ يلا مع بعض نطلع الفروق>>صرنا بمدرسة فكرية مليون مرة قلت انه مايصير نعمم بس للاسف شكله عندك مشكلة في الاستيعاب وماراح اعيد كلامي خصوصا انه صعب جدا عليكِ انت تبغي الممرضة المحترمة تسكت و ماتدافع لما تسمع احد يقول انو هذه الفئة سيئة لانو فعلا معاها ممرضات سيئات و مو من حقها تدافع عن نفسها >>شوفوا التأليف بس متى قلت؟ انا ماقلت ماتدافع عن نفسها قلت ماتدافع عن ناس ماتعرفهمممممممممممممممممممممممم >> الا اذا كانت محامية زيك لا لا لا شكلك تمزحي وفوق هادا كلللللله تقولي اتمنى تكوني فهمتي!! عموما اللي على راسه بطحة يحسس عليها \

بعدين ايش دا التناقض

يا أمي بكيفهم لا يغيروا نظرتهم ولا يقتنعوا ولا احد حيجبرهم

انا همّي يفهموا شي واحد بس .. ان البنت رايحة تشتغل مو تغير جو
احس تبي تمشي رايك وبس

[dr.hope]

المشاركة الأصلية كتبت بواسطة لولو كاتي يابنتي ركزي شكله عندك صعوبة في التمييز ركزي على الكلام الي بالاحمر انا قلت (مو من حقها تدافع عن ناس ماتعرفهم) هادا الكلام كله ومافهمتي مقصد كلامي؟ بتكلم عن اللي شغلهم اختلاط ترا ساعة وانا اعيد واقول مانقدر نعمم انه كلهم كويسين ولا كلهم بطالين فماادري ايش مناسبة اقتباسك وتعليقك...... انا بقووووووووول لاتدافعوا عن ناس مو كويسين ايش دخل المدرسات؟

المشاركة الأصلية كتبت بواسطة لولو كاتي بعدين ايش دا التناقض يا أمي بكيفهم لا يغيروا نظرتهم ولا يقتنعوا ولا احد حيجبرهم انا همّي يفهموا شي واحد بس .. ان البنت رايحة تشتغل مو تغير جو احس تبي تمشي رايك وبس

هههههههههههههههههه

المفروض العكس لولو كاتي تقول يا امي

وماء السماء تقول يا بنتي

عشان لولو لسا مستجدة وماء السماء دكتوراة

[شــفــافـــة]

المشاركة الأصلية كتبت بواسطة dr.hope هههههههههههههههههه المفروض العكس لولو كاتي تقول يا امي وماء السماء تقول يا بنتي عشان لولو لسا مستجدة وماء السماء دكتوراة

ياروقانك ياشيخ

بس نقطة تستحق الملاحظة