تجمع طالبات&طلاب قسم إدارة خدمات صحية و مستشفيات (انتظام)

[AnwaRoozo]

المشاركة الأصلية كتبت بواسطة miss rora السلام عليكم يا حلوين كيفكم ..؟ كيف تخصصنا معاكم ..؟ اممم عندي استفسار على دكتور اسماعيل أحس اني ضايعه مره بالإحصاء ومو عارفه شي كيف أسئلته وهل بس نذاكر الملزمه اللي يعطينا هي ,,؟ اممم أتمنى أحد يساعدني ويفيدني مأزمني الإحصاء مره .. ودكتور علاء شرحه حلو بس خايفه من اختباراته اللي اخذ معه ادارة استراتيجيه يفيدني أكون شاكره له جداً

بالنسبة للدكتور إسماعيل مادرست عنده بس بعض. الشباب درسو عنده ... ويقولو انه كويس
وأما بالنسبة للدكتور علاء لاتخافي أسئلته اختيار أو صح خطا وسؤال بسيط مقالي
ويحب الناس اللي تشارك معاه

[سما البحر]

السلام عليكم ورحمة الله وبركاته
كيفكم يا صبايا
صبايا أنا أخذت مقدمة اعمال مع الدكتوره امال
حبيت اسال الى اخذو الماده عندها هل اسئلتها من الكتاب ام من السلايدات

[_Sora]

المشاركة الأصلية كتبت بواسطة سما البحر السلام عليكم ورحمة الله وبركاته

المشاركة الأصلية كتبت بواسطة سما البحر كيفكم يا صبايا صبايا أنا أخذت مقدمة اعمال مع الدكتوره امال حبيت اسال الى اخذو الماده عندها هل اسئلتها من الكتاب ام من السلايدات

و عليكم السلام ورحمة الله وبركاته
مفردات المادة رفعتلك هيا ف المرفقات

+

هنا منتدى كلية الاعمال برابغ - تعليم عن بعد
ممكن يفيدوكِ أكتر هناك
منتدى كلية الاعمال - رابغ

موفقة : )

[mesho_banaamah]

يديكم العافيا بنات
بس عندي سؤال انا انتساب وحابه احول لانتظام هل راح تكون الدراسه في السلمانيه ولا الفيصليه ؟؟

[جامعي تحضيري]

يعطييكم العافية عالموضوع والحمدللخ استفدت منوو كثير

الحين ابغا اسال مو صح في اول ترم تكون في مادتين تخصص مقدمة في الرعاية و ادارة صحية

عادي لو درست بس مقدمة في الرعاية وبدال الادارة الصحية حطيت ثقافة ﻻنو الادارة الصحية تتعارض مع شعبة مبادئ المحاسبة ودكتورها مررة مزبوط وبس منزلين شعبة واحدة للادارة الصحية

وشكراا

[بنت الزهور]

اهلا و سهلا ي عسل
حياكي الله : )

دفعتنا مسوية قروب ع الفيسبوك تقريبا نصنا فيها
لو تحبي ارسليلي طلب اضافة و اضيفيك عادي : )

بس نحنا منهجنا كلو انجلش ما اظن ح تستفيدي كتير
قروب بنات الانتساب موجود في القسم هنا
حاولي تطلعي عليه يمكن تستفيدي اكتر

ايوا ورابط القروب موجود في الردود الاخير
موفقة أختي
[/center][/QUOTE]

ايش اسم قروبكم في الفيس بوك
انا ابغا انضاف معاكم
وانا دراستي بالانجلزي