لننتصر على الكيمياء

[Shy smile]

المشاركة الأصلية كتبت بواسطة زهرة الثلج معليش على المداخلة ..لكن ليش ماتذاكري الأسئلة والبنك ...يعني هي مش مهمة .. أنا صراحة ابغا وحدة تقول مهي مهمة عشان لآاذاكرها لأني (مش عايزة ازاكرها) يدوب اذاكر المحاضرات فقط.... ابغا الرد من الجميع ..الأسئلة مهمة الي بعد كل شابتر واسئلة البنك والى مش مهمة ( يمكن التمارين مهمة طيب اسئلة البنك ..

انا عن نفسي ما حذااكر البنك

لان دكتورتنا قالت لنا ان الاسئله من قسم البنااات والبنك مطلعينوا قسم البنين <<< يعني افهموها البنك ماله دااعي

وترى البنك شاامل الجزئياات اللي مهي معانا


ثانيا : قالت لنا الاسئله حتكون سهله وبنفس طريقه الامثله وماحيكون فيها لف ودورااان زي الاختباار الاول



وانتي قرارك بيدك انا عن نفسي يدوبك اذااكر السلايدات والامثله والتماارين


وكمان

[SoOoMa1990]

المشاركة الأصلية كتبت بواسطة υикиσωи صفحة 316 و 317 مو معانا ... اما الباقي ارجع لصفحة 3 من دا الموضوع ... والقانون حق 317 بما انو الصفحة مو معانا يعني القانون مو معانا .. اماا بالنسبة ل ص 322 ... ارجع لصفحة 3 او 4 في دا الموضوع..حتلاقي القانون ان شالله ...

مررررة مررررررررررررررة يعطيكي العافية .. :)
بس دحين عندي سؤال عالسريع ..
ايش هوا الalkali وalkalin على ما اعتقد كدا .. ؟؟

[υикиσωи]

<< الalkali عناصر اأ
عناصر alkalin earth l....عناصر 2أ


وبالنسبة لسؤالك داكا ليا رجعة ليلووو ان شالله ..
فتحت الكتاب حسيت كل معلوماتي حقت لويش اتبخرت ..
حأبكي ................

ازاكرو ارجع ...

[wow.]

سؤال في شابتر 14 سكشن 5
عن الchanges in temperature
ايش فيه
وسؤال 13-14 ابغى احد يفهمني

[زهرة الثلج]

المشاركة الأصلية كتبت بواسطة shy smile انا عن نفسي ما حذااكر البنك لان دكتورتنا قالت لنا ان الاسئله من قسم البنااات والبنك مطلعينوا قسم البنين <<< يعني افهموها البنك ماله دااعي وترى البنك شاامل الجزئياات اللي مهي معانا ثانيا : قالت لنا الاسئله حتكون سهله وبنفس طريقه الامثله وماحيكون فيها لف ودورااان زي الاختباار الاول وانتي قرارك بيدك انا عن نفسي يدوبك اذااكر السلايدات والامثله والتماارين وكمان

طيب السلايدات مهمة ....والتمارين قصدك الي ورا كل شابتر ..ودكتورتكم قالت على التمارين مهمو أو لا ...من هي دكتورتكم ..؟

[دانة الجنة]

بنات شابتر 8

صفحة 320 مثال 8.1
صفحة 321 representing free
صفحة 322 الشحنة الفعلية للنواة سالت دكتورتنا ما جاوبتني شيء مفيد عنها

ممكن احد يساعدني هذي االحاجة اللي فوق ما افهمتها .

أرجوكم << خخخخ متأثره بافلام كرتون ..

السلايدات مهمة احنا ما تشرح لنا منها

[υикиσωи]

المشاركة الأصلية كتبت بواسطة wow. سؤال في شابتر 14 سكشن 5 عن الchanges in temperature ايش فيه وسؤال 13-14 ابغى احد يفهمني

(14-5)
دا الكلام كلووووووو اخدنااااه في الثنوي وبالتفصيل
انصحك ترجعي لكتبنا الثنوي ازا بدك ...
بسس للاسف ما عندي ولا كتاب من الثنوي ...:(
<< الله يوفقك يا ابلة صفااااء ...

