في موضوع درع الجزيرة وتعرية الطابور الخامس

[arkan minsseyh]

المشاركة الأصلية كتبت بواسطة خالد9921 شخصنة الحوار ما تدل على اخلاقك وتعاملك العقلاني ! للاسف الشديد ما اخطيتك ولكنك اخطيتيني .. مقبوله منك ! وانا قلت ما غلطت ؟ الله يرضالي عليك افهمي مغزى ردي كويس منصف اكثر مما تتصوري ونبغى نحبب الناس فينا وبمذهبنا مش نكرههم فيه ! عجبي هل تتوقعي احد من الكافرين يسلم واحنا ما نصبر عليهم او على هجومهم ؟ لقد كان لكم في رسول الله اسوه حسنه .. شوفي بس قصته بالطايف وارجعي ناقشيني لما تفهمي مغزى كلامي وتفكيري !

ومين قلك ان احنا قاعدين ندعيها لمذهبنا ؟
الموضوع المطروح سياسي بحت ماله علاقه بتدعيني لدينك
او ادعيك لديني حتى تذكرني بأني اكون لينه وهينه ؟
ولاتشوف الموضوع من زاويه وحده ومن مواقف انت تعرضت لها
قمت تعمم علينا وتهاجم الكل وتقول لاتعتبروه هجوم وكلامك
مثل كلام اللي يدس السم بالعسل .. مع احترامي
احنا مانعادي هذي العضوه عشانها شيعيه
لكن واضح جداً توجهاتها السياسيه وعدم ولائها للوطن اللي لمها
رغم تناقض كلامها
فهي مره تقول إن من الظلم ارسال قوات درع الجزيره للبحرين
وإنه إحنا شعب يحب الذل لاننا ماخرجنا على حاكمنا وتظاهرنا مثل الباقيين
وش رأيك بكلامها ذا
راجع ردودها قبل لاتسدي نصائحك للغير
ولاتفكر ان اختلافنا معها بسبب مذهبها
اختلافنا معها بسبب توجهاتها السياسيه
الواضحه وضوح الشمس
في ردودها

[arkan minsseyh]

المشاركة الأصلية كتبت بواسطة اِِشـــــراقة فجـــر ايوه على حكاية انو الشيوخ مالهم داعي ليه قال الله تعالى {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} [النحل: 43 الا اذا كان ديني دين الهوى قال تعالى :(أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْم)

لاهي تقصد شيوخهم ان هم مالهم داعي ولا تاخذ بكلامهم فهمتي !!
يحق لها والله

[نص دافوره]

انا للتو اعرف ان الاخت بيو شيعيه
انا لم اقرا كامل الموضوع والا كان قلت رايي في الموضوع

يا اخت بيو هي كلمه بس حبيت اقولها لك ولغيرك ولنفسي حتى
يا اخت بيو احنا هنا بهالدنيا نريد الحق ولا غير الحق
وما اظن ان فينا اي شخص باذن الله حيكون عارف انه على خطا ويظل يكاابر ويعاند
لان الكبر والعناد ليست الا من صفات الشيطان
ونحسبك والله حسيبك ونستوسم فيك خيرا وان كان في كلام بعض منا القسوه والغلظه والتي لا أؤيدها
من عرف منا أنه مخطا في عقيدته خلل ما او شك فليراجع نفسه ويبحث هنا وهناك
ويقرا حتى يتبين لنا ولك الحق ان شاءالله
واحنا كلنا اخرتها تحت التراب والله يثبتنا واياك ويدلنا على الحق ويرينا الحق حقا ويرزقنا اتباعه
ويرينا الباطل باطلا وارزقنا اجتنابه

تحياتي للجميع وهدانا الله واياك والمسلمين اجمعين للحق
امييييين

[P!nk ink]

.
.
.

بصراحة انا اعجب ان الموضوع ما انقفل !!!
من الصباح واحنا نبربر ماشاء الله علينا
اخاف اعطيكم عين مثل اليابان

اتمني اقوم بكرة والقاه >> عشم ابليس في الجنة

الموهيم ..
انطفي عدادي .. تصبحون على الف خير جميعا
واولكم المكرمة [ بيوكيميائية ] نوم العوافي يارب وان شاء الله
تشوفين احلام بنكية

[كفو وجاد]

المشاركة الأصلية كتبت بواسطة p!nk ink . . . بصراحة انا اعجب ان الموضوع ما انقفل !!! من الصباح واحنا نبربر ماشاء الله علينا اخاف اعطيكم عين مثل اليابان اتمني اقوم بكرة والقاه >> عشم ابليس في الجنة الموهيم .. انطفي عدادي .. تصبحون على الف خير جميعا واولكم المكرمة [ بيوكيميائية ] نوم العوافي يارب وان شاء الله تشوفين احلام بنكية

راح ينقفل الليلة باذن واحد احد كافية مالكم عليها سلطان ؟؟
يعني تصير سنية بالغصب عجيب لامركم !!

