ll حياكم الله ..هنا للإجابه على أسئلتكم أحلى دفعه ll med 12

[بشائر الفرح =)]

المشاركة الأصلية كتبت بواسطة sara g معليش دكتورة بشاير الان راح يقسمونا قروبات ولا كل الدفعة بكلاس واحد ؟ لاني انا سألت وحده اتخرجت العام الماضي وقالتي لا مو كلنا بكلاس وااحد نتقسم قروبات واستغربت لاني قرأت من المنتدى انكم كلكم بكلاس واحد حابة اسألك الابكوت نحط شعار الكلية ؟ ومن فين نجيبه؟

هلا وسهلا

كل الدفعه بكلاس واحد وقت المحاضرات ..
ووقت المعامل يقسموكم لقروبات :)

ايوا تقدري تحطي شعار الكليه على اللاب كوت يجي حلو .. ممكن تطلبي من المحل نفسه يحط لك شعار الكليه وغالباً يكون معروف لدى محلات المستلزمات الطبيه المذكوره سابقاً :)

أتمنى لك التوفيق من كل قلبي :)

[bodour khalid]

السلااام عليكم ...
حابة اسال بخصوص ( السكرب ) << شكلي حانضرب ..
بس كنت باسال على اللون ....
الي فهمتو انو الدفعة تفتح موضوع وكل واحد يقول اللون الي يناسبو وعلى حسب التصويت
طب ميين صاحب القرار بخصوص اللون ..؟؟؟!!!
واذا كان اللون يعتمد على التصويت فقط ...
فكيف حتعرف كلل الدفعة نتيجة التصويت دي ؟؟؟!!!
انا نفسي اسويه من دحين لانو ارخص بس خايفة من اللون ..
لو فجأة نطت على الدفعة وما يبو الازرق الفاتح او الملكي انا كدا حاتورط ....
التمنى انكم تفييدوني ... وشكرا =))))

[بشائر الفرح =)]

المشاركة الأصلية كتبت بواسطة bodour khalid السلااام عليكم ... حابة اسال بخصوص ( السكرب ) << شكلي حانضرب .. بس كنت باسال على اللون .... الي فهمتو انو الدفعة تفتح موضوع وكل واحد يقول اللون الي يناسبو وعلى حسب التصويت طب ميين صاحب القرار بخصوص اللون ..؟؟؟!!! واذا كان اللون يعتمد على التصويت فقط ... فكيف حتعرف كلل الدفعة نتيجة التصويت دي ؟؟؟!!! انا نفسي اسويه من دحين لانو ارخص بس خايفة من اللون .. لو فجأة نطت على الدفعة وما يبو الازرق الفاتح او الملكي انا كدا حاتورط .... التمنى انكم تفييدوني ... وشكرا =))))

أهلاً دكتوره
حياكِ الله :)

ممكن تتفقوا على لون محدد للسكرب وممكن لا > مدري إذا بتصوتوا على لون بس الأفضل إنكم م تستعجلوا لسا قدامكم وقت لبداية السنه
وف الأغلب ما حتخرجوا عن اللون الأزرق ودرجاته لإنه الأنسب لقسم الطب البشري مقابل باقي الكليات
فإنتي شوفي اللي يناسبك وسويه ولا تشيلي هم الموضوع ترا أبسط مما تتخيلي :)

ب التوفيق ي رب

[Dr. Abdul]

فسه شباب وبنات كاتبين مواضيع عن دورة الاسعافات الاولية

وقالوا انها مهمة حيث تمثل 50 درجة من مادة طب الطوارئ

سؤالي

متى راح ندرس طب الطوارئ.
وهل اقدر اخذ الدورة دي في رمضان

[بشائر الفرح =)]

المشاركة الأصلية كتبت بواسطة Dr. Abdul فسه شباب وبنات كاتبين مواضيع عن دورة الاسعافات الاولية وقالوا انها مهمة حيث تمثل 50 درجة من مادة طب الطوارئ سؤالي متى راح ندرس طب الطوارئ. وهل اقدر اخذ الدورة دي في رمضان

أهلاً دكتور

حياكم الله

مادة " أساسيات الطوارىء " حتدرسوها إن شاء الله الترم الثاني
آخر ماده تدرسوها ف آخر اسبوع بالسنه .. وعليها ساعه بالجدول ,

إنت روح المستشفى الجامعي - الدور السادس => حتلاقي مكتب التسجيل للـ cpr
تقدر تسألهم ويفيدوك إذا كانت الدوره ستقدم ف شهر رمضان أولا لإن م عندي علم صراحه
فإذا كان في دوره ف هذه الفتره إيوا تقدر تأخذها ب الراحه

مدة الدوره > يوم واحد فقط من 9 الصباح إلى 3 الظهر تقريباً
مدة الشهاده اللي تأخذها من الدوره > سنتين - تكون صالحه لسنتين يعني -
وهم ف الكليه يعطوك على هذه الشهاده نص الدرجة لمادة الطوارىء :)

إن شاء الله أكون أفدتك
وبالتوفيق يارب

[Dr. Abdul]

^^^^
شكرا دكتورة. ...

جزاكي الله خير

[ابتسمي]

يسعدك بشاير

معليش أنا دوبني أشوف الموضوع اي استفسار أنا جاهزة ^^

med 11

[بشائر الفرح =)]

المشاركة الأصلية كتبت بواسطة ابتسمي يسعدك بشاير معليش أنا دوبني أشوف الموضوع اي استفسار أنا جاهزة ^^ med 11

ويسسسسسعدكِ ي رب ويخليك :)
هلا والله بك وبإنضمامك منوررره
م تقصري يعطيك العافيه

:)

[عاشقة التحدي]

بالنسبة للدورة اللي يسأل عنها الأخو حقت مادة الطوارئ كيف يعني عليها نص الدجة حقت المادة؟!!
وبالنسبة للسكرب مطلوب مننا في سنة ثانية ولا بعدين؟؟؟
ولونو بتقولو انو الرسمي من الكلية الازرق الملكي طيب لو اتفقت الدفعة على لون لازم اشتريه؟؟!مع انو استحالة الكل يتفق على لون موحد

[بشائر الفرح =)]

المشاركة الأصلية كتبت بواسطة عاشقة التحدي بالنسبة للدورة اللي يسأل عنها الأخو حقت مادة الطوارئ كيف يعني عليها نص الدجة حقت المادة؟!! وبالنسبة للسكرب مطلوب مننا في سنة ثانية ولا بعدين؟؟؟ ولونو بتقولو انو الرسمي من الكلية الازرق الملكي طيب لو اتفقت الدفعة على لون لازم اشتريه؟؟!مع انو استحالة الكل يتفق على لون موحد

أهلاً وسهلاً ومرحباً :)

مادة أساسيات الطوارىء عليها 100 درجه زي كل المواد
50 منها حيكون على شهادة الـcpr و الـ 50 الثانيه على اللي حتدرسوه من محاضرات أوإختبارات

والسكرب ي دكتوره مطلوب منك طالما إنك ف كليه صحيه يعتبر الزي الرسمي لكم عشان كذا ضروري تلبسيه وقت دراستك بالكليه

وبالنسبه للون فالافضل لك عشان ما تشغلي نفسك بالموضوع أكثر من كذا الأزرق الملكي ولو حصل وإتفقت دفعتكم على لون معين فما عندك أي مششششكله عادي جداً جداً م راح يسير أي شي عادي م أحد راح يحاسبك خذي راحتك وأنا أختك

الله يسعدككم ويوفقكم med 12