✿]:[تجمـع طـآلبـآت الإنتســآب [ مـــوآد - جـــدآول - حذف واضافة - استفسـآرات]:[✿

[مروره]

المشاركة الأصلية كتبت بواسطة Danno بنات الحين اكيد الدكاترة والاساتذه بيعطون الانتساب وتعليم عن بعد وانتظام؟ اول مره تصير كذا وكل الشعب مقفله وش ذا الحالة :(

أظنه تخريف أودسي لا أكثر

بالنسبة للشعب ..بالنسبة لي بلاحظها تقفل وتفتح ..
عموما ..لو مارضيت تنضاف

راسلي مس جميلة تضيف لك ..

external2010@gmail.com

موفقة بإذن الله ..

[خرفشلي]

بنات الله يسعدكم محتاجتكم مره

أبغاكم تنصحوني في جدولي

انا موادي كالتالي
مقدمة في اللغويات مع ليلى هاشم
مناهج بحث والمسرحية مع ابتسام فكهاني
وادب القصة

وحابة أضيف مادة كمان ومحتارة أضيف ايش قولولي اسههل مادة وخفيفة من بين هذي المواد

اللغويات التطبيقية _ علم الدلالة
_ النقد الادبي _ اللغويات الاجتماعية _ حلقة بحث في اللغويات
_ شكسبير _ الادب الحديث

الله يسعدكم جاوبوني على المواد والاستاذات

ساعدوني

وشكرا لكم

[white rose]

بنات وحدة من صحباتي سالت مس جميلة الربوع عن الشعب المقفلة قالت لهم انها مقفلة عشان الخريجات تنضاف لهم اولا بعدين راح تنفتح الشعب لكم فاصبرو كم يوم وراح تنفتح لكم على خير

المشاركة الأصلية كتبت بواسطة خرفشلي بنات الله يسعدكم محتاجتكم مره أبغاكم تنصحوني في جدولي انا موادي كالتالي مقدمة في اللغويات مع ليلى هاشم مناهج بحث والمسرحية مع ابتسام فكهاني وادب القصة وحابة أضيف مادة كمان ومحتارة أضيف ايش قولولي اسههل مادة وخفيفة من بين هذي المواد اللغويات التطبيقية _ علم الدلالة _ النقد الادبي _ اللغويات الاجتماعية _ حلقة بحث في اللغويات _ شكسبير _ الادب الحديث الله يسعدكم جاوبوني على المواد والاستاذات ساعدوني وشكرا لكم

حياك عزيزتي

موادك طيبة بس كثيرة انصحك تنزلين

مناهج بحث المس جديدة وما نعرف اسلوبها لذلك يفضل تنزلي بس مادة عندها وفكشن فرصة دامه مع دكتور بس شدي حيلك زين فيه ونقد والمقدمة في اللغويات

اذا حابة تزيدين زيدي مادة عامة او شعر لكن للامانة جدولك كذا دسم

المناهج فيها بربوزل بحث يعني مقدمة بحث تسويه على اي قصة او نوفل تعجبك والفكشن 3 روايات والنقد يعتبر دسم لكن فرصة لا تعوض مع مس نجوى

والمقدمة تحتاج منك وقت وجهد ويمكن تحتاجي شهر او 3 اسابيع بس عشان تغطي اللغويات لوحدها في المذاكرة

استخيري وربي ييسر لك كل خير :-)

[خرفشلي]

تسلمين حبيبتي على ردك

بس انا ماعندي نقد قصدك أضيفها؟

والأستاذة أدا كانت سيئة كيف أغيرها؟

وبالنسبة للشعر والموإد الحرة سبق واخدتها

عندي بس هدي المواد ومحتارة ايش أضيف فيهم

[white rose]

المشاركة الأصلية كتبت بواسطة خرفشلي تسلمين حبيبتي على ردك بس انا ماعندي نقد قصدك أضيفها؟ والأستاذة أدا كانت سيئة كيف أغيرها؟ وبالنسبة للشعر والموإد الحرة سبق واخدتها عندي بس هدي المواد ومحتارة ايش أضيف فيهم

الله يسلمك

والنقد ضيفيها لان الكورس مع مس نجوى وهيا رائعة الله يسعدها

اذا كانت سيئة تحذفي المادة من جدولك الاساسي قبل لا تنتهي فترة الحذف والاضافة

المواد الادبية تعتبر دسمة لان كمية القراءة للنصوص تكون كثيرة انتي حابة تنزلي خمسة نزليهم واحضري الدورات واذا شفتي انها كثيرة عليك اكتفي باربعة :