[P!nk ink]

المشاركة الأصلية كتبت بواسطة كفو وجاد راح ينقفل الليلة باذن واحد احد كافية مالكم عليها سلطان ؟؟ يعني تصير سنية بالغصب عجيب لامركم !!

ليه شايفنا رابطين حبل في حلقها ونجرها وإلا تسنن

[دانة الحور]

المشاركة الأصلية كتبت بواسطة خالد9921 بسم الله الرحمن الرحيم قبل كل شي احب انوّه ان كلامي راح يكون بعيد عن اي مذهبية او شيوخ انا طالب بالجامعه ... وبمنتدى الجامعه .. ما يهمني بهذا المكان والمقال غير اللي ذكرته بالنسبة للاخت بيو كيميائيه اول شي ماله داعي البعض يشن عليها حمله عنيفة بهالشكل وكأنها خصم لدود .. هاذي اختنا بالجامعه ,, وزميله لنا ,, وتشاركنا بمقولة لا اله الا الله ... وان خالطها افعال اخرى ! ادري ان البعض راح يستدل بإنه كان يرد على كلامها .. وإنه رده منطقي شرعيا .. الخ لكن انا ما اخوض بهالشي ولا انكره اذا كان الشخص على حق لذلك لا احد ياخذ ردي بشكل هجومي ويحسب اني جاي ادافع عن الاخت او معتقداتها بقدر ماني جاي انبّه على شغلات مهمه لاحظتها من فتره للاسف اعترف اكثر واقول ان اكثر من عضو جاني وقالي ترى بيو كيميائيه شيعيه انتبه !! وان اختنا هاذي فيه بنات كثير ما يبون يختلطون فيها او يتهربوا منها بالجامعه .. الخ وهذا بصراحه بصراحه فعل غير انساني للغاية وفعل اي واحد منا ما يقدر يتحمله .. ! وفعل بشع للغايه ماحد فينا يتمناه على نفسه .. ف كيف ترضاه عالآخريين وللاسف زميله لنا بنفس الجامعه مش من كوكب آخر ,, !! انا ودي اسأل شي واحد فقط ؟ هل انت ترضى الناس تعاملك مثل مافي طلاب وطالبات هنا يعاملون الاخت بيو كيميائيه بطريقه عنيفه جدا ؟ هل ترضى الناس تهرب منك وتتنفر منك وكأنك شاروون ولا إسحاق رابين ؟ بأي ذنب الاخت المسكينه هاذي تتعرض لكل هالحمله والتصرفات العنيفه ؟ بذنب انها شيعيه ؟ ياخي على راحتها حسابنا كلنا عند ربنا الله ادرى عنها وعن دينها ,, ! ثم ان الله ذكر بمعنى الآيه الكريمه ( ادعو الى ربك بالموعظه الحسنى وجادلهم بالتي احسن ) ما قال ادعو للتنفير وكراهيتها والبعد عنها والذم فيها وكأنها مجرمه ومصفيه دماء المسلمين ,, !! للاسف الشديد العنف هذا هو اللي يولّد الكراهيه بين المسلمين والطوائف وهو اللي يخلي البعض ينفر من السنّه ولا يمكن يصير سنّي ابداااا ابداااا بتقولي فيه شيعه يعاملونا بعنف فـ نحن نصير زيهم .. بقولك اوكي ليش احنا ما نصير احسن منهم ؟ مو احنا نقول طائفتنا وديينا هي الاحسن والاصح ؟ طيب ادعو الغير بحكمه وموعظه حسنه ,, ! الرسول عليه الصلاة والسلام حتى مع اليهود اشد الناس كفرا وعداوة للإسلام كان يعاهدهم ويتفق معهم ولا يجرحهم بأي كلمه حتى انه صبر على اذاهم ولا رد الفعل بالفعل .. لغاية بلغ السيل الزبى و آن للمعركة ان تقوم رفعا لراية الحق وليس راية شخص !! ثم ان اللي ماشاءالله عنده غير عظيمه عالدين وعلى مذهبه هاذي هي قنصلية امريكا بجده شارع فلسطين حي الحمراء عاد الامريكان احسن ناس ذبحو المسلمين ذبح بكل مكان بالعشر سنوات الاخيرة يلا وينكم ما تروحو القنصلية وتهاجموهم مو هاذولي اشد اعداء الاسلام علانيه وجهارا وبلا إستحياء ؟! غير كذا البعض الآن مفتخر بموضوع درع الجزيرة وهالافتخار يدل على حس وطني طبعا طيب ملكنا عبدالله ربنا يرعاه نسيتو انه راعي حوار الاديان والتقارب بينهم ؟ مو بس حوار الطوائف اللي كلها مسلمه .. الا حوار الاديان !!!! ونسيتوا انه قبل اسبوع استقبل شيوخ من القطيف واحلى جلسة ود وتفاهم والامور ميه الميه ! العنف دايما ما ينفع ونتيجته سيئه فمافي احسن من اننا نعامل الآخريين بهدوء واحترام ونحترم رغباتهم لانها شي راجع لهم بالاخير ,,, وعجبي على ناس تفتخر بالوطنيه وتهاجم بعنف في حين ان ملكهم ضد هذا العنف ,, ! مشكلتنا للاسف اننا صرنا نسخر كل قوانا وعقليتنا لحرب المذهبيات وللاسف ان فيه لغه معينه من التفاهم تفقدنا الغير وتفقدنا هدايتهم للصواب اللي نشوفه ,, اما زميلتنا هاذي فـ صدقوني الحمله هاذي اللي عليها غير إنسانيه للغايه وما راح تولّد بذهنها الا ان السنّه ناس عنيفين ولا عندهم تفاهم ولا احترام للآخر وبالتالي نكون بـ كذا شوهنا ديننا دين التسامح وتليين القلوب وتأليف القلوب لإعتناقه .. غير كذا انا شخصيا كنت اعرف طالب العام الماضي بالجامعه شيعي للاسف الكل كان يتهرب منه ويتكلمون من ورا ظهره بالهمز واللمز قررت اني احتك فيه واشوف اخلاقه وتعامله ... لقيت انه انسان طبيعي حاله حال نفسه لا يتكلم على احد ولا يغلط على احد بالعكس شخص طيّب ويتعاشر ولا يجي منه الا الخير ابن حلال وربنا يشهد ,,, فالتعامل الطيّب هو الاساس بنجاح العلاقات الانسانيه وحتى التأثير عالآخريين بأفكارك اما العنف هذا صدقوني ما يولّد الا غيض فوق غيض وتشويه لمذهبنا قبل ما يكون تشويه للغير .. اما الاخت بيوكيميائيه فأقولها لا بأس عليك وللامانه هاذي العضوه من خيرة الناس اللي شفتها تساعد الاعضاء بقسم كلية العلوم .. الخ لا بأس عليك وفينا العقلاء اللي قادر يتفاهم معك بلين وحكمه ان كان حبيتي تناقشي باللين والحكمه احنا حاضرين ونتشرف وان ما حبيتي نحترم معتقدك وامرنا كلنا إلى الله هو اعلم الخالقين ولا احد يأخذ ردي انه تهجم عليه .. بقدر ما حبيت اوضح نقاط مفروض ما تغيب عننا خاصة اننا طلاب جامعه وحده وكل واحد فينا ما يرضى يتعامل بهالطريقة السيئة اللي يتعامل البعض فيها مع الاخت بيوكيميائية وفقنا الله لما يحب ويرضى ...