لو شاتليز بيقول انو ازا أثرنا ع التفاعل بأي ضفط ( تأثير << ما يقصد بالضغط اللي هوا البرشر ) ...يعني لو غيرنا تركيز او حجم او ضغط او حرارة ... فانو التفاعل حيتغير اتجاهو ويتحلو لحد ما يصل لحالة الاكواليبريم ( حالة الاتزان )

أدانا بعدين حالات الضغط الي قلنا عليها (الضغط stress مو pressure ) ...
1) ازا غيرنا في التركيز ..
ناخد كمثال دي المعادلة ..
3H2 + N2 = 2NH3
طيب بعد ما سرا التفاعل وخلص ووصل للاكواليبريم ...لو زودنا مثلا كمية الأمونيا( بعد الاتزان ) ..فانو التفاعل حيسير في الاتجاه العكسي (تعمل شفت للياسر )..عشان تصل لحالة الاتزان مرا تانية ...
يعني زودنا تركيز الأمونيوم ..فسار تركيزوووو أكتر من تركيز المتفاعلات ..فعشان يرجع التكيز متساوي ... حيتفعلو بالعكس ...<< مني عارفة اشرح ...:(
طيب ع نفس المعادلة ... لو غيرينا تركيز الهيدوجين مثلا ...!.!.!.
حنلاقي المعادلة تعمل شفت بالاتجاه الطردي ...يعني بالتجاه العادي ...( شفت لليمين )

طيب لو ما زودنا ...لو قللنا النيتروجين مسلا ...!.. حيسير تركيز المتفاعلات اقل من النواتج .. فحتتحرك التفاعل من النواتج للمتفاعلات ... في الاتجاه العكسي يعني (شفت تو لفت )

طيب بالنسبة لــkc هنا حيكون ثابت ...لانو لما بنغير في تركيز النوات ..حيتغير تبعا ليها تركيزو في المتفاعلات ..ساواء بنقص او زيادة ..


طيب الحالة التانية
2) ازا غيرنا في الحجم او الضغط ( متعلقين ببعض )
لما نزود الغط فاناا نزودو ع التفاعل ككل ... ما حيقولك زودنا الضغط ع المتفاعلات فقط او النواتج فقط ...!..!..حيزيد او يقل الضغط ع الاتنين سوا
طيب احنا نعرف زي ما اخدنا سابقا ( اظن شابتر 5 ) انو لما نزود الضغط ع طول الحجم حيقل
ولما نقلل الضغط الحجم حيزيد ...
فمثلا لو قلك قللنا الحجم ..ع طول اعرفي انو زودنا الضغط
وازا قالك زودنا الحجم ..يعني ع طول قللنا الضغط ..
ودائما حتتحرك المعادلة ازا زودنا الضغط من الجهة اللي عدد المولات فيها كتير للأقل ...
اما ازا قللناه حيكون العكس ..تتحرك المعادلة من الجهة اللي مولاتها اقل للاكتر ..

بعدين حاططلك شي مني دارية ايش اسمو ... <<بعد ما ازاكر اقولك اسمو ..
المهم رمزو Q...حأقولك ايش حكاية دا الشي في النهاية بعد ما نخلص من كل دي الاشياء ..

ونفس الحكاية بالنسبة للــkc حيكون ثابت ..لانو لما نزود الضغط او نقلوو حنزودو للاتنين ..بالتالي يزيد او ينقص التركيز للاتنين سواااا



تالت حالة ... 3) درجة الحرارة ...
عندنا نوعين من تفاعلات الحارارة ..
أ ) ماص للحرارة AH=+ ونسميه ...endothermic
ب) طارد للحرارة AH= - ونسميه ...exothermic
<< اتزكري الاسمين لانو معانا في الاحياء ...
ناخد دا المسال ع كل واحد فيهم ...
A + heat = B << دا حيكون ماص ..يعني يحتاج حرارة عشان يتم التفاعل ..و حتى الحاراة تكون في المتفاعلات ... والــAH حتكون بالموجب
A = B + heat << دا حلكون طارد ... حيطلع الحرارة اللي تنتج من التفاعل .. عشان كدا حتلاحظي الحارارة في النواتج ... والAH بالسالب
ملاحطة .. دارية حتسألو ايش AH ... هيا كمية الحراراة ..

طيب ناخد معادلة الماص ...A + heat = B .. ونشوف ايش حيسير لو زودنا او نقصنا ..
ازا زودنا الحرارة ... حيتجرك التفاعل من اليمين للياسر ... طبعا حتقل الa و b يزيد ..
<< عشان كدا قيمة الــkc حتتغير ...لانو kc = [alnwateg \ almotfa3elat] ..بالتالي اختلف تركيزاتهم ..فاحتلف ثابت الاتزان ... << وهنا حيزيد طبعا ... لانو الناوتج هو اللي يزيد
وطبعا العكس في حالة نقصنا الحرارة ... حيمشي بالعكس من اليسار لليمين ..