مناهج بحث + فكشن + نقد + مقدمة في اللغويات + سيمانتك او سوسيو

السيمانتك والسوسيو يعتبرو دسمين لكن اخف من الابلايد بكثير

شكسبير سهل ورائع هالسنة كان اخف منهج لهالمادة لكن متطلب له المسرحية والمسرحية نازلة مع مس ابتسام وما نعرف كيف اسلوبها فاكتفي معاها بس بمناهج بحث

السيمنار [ حلقة بحث في اللغويات ] فيها بحث + منهج سوسيو وانتي لسه ما خلصتي السوسيو وما راح تضيفها مس جميلة الين تخلصي اغلب اللغويات ..

الادب الحديث مع مس سوزان لها منهج خاص والمادة دسمة الافضل تخليها بترم التخرج ..

أعطيتك نبذة عن كل مادة عشان تتخذي رايك عن اقتناع وتقدري تضيفي 6 مواد مثلا بجدولك وتحضري الدورات والمادة اللي ما تعجبك تحذفيها من جدولك الاساسي بالاودس وراح يستمر الحذف الين يوم 23-5 هجري فانتبهي انك تحذفي قبلها ..

الله يوفقك :-)

[خرفشلي]

الله يسعدك ياقلبي دنيا واخره ويفرج همك ياااااارب

[SARO0O]

مرحبا

كيفكم بنات

وكالعادة تجمعنا الجداول وحوستها

بحط جدولي ان شاء الله انو خلاص مثبته عليه لانو ماعندي خيارات كثيرة بس ابغى اعرف ايش اصعب مادة وايش اللي ابدأ فيه اول في المذاكرة يعني نصايحكم محتاجتها

عندي فونو وابلايد وسوسيو ومودرن وشكسبير

سرو ...

[بانسيه]

مرحبا بنات كيفكم ؛؛ الله يعطيكم العافيه على ماقدمتوه ؛؛ ابغى ايميل استاذه ايمان بوترعه ؟؟ احد يعرفه ؟

[مروره]

سرّو ..كنت أتمنى أفيدك لكن المواد متقدّمة ومالي خبرة فيها

موفقة يااارب
...........................................

المشاركة الأصلية كتبت بواسطة بانسيه مرحبا بنات كيفكم ؛؛ الله يعطيكم العافيه على ماقدمتوه ؛؛ ابغى ايميل استاذه ايمان بوترعه ؟؟ احد يعرفه ؟

أهلين بانسيه ..

هذا إيميلها
eman.bouteraa@yahoo.co.uk

[white rose]

مروره + صموتة + روح

الله يجزاكم الجنة على تعاونكم

خرفشلي

واياك عزيزتي الله يسعدك :-)

المشاركة الأصلية كتبت بواسطة saro0o مرحبا كيفكم بنات وكالعادة تجمعنا الجداول وحوستها بحط جدولي ان شاء الله انو خلاص مثبته عليه لانو ماعندي خيارات كثيرة بس ابغى اعرف ايش اصعب مادة وايش اللي ابدأ فيه اول في المذاكرة يعني نصايحكم محتاجتها عندي فونو وابلايد وسوسيو ومودرن وشكسبير سرو ...

هلا سرو

بخير الله يسعدك

جدولك دسم يا بنتي عندك الابلايد ادسم مادة بتخصصنا لغوية مليانة تعدادات ومقارنات وفي المقابل المودرن ادسم مادة ادبية يعني اختاري وحدة فيهم افضل لك وهالترم ينصح اكثر بالابلايد

البقية شكسيبر رائعة المنهج سهل حجما والمسرحيات قصيرة شدي حيلك فيها

الفونو 3 شبترات خفيفة المادة بس يبغالها تركيز طيب وفهم وحفظ وركزي على شرايح مس ليلى هاشم وهيا نفس شرايح مس منى صابر تلاقيها بالملخصات

السوسيو تعتبر بنظري 3 مادة لغوية من ناحية الدسامة بعد الابلايد والسمانتك وتحتاج منك وقت وجهد وتركيز يمكن اقل حبتين من الابلايد بس ما تقل عنها من ناحية الشغل والحفظ

وربي يوفقك :-)