كلام الأخ خالد أثر فيني كثير~ وبالفعل أنا ماشفت من الأخت بيو كيمائية إلا انو تساعد البنات
في قسم كلية العلوم~ الله يجزاها خير~
بيو كيمائية الله يهديك~ ويهدينا أجمعين كلنا~ وسامحيني إذا أنو زل لساني كذا أو كذا
الجميع فعلاُ شن هجوم عليها في شيء مالها ذنب فيه~
ذنب اقترفوه مشائخهم~
هي ماجات من كوكب آخر~

لكن اسحبي كلمتك أنو احنا عبيد الذل لانك كذا تغلطين~
احنا عبيد الله ~
حاكمنا وولي أمرنا أبو متعب الله يحفظه~وغير كذا

مرحبا فيكِ زميلة لي في الجامعة ~ وإذا حبيتي صديقة~
انا عندي وحده في المسن أكتشفت أنها شيعية مؤخراً لكن والله ماشفت منها إلا كل خير
هي زميلة بالجامعة من التعليم عن بعد
حاولوا توضحون لها بأسلوب مو هجومي~

[صوت الفجر]

المشاركة الأصلية كتبت بواسطة كفو وجاد راح ينقفل الليلة باذن واحد احد كافية مالكم عليها سلطان ؟؟ يعني تصير سنية بالغصب عجيب لامركم !!

يعني ما اتقفـــــل من البدايه فـ ما اعتقد الحين يتقفل ما غلطنا بحق احد ...

مجرد نقاش لا اكثر ولا اقل

بإذن الله يستمر الموضوع ....

.
.
.

[عاشق الفهد]

الاخ خالد اشكر لك نصحك والى الاخوان ارجو ان يدور الموضوع حول التلاحم لهذا البلد بغض النظر هل هو سني ام شيعي الخائن خائن فعلا فهذه المحنة الاخير انكشف الوجه الحقيقي لم ينتمون لهذا البلد ومن ولائهم لغير هذا البلد
ارجو ان نبتعد عن الامور المذهبية ويكون الموضوع عن كيفية التصدي للخونة ومثيري الفتنة
واتمنى ان يكون النقاش حول الاوامر الملكية فيما يخص هئية كبار العلماء والدعوة والارشاد وهيئة الامر ودور تحفيظ القران ومدى الاستفادة من هذه القراات ومحوراتها بشكل فعلي لان فعلا مثل هذه القرارات هي من تنهض باسم المملكة عاليا لانها قرارات اتخذت لاعلاء كلمة الحق

[نص دافوره]

من الشااطر اللي شال البويم اللي حطيتها لا حول ولا قوة
كنت ابغى بيو تقراهااا