كل ماتريد معرفته عن قسم كلية الاقتصاد المنزلي (تغذية) سؤال ،، وجواب مع cinnabon

[كيان انسانه]

حبيبتي سارة انتي ايش كنتي في الثانوية ادبي ولاعلمي..

[ساره ^^]

كنت علمي ودخلوني اداري في الجامعه
عشان مافي مكان يعني << ما ادري اش اقول بس

[كيان انسانه]

حسبي الله ونعم الوكيل حسبي الله ونعم الوكيل حسبي الله ونعم الوكيل

[ساكنه في بيتنا]

حاولي تروحي للعماده و تسأليهم اذا ممكن تحولي لمسار علمي ..
لا تيأسي .. ولا تزعلي لو ما انقبلتي ربنا يكتبلك الخير في كل خطوه يارب ..

[زينه العبدالله]

لو سمحتي ..ممكن أعرف اش هوا التصميم الداخلي؟؟هو نفسه تصميم ديكور؟؟وهل القسم دا موجود في كلية حي الرحاب ولا بس في فرع السليمانيه..؟ وشكرا

[ساره ^^]

الكلية الي في حي الرحاب فني
بس التصميم الداخلي الي هوا نفسو الديكور
في الجامعة نفسها يعني السليمانية

[زينه العبدالله]

شكرا حبيبتي ..
اخ يالقهر كان نفسي تصميم مره مويلي..بس أنا ما أبغى فرع السلمانيه انا كنت هناك بعدين حولت فرع البنات ..
طيب اش هوا الفني الي قلتي عليه ؟؟فني تغذيه؟؟ وهل ممكن الكليه الي حي الرحاب ينقلوها في فرع الفيصيله ويكون في ديكور؟؟وكم ماده في التغذيه ؟؟صعبه ولا لأ؟؟ >>معليش أسئلتي كثير..

[battota]

مرحبا ...كنت ابغه اعرف التصميم الداخلي هوا نفس هندسه ديكور (أهم شي فيه كلمه هندسه يعني ولا فني ...؟)

وكمان بدي اسئل التصميم الداخلي والتغذيه ما يدخلوه الا بس العلمي طيب الا تجيب معدل عالي ؟؟؟؟يدخلوها ؟؟؟؟؟

[7ala Z]

المشاركة الأصلية كتبت بواسطة cinnabon لا بس العلمي لانو بندرس كيميا واحياء

كيف كدا!! أما الجامعه دي...

في اتنين من صحباتي أدبي وداخلين تغذيه معايا!!

اصلا الجامعه كل يوم كلام مختلف-وكل احد يقول شي غير التاني!!

[عزة نفسي_تكفيني]

المشاركة الأصلية كتبت بواسطة ندو222 شكرا حبيبتي .. اخ يالقهر كان نفسي تصميم مره مويلي..بس أنا ما أبغى فرع السلمانيه انا كنت هناك بعدين حولت فرع البنات .. طيب اش هوا الفني الي قلتي عليه ؟؟فني تغذيه؟؟ وهل ممكن الكليه الي حي الرحاب ينقلوها في فرع الفيصيله ويكون في ديكور؟؟وكم ماده في التغذيه ؟؟صعبه ولا لأ؟؟ >>معليش أسئلتي كثير..

الكليه اللي بالرحاب حينقلوها للفيصليه بعد مايخلصوا مبناها

وحتكون كلية التصااميم والفنون وأقسامها ( فنون - تصميم أزياء - تصميم داخلي - تصميم جرافيك )

أما التغذيه حتكون في كليه مستقله عنها وهي كلية العلوم الطبيه قسم تغذيه صحيه

لكن متى هالكلام حيطبق الله أعلم

بالتوفيق