طلاب وطالبات اللغة الإنجليزية دفعة 10 تعليم عن بعد.......

[الســــــــــاطع]

المشاركة الأصلية كتبت بواسطة برتني لا الشهادة الكبيره يقولوها ع الموت خخخخخخ اعوذ بالله باقي ماتهنيت بحياتي ... باقي احلم باليوم اللي اخذ فيه شهادة التخرج وشهادة العريس ههههههههههههههههه << ماتستحي

الله يوفق الجميع...... وعقبال ما تاخدين كل الشهادات اللي تتمنينها.......

[om_assil]

يعني الحين تنصحونا بالقسم ولا بيطلع عيونا يعني بصراحه يبغاله كم ساعه مذاكرة في اليوم يعني مثلا لو ساعه ممكن اقدر لو اكثر لا ماهيمديني فالله يسعدكم اللي مروق فيكم دحين ويبغى يفيدنا يكتبلنا تجربته
يعني يعطينا شوية معلومات وربي مايحرمكم الاجر ان شاء الله

[Last Hope]

المشاركة الأصلية كتبت بواسطة om_assil يعني الحين تنصحونا بالقسم ولا بيطلع عيونا يعني بصراحه يبغاله كم ساعه مذاكرة في اليوم يعني مثلا لو ساعه ممكن اقدر لو اكثر لا ماهيمديني فالله يسعدكم اللي مروق فيكم دحين ويبغى يفيدنا يكتبلنا تجربته يعني يعطينا شوية معلومات وربي مايحرمكم الاجر ان شاء الله

هلا بالاخت
القسم تختاريه اذا حاسه انك رح تمشي فيه، اما عن تجربتي بصراحة كنت حابه كتييير اتخصص في القانون بس وقتها طلبت مشورة الاهل ونصحوني ان الافضل اختار الانجلش وانا حسيت انو البديل الوحيد والحمد لله التخصص حلو وطبعي يميل لتعلم الغات للفائدة
وبالنسبة انو يطلع عيوننا ولا لا، الي طلعت عيني كانت الاحصاء والاستاذه الي درستنا، الي اسمها.......! ففي استاذات يتساهلوا معنا وفي لا !! ودا في اي تخصص.
المهم....المذاكرة تاخد منك وقت اكثر من ساعة اذا ماكنتي متمكنة من اللغة وساعة واقل اذا كنتي من مواليد اميركا مثلا!!
انت انتساب صح؟ التعليم عن بعد لازم تحسبي عدد الساعات الي رح تاخديها لحضور المحاضرات، كل مادة تقريبا ساعة وثلث

[om_assil]

اختي الكريمة last hope الله يجزاكي خير لردك وابشرك انا مدمنة انجليزي ههههههههههههه
من جد والله انا احب الانجليزي وحصيلتي فيه كويسه بس عندي مشكلة مع الجرامر بس انا شغالة على نفسي كويس ومستوايا كويس في المحادثة بس مشكلتي الازلية اني ماعندي وقت يعني انا موظفة وام لكتاكيت بس راح اقولك شي الرياضيات جابلي البلاء ودرجتي فيه يا دوبك نجحت والانجليزي 101 درجتي فيه 95 والالكا 102 جبت فيها 86 وانا والله ماذاكرت الا قبل الاختبار بيوم يعني الحمد لله بس لو المذاكرة هتاخذ مني وقت كثير فراح اتورط لاني عندي اشياء ثانية غير الدراسة بس انا ناوية اذا هحول انجليزي مارح احول الا وانا تعليم عن بعد يعني مارح اقدر عليه وانا انتساب وربي يوفقك يارب وبالله لو عندك نصيحه من هني ولا من هني لا تبخلي عليا فيها وجزاكي الله خير ان شاء الله

[Last Hope]

المشاركة الأصلية كتبت بواسطة om_assil اختي الكريمة last hope الله يجزاكي خير لردك وابشرك انا مدمنة انجليزي ههههههههههههه من جد والله انا احب الانجليزي وحصيلتي فيه كويسه بس عندي مشكلة مع الجرامر بس انا شغالة على نفسي كويس ومستوايا كويس في المحادثة بس مشكلتي الازلية اني ماعندي وقت يعني انا موظفة وام لكتاكيت بس راح اقولك شي الرياضيات جابلي البلاء ودرجتي فيه يا دوبك نجحت والانجليزي 101 درجتي فيه 95 والالكا 102 جبت فيها 86 وانا والله ماذاكرت الا قبل الاختبار بيوم يعني الحمد لله بس لو المذاكرة هتاخذ مني وقت كثير فراح اتورط لاني عندي اشياء ثانية غير الدراسة بس انا ناوية اذا هحول انجليزي مارح احول الا وانا تعليم عن بعد يعني مارح اقدر عليه وانا انتساب وربي يوفقك يارب وبالله لو عندك نصيحه من هني ولا من هني لا تبخلي عليا فيها وجزاكي الله خير ان شاء الله

ماشاء الله درجتك كويسة وطالما انك مدمنة انجليزي فاسئل الله ان يديمه عليك لان الادمان في امور اخرى امر سيئ ههههههههه
وبصراحة، معظم الي اعرفهم الي يحبوا الانجليزي مايحبوا الرياضيات والعكس كذلك والسبب اجهله

بعطيك فكرة عن التخصص لما يكون النظام عن بعد، رح تكون في اختبارات دورية خلال الترم ومنتديات تشاركي فيها ، وواجبات تعطيك هي الاستاذة ورح تحددلك مواعيد تسليمها
بالاضافة لوجود محاضرات كل اسبوع تحضريها.
عزيزتي الافضل تستخيري وتتاكدي هل نظام عن بعد رح يناسب وضعك كربة منزل وموظفة!
في مواضيع كثيرة بالمنتدى تستطيعي تاخدي فكرة واضحة عن النظام
توجد زميلات موظفات وامهات يدرسوا تعليم عن بعد وماشاء الله نظموا وقتهم وكل وحدة بطريقتها الي تشوفها مناسبة .
اتوقع اذا انتي اصلا تحبي الانجلش مارح تتعبي كتير لكن يحتاج فقط لتنظيم الوقت بطريقة او باخرى

واي سؤال حابة تطرحيها تفضلي ، حلو الواحد يخطط ويدرس خططه قبل مايبدا اي مشروع

[السميري...]

طيب الحين

المستوى الثالث فيه مادة عن اللغه الفرنسيه عن شنو تتكلم وهل هي سهله

ومواد الكتابه والقرامر والاستماع على ماذا تتكلم

بصراحه ابي مختصر للمواد حقت التخصص ومن جد هل المواد صعبه جدا

وشو تحتاااااااج

لاني تعليم عن بعد ومن جد خاااااااااااااااااااااااااايف

[السميري...]

من جد نبي تعطونا تجاربكم في تخصص اللغة الانجليزية من جد على ماذا يعتمد ...؟

[Last Hope]

ياناااااس ع اللغة الفرنسية رح توحشني المادة،،،،، بس هي صعبة حبتين صغيرتين كونها لغة جديدة علينا تماما!!! لو درسناها في مرحلة الايبتدائي زي بعض الدول كان مشي الحال :)
رح تتعلموا حروف واراقام وبعض الكلمات وشويتين قرامرات، بس لا تخافوا الي اعرفه انهم يخلوا الاساتذة المتميزين يدرسونا كونها لغة جديدة.
اما مادة الكتابة، فهي تعلم اساسيات الكتابة الصحيحة+ تعلم كتابة البرغرافات والمقالات، يحتاج منكم تتدربوا ع الكتابة بالانجلش كتير لانها مادة تعتمد ع مهارة الطالب بسسس وتتحاسبوا ع الفواصل والنقاط والكبيتل والسمول ليتر.... الخ
القرامر مفيش في مستوى الرابع والثالث، رح يكون في المستويات الاخرى المتقدمة
في السنة التحضيرية موجود لكن بمحتوى مبسط جدااا
مادة الاستماع،،، تعتبر سهله نوعا ما، محادثات واسئلة تتبعها، القواعد التي تحتاج تعلمها لمحادثة سليمة. و اي شي عن الكونفرسيشن.
توجد مادة اسمها القراءة، عبارة عن مقالات تقراؤها واسئلة تستنبطوا اجوبتها من المقالة نفسها

درجة صعوبة اي مادة انتم تحددوها لانها تعمتد ع اجتهاد كل واحد
ويا اخ السميري لا تجعل الخوف مسبقا هاجس يؤثر ع دراستك مستقبلا.
وعن تجربة شخصية،، كل ماخفت اشعر اني قد تراجعت

[om_assil]

تسلمي لذوقك ولردك اختي الكريمة last hope وانا استخرت كثير وحتى في الحرم استخرت لانه صراحة قرار مصيري خاصة وان الحمد لله معدلي ممتاز وخايفة ينقضي مع الانجليزي بس ان شاء الله ربنا مارح يسخرلي الا الخير وان شاء الله ربنا ييسرها للجميع ويوفقنا لما يحبه ويرضاه

[السميري...]

جزاكي الله كل خير

والله يكتب لنا ولكم الخير والخيرة