طيب بالنسبة لما يكون طارد للحرارة ..A = B + heat
ازا زودنا الحرارة ... فانو حعمل التفاعل شفت تو ليفت ... بالتالي يقل b ويزيد a ؟؟؟
والــkc تبعا لانو الــنواتج قلت (b) فحيقل هوا التاني كمانا ...
اما ازا قللنا الحراراة حيكون العكس


رباع حالة واخر وحدة
4) المواد الحافزة ..
دور المادة الحافزة حيكون في بداية التفاعل ..لانو هو حيويد من سرعة التفاعل ... بسس ما حيغير من تركيزاتها ... سو الــkc حتككون ثابتة ...
أعيد وأكررر دور الماداة الحافزة قبل الــequalibium ... يعني لو جبتي المادة الحافزة بعد ما سار التفاعل وخلص ..ما حيكون ليلو اي دور او اي تأثير ...
نكرر المرة العشرين .. دور المادة الحافزة بسس عشان يقلل الوقت حق التفاعل ..يعني يقلل الـrate of reaction ..
وطبعا طبعا ما حيسير في شفت للمعادلة ...

نلخصهم ...
في حالة تغير التركيز والضغط والحرارة ..
حيكون في shift للمعادلة .. << وانتي حتعرفلي شفت لاي جهة لكل واحد فيهم
بسس الــkc حيكون ثابت
في حالة تغير التمبرتشر ...
حيكون في shift للمعادلة ... والــkc حيتغير
في حالة المادة الحافزة ..
ما حيكون في shift .. والــkc ثابت



طيب في شي قلتلك حأقولو في النهاية ..اللي هواااا الــQ...<<اللي كنا نقولو في الثنوي ( رائز التفاعل ) <<< اكيد اتزكرتيه دحينا ...مو ..؟!
دا الشي عشان نحدد بيلو التفاعل واصل فين بالزبط ...
طريقتو انو يديكي قيم التركيزات ويقولك اكتشفي هوا في التفاعل ...!
Q= [alnwateg]\ (almotfa3elat
فازا كانت قيمتو Q > k فمناها انو قيمة النواتج أكبر ...سووو التفاعل حيروح باتجاه النواتج ... يعني شفت تو لفت ..
اما ازا كانت قيمة الــQ=K ... معناتووو انو النواتج والمتفاعلات تركيزهم واحد ..يعني احناااا هنا في حالة الاكواليبريم ...
اما ازا كانت قيمة الــQ < K ... فمعناااو قيمة المتفاعلات اكتر من النواتج ...يعني أكيد حيروح التفاعل لجهة النواتج ...يعني شفت تو رايت ..

بالتوفيق يا قلبي ...
اي سؤال انا راجعة بعد ما أبدأ مزاكرة ....


ازا في غلط في اي شي قلتو نبهوني لانو كتبتو مرة وحدة ..وما راجعت كلامي

[υикиσωи]

المشاركة الأصلية كتبت بواسطة دانة الجنة بنات شابتر 8 صفحة 320 مثال 8.1 صفحة 321 representing free صفحة 322 الشحنة الفعلية للنواة سالت دكتورتنا ما جاوبتني شيء مفيد عنها ممكن احد يساعدني هذي االحاجة اللي فوق ما افهمتها . أرجوكم << خخخخ متأثره بافلام كرتون .. السلايدات مهمة احنا ما تشرح لنا منها

كل الصفحات اللي ذكرتيها شرحناها باختصار في الصفحات السابقة
تقريبا 3 و 4 ..

اما لمثال لا ...ليا رجعة ليلو ان شالله تاني ..ازا محد جاوب قبلي ..

[υикиσωи]

Ex.8.1 ...... p.320 لعيون دانة الجنة ...

يقولك كتاين لذرة ..فليو 15الكترون .. << يعني دا عدد الالكترونات بعدد ما سار كتاين ...

طيب اول طلب يبا كم عدد الكترونات الخارجية حقتو ...
اسهل شي تسويه .. انك توزعي توزيع الاكتروني عايدي ...
X15 = 1S2 2S2 2P6 3S2 3P3
<<< شوفي كم عدد الاكلترونات الخارجية ...واضحة ..3 الكترونات...


طيب الفقرة اللي بعدها ... يقولك من عناصر ايش هيا ...!... دي نقدر نكتشفها برضو ع طول من التوزيع الاكتروني ...
بما انو آخر مجال P ومهو ممتلأ .. فحيكون طوالي من الــrepresentive element...اللي هيا العناصر الأساسية ..


<< أكيد انتي عارفة ازا كان اخر شي S ايش حيكون .. وازا d ايش ..وازا f ايش حيكون ...


الفقرة الاخيرة ... هل هوا داياماغنيتك ولا باراماغنيتك ...!؟
دا اخدناه سابقا ...
لو رسمنا الــP اوربيتال ... حنلاقي حيكون كدا ..
(!)(!)(!)
يعني في كل غرفة حنلاقي واحد الكترون مسكين ... ما هم زوج الاكتروني ...

يعني ع طول باراماجنيتك

[البادي]

يا جماعة الخير وش الشفاتر إلي معانا بالإختبار ؟؟! توي صاحي من بعد اختبار الإحصاء خخخخخخ