كل مايخص كيمياء 202

[طموحي الطب]

الاختبار مررره حلو ولكن بني ادم مو معصوم عن الخطأ بس نقول الحمدالله ع كل حال بس انا بسالكم اذا تذكرو سوال ١٨ اللي هو يبغا k نطلعها e*n\,0257 كم يساوي ???

[نونا *_*]

الحمدلله الاختبار احلى من الاول والوقت كفى :)

[سمآ]

الحمدلله الإختباار مرررررررة كان سهل

و أحسن من الأول بكتييير

[a.o.0.o.m.i]

السلام عليكم
بصراحه يااستاذة ليلى انا ماحليت الا 13 فقره
لان اكيد قالوا لك عن الطالبه اللي جات على الساعه 3 متأخر
وهي انا طبعا
مرررة كان شي مؤسف لان بجد تعبت من المذاكرة وفي النهايه ماتكتبوا رقم القاعه
انا تأكدت من المنتدى وتأكدت من رقم القاعات اللي مكتوبه على قاعه محاضرتنا
وتأكدت من الدور الثاني كله قاعه قاعه من جد تعبت وانا ادور وكل شوي اسأل احد معين
ماقدرت والله يااستاذة احل شي كل شي من التعب والزعل نسيته اجل كذا اتمنى اني اجيب درجه تمام في اللي حليته
لاني ماحليت ولا مسأله..
اسفه بس اتمنى ان تعدلوا الارقام اللي تكبتوها حتى لو كان لاخر لحظه لاني مااحب ان احد ينحط في نفس موقفي
اسفه كثرت كلام..
...وشكرا...

[رمشة عين]

الله يسعدكم يا دكتورة الأسئلة كانت مرررره حلوة والوقت مناسب تمااااما
بصراحة فررق بين الأول والثاني

...

بس عندي إقتراح مرره حلو

في إختبار الفاينال ليه ما يكون فيه 3 أسئلة مثلا أو أربعة زيادة إلي يجاوب عليها يآخذ بونص .. لأنه عن جد مررره محتاجين للبونص لو 3 درجات بس عشان نحسن درجة الإختبار الأول

[رمشة عين]

هذه حلول نهاية الشابتر ..... معليش أتأخرت عليكم لاني أنشغلت بالاجابة على أسئلة صاحبتك ....

شكرا يا دكتورة الله يسعدك دنيا وآخرة

[الحياه نايس]

والله الاختبار كان فيه شوية صعوبه
انا انقهرت من ثلاث مسائل حاطه القانون صح بس ومعوضه صح بس الناتج مايطلع صح مره انقهرت
وبالذات ارهينيوس ولا حتى رقم قريب
يلا ربي يعوضنا
بس تكفون لا تنسون البونص لكل الشعب ....الخ

[طموحي الطب]

اي والله ياليت يادكتوره تحطو لنا بونس لانو مره محتاجينو مرررررره وان شاء الله الدكتوره فاطمه توافق لانها هي اللي دايم تعارضكم بكل شي الله يهديها ياااااااارب

[سحر البيان]

المشاركة الأصلية كتبت بواسطة a.o.0.o.m.i السلام عليكم بصراحه يااستاذة ليلى انا ماحليت الا 13 فقره لان اكيد قالوا لك عن الطالبه اللي جات على الساعه 3 متأخر وهي انا طبعا مرررة كان شي مؤسف لان بجد تعبت من المذاكرة وفي النهايه ماتكتبوا رقم القاعه انا تأكدت من المنتدى وتأكدت من رقم القاعات اللي مكتوبه على قاعه محاضرتنا وتأكدت من الدور الثاني كله قاعه قاعه من جد تعبت وانا ادور وكل شوي اسأل احد معين ماقدرت والله يااستاذة احل شي كل شي من التعب والزعل نسيته اجل كذا اتمنى اني اجيب درجه تمام في اللي حليته لاني ماحليت ولا مسأله.. اسفه بس اتمنى ان تعدلوا الارقام اللي تكبتوها حتى لو كان لاخر لحظه لاني مااحب ان احد ينحط في نفس موقفي اسفه كثرت كلام.. ...وشكرا...

بالنسبة لمشكلة القاعه أنا أسفة على اللي حصل ,,,,


و الدوري الاول حطيت أوراق فيها أسماء الدكتورات و رمز الشعبه ....

و المفترض كان يكتب على القاعه ورقة أنه الاختبار انتقل الى المكان الفلاني .....

للاسف أنا ما أقدر أكون معاكم في الاختبار لانه عندي محاضره و قتكم .... و صعب أعتذر عنها ...

على العموم الله يهديك كان قريت قرأن و هديت على نفسك ....

.بيعدين الكل كان مستعد يقعد معاكي و يعطيك حقك في الوقت .....

كانت فرصة ممتازه لك يا ريتك ما فرطتي فيها ....

بالنسبة للمواقف ساعات يحصل لك مواقف مو بيدك ....

مثل طالبه الترم الماضي جات متأخره لانه كان هنا حادث في الطريق ....

واحده من طالباتي أتصلت عليا يوم اختبار الاحصاء (( لاحظي مو كيمياء ) الساعه 6 الفجر .... تسألني تروح في المطر أو لاء .... صراحه خفت أفتي لها من رأسي ,,,, دوريت في ايميلى و في موقع الجامعه ... ما لقيت شيئ و قلت لها روحي ...


و أنا حصل لي موقف هذا الترم كان عندي محاضره علميه .... و قبل ما أدخل القاعه بعد يوم طويل ... أتصلوا عليا و عرفت أن ما في أحد راح يجيب أولادي ..... تخيلي كمية العصبية و النرفزه و القلق .... لكني يا بنتي أعطيت المحاضره .....

أنا بأضرب لك هذه الامثال عشان تعرفي أنه ممكن يحصل لك أي ظرف و في أي وقت بس أنت لازم تكوني مستعده .... لانه في أشياء ما تحتمل التأجيل ....

بالتوفيق

[سحر البيان]

المشاركة الأصلية كتبت بواسطة الحياه نايس والله الاختبار كان فيه شوية صعوبه انا انقهرت من ثلاث مسائل حاطه القانون صح بس ومعوضه صح بس الناتج مايطلع صح مره انقهرت وبالذات ارهينيوس ولا حتى رقم قريب يلا ربي يعوضنا بس تكفون لا تنسون البونص لكل الشعب ....الخ

بالنسبة لارهينوس ... ممكن ما حولتي من كيلوجول الى جول بالضرب في 1000

أو ما عرفتي تستخدمي الالة لانه أكثر من مره نبهتكم .... و قلت لكم لازم تتدربوا على الاله كويس بالذات في المسالئل اللي فيها e و anti ln

على العموم الغلطة هذه راح تعلمك أشياء ما تنسيها ...

بالتوفيق