اخواتي الطالبات :هنا توضع استفساراتكم ---طالبات فقط

[.. بيســـان ..]

المشاركة الأصلية كتبت بواسطة om yousef يا بنااات من فين نشتري الكتب؟ من مكتبة الإصلاح ؟ وللى كيف؟ عشان ممكن أروح هذه اليومين إن شاء الله فأبغى أتأكد فين أروح بالضبط خصوصا مع التغييرات إللي حصلت!!

الجامعة متعاقدة مع جرير و مكتبة الإصلاح و تهامة
لا تروحي العبيكان مرة غالية كتبهم
و لمن رحت جرير .. ما شاء الله و على غير العادة
حتلقي الروايات المقررة مجمعينها في مكان لحالها
بحيث ما تروحي لقسم الروايات و تدوري عليها و تحوسي..
بس اطلبيها من الموظف الأجنبي .. حاطين مقررات الجامعة لحالها

[nour al3mr]

المشاركة الأصلية كتبت بواسطة jean chan السلام عليكم .. كيفكم بنآت .. ابغى استفسر عن القبول المشروط )= وربي دوخوني دوخه .. دحين لازم اتخصص ولا كيف = =" ؟؟ ولو اتخصصت ايش اسوي بمواد التخصص ؟ انا ابغى اركز ع الرايتينق والريدينق .. وابغى انزل مادتين سهله بس مني عارفه ايش المواد الحره او العامه اساسا .. = =" ..ياريت احد يساعدني لأني حايسه من جد ..

~.. وعليكم الســـلام ورحمـة الله و بركـــــــاته ..~
حيــاك الله ياقمــــــــر..
المواد الحرة .. بمعنى تقدري تنزلي أي مواد من أي قسم آخر غير اللغات ..
وتدرسيها وتضمني فيها الدرجه الكامله إن شاء الله ..
المـواد العــامة .. عندك العربي 1 و 2.. وكمان الثقافة الاسلاميــــة بجميع اجزاءها ..
والادارة العــامة .. هذي مواد عـــامة..
وبـإذن لله اذا اتخصصتي ,,
راح تكملي تدرسي باقي مواد الخطــــــة..
يعني لو غلقتي ريدنق و رايتنق 1 .. راح تدرسي بعد كذه الجزء الثاني من المواد ريدنق و رايتنج 2
وتنزل لك باقي مواد الخطه من استماع وتحدث و فرنسي ..

نزلـــي ثقافه ونزلي ماده حرة سهله جنب مادتين الانقلش ..
وبإذن لله تتوفقي بأعلى الدرجــــــــات..
وأي استفسار تحت أمـــرك ..^^

[desperate girl]

بنات الله يسعدكم أنا مستوى خامس وعندي مبادئ لغويات ومبادئ ترجمه ومبادئ بحث كيف أعرف إش الكتب وكيف شكلها ومن وين أجيبها الله يوفقكم ردو علي.

[ام حمدان]

المشاركة الأصلية كتبت بواسطة desperate girl بنات الله يسعدكم أنا مستوى خامس وعندي مبادئ لغويات ومبادئ ترجمه ومبادئ بحث كيف أعرف إش الكتب وكيف شكلها ومن وين أجيبها الله يوفقكم ردو علي.

ياحبيبتي تعرفيها من المفردات الي موجوده فالمرفقات فردي
وتروحي للمكتبات الي تبيعها زي جرير او تهامه او الاصلاح وتشتريها منهم
موفقه ياعزيزتي

[pop corn]

بنات لو سمحتوا كيف أعرف اش الكتب المقررة عشان أشتريها؟؟؟

[marayf10]

رغووده مو مشكله عزيزتي . توقعت أنك مآتقدري تردي علي خآص .. أنآ أطلعت على الخطه من موقع الجآمعه.

ومشكووووره ع إفآدتي .. ربي ييسرلك

[Om Yousef]

يا بنات الله يرضى عليكم أنا عندي سؤال,,,,دحين فيه بعض كتب لغويات حندرس فيها بس 4 شباتر والكتب ديه غالية لمن دورت عليها في النت زي الفونتكس والفونولوجي....فهل ممكن أصور هذه ال 4 شباتر من المكتبة أحسن من إني أشتري الكتاب بكبره وفي الأخير بس أربعة شباتر والكتاب يكون غالي
عشان كنت أبغى أشتريها من الأمازون للكندل حقي بس الكندل حقي تارسهه في الروايات المهببة والمسرحيات والله المستعان

وسؤاااال....بالنسبة لرواية ( توم سوير) ...أنا لاحظت في موقع الأمازون بأنه له أجزاء كثيرة ومش عارفة إحنا إيش إللي حندرسه بالضبط لأنه توم سوير له كتب كثيرة عن مغامراته في أماكن كثير والكلام داه!!!
في المنهج مو واضح إيش المطلوب!!!!!!!!!
حسبي الله ونعم الوكيل بس.....

[rafeeef]

ابغى اسال سوال مهممممممممممممممممم ومحيرني هوا في رمز ماده لانقليش كدا
elis 101
وهل هوا نفسو elca 101
والا يختلف بليييييييييز ضروري

[my-nana]

إذا قصدك مواد التخصص فرمزها هوا lane

وإذا قصدك مواد التحضيري فهي جديده ولااعرف عنها شي بس السنه اللي فاتت واللي قبلها كان ELCA 101 و ELCA 102

[pop corn]

بنات الله يعطيكم العافية ... دحين لما أشوف قائمة الشعب اخنار سنة 2010 ولا 2011؟؟؟