اخواتي الطالبات :هنا توضع استفساراتكم ---طالبات فقط

[Om Yousef]

يا بنات الله يرضى عليكم إللي أخذ مادتي الدراما والفيكشن دحين كل دكتورة تختلف عن الثانية؟؟؟ لأنه بصراحة مرررررررررة صعب إننا نقرأ كل هذه الأعمال الأدبية ( 3 روايات+3مسرحيات) وقد إيش طووووووولهم!!!! وهذا ومعاهم 4 مواد لغوية كمان!!!!!! فكان سؤالي هو :
هل فيه دكتورات يخلونا نكتفي بمعرفة كل شي يخص الرواية والمسرحية من ناحية ( السمري+ تحليل الشخصيات+ إلخ إلخ..) بس نستغني عن قراءة العمل الأدبي بشكل كامل؟؟؟
يعني أنا كان بودي لو بس نقرأ وحدة رواية ووحدة مسرحية والباقي نعرف كل شيء يخصه عدا قراءة العمل كامل!! ! فهل فيه دكتورة أسلوبها كدة عشان آخذ معاها؟!

[.. بيســـان ..]

المشاركة الأصلية كتبت بواسطة Om Yousef يا بنات الله يرضى عليكم إللي أخذ مادتي الدراما والفيكشن دحين كل دكتورة تختلف عن الثانية؟؟؟ لأنه بصراحة مرررررررررة صعب إننا نقرأ كل هذه الأعمال الأدبية ( 3 روايات+3مسرحيات) وقد إيش طووووووولهم!!!! وهذا ومعاهم 4 مواد لغوية كمان!!!!!! فكان سؤالي هو : هل فيه دكتورات يخلونا نكتفي بمعرفة كل شي يخص الرواية والمسرحية من ناحية ( السمري+ تحليل الشخصيات+ إلخ إلخ..) بس نستغني عن قراءة العمل الأدبي بشكل كامل؟؟؟ يعني أنا كان بودي لو بس نقرأ وحدة رواية ووحدة مسرحية والباقي نعرف كل شيء يخصه عدا قراءة العمل كامل!! ! فهل فيه دكتورة أسلوبها كدة عشان آخذ معاها؟!

هلا يا قلبي
مع إني ما أخدت المواد زيك من قبل لكن سمعت
الأغلب دايما .. روايتين و مسرحيتين و الثالثة قراءة و يارب يقلو لعمل واحد
انك تستغني عن قراءة العمل الأدبي كله ما ينفع . لأنو في الاختبار ممكن تجبلك اقتباسات كلام
حصل بين الشخصيات .. عادة السمري ما يذكر دي الإقتباسات !

عموما لمن تحضري الدورة ان شاء الله حيبان كل شيء
لكن قبل .. خليكي مستعدة و اعرفي كيف تستغلي وقتك صح و خصوصا دحين عندنا وقت كافي
مثلا : خلي شهر واحد أقرئي فيه مسرحية وحدة و رواية وحدة
كل يوم أقرئيلك شابتر من كل عمل عند الصباح و المسا للغويات
عاد انتي اعرفي بظروفك .. انا بعطيكي فكرة بس

أهم شيء تحطي plan لمذاكرتك

و البرانشز حق اللينغويستك و الليتريتشر مافي إلا شعبة وحدة كل ترم
يعني ناريمان للمسرحية و شادن للرواية و مارح يكون في استاذات غيرهم و شعب تانية

موفقة ،،

[ام حمدان]

^
^
كيف يعني مو موجوده فالقائمه ؟ غريبه
طيب مافي وقت الحين للاودس وتخاريفه روحي بنفسك للجامعه احسن وخليهم يضيفونها لك وجربيها وقت الدوره لو حسيتي نفسك مو قادره عليها احذفيها اما لو شفتيها سهله عليكي اتوكلي على الله وخليها هي بس يبغالها مذاكره اول بأول لازم خلال الدوره عشان يثبت فمخك الشرح الي فالمحاضره وكم يوم قبل الاختبارات ممكن 3 او 4 ايام تقريبا وتحفظي فيها الي درستوه وتراجعيه وانتهينا
بالتوفيق

[marayf10]

يمكن عشآن تخصصي الحآلي "علم نفس" .. طيب إذآ مو موجوده لآزم أروح لهم
مآينفع أتصل عليهم؟ آسفه تعبتك معآيآ حبيبتي .. مآلي أحد غيركم بعد الله"

[ام حمدان]

المشاركة الأصلية كتبت بواسطة marayf10 يمكن عشآن تخصصي الحآلي "علم نفس" .. طيب إذآ مو موجوده لآزم أروح لهم مآينفع أتصل عليهم؟ آسفه تعبتك معآيآ حبيبتي .. مآلي أحد غيركم بعد الله"

اها والله يمكن
والله ماعندي رقم لهم للاسف بس في حل ثاني ممكن ترسلي معامله الكترونيه لهم من الاودس
وتطلبي اضافتها وان ماردوا عليك روحي لهم وشوفي ايش المشكله واذا قالوا ماينفع تضيفيها خلاص اكتفي باللي عندك وشدي حيلك فيهم وحاولي ماتقل درجاتك عن 80 او 75 كحد ادنى فالرايتنق والريدنق عشان يثبتونك فالقسم إن شاء الله

او لو تحبي ممكن تضيفي بدال الفرنسي ماده حره زي السيره النبويه والخلفاء الراشدين
موفقه ياعزيزتي

[&ديم&]

سهر
ايوا انا قلبي قارصني من شادن اكره اخد معاها مادة تعقدت منها لازم اخد معاها f
يعني خلاص احذف الفيكشن واخلي بس الدراما
شكرا حبيبي ويعطيكي الف عافية

[سهر]

المشاركة الأصلية كتبت بواسطة &ديم& سهر ايوا انا قلبي قارصني من شادن اكره اخد معاها مادة تعقدت منها لازم اخد معاها f يعني خلاص احذف الفيكشن واخلي بس الدراما شكرا حبيبي ويعطيكي الف عافية

وانتي مغمضه احذفي الفكشن وضيفي الدراما وبالتوفيق ياعسل

[desperate girl]

بنات الله يسعدكم أنا مستوى خامس وعندي مبادئ لغويات ومبادئ ترجمه ومبادئ بحث كيف أعرف إش الكتب وكيف شكلها ومن وين أجيبها الله يوفقكم ردو علي.

[ام حمدان]

المشاركة الأصلية كتبت بواسطة desperate girl بنات الله يسعدكم أنا مستوى خامس وعندي مبادئ لغويات ومبادئ ترجمه ومبادئ بحث كيف أعرف إش الكتب وكيف شكلها ومن وين أجيبها الله يوفقكم ردو علي.

ياحبيبتي تعرفيها من المفردات الي موجوده فالمرفقات فردي
وتروحي للمكتبات الي تبيعها زي جرير او تهامه او الاصلاح وتشتريها منهم
موفقه ياعزيزتي

[pop corn]

بنات لو سمحتوا كيف أعرف اش الكتب المقررة عشان أشتريها؟؟؟