~~ شــــــتــــــات ~~ ♥ مُصرهـ علـى قــراري ♥..

[مصره على قراري]

عليِ
اليوم ان انتبه اكثر لجماليات الاشياء والاشخاص
اليوم الاحظ الخير والجمال فقط.

لعلي بذالك احسن من ذاتي .,

[مصره على قراري]

فرحت برجعت سنفوره حيل .,

من اكثر الاعضاء الي كنت ادخل مدوناتهم بستمرار << وهم قليل لسوء حظي:(


.,~

[مصره على قراري]

تهقون مسطرة المسافه مكسوره ولا وش السالفه





الي فهم له 10 ريال

[مصره على قراري]

34,250

^

هالرقم ذكرني بموقف بيني وبين ريم (اعز صديقاتي)

انا: ريمو معروض علي اطلع بحلقه من خواطر بس ابوي رافض
تتوقعين بلقى قبول عند الناس وبنشهر ويصير عندي فانز وحركات << اقولها مزح طبعا

ريم : اذا عبد الله بالخير له معجبين انتي ما يطلعلك <<

انا: وجع يوجعك انتقي تشبيهاتك اجل راسي براس عبد الله بالخير

ريم: استغفر الله يابنت للأمانه هو احسن <<


الشاهد من السابق

ان عدد المشاهدات لا يعني جودة الطرح

اللهم ارفع قلمي بالحق
ولا تجري على لساني الا الحق
واجعلني من اهل الحق

امين يارب .,~

[مصره على قراري]

ودي اسئلك .,

ايه انت ما غيرك ..؟

وش المغزى .,

[مصره على قراري]

ياما عطيت وللعطى كنت الاحوج .,

سمو البدر .,

[مصره على قراري]

اصعب الاشتياق عندما تشتاق لذاتك ., التي فقدتها

[مصره على قراري]

*

خذني لبلد مافي شوارعها مطر
دام المطر كله حنين
خذني لأماكن مزعجة للعابرين !
ما أبغى سكون ..
أخاف لحظه : أختلي مع ذاكره
مليانه وجيه وتعب .. !
و أحنّ له ..
و أنا صديق للظلام والمطر ..!
وعشان أحافظ ع الصبر ،
بصلي فرضي وأنام ..
أبكره الليل الطويل .. و أبعشق ( أزعاج النهار المزدحم ).
بس المهم ما أختلي مع ذاكره مليانه بـ وجيه وتعب ..!
و أكتب شعر ، إذا قريته بعد يوم أستنكره !!!
و أستغرب إني قد كتبته
( من كثر ما هو حزين )
يَ هو تعب اللي يسمونه حنين !

:'(

سمو البدر .,


^^

رائعه .,

بس المهم ما أختلي مع ذاكره مليانه بـ وجيه وتعب ..!
و أكتب شعر ، إذا قريته بعد يوم أستنكره !!!
و أستغرب إني قد كتبته
( من كثر ما هو حزين )

احيانا نكتب اشياء بسيطره من لحظات معينه
ولما نرجعلها نستنكرها فعلا

للبوح عدت اوجه بعضها ليست لنا

لعل ما نبوح به ونتبراء منه في حين

يكون وصف دقيق لوجع غيرنا ونحن لا نعلم

.,

[مصره على قراري]

سبحان من يربط على قلبي
لما اقابل اشخاص متأكده انهم يكرهوني و( ابتسم من قلب وبراحه )

ولما التفت يقولون : وش هالهبلا .,!

[مصره على قراري]

تناقشنا سوا وقلتلها اني دونت موقف حزين او سيئ حصلي من فتره في دفتري الخاص

وطلبت مني انشره

او بالاصح ادونه هنا .,

ونقولها حاضر .,~


طالبه فالصف الثالث ابتدائي
في امتحان القراءه (وقتها كانوا يختارولنا جزئيات نقرائها وناخذ عليها الدرجات النهائيه)

جاء دوري كنت في اخر القائمه والصف ايضا (عشان زحمة الكرسي المتحرك)

استاذتي الفاضله او (زي ماتربية اوصفها): لحول مريم
مالي خلق اقوم لعندك ياخي جابيلنا ..... <<(لفظ ما ينقال للامانه)
جيبولهم حد يشتغل عندهم مو نقوم ونقعد عشان حاظرها ......الخ

من الاسلوب اللاذع بالوصف والتعامل

كله عشان مالها خلق تقوم لمكاني وتحدد لي الجزئيه الي اقرائها

(ساحبين منا كتبنا ولا كان فتحت كتابي وخلصت)

ردت فعلي بكل بساطه

استاذه اقدر اتحرك لعندك دقيقه بس .,

كنت قادره اتحرك وسندت من طاوله لطاوله لحد ماوصلت عندها

وظليت واقفه واقراءة واقفه (رغم انوا كل الطالبات كانوا يقرأون جالسين)

طبعا مسنده على الطاوله ماكنت اقدر اوقف لوحدي

بنص القراءه قالت: اجلسي ياماما وش فيك واقفه

قلت امي مو مثلك ولا عمرها بتكون

للامانه كنت ومازلت سريعه بردودي وحاده وما اهاب احد

^^

ايش بتخسر لو هزت طولها شوي وقامت لطاولتي او مدت الكتاب من بنت لبنت لحد ما يوصلي
او ارسلت اي بنت من القريبين عليها .,؟

شخصيه مريضه .,

قابلتها قريب وبمكان ما كانت متخيله اني اوصله

بس وقتها انقلبت الادوار انا (المسؤوله) وهي (الي لها حاجه)

عرفتها كويس وبدلت بيني وبين صاحبتي عشان ما تعرفني وتنحرج

بس عرفتني وسكتت اظن انو كانت تفكر تترك المكان
بس ماقدرت لان ورقها خلاص صار على طاولتي .,

درستني بالابتدائي والمتوسط وطول هالسنوات بنفس الاسلوب
رغم اني تعافيت

بس استمرت تناديني بالوصف الي تركته فراغ ., فوق


الدنيا صغيره ., وتدور ., لازم نقدر هالشي

ومن فتره قريبه دارت بينا

بس ماتربيت على اني استغل هالشي


^

هذا احد المواقف يا نيرو
كتبته هنا زي ما طلبتي